தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
சிவகார்த்திகேயன் நடித்த ரெமோ மற்றும் வேலைக்காரன் படங்களை தயாரித்த நிறுவனம் 24 AM STDUDIOS.
தற்போது சிவகார்த்திகேயன் நடிப்பில் பொன்ராம் இயக்கி வரும் சீமராஜா படத்தை தயாரித்து வருகிறது.
இந்நிலையில் இன்று மே 29ஆம் தேதி ஒரு முக்கிய அறிவிப்பை வெளியிடவுள்ளதாக அந்த நிறுவனம் அறிவித்திருந்தது.
அதன்படி சற்றுமுன் அந்த அறிவிப்பை வெளியிட்டுள்ளனர்.
‘அருவி படத்தை இயக்கிய அருண் பிரபு புருஷோத்தமன் இயக்கத்தில் ஒரு படத்தை தயாரிக்கிறது.
இந்த படத்திலும் ‘அருவி’ படத்தில் படத்தொகுப்பாளராக பணிபுரிந்த ரேமண்ட் படத்தொகுப்பாளராக பணிபுரியவிருக்கிறார்.
இந்த படத்திற்கு ‘மேயாத மான்’ படத்தின் இசை அமைப்பாளர்களில் ஒருவரான பிரதீப் குமார் இசை அமைக்கிறார்.
இந்த படத்தின் பூஜை இன்று குமுளி அருகில் ஒரு இடத்தில் நடந்துள்ளது.
இந்த பூஜையில் ‘24 ஏம்.ஸ்டுடியோஸ்’ தயாரிப்பாளர் ஆர்..டி.ராஜா, இயக்குனர் அருண் பிரபு புருஷோத்தமன், எடிட்டர் ரேமண்ட், லயோலா கல்லூரி புரொஃபசர் ராஜநாயகம் முதலானோர் கலந்துகொண்டுள்ளனர்.
இது தொடர்பான புகைப்படங்களை இணையத்தில் வெளியிட்டுள்ளனர்.