LKG படத்திற்கு 5AM காட்சி; விஷ்ணு விஷால் & RJ பாலாஜி திடீர் மோதல்

Vishnu Vishal and RJ Balaji have nasty fight regarding LKG 5am showரஜினி, விஜய், அஜித், சூர்யா உள்ளிட்ட டாப் ஹீரோஸ் படங்களுக்கு மட்டுமே அதிகாலை 4 மற்றும் 6 மணி காட்சிகள் திரையிடுவது வழக்கம்.

தற்போது அது நீண்டு தனுஷ், சிம்பு, சிவகார்த்திகேயன், கார்த்தி, விஜய்சேதுபதி ஆகியோர் படங்களுக்கும் திரையிடப்பட்டு வருகிறது.

இவையில்லாமல் நடிகைகளில் நயன்தாரா படத்திற்கும் திரையிடப்பட்டது.

தற்போது ஓவியா நடித்துள்ள 90எம்எல் படத்திற்கு மார்ச் 1ஆம் தேதி அதிகாலை காட்சி இருக்கும் எனத் தெரிய வந்துள்ளது.

இந்நிலையில் இந்த வாரம் வெளியாகவுள்ள எல்கேஜி படத்திற்கு சென்னை ரோகிணி தியேட்டரில் அதிகாலை 5 மணிக்கு சிறப்பு காட்சி திரையிடப்பட உள்ளதாக அறிவித்துள்ளனர்.

இதனையறிந்த நடிகர் விஷ்ணு விஷால், “காலை 5 மணி காட்சி அதன் மதிப்பை இழந்து வருகிறது. தந்திரமாக மாறிவிட்டது” என்று மறைமுகமாக சாடியிருக்கிறார்.

இதற்கு பதிலடி கொடுக்கும் வகையில் ஆர்.ஜே.பாலாஜி, “நானும் எல்.கே.ஜி படத்துக்கான காலை 5 மணிக் காட்சி தந்திரம் என்றே நினைத்தேன். பிறகு திரையரங்க உரிமையாளரிடம் நேரடியாகக் கேட்டு உறுதி செய்துகொண்டேன்.” எனத் தெரிவித்துள்ளார்.

மேலும் எங்களுக்கு யாருடைய சிபாரிசும் இல்லை. மெரிட் அடிப்படையில் சிறப்பு காட்சி கிடைத்துள்ளது.

இந்த சிந்தனைக்கு ஓய்வு கொடுங்கள். மற்றவர்கள் உழைப்புக்கு மதிப்பளியுங்கள், உங்கள் மதிப்பு உங்களுக்குக் கிடைக்கும்” என்று தனது தெரிவித்துள்ளார்.

எனவே ஆர்.ஜே.பாலாஜிக்கு விஷ்ணு விஷால் பதிலளித்துள்ளதாவது…

“உங்களைச் சுற்றியிருப்பவர்களை முதலில் மதிக்கக் கற்றுக்கொள்ளுங்கள். சினிமாவுக்கு வருவதற்கு முன் நீங்கள் என்ன செய்தீர்கள். அப்போது நடிகர்களுக்கு எவ்வளவு மரியாதை கொடுத்தீர்கள் என்பது உங்களுக்கு நினைவிருக்கிறதா இல்லையா என்பது எனக்குத் தெரியவில்லை.

உங்கள் உழைப்பை மட்டுமில்லாமல் அனைவரின் கடின உழைப்பையும் மதியுங்கள்.

நான் எனக்கான அங்கீகாரத்தைப் பெறுகிறேன். நான் வெற்றிக்காக மக்களின் உணர்வுகளை பயன்படுத்திக் கொள்ளவில்லை என்பதில் எனக்கு மகிழ்ச்சி” என்று தெரிவித்துள்ளார்.

இப்படியாக இருவரும் மாறி மாறி மோதிக் கொண்டுள்ளனர்.

பின்னர் இருவரும் போனில் பேசி பிரச்சினையை முடித்துவிட்டதாக கருத்து தெரிவித்துள்ளனர்.

Vishnu Vishal and RJ Balaji have nasty fight regarding LKG 5am show

Overall Rating : Not available

Related News

அரசியல் நையாண்டியை அடிப்படையாகக் கொண்ட படங்கள்…
...Read More
வேல்ஸ் ஃபிலிம் இண்டர்நேஷனல் சார்பில் டாக்டர்…
...Read More

Latest Post