தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
ஒன்றாக படித்தால் கிளாஸ்மேட்ஸ்.. Class
ஒன்றாக குடித்தால் கிளாஸ்மேட்ஸ்.. Glass
ஸ்டோரி…
நாயகன் அங்கையற்கண்ணனம் அவரது மாமா சரவண சக்தியும் பெரும் குடிமகன்கள்.. இவர்கள் குடிக்காத நிமிடம் நொடி இல்லை என்னும் அளவுக்கு குடியில் மூழ்கிக் கிடக்கிறார்கள்.
ஆனால் இவரது மனைவிகளோ மாமா மாமா என்று பாசம் காட்டும் குடும்பத்து பெண்மணிகள்..
ஒரு கட்டத்தில் இவர்களது குடியினால் இந்த ஊரும் இவர்களது நண்பர்களும் எப்படி எல்லாம் சீரழிகிறார்கள்.. இதனால் இவர்களுக்கு என்ன பாதிப்பு. என்பதுதான் படத்தின் மீதிக்கதை.
கேரக்டர்ஸ்…
அங்கையற்கண்ணன்… தயாரிப்பாளரே கதையின் நாயகனாக நடித்திருக்கிறார்.. தன்னால் எவ்வளவு முடியுமோ அவ்வளவு குடித்திருக்கிறார்.?! சாரி நடித்திருக்கிறார்..
நாயகனின் மாமனாக இயக்குனர் சரவணசக்தி. அவரும் பல படங்களில் குடிகாரன் வேடம் ஏற்று அசத்தியிருக்கிறார். இதில் எக்ஸ்ட்ராவா குடித்திருக்கிறார்.
24 மணி நேரமும் குடியில் மூழ்கிக் கிடக்கும் ஒரு குடும்பத் தலைவனை நிச்சயமாக பெண்கள் திட்டி தீர்த்து இருப்பார்கள்.. ஆனால் இதில் பாசம் மழை பொழிவதும் அவர்களுக்கு பணம் கொடுப்பதும் சாத்தியமா?
மறைந்த நடிகர் மயில்சாமிக்கும் இதில் குடிகாரர் வேடம் தான். ஆனால் கொஞ்சம் நல்லவராக இருந்து திடீரென குடிகாரனாக மாறி விடுகிறார்..
இதில் ‘நல்லவன் குடித்தால் குழந்தை.. கெட்டவன் குடித்தால் கொலைகாரன் என்ற தத்துவமும் பேசுகிறார்..
குடிகாரனை திருத்தும் டாக்டராக டி எம் கார்த்திக் நடித்திருக்கிறார். இவரையும் குடிகாரனாக மாற்றி விடுகிறார்கள் கதையின் நாயகர்கள்..
சாம்ஸ்.. இவர் வெளிநாட்டில் ஒழுங்காக வேலை பார்த்து தன் தங்கைகளை திருமணம் முடித்த நல்ல மகனாக இந்தியா திரும்பி வருகிறார். ஆனால் ஒரு கட்டத்தையும் இவரையும் குடிமகனாக மாற்றி விடுகிறார்கள்.. இவர் செய்யும் சேட்டைகள் சிரிப்பை வரவழைக்கிறது..
அபிநட்சத்திரா கேரக்டர்.. நார்மலாக ஆரம்பித்து பின்னர் அதிர்ச்சி அளிக்கிறது.. குடிகார தந்தையை இழந்த பின்னர் இவர் எடுக்கும் முடிவு குடிகாரர்களுக்கு செருப்படி..
நாயகனுக்கு மனைவியாக பிரணா.. அப்பாவி அன்பான மனைவி.. தன்னைக் கணவன் குடித்துவிட்டு அடித்தாலும் குடும்ப கௌரவத்திற்காக வாழும் பெண்களின் நிலையை இவரது கேரக்டர் காட்டுகிறது.
சரவணசக்திக்கு மனைவியாக நடித்த நடிகை வசீகரிக்கிறார்..கணவன் தினமும் குடித்தால் மனைவி தடம் மாறக்கூடும் என்ற மனநிலையை இவரது கேரக்டர் காட்டுகிறது.
டெக்னீசியன்ஸ் …
படத்தின் ஒளிப்பதிவும் படத்தொகுப்பும் சுமார் ரகமே.. இயக்கம் ‘குட்டிப்புலி’ சரவண சக்தி.
வாடா மச்சி கட தொறந்தாச்சு’, ‘அடிக்கிற பொண்டாட்டி தெருவுல நிப்பாட்டி’ பாடல்கள் குடிகாரன்களை ஆட்டம் போட வைக்கும்.. மது பிரியர்களை மயக்கும் மது பாடலாக அமைந்திருக்கிறது.
பொதுவாகவே தற்போது தமிழ் சினிமாவில் மது சீன்கள் TASMAC அதிகமாகவே காணப்படுகின்றன.. இந்த படத்திற்கு கிளாஸ்மேட்ஸ் என பெயர் வைத்துவிட்டார். அது இல்லாத காட்சிகளை நாம் எதிர்பார்க்க முடியுமா? படத்தில் 95% மதுவை காட்டிவிட்டு 5% அட்வைஸ் செய்து படத்தை முடித்து இருக்கிறார் இயக்குனர் சரவண சக்தி.
குடிகாரர்கள் இல்லை என்றால் அரசு இல்லை.. அரசுக்கு வருமானம் இல்லை என்பதை ஆணித்தரமாக சொல்லி இருக்கிறார்..
ஆக தன்னையும் அழித்துவிட்டு தன் நண்பர்களையும் குடும்பத்தையும் அழிக்கும் இந்த ‘கிளாஸ்மேட்ஸ்’ படத்தை நீங்கள் பார்க்க விரும்பினால் உங்க விருப்பம்..
GLASSMATES movie review and rating in tamil