By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
கடந்த 2015 ஆம் ஆண்டு ஆகஸ்ட் 28ஆம் தேதி ஓணம் பண்டிகையின் போது ‘தனி ஒருவன்’ படம் வெளியானது.
இந்த படத்திற்கு முன்பு ரீமேக் படங்களை மட்டுமே இயக்கிக் கொண்டிருந்த மோகன் ராஜா தன் தம்பி ஜெயம் ரவியை வைத்து ‘தனி ஒருவன்’ என்ற படத்தை இயக்கி தமிழ் சினிமாவுக்கு பெரும் புத்துணர்ச்சியை கொடுத்தார்.
நயன்தாரா, அரவிந்தசாமி, தம்பி ராமையா உள்ளிட்டோர் நடித்த இந்த படத்திற்கு ஹிப் ஹாப் ஆதி இசை அமைத்திருந்தார்.
இந்த படம் மாபெரும் வெற்றி பெறவே விரைவில் இரண்டாம் பாகம் வெளியாகும் என மோகன் ராஜாவும் ஜெயம் ரவியும் அறிவித்திருந்தனர்.
ஆனால் கிட்டத்தட்ட 8 ஆண்டுகள் ஆகியும் இதுவரை ‘தனி ஒருவன் 2’ படத்தின் ஷூட்டிங் தொடங்கப்படவில்லை.
அதற்குள் பல படங்களில் நடித்து விட்டார் ஜெயம் ரவி. மேலும் மணிரத்தினம் இயக்கிய பொன்னியின் செல்வன் 1 & 2 ஆகிய படங்களுக்காக நீண்ட தலைமுடியும் வளர்த்திருந்தார் ஜெயம் ரவி.
மேலும் ராஜேஷ் எம் இயக்கத்தில் ஒரு படம், அஹமத் இயக்கத்தில் ‘இறைவன்’ படம், பின்னர் ‘சைரன்’ படம் என ரவி பிஸியானார்.
இப்போது ‘ஜீனி’ படத்தில் நடித்து வருகிறார் ரவி.
இதனை அடுத்து கிருத்திகா உதயநிதி இயக்கும் படத்தில் நடிக்க செல்கிறார் ரவி. அதன் பின்னர்தான் ‘தனி ஒருவன் 2’ படத்தில் நடிப்பார் என்றும் இதன் ஷூட்டிங் 2024 பிப்ரவரி அல்லது மார்ச்சில் துவங்கும் என தகவல்கள் வந்துள்ளன.
இதனிடையில் மோகன்ராஜா தெலுங்கில் ‘லூசிபர்’ ரீமேக்கை இயக்கிய பின்னர் நாகார்ஜூனாவை புதிய படத்திற்காக இயக்கி வருகிறார்.
Thani Oruvan 2 and Jayam Ravi movies updates
