தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
மிக பிரம்மாண்டமாக உருவான ‘பொன்னியின் செல்வன்’ திரைப்படம் செப்டம்பர் 30ஆம் தேதி உலகெங்கும் 5 மொழிகளில் வெளியானது.
இதற்கு முந்தைய நாள் செப்டம்பர் 29-ம் தேதி ‘நானே வருவேன்’ படம் வெளியானது.
தனுஷ் இரு வேடங்களில் நடித்திருந்த இந்த படத்தை செல்வராகவன் இயக்கி நடித்திருந்தார். யுவன் சங்கர் ராஜா இசை அமைக்க கலைப்புலி தாணு தயாரித்திருந்தார்.
ஹீரோ வில்லன் என இரு வேடங்களில் நடித்து வித்தியாசமாக நடிப்பு கொடுத்திருந்த தனுஷ் ஒரு நடிப்பு அசுரன் தான் என ரசிகர்கள் பாராட்டி வந்தனர்.
முதல் நாளிலேயே இந்த படம் நல்ல வசூலை அள்ளியது. அதன் பிறகு ‘பொன்னியின் செல்வன்’ அலை அதிக அளவில் காணப்பட்டதால் ‘நானே வருவேன்’ படம் பின்னடைவு சந்தித்ததாக வதந்திகள் கிளம்பியது.
ஆனாலும் திரையரங்குகளில் மக்கள் கூட்டம் அதிகமாகவே காணப்பட்டு வருகிறது.
குறைந்த செலவில் இந்த படம் உருவானதாலும் தற்போது நல்ல வசூல் கிடைத்திருப்பதாலும் தயாரிப்பு தரப்பும் படக்குழுவும் மகிழ்ச்சியில் உள்ளனர்.
மேலும் தியேட்டர்களும் அதிகரித்து வருவதால் பட குழுவினர் உற்சாகத்தில் உள்ளனர்.
அக்டோபர் 7ஆம் தேதி பெரிய படங்கள் எதுவும் வெளியாகாத நிலையில் ‘நானே வருவேன்’ படத்திற்கு மீண்டும் நல்ல வரவேற்பு கிடைத்துள்ளதால் தனுஷ் ரசிகர்கள் குஷியாக உள்ளனர்.
Naane Varuven movie pick up recent updates