தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
ரஜினிகாந்த் தற்போது நெல்சன் இயக்கத்தில் உருவாகும் ‘ஜெயிலர்’ படத்தில் நடித்து வருகிறார்.
இந்த படத்தில் மோகன்லால், சிவராஜ்குமார் உள்ளிட்ட இந்தியாவின் பிரபல நட்சத்திரங்கள் ரஜினியுடன் நடித்து வருகின்றனர்.
இந்தப் படத்தை ஆகஸ்ட் அல்லது செப்டம்பரில் வெளியிடப்பட திட்டமிட்டுள்ளதாக கூறப்படுகிறது.
இதனிடையில் தன்னுடைய மகள் ஐஸ்வர்யா இயக்கும் ‘லால் சலாம்’ என்ற படத்தில் கெஸ்ட் ரோலில் நடித்து வருகிறார் ரஜினி.
இந்தப் படங்களைத் தொடர்ந்து லைக்கா நிறுவனம் தயாரிப்பில் ‘ஜெய்பீம்’ இயக்குனர் ஞானவேல் இயக்கத்தில் ஒரு படத்தில் நடிக்க உள்ளார் ரஜினிகாந்த்.
இந்த படங்களை முடித்த கையோடு லோகேஷ் கனகராஜ் இயக்கவுள்ள ஒரு படத்தில் ரஜினி நடிக்க ரெடியாகி வருவதாகவும் தகவல்கள் வந்துள்ளன.
இது ரஜினி நடிப்பில் உருவாகும் ‘தலைவர் 171’ வது படமாகும். இந்த படத்தையும் தன்னுடைய வழக்கமான பாணியான கேங்ஸ்டர் கதையாக உருவாக்க இருக்கிறாராம் லோகேஷ் கனகராஜ்.
ரஜினிகாந்த் பல கேங்ஸ்டர் கதைகளில் நடித்திருதாலும் அவரது கேரியரில் பில்லா, பாட்ஷா, கபாலி, காலா படங்களை அந்த வரிசையில் சொல்லலாம்.
லோகேஷ் இயக்கவுள்ள இந்த புதிய படம் ரஜினிக்கு மீண்டும் ஒரு பாட்ஷாவாக அமையும் என தகவல்கள் வந்துள்ளன.
இந்த படத்தை கிட்டத்தட்ட ரூ 250 கோடியில் உருவாக்க திட்டமிட்டு இருப்பதாகவும் சொல்லப்படுகிறது.
ரஜினி இதுவரை 170 படங்களில் நடித்தாலும் தன்னுடைய வாழ்க்கையில் மறக்க முடியாத வரிசையில் பாட்ஷா படத்தை என்றுமே சொல்லுவார்.
அவருக்கு மீண்டும் ஒரு ‘பாட்ஷா’ கிடைத்தால் அது நிச்சயம் ஒரு பாதுஷாவாக இருக்கும் என நம்பலாம்.
Rajinikanth’s film with Lokesh Kanagaraj to be titled ‘Thalaivar 171’