தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
தமிழ் சினிமாவில் நாயகர்களை மாஸ் ஹீரோக்களாக காட்டி பல படங்கள் வந்து கொண்டுஇருக்கின்றன. இது எழுதப்படாத விதியோ? என்னவோ.?
எப்போதும் ஹீரோக்களுக்கு மட்டுமே முக்கியத்துவம் இருக்கும் படங்களில் பிரபல நாயகி இருந்தாலும் அவருக்கு பெரிதாக ஸ்கோப் இருக்காது.
எனவே தங்களுக்கு முக்கியத்துவம் உள்ள கதைகள் கிடைக்காதா? என பல நாயகிகள் கனவு கண்டு வருகின்றனர்.
1990களில் நடிகை விஜயசாந்திக்கு அதுபோல கதையம்ச படங்கள் பல கிடைத்தன. ஹீரோக்களை ஓரம் கட்டி விட்டு அதிரடியாக பல ஆக்ஷன் படங்களை கொடுத்தார்.
பி வாசு இயக்கிய ‘மன்னன்’ படத்தில் ரஜினிக்கு நிகராக விஜயசாந்திக்கும் சம்பளம் கொடுக்கப்பட்டது குறிப்பிடத்தக்கது.
1980 – 90களில் மறைந்த இயக்குனர் கே பாலச்சந்தர் இயக்கிய பல படங்களில் நாயகிகளுக்கு முக்கியத்துவம் கொடுக்கப்பட்டிருக்கும். எனவே தான் இவரது படங்களில் நடித்த ரேவதி சரிதா சுகாசினி உள்ளிட்ட பல நடிகைகளுக்கு இன்று வரை நல்ல பெயர் உண்டு.
அதுபோல ஏவிஎம் நிறுவனமும் நாயகிகளுக்கு முக்கியத்துவம் கொடுத்து பல படங்களை தயாரித்துள்ளது. அந்த வரிசையில் தற்போது ட்ரீம் வாரியர்ஸ் நிறுவனம் இணைந்துள்ளது என்று சொன்னால் அது மிகையல்ல.
சமீபகாலமாக பெண்களுக்கு முக்கியத்துவம் கொடுக்கப்பட்டு வரும் படங்களை தயாரித்து வருகிறது ட்ரீம் வாரியர்ஸ் பிக்சர்ஸ். இதன் தயாரிப்பாளர்கள் எஸ் ஆர் பிரகாஷ் மற்றும் எஸ் ஆர் பிரபு ஆகியோர் தரமான படங்களை தமிழ் சினிமாவுக்கு கொடுத்து வருகின்றனர்.
இதுவரை 41 படங்களை தயாரித்த நிலையில் இன்று ஜூலை 15ஆம் தேதி இவர்களது 42வது படத்தின் அறிவிப்பை வெளியிட்டுள்ளனர்.
இந்த படத்தில் நாயகியாக கீர்த்தி சுரேஷ் நடிக்கிறார். இதற்கு முன்பு ட்ரீம் வாரியர்ஸ் தயாரித்த அதிதி பாலன் நடித்த ‘அருவி’, ஜோதிகா நடித்த ‘ராட்சஷி’, நயன்தாரா நடித்த ‘ஓ2’, ஐஸ்வர்யா ராஜேஷ் நடித்த ‘ஃபர்ஹானா’ ஆகிய படங்களில் ஹீரோயின்கள் முதன்மையாக சித்தரிக்கப்பட்டிருந்தனர்.
இந்த படங்களை அனைத்தும் ரசிகர்கள் மத்தியில் நல்ல வரவேற்ப்பை பெற்றது.
ட்ரீம் வாரியர்ஸ் இன்று ஜூலை 15ஆம் தேதி புதிய படத்தின் அறிவிப்பை வெளியிட்டுள்ளது.
இந்த படத்தில் நாயகியாக கீர்த்தி சுரேஷ் நடிக்கிறார்.
இந்த படத்திற்கு ‘கண்ணிவெடி’ என தலைப்பிட்டு இந்த படத்தின் பூஜை இன்று நடைபெற்றுள்ளது.
கணேஷ் ராஜ் என்பவர் இந்த படத்தை இயக்க விஜே ரக்க்ஷன் முக்கிய வேடத்தில் நடிக்கிறார்.
மற்றொரு முக்கிய வேடத்தில் நமிதா கிருஷ்ணமூர்த்தி நடிக்க மாதேஷ் மாணிக்கம் என்பவர் ஒளிப்பதிவு செய்கிறார்.
Dream Warriors Kannivedi starring Keerthy