தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
ஒன்லைன்…
திருமணத்திற்கு பெண்ணே கிடைக்காத நிலையில் பத்திரிக்கை மண்டபம் பேனர் எல்லாம் ரெடி.. கல்யாண நாளும் வந்துவிட்டது.. பெண் கிடைத்தாளா? என்பதே ஒன்லைன்.
இதேபோன்ற கதை ஒரு படம் சில மாதங்களுக்கு முன்பு வெளியானது. அந்தப் படத்தின் பெயர் ‘கட்டம் சொல்லுது’. அந்த படத்தில் தீபா தன் மகனுக்கு பெண் கிடைக்காமல் அனைத்து ஏற்பாடுகளையும் செய்து இருப்பார் என்பது குறிப்பிடத்தக்கது
ரமேஷ் பாரதி இயக்கத்தில் மெட்ரோ சிரிஷ், சதீஷ் நடித்துள்ள படம் ‘பிஷ்தா’.
இதே பெயரில் கார்த்தி, நக்மா, மணிவண்ணன் நடித்த (பிஸ்தா) படம் 15 – 20 வருடங்களுக்கு முன்பு வெளியாகி சூப்பர்ஹிட் ஆனது.
சிரிஷ், செந்தில், யோகி பாபு, சதீஷ், மிருதுளா முரளி, அருந்ததி நாயர், நமோ நாராயணா, லொள்ளு சபா சாமிநாதன் உள்ளிட்டோர் நடித்துள்ளனர்.
கதைக்களம்…
படத்தின் ஆரம்ப காட்சியே அமர்க்களம்..
திருமணத்துக்கு ரெடியாகிவிட்டார் ஹீரோ சிரிஷ். திருமண அழைப்பிதழ் ரெடி.. பேனர் ரெடி.. ஆனா எதிலும் பெண்ணின் முகமும் இல்லை.. பெயரும் இல்லை..
இவரின் திருமணம் நடந்து விடக்கூடாது என வில்லன் கோஷ்டி தடுக்க நினைக்கிறது. அவர்கள் தடுக்க நினைக்க என்ன காரணம்.?
அன்று இரவு தான் நண்பர்கள் பெண் தேட ஆரம்பிக்கிறார்கள்.. அதற்கான காரணம் என்ன? அவருக்கு பெண் கிடைக்கவில்லையா? அப்படி என்றால் பத்திரிக்கை அடிக்க என்ன காரணம்?
இடையில் நடந்த குழப்பங்கள் என்ன என்பதை படத்தின் கதை.
கேரக்டர்கள்…
பெண்களைக் கவரும் வகையில் ஸ்மார்ட்டாக இருக்கிறார் சிரிஷ். ஆனால் நடிப்பில் இன்னும் மெச்சூரிட்டி தேவை.. ரொமான்ஸ் மற்றும் சென்டிமென்ட் காட்சிகளில் உணர்வுகள் போதவில்லை
செந்தில், சதீஷ், யோகிபாபு, லொள்ளு சபா சாமிநாதன், ஞானசம்பந்தம் என பெரிய காமெடி நட்சத்திரங்கள் இருந்தும் காமெடி பெரிதாக ஒர்க் அவுட் ஆகவில்லை.
சில இடங்களை சிரிக்க வைத்துள்ளனர். சதீஷ் காமெடி மொக்கையாக அமைந்துவிட்டது.
படத்தில் நாயகி மிருதுளாவை விட அக்கா அருந்ததி அழகாகவும் அருமையாகவும் நடித்துள்ளார். படத்தின் கிளைமாக்ஸ் எதிர்பாராத ட்விஸ்ட்.
டெக்னீஷியன்கள்…
தரண் இசையில்… உருவான 2 பாடல்கள் அருமை.. ஒன்று குத்தாட்டம்… 2 மெலோடி.. ‘ஆத்தாடி பாத்தேனே….’.. ‘என்னை கொல்ல வந்த தேவதையோ..’ பாடல் சிறப்பு.
ஆனால் இரண்டு பாடல்களிலும் குழப்பம் இருக்கு.. காரணம் ஒரு வரிக்கு பாடுகிறார்.. அடுத்தவரிக்கு பாடவில்லை.. பாடினால் பாடலை முழுவதுமாக பாடுவது போல காட்ட வேண்டாமா?
ரமேஷ் பாரதி இயக்கியுள்ளார். பெயரளவில் இருக்கும் பிஸ்தா சுவையாக இருந்திருந்தால் சிறப்பாக இருந்திருக்கும். அல்லது பெரிய பிஸ்தா போல மாஸாக காட்டி இருக்கலாம். அதுவும் இந்த படத்தில் மிஸ்ஸிங்.
இசையமைப்பாளர் தரண் மற்றும் விஜய்யின் ஒளிப்பதிவு படத்திற்கு பலம் சேர்த்துள்ளது. இசையமைப்பாளர் தரன்-னின் இசையில் உருவாகும் 25-வது படமாகும்.
ஒன் மேன் புரொடக்சன்ஸ் பேனரின் கீழ் புவனேஸ்வரி சாம்பசிவம் தயாரித்துள்ளார்.
ஆக இந்த பிஸ்தா… பெயருக்கு மட்டுமே..
Pistha movie review and rating in tamil