தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
‘மாநாடு’ படத்தின் மிகப்பெரிய வெற்றியை தொடர்ந்து சிம்புவின் மார்கெட் மீண்டும் உயரத் தொடங்கியுள்ளது.
இப்படத்தை பார்த்த சூப்பர் ஸ்டார் ரஜினி அவர்கள் வெங்கட் பிரபு, சிம்பு, எஸ்ஜே சூர்யா ஆகியோரை போனில் அழைத்து பாராட்டு தெரிவித்து இருந்தார்.
தற்போது ஐசரி கணேஷ் தயாரிப்பில் கெளதம் மேனன் இயக்கத்தில் ‘வெந்து தணிந்தது காடு’ என்ற படத்தில் நடித்து வருகிறார் சிம்பு.
ஏப்ரல் மாதம் 14 ஆம் தேதி இப்படத்தை வெளியிட படக்குழு திட்டமிட்டுள்ளதாக கூறப்படுகிறது.
மேலும் கோகுல் இயக்கத்தில் கொரோனா குமார், கிருஷ்ணா இயக்கத்தில் பத்து தல மற்றும் ஏ.ஜி .எஸ் தயாரிப்பில் ஒரு படம் என படு பிஸியாக வலம் வரத் தொடங்கியுள்ளார் சிம்பு.
இதனிடையில் கிருஷ்ணா இயக்கத்தில் உருவாகும் ‘பத்து தல’ படத்தில் ‘மாநாடு’ பட புகழ் எடிட்டர் பிரவீன் இணைந்துள்ளார் என அறிவித்துள்ளனர்.
இவர் ‘ஆரண்ய காண்டம்’ படத்துக்காக 2012ல் தேசிய விருது வென்றார் என்பது குறிப்பிடத்தக்கது.
ஞானவேல் ராஜா தயாரிக்கும் ‘பத்து தல’ படத்தில் சிம்புவுடன் கெளதம் கார்த்திக், பிரியா பவானி சங்கர், டீஜே அருணாச்சலம் ஆகியோர் இணைந்து நடிிி்த்து வருகின்றனர்.
AR ரஹ்மான் இசையமைத்து வருகிறார்.
இந்த நிலையில் பிப்ரவரி 3ல் சிம்பு தனது பிறந்த நாளை கொண்டாடவுள்ளார்.
இதனை முன்னிட்டு ‘பத்து தல’ படம் சார்பாக ரசிகர்களுக்கு விருந்தளிக்க படக்குழு முடிவு செய்துள்ளது.
ஸ்டூடியோ க்ரீன் தன் ட்விட்டர் பக்கத்தில்… #Feb3rd | #Atman ?❤️?என பதிவிட்டுள்ளனர்.
Pathu Thala – Surprise update on STR’s birthday