‘காலா’ & ‘வலிமை’ பட ஹூமா குரேஷியின் DOUBLE XL அப்டேட்

‘காலா’ & ‘வலிமை’ பட ஹூமா குரேஷியின் DOUBLE XL அப்டேட்

‘வலிமை’ திரைப்படத்தில் அஜித்துடன் இணைந்து நடித்தவர் நடிகை ஹூமா குரேஷி.

சூப்பர் ஸ்டார் ரஜினிகாந்த் நடித்த ‘காலா’ திரைப்படம் மூலம் தமிழில் அறிமுகமானவர் ஹூமா என்பது குறிப்பித்தக்கது.

‘வலிமை’ படத்தில் ஹூமாவின் நடிப்புக்கு ரசிகர்களிடமிருந்து அன்பும் பாராட்டும் குவிந்து வருவதால், நடிகை ஹூமா குரேஷி மகிழ்ச்சியில் இருக்கிறாராம்.

அவரது ஆக்சன் காட்சிகளும் அவருக்கு சிறப்பான பாராட்டுகளை பெற்று தந்துள்ளது.

இதுகுறித்து ஹுமா குரேஷி கூறியதாவது..,

“அஜித் ரசிகர்களின் அளவற்ற அன்பும், பாசமும் வியப்பாக உள்ளது.

அவரது ரசிகர்களுக்கு எனது நன்றி. அஜித்துடன் பணிபுரிய வேண்டும் என்கிற எனது நீண்ட நாள் கனவு தற்போது நனவாகியுள்ளது.

இந்த கேரக்டரை பரிசளித்த அஜித், போனி கபூர் மற்றும் இயக்குனர் .வினோத் ஆகியோருக்கு நன்றி” என தெரிவித்துள்ளார்.

தற்போது, ஹுமா குரேஷி, நடிகர் மஹத் ராகவேந்திராவுடன் “டபுள் எக்ஸ்எல்” திரைப்படத்தில் நடித்து வருகிறார். மேலும் பல்வேறு பிராந்திய மொழிகளில் பல முக்கிய படைப்புகளில் பணிபுரிந்து வருகிறார்.

தற்போது அதிகம் எதிர்பார்ப்பிற்கு உள்ளாகியிருக்கும் இந்தி திரைப்படமான ‘கங்குபாய் காத்தியாவதி’ படத்தில் சிறப்பு தோற்றத்தில் நடிக்கிறார், அதைத் தொடர்ந்து ‘மித்யா’ என்ற வெப் சீரிஸ், நெட்ஃபிக்ஸ் ஒரிஜினல் ‘மோனிகா, ஓ மை டார்லிங்’ ஆகியவற்றில் நடிக்கிறார்.

Kaala Valimai fame Huma Qureshis DOUBLE XL updates

‘வலிமை’ 14 நிமிட காட்சிகள் நீக்கம்..; ஓடிடி ரிலீஸ் தேதி அப்டேட்

‘வலிமை’ 14 நிமிட காட்சிகள் நீக்கம்..; ஓடிடி ரிலீஸ் தேதி அப்டேட்

வினோத் இயக்கத்தில் அஜித்குமார் நடிப்பில் வெளியான திரைப்படம் ‘வலிமை’.

போனிகபூர் தயாரித்துள்ள இந்த படத்திற்கு யுவன் இசையமைத்துள்ளார். ஜிப்ரான் பின்னணி இசையமைத்துள்ளார்.

இப்படம் கலவையான விமர்சனங்களை பெற்றாலும் ஓரிரு தினங்களுக்கு வசூல் வேட்டையாடி வருகிறது.

இந்த படத்தின் பெரும் குறையாக கூறப்பட்டது படத்தின் நீளம்தான். கிட்டத்தட்ட மூன்று மணி நேரம் படம் இருந்தது.

இந்த நிலையில் 14 நிமிட காட்சிகள் ஆங்காங்கே நீக்கப்பட்டுள்ளது.

இதனையடுத்து இன்று பிப்ரவரி 26 முதல் வலிமை படத்தின் புதிய வெர்ஷனை திரையில் கண்டு கொள்ளலாம்.

இந்த படத்தின் தமிழ், தெலுங்கு ஹிந்தி உள்ளிட்ட அனைத்து மொழி உரிமைகளையும் ஜீ நிறுவனம் ரூ 66 கோடிக்கு மேல் வாங்கியதாக கூறப்படுகிறது.

எனவே வலிமை படத்தை மார்ச் 3ஆம் வாரத்தில் ஜீ5 ஓடிடி தளத்தில் வெளியிட படக்குழு முடிவு செய்துள்ளதாம்.

Valimai OTT release details here

சரசரவென வளரும் கார்த்தி – மித்ரன் கூட்டணியின் ‘சர்தார்’

சரசரவென வளரும் கார்த்தி – மித்ரன் கூட்டணியின் ‘சர்தார்’

தமிழின் முன்னணி நட்சத்திரமான கார்த்தி, பிரபல இயக்குநர் P.S.மித்ரனுடன் முதன்முறையாக இணையும் “சர்தார்” படத்தின் படப்பிடிப்பு கடந்த சில நாட்களாக சென்னையில் நடைபெற்று வருகிறது.

சென்னையை தொடர்ந்து கொடைக்கானல் காட்டுப்பகுதிகளிலும், மைசூர் காட்டுப்பகுதியிலும் படப்பிடிப்பு நடக்கவுள்ளது.

இதில், ஸ்டண்ட் காட்சிகளை பிரமாண்ட அளவில் எடுக்க ஸ்டண்ட் மாஸ்டர் திலீப் சுப்பராயன் திட்டமிட்டுள்ளார்.

பிரமாண்டமான ஆக்‌ஷன் மற்றும் ஜனரஞ்சக அம்சங்களைக் கொண்டு குடும்பங்களை கவரும் மாஸ் கமர்ஷியல் திரைப்படமாக உருவாகும் #சர்தார் படத்தின் படப்பிடிப்பு தீவிரமடைந்துள்ளது.

‘சர்தார்’ படத்திலிருந்து சமீபத்தில் வெளியான கார்த்தியின் தோற்றம் ரசிகர்களிடம் பெரும் வரவேற்பை பெற்றது.

இப்படத்திற்கான எதிர்பார்ப்பு எகிறிய நிலையில், படம் முடிவடையும் முன்னதாகவே படத்தின் டிஜிட்டல் உரிமையை ஆஹா நிறுவனம் பெற்றுள்ளது குறிப்பிடதக்கது.

இரு வேடங்களில் கார்த்தி நடிக்கிறார்.
கார்த்தி ஜோடியாக ராஷிகண்ணா நடிக்கிறார்.

சிம்ரன் ஜங்கி ஃபாண்டே, ரஜிஷா விஜயன், முரளி ஷர்மா, முனீஷ்காந்த் ஆகியோர் முக்கிய பாத்திரங்களில் நடிக்கின்றனர்.

பிரின்ஸ் பிக்சர்ஸ் சார்பில் S.லக்ஷ்மன்குமார் “சர்தார்” படத்தை பிரமாண்ட பொருட்செலவில் தயாரிக்கிறார்.

ஜி.வி. பிரகாஷ்குமார் இசையமைக்கிறார்.
ஒளிப்பதிவு ஜார்ஜ் C வில்லியம்ஸ்,
எடிட்டிங் – ரூபன்,
கலை இயக்கம் – கதிர்,

எழுத்து – எம்.ஆர்.பொன். பார்த்திபன், ரோஜி, பிபின்ரகு.

ஸ்டண்ட் – திலீப் சுப்பராயன்,
ஆடை வடிவமைப்பு – பிரவீன் ராஜா D,
பாடல்கள் – யுகபாரதி, VFX – ஹரிஹர சுதன்,
நிர்வாக தயாரிப்பு- J.கிரிநாதன், தயாரிப்பு மேற்பார்வை-AP.பால்பாண்டி,
ஸ்டில்ஸ் – ஜி.ஆனந்த்குமார்,
விளம்பர வடிவமைப்பு – சிவகுமார்S,
நிர்வாக தயாரிப்பு – கிருபாகரன் ராமசாமி,
PRO- ஜான்சன்.

Actor Karthi’s Sardar movie shoot updates

சமூக விரோதிகளை உருவாக்கும் நடிகர்..; அஜித்தே பொறுப்பு என பால்முகவர்கள் புகார்

சமூக விரோதிகளை உருவாக்கும் நடிகர்..; அஜித்தே பொறுப்பு என பால்முகவர்கள் புகார்

நேற்று பிப்ரவரி 24ல் அஜித் நடித்த வலிமை திரைப்படம் வெளியானது.

இதனை வரவேற்கும் வகையில் பல்வேறு இடங்களில் அஜித்துக்கு கட்அவுட் வைத்து பால் அபிசேகம் செய்தனர் அவரது ரசிகர்கள். ஒரு இடத்தில் அப்பட தயாரிப்பாளர் போனிகபூரின் காருக்கு பால் அபிசேகம் கூட செய்யப்பட்டது.

இந்த நிலையில் பால் முகவர் சங்கத்தின் தலைவர் இதனை கண்டித்து ஒரு வீடியோ வெளியிட்டுள்ளார். அதில்…

“நேற்று நீங்கள் (நடிகர் அஜித்) நடித்த வலிமை திரைப்படம் ரிலீஸ் ஆகியுள்ளது. அந்த திரைப்படம் மிகப்பெரிய வெற்றியை அடைய எங்களது சங்கத்தின் சார்பில் வாழ்த்துக்களை தெரிவித்துக் கொள்கிறோம்.

கடந்த 2017ஆம் ஆண்டு நீங்கள் நடித்த விவேகம் திரைப்படம் வெளியானபோது.. உங்கள் ரசிகர்கள் கட்டவுட்டுக்கு பால் அபிஷேகம் செய்வதை தடுக்க வேண்டும் என உங்களை சந்தித்து சில கோரிக்கைகளை முன் வைக்க முயற்சித்தோம்.

ஆனால் முடியவில்லை. தற்போது வலிமை வெளியாகி உள்ளது. இந்த படத்தின் ரிலீசின்போது உங்களது ரசிகர்கள் பாலாபிஷேகம் செய்வது உள்பட பல்வேறு கொண்டாட்டங்களில் ஈடுபட்டு வருகின்றனர்.

இது தவறான முன்னுதாரணங்களை ஏற்படுத்துகிறது. இதனால் பால் முகவர்கள் சங்கத்தினர் பாதிப்பு அடைந்துள்ளனர்.

பாலாபிஷேகம் செய்வதற்கு சென்னை (ரோகினி தியேட்டர் அருகே) பல இடங்களில் பால் பாக்கெட்டுக்கள் திருடப்பட்டுள்ளன.

ஒரு சில இடங்களில் பால் என நினைத்து தயிர் பார்கெட்டுக்களை திருடியுள்ளனர்.

இதுபோன்ற செயல்களில் ஈடுபடுவதால் ரசிகர்கள் சமூக விரோதிகளாக மாறிவருகின்றனர்.

நீங்கள் ரசிகர் மன்றத்தை கலைத்துவிட்டதாக கூறி ஒதுங்கி விடமுடியாது. உங்களது ரசிகர்களின் செயலுக்கு நீங்கள் தான் பொறுப்பு.

ஏனெனில் ரசிகர்கள் கொடுக்கும் டிக்கெட் கட்டணம் தான் உங்கள் படத்தின் வியாபாரம் உறுதி செய்யப்படுகிறது. எனவே ரசிகர்களை நல்வழிப்படுத்த முயற்சி செய்ய வேண்டியது ஒவ்வொரு நடிகரின் கடமை’ என்று பால் முகவர்கள் சங்கத் தலைவர் கோரிக்கை விடுத்துள்ளார்.

Milk vendor association condemns ajith fans act during valimai opening

‘வலிமை’ ரிலீசான தியேட்டரில் விஜய் பாட்டுக்கு அஜித் ரசிகர்கள் ஆட்டம்

‘வலிமை’ ரிலீசான தியேட்டரில் விஜய் பாட்டுக்கு அஜித் ரசிகர்கள் ஆட்டம்

நேற்று பிப்ரவரி 24ல் அஜித் நடித்த ‘வலிமை’ திரைப்படம் உலகமெங்கும் தமிழ், தெலுங்கு, ஹிந்தி ஆகிய மொழிகளில் வெளியானது.

உலகளவில் முதல்நாளில் மட்டும் ரூ. 48 கோடி வரை வசூலித்துள்ளதாக கூறப்படுகிறது.

இந்த நிலையில் பொள்ளாச்சி தங்கம் தியேட்டரில் முதல்நாள் முதல் காட்சியை பார்ப்பதற்காக ரசிகர்கள் அதிகளவில் திரண்டிருந்தனர்.

தியேட்டருக்கு வெளியே திரண்டிருந்த ரசிகர்களை குஷிப்படுத்த அஜித் பட பாடல்களை தியேட்டர் நிர்வாக ஒலிக்க செய்தனர்.

இதனிடையில் விஜய்யின் பீஸ்ட் படத்தில் இடம்பெற்ற அரபி குத்து பாடலும் ஒலித்தது.

இதனால் அஜித் ரசிகர்கள் என்ன செய்வார்களோ? என ஒரு சந்தேகம் இருந்த நிலையில் அந்த பாடலுக்கும் அவர்கள் நடனமாடியது அனைவரையும் ஆச்சரியத்தில் ஆழ்த்தியது.

விஜய் பாடலுக்கு ஒட்டு மொத்த அஜித் ரசிகர்களும் நடனமாடிய வீடியோ இணையங்களில் வெளியாகி வைரலாகி வருகிறது..

Ajith fans vibe to Vijay’s song at the ‘Valimai’ release celebrations! – Viral video

சிரஞ்சீவி – விஜய்தேவரகொண்டா படங்களை இயக்கும் ‘புஷ்பா’ இயக்குனர்

சிரஞ்சீவி – விஜய்தேவரகொண்டா படங்களை இயக்கும் ‘புஷ்பா’ இயக்குனர்

கடந்த 2021ல் டிசம்பர் மாதம் பான் இந்தியா படமாக பல மொழிகளில் உலகமெங்கும் வெளியாகி பரபரப்பை ஏற்படுத்திய படம் ‘புஷ்பா’.

சுகுமார் இயக்கிய இந்த படத்தில் அல்லு அர்ஜுன், ஃபகத் பாசில், ராஷ்மிகா மந்தனா, சுனில், அஜய் கோஷ் உள்ளிட்டோர் நடித்திருந்தனர்.

தேவிஸ்ரீ பிரசாத் இசையமைத்த இந்த படத்தின் பாடல்கள் பட்டைய கிளப்பியது. ‘யே.. சாமி… சாமி…’ மற்றும் ‘ஊ.. சொல்றீயா மாமா..’ என்ற பாடல்கள் ரசிகர்களை கவர்ந்த பாடல்களாக உள்ளன.

இந்த படம் வெளியாகி 20 நாட்களில் ரூ.200 கோடி வரை வசூலித்தது.

முதல் படம் ரிலீசாகும் போது ‘புஷ்பா பார்ட் 2’ பட பணிகளையும் கவனித்து வந்தார் இயக்குனர் சுகுமார்.

எனவே விரைவில் ‘புஷ்பா 2’ படத்தை இயக்க தயாராகி வருகிறார்.

இந்த நிலையில் மீண்டும் பான்-இந்தியா படத்தை இயக்கவுள்ளாராம். அதில் நாயகனாக சிரஞ்சீவி நடிப்பார் என சொல்லப்படுகிறது.

இவையில்லாமல் விஜய் தேவரகொண்டா நடிக்கும் படம் ஒன்றையும் ‘புஷ்பா’ இயக்குநர் சுகுமார் இயக்கவுள்ளதாக தெலுங்கு சினிமாவுலகில் பேசப்படுகிறது.

Pushpa director’s next with Chiranjeevi and Vijay Devarakonda

More Articles
Follows