தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
ரஜினிகாந்த் நடித்துள்ள ‘காலா’ படம் உலகமெங்கும் வரும் ஜூன் 7ம் தேதியன்று வெளியாக உள்ளது.
தமிழ், தெலுங்கு, ஹிந்தி ஆகிய 3 மொழிகளில் இப்படம் வெளியாகிறது.
தமிழகத்தில் இப்படத்திற்கு இசை வெளியீட்டு விழா மிகப்பிரம்மாண்டமாக நடத்தப்பட்டது.
ஆனால் தூத்துக்குடி துப்பாக்கி சூடு விவகாரத்தைக் காரணம் காட்டி, தெலுங்கு மற்றும் ஹிந்தியில் பாடல்கள் வெளியீட்டு விழாவை நடத்த ரஜினிகாந்த் மறுத்துவிட்டார்.
இருந்தபோதிலும் காலாவுக்கு பெரும் எதிர்பார்ப்பு இருந்து வருகிறது.
இந்நிலையில் படத்தை கர்நாடகாவில் வெளியிட கர்நாடகா திரைப்பட வர்த்தகை சபை தடை விதித்துள்ளது.
மக்கள் விரும்பினால் படத்தை வெளியிடுவோம் என கர்நாடக முதல்வர் குமாரசாமியும் கூறிவிட்டார்.
ரஜினிகாந்த்தே நேரடியாக களத்தில் இறங்கினால் ஏதாவது நடக்க வாய்ப்புள்ளது.
ஆனால், அரசியலில் ரஜினி இறங்கவிருப்பதால் தமிழகத்திற்கு எதிராக ரஜினியும் எதையும் செய்ய மாட்டார். மேலும் தற்போது தமிழக அரசியல் சூழ்நிலையில் மிகவும் மோசமாக உள்ளதால் கடும் விமர்சனங்களை அவர் சந்திக்க நேரிடும்.
எனவே கர்நாடகத்தில் காலா வெளியாவது சந்தேகம்தான்.
கர்நாடகாவில் ‘காலா’ வெளியாகவில்லை என்றால் சுமார் ரூபாய் 20 கோடி வரை நஷ்டம் ஏற்படும் என்கிறார்கள். இருப்பினும் அந்தத் தொகையை வேறு வழியில் ஈடு செய்துவிடலாம் என்று நினைக்கிறார்களாம் படக்குழுவினர்.
தமிழகத்திற்காக காவிரிக்காக ‘காலா’வை கர்நாடகாவில் தியாகம் செய்துவிட்டார் என்ற பெயர் நிச்சயம் ரஜினிக்கு நிச்சயம் கிடைக்கும் என்பதில் ஐயமில்லை.
எனவே தமிழகத்திற்கு வந்துதான் கர்நாடக ரஜினி ரசிகர்கள் காலாவை பார்க்க வேண்டிய சூழல் ஏற்படும் எனத் தெரிகிறது.
Rajinikanths Kaala movie will not release in Karnataka