வித்தைக்காரன் விமர்சனம் 3.5/5… கெட்டிக்காரன்

நினைவெல்லாம் நீயடா விமர்சனம்..; காலம் மாறலாம் காதல் மாறாது..

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஸ்டோரி ..

ரோஹித் & யுவஸ்ரீ இருவரும் பள்ளியில் ஒரே வகுப்பில் படிக்கையில் காதலிக்கின்றனர் . இவர்கள் வளர்ந்து பெரியவர்கள் ஆனதும் பிரஜன் & சீனாமிகா. (இதில் சினாமிகா கேரக்டரில் மட்டும் ட்விஸ்ட்..)

பள்ளியில் படித்துக் கொண்டிருக்கும் போதே யுவஸ்ரீ திடீரென அமெரிக்கா செல்கிறார். இதன் பிறகு காதலர்களிடையே தொடர்பு இல்லை. ஆனாலும் காதலியை நினைத்து உருகி கொண்டு இருக்கிறார் பிரஜன்.

ஒரு கட்டத்தில் முறைப்பெண் மனிஷாவை கட்டிக்க பெற்றோர்கள் வற்புறுத்துகின்றனர்.. முதலில் மறுக்கிறார் பிரஜன்.. ஒருவேளை தன் காதலி திரும்பி வந்தால் என்ன செய்வது? என கேட்க அவள் இந்நேரம் திருமணம் செய்து குழந்தை பெற்று இருப்பாள் என்கின்றனர் நண்பர்கள்.

ஒருவேளை அவள் திருமணம் செய்யாமல் திரும்பி வந்தால் நான் செத்துடுவேன் என்கிறார் பிரஜன். மனீஷாவின் தற்கொலை முயற்சியால் வேறு வழியின்றி மனீஷாவை மணக்கிறார். இவர்கள் திருமண வாழ்வில் சந்தோஷம் இல்லை.

இந்த நிலையில் தான் நீங்கள் எதிர்பார்ப்பது போல திருமணம் செய்து கொள்ளாமல் சினாமிகா தன் காதலனை தேடி இந்தியா வருகிறார்.

அதன் பிறகு என்ன நடந்தது காதலன் என்ன செய்தான்? மனைவி மனிஷாவின் நிலை என்ன? சினாமிகா என்ன செய்தார்? நண்பர்கள் என்ன செய்தனர்? என்பதுதான் படத்தின் மீதிக்கதை

கேரக்டர்ஸ்…

Starring – PRAJAN, MANISHA YADAV, SINAMIKAA, YUVALAKSHMI, ROHIT, REDDIN KINGSLEY, MANOBALA, MADHUMITHA, RV UDHAYAKUMAR, PL THENAPPAN MUTHURAMAN, YASAR ABI NATCHATHIRA

காதலியின் கரம் பிடிக்க முடியாமல் மனைவியுடன் மனம் ஒத்துப் போகாமல் இரண்டு உணர்வுகளையும் அழகாக வெளிப்படுத்தி இருக்கிறார் பிரஜன். கிளைமாக்ஸ் காட்சியில் கண்கலங்க வைத்து நம்மையும் கொஞ்சம் அழ வைக்கிறார்.

நாயகியாக சினாமிகா.. காதலனை தேடி இந்தியாவிற்கு வந்து பின்னர் வேதனைப்படும் காட்சிகளில் கொஞ்சம் நடிக்க முயற்சித்து இருக்கிறார். ஆனாலும் நாயகனின் அக்காவை போலவே தோற்றத்தில் தென்படுகிறார்.

பள்ளியில் பார்த்து ரசித்த யுவஸ்ரீ? இது என ரசிகர்களையும் குழப்பி விடுகிறார் இயக்குனர். ஆனால் யாருமே எதிர்பாராத வகையில் வித்தியாசமான ட்விஸ்ட் வைத்து நம்மை தேற்றி விட்டார்.

பள்ளிக் காதலர்களாக ரோஹித் மற்றும் யுவஸ்ரீ.. இருவரின் லவ் கெமிஸ்ட்ரி செம. இவர்களுக்காக இளையராஜா போட்ட காதல் மெலோடியும் சூப்பர்.

எதிர்பாராத கேரக்டரில் ஸ்ரீ பிரியங்கா.. அந்த கேரக்டரை சொன்னால் சுவாரசியம் இருக்காது.. ஆனாலும் இவரின் காட்சிகள் இன்னும் இருக்காதா? என ஏங்க வைத்து விட்டார்.

இளவயது பிரஜனாக ஆக ரோகித் நடித்திருக்கிறார். இவரும் செம ஸ்மார்ட்.. யுவஸ்ரீ தோழியாக அபி நட்சத்திரா.. பள்ளி மாணவியாக பக்காவ பொருந்திருக்கிறார்

மனோபாலா, ரெடின் கிங்ஸ்லி, மதுமிதா ஆகியோர் ஆங்காங்கே நம்மைச் சிரிக்க வைக்க முயற்சிக்கிறார்கள்.

டெக்னீசியன்ஸ் ..

Written & Directed by: AADHIRAAJAN

Music : ILAIYARAAJA

Producer : ROYAL BABU

Banner : LEKHA THEATRES

Cinematographer : RAJA BHATTACHARJEE

Editor : ASHISH

Art director: Munikrishna

STUNT MASTER: PRADEEP DINESH

LYRICS: ILAIYARAAJA, PAZHANI BHARATHI, SNEKAN

SINGERS: Yuvan, KARTHIK ANANYA BHAT
SIREESHA BHAGAVATHULLA
HARIPRIYA

CHOREOGRAPHY: DINESH , DHEENA

இளையராஜாவின் இசையில் பள்ளி காதலர்களுக்கான பாடல்கள் மட்டும் ரசிக்க வைக்கிறது.. இசைஞானியின் பின்னணி இசை வழக்கம் போல ரசிக்க வைக்கிறது.

ராஜா பட்டாச்சாரியார் ஒளிப்பதிவு செய்ய ஆஷிஷ் என்பவர் எடிட்டிங் செய்திருக்கிறார்… ஒளிப்பதிவை வண்ணமயமாய் கொடுத்திருக்கிறார். பள்ளி பருவ காட்சிகள் படத்திற்கு பலம் என்பதை உணர்ந்து அழகுற செய்து இருக்கிறார்.

இடைவேளைக்குப் பிறகு காட்சிகளின் நீளத்தை கொஞ்சம் எடிட்டர் வெட்டியிருக்கலாம்.

‘சிலந்தி & அருவா சண்டை’ படங்களை இயக்கிய ஆதிராஜன் இந்த படத்தை இயக்கியிருக்கிறார்.. வாழ்க்கையில் ஆயிரம் பெண்களைக் கடந்தாலும் நாம் காதலித்த முதல் பெண் நினைவு மனதில் நிற்கும் என்பதை உணர்வு பூர்வமாக சொல்லி இருக்கிறார்

கம்யூனிகேஷன் இருந்தாலும் இல்லாவிட்டாலும் காதல் என்றென்றும் நிற்கும் என்பதை கொஞ்சம் வலியுடன் சொல்ல முற்பட்டு இருக்கிறார்.

90களில் வந்த படங்களில் பார்க்காமல் காதல்… டெலிபோன் காதல்.. கடிதம் காதல்.. நாக்கை அறுத்துக் கொண்ட காதல் என பல காதல் பாடல்களை பார்த்து இருப்போம்.. அதுபோல இந்த படத்திலும் கிளைமாக்ஸ் காட்சியில் ஒரு காதல் சுவாரசியத்தை வைத்திருக்கிறார். அது இன்றைய 90ஸ் கிட்ஸ் மட்டும் 2கே கிட்ஸ் இளைஞர்களுக்கு பிடிக்குமா? உண்மையாக காதலிப்பவர்களுக்கு நிச்சயம் பிடிக்கும் எனலாம்.

நினைவெல்லாம் நீயடா என்ற தலைப்பு வைக்கப்பட்டிருந்தாலும் காதலியை நினைத்துக் கொண்டிருக்கும் காதலனுக்காக நினைவெல்லாம் நீயடி என வைத்திருக்கலாம் இயக்குனர் ஆதிராஜன்.

ஆக நினைவெல்லாம் நீயடா.. காலம் மாறலாம் காதல் மாறாது..

NINAIVELLAM NEEYADA movie review and rating in tamil

BIRTH MARK பர்த் மார்க் பட விமர்சனம்..

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஸ்டோரி…

ஷபீர் ஒரு ராணுவ வீரர். இவரது மனைவி மிர்ணா நிறைமாத கர்ப்பிணியாக இருக்கிறார்.

தனது மனைவிக்கு இயற்கை முறையில் பிரசவம் பார்க்க வேண்டும் என விரும்புகிறார். இதற்காக கேரளா அருகே உள்ள வனப்பகுதிக்கு மனைவியை அழைத்துக்கொண்டு செல்கிறார்.

அங்குள்ள ஆயுர்வேத சிகிச்சை மையத்திற்கு அழைத்துச் சென்று அங்கு பிரசவம் பார்க்க சொல்கிறார்.. அந்தப் பகுதியில் அடிப்படையான மருத்துவ வசதி ஆம்புலன்ஸ் வசதி என எதுவுமே இல்லாததை காணும் மிர்ணா பிரசவத்தை நினைத்து பயப்படுகிறார்.

ஒரு கட்டத்தில் இந்த குழந்தை என்னுடையது அல்ல இது உன்னுடைய குழந்தை என மனைவி மீது சந்தேகம் கொள்கிறார் ஷபீர்.

அவருடைய மன மாற்றத்திற்கு என்ன காரணம்? இதற்குப் பின்னணியில் ஏதேனும் காரணங்கள் உள்ளதா? மருத்துவர்கள் சொன்ன முறையை பின்பற்றினாரா மிர்ணா? பிரசவம் நல்ல முறையில் நடைபெற்றதா.? என்பதுதான் படத்தின் மீதிக்கதை

கேரக்டர்ஸ்…

படத்தின் ஆரம்பத்திலேயே நாயகன் & நாயகி கண்ணை கட்டிக்கொண்டு காட்டில் செல்கின்றனர்.. ஒருவரை ஒருவர் பார்க்காமல் முத்தமிட்டு திருமணமும் செய்து கொள்கின்றனர். அதன் பின்னர் தான் கதை ஓட்டம் ஆரம்பிக்கிறது.

சார்பட்டா பரம்பரையில் நம் கவனம் ஈர்த்த ஷபீர் நாயகனாகவும் ஜெயிலர் படத்தில் ரஜினியின் மருமகளாக நடித்த மிர்ணா நாயகியாகவும் நடித்துள்ளனர். ஷபீர் கல்லரக்கலும் மிர்னாவும் கணவன் மனைவியாக நடித்துள்ளனர்..

ஒரு நிறைமாத கர்ப்பிணியை நம் கண் முன் நிறுத்தி இருக்கிறார் மிருணா.. பிரசவ வலிகளையும் கணவன் தன் மீது சந்தேகம் கொள்ளும் எரிச்சலை தாங்கிக் கொள்ளும் பெண்ணாக நடித்திருக்கிறார்.

நீண்ட தாடி என முரட்டுத்தனமாக தோன்றும் ஷபீர் திடீரென கிளீன் ஷேவ் செய்து ஸ்மார்ட் ஆக மாறிவிடுகிறார்.

ஒரு ராணுவ வீரராக நடித்திருக்கும் ஷபீர் அந்த மருத்துவ மையத்தில் வேலை பார்க்கும் ஒருவனிடம் சண்டை போடுவது ஏற்றுக் கொள்ளும்படியாக இல்லை. காட்டுப்பகுதியில் சிகரெட் பிடிக்கக் கூடாது என வேலைக்காரன் சொல்கிறார். இது ஒரு ராணுவ வீரனுக்கு தெரியாதா? அவர் அதை மதிக்க வேண்டாமா? என்ற பல கேள்விகள் எழுகின்றன.

இவர்களுடன் வேலைக்காரனாக நடித்த இந்திரஜித் நடிப்பில் நம்மை ஈர்த்து விடுகிறார். வாய் பேச முடியாதவராக இருக்கும் இவர் காட்டும் முகபாவனைகள் சிறப்பு..

இவர்களுடன் பி.ஆர்.வரலட்சுமி, தீப்தி, இந்திரஜித், பொற்கொடி ஆகியோர் முக்கிய வேடங்களில் நடித்திருக்கிறார்கள்.

மருத்துவ மையத்தில் வேலை பார்க்கும் இரண்டு பெண்களும் தேவையான பங்களிப்பை கொடுத்திருக்கின்றனர். மொத்தமே 8 கேரக்டர்களை மட்டுமே வைத்து படத்தை முடித்து விட்டார் இயக்குனர்.

டெக்னீசியன்ஸ்…

விஷால் சந்திரசேகர் இசையமைத்திருக்கிறார்.. பின்னணி இசை ரசிக்கும்படியாக இருப்பது பாராட்டுக்குரியது.

உதய் தங்கவேலு அவர்களின் ஒளிப்பதிவு கண்களுக்கு விருந்து. மருத்துவ மையத்தில் பிரசவ அரங்கம் அமைக்கப்பட்டிருக்கும்.. அந்த அரங்கத்தின் ஓவியம் மற்றும் லைட் செட்டிங் ரசிக்க வைக்கிறது.

விக்ரம் ஸ்ரீதரன் என்பவர் படத்தை இயக்கியிருக்கிறார்.. சிசேரியன் செய்து கொள்ளாமல் பிரசவம் பார்க்க வேண்டும் இயற்கை முறையில் குழந்தை பெற்றுக் கொள்ள வேண்டும் என வித்தியாசமான திரை கதையை கையாண்டு இருக்கிறார் இயக்குனர் ஆனால் இந்த ஒற்றைக் கருவை மட்டும் வைத்து இரண்டு மணி நேரம் கதை சொல்லி இருப்பது தான் படத்திற்கு சோர்வை தருகிறது.

மேலும் ஓர் இந்திய நாட்டையும் இந்திய மக்களையும் நேசிக்கும் ஒரு ராணுவ வீரர் மனைவி மீதும் வேலைக்காரர்கள் மீதும் வெறுப்பு காட்டுவது ஏனோ.? அதற்குப் பின்னணியில் தன் பெற்றோர் மனநிலையை காட்சிப்படுத்தி இருந்தாலும் பெரிதாக ஏற்றுக்கொள்ளும் படியாக இல்லை.

சைக்கலாஜிக்கல் திரில்லர் பாணியில் இயக்கியிருக்கிறார்.. இது ஏ கிளாஸ் ஆடியன்ஸ்க்கு பொருந்தினாலும் B&C சென்டர் ஆடியன்ஸ்க்கு எடுபடுமா என்பது சந்தேகமே.!

தமிழில் படமாக்கப்பட்ட இந்த படத்திற்கு பர்த் மார்க் என்ற ஒரு ஆங்கில பெயரை வைத்து இந்த படம் அந்நியப்பட்டு நிற்கிறது.

BIRTH MARK movie review and rating in tamil

கொட்டாச்சி இயக்கி நடித்த ‘கழுமரம்’ பட விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஸ்டோரி…

கிராமத்தில் தியேட்டரில் போஸ்டர் ஒட்டும் வேலை பார்த்து வரும் கொட்டாச்சி பொள்ளாச்சியில் இருந்து சென்னைக்கு வருகிறார்.. தன் அம்மா ஆசைப்பட்டபடி சினிமாவில் ஒரு பெரிய இயக்குனராக வரவேண்டும் என அதற்காக உழைத்து வருகிறார். பல தடைகள் அவமானங்கள் பிரச்சினைகளை சந்திக்கிறார்..

எப்படியாவது இயக்குனராகி வாழ்க்கையில் முன்னேற துடிக்கையில் இவரது கதை களவாடப்படுகிறது. இதனால் விரக்தீயில் இருக்கும் நாயகன் என்ன செய்தார்? அவரால் சாதிக்க முடிந்ததா? என்பதுதான் படத்தின் மீதி கதை.

கேரக்டர்ஸ்…

Cast – Kottachi Annamagan, Pandi Selvam, Tamil Barathi, Thirupachi Benjamin , karnan janaki, Sathyendran,

நாயகன் கொட்டாச்சியே படத்தின் இயக்குனராகவும் அவதாரம் எடுத்திருக்கிறார்.. தனக்கு ஏற்ற கதையை எடுத்திருந்தாலும் இன்னும் கொஞ்சம் திரைக்கதையில் கூடுதல் கவனம் செலுத்தி இருக்கலாம்.

ஒரு சினிமாவிலயே ஒரு உதவி இயக்குனர் படும் கஷ்டங்களை உணர்வுப்பூர்வமாக எடுத்திருக்கிறார்.. ஆனால் திரையில் அது சார்ந்த திரைக்கதையை ஓடிக் கொண்டிருக்கும்போது சில நேரம் சலிப்பு தட்டுகிறது.

இவருடன் நடித்த மற்ற நடிகர்கள் கதை ஓட்டத்திற்கு உதவி புரிந்திருக்கின்றனர்.

டெக்னீசியன்ஸ்…

Writer – Kottachi Annamagan
Cinematographer – Gri Dharan, Raja Durai
Editor – Dharani Dharan, Krishna
Music – Roshan Mathews
Producer – K. Krishna Raju

ஒளிப்பதிவும் இசையும் ரசிக்க வைக்கிறது. நடிகர் கொட்டாச்சி அண்ணமகன் இயக்கியிருக்கிறார். திரையுலகில் இயக்குனராக ஆவது எவ்வளவு கஷ்டம் என்பதை உணர்த்திருக்கிறார்.. அதே சமயம் ஒரு இயக்குனராவது எளிதல்ல.. அதற்காக பல அவமானங்கள் கஷ்டங்களை சோதனைகளை சந்திக்க வேண்டும்.

உன்னை தூற்றும் இந்த சமூகம் நீ வெற்றி பெற்றால் மட்டுமே கொண்டாடும்.. அதற்காக நீ உழைத்துக் கொண்டே இருக்க வேண்டும். ஒரு படம் வெற்றி கொடுத்து விட்டால் மட்டும் போதாது அந்த வெற்றியை நோக்கி அதை தாண்டி ஓட வேண்டும் என கொட்டாச்சி உணர வைத்து நடித்திருக்கிறார்.

Kottachi starrer Kazhu Maram movie review

‘எட்டும் வரை எட்டு’ பட விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஸ்டோரி..

அப்பா : ஆடுகளம் நரேன்
மகள் : கதாநாயகி பிரத்யங்கிரா ரோஸ்

தாய் இல்லாமல் வளர்க்கப்பட்டவள் தந்தை கண்டிப்பில் வளர்கிறார் பூமணி..

ஓட்டப்பந்தயத்தில் உலக சாதனை படைக்க வேண்டும்.. வாழ்க்கையில் சாதிக்க துடிக்கும் மகள்.. பழைய பஞ்சாங்கத்தை கட்டிக் கொண்டு… பெண்கள் சமையலறையில் தான் இருக்க வேண்டும் என தத்துவம் பேசும் தந்தை. இவர்களின் மோதல் தான் இந்த படத்தின் கதைக்கரு.

இந்த சூழ்நிலையில் நாயகி மீது கொலை பழி.. இதன் பின்னணியில் நடந்தது என்ன?

தந்தையின் எதிர்ப்பை மீறி சாதித்தாரா மகள்.? மகளை தன் கட்டுக்குள் வைத்துக் கொண்டாரா தந்தை? என்பதுதான் படத்தின் மீதி கதை.

கேரக்டர்ஸ்…

நந்தகுமார், பிரத்யங்கிரா ரோஸ், செளந்தர்யா வரதா, ஆடுகளம் நரேன், சீனி பாட்டி, ஆர்த்தி, முத்துக்காளை, வெங்கல் ராவ், கிங்காங், ஜெயகுமார், கிரேன் மனோகர், நாகராஜ் சோழன், சுசி, எஸ்.பாஸ்கர், என்.ஆர்.தனபாலன்

கதாநாயகி பிரத்யங்கிரா ரோஸ்.. தன் இலட்சிய தடைகளை உடைத்தெறியும் சிங்க பெண்ணாக நடித்திருக்கிறார். எதையும் துணிந்து எதிர்க்கும் பக்குவப்பட்ட பெண்ணாகவும் அதே சமயம் கொலை வழி தன் மீது விழுந்த பின்னர் உடைந்து நொறுங்கும் காட்சிகளிலும் கவனம் பெறுகிறார்..

நாயகனாக நந்தகுமார். நாயகிக்கும் கதை ஓட்டத்திற்கும் உதவியாக இருந்து நிறைவான நடிப்பை கொடுத்திருக்கிறார்.

நாயகியின் தந்தையாக ‘ஆடுகளம்’ நரேன். பழைய பஞ்சாங்க அடக்குமுறை தந்தையாக நரேன் ரசிக்க வைக்கிறார். தந்தை கேரக்டருக்கு வலுவான பலம் சேர்த்திருக்கிறார்.

இவர்களுடன் ஆர்த்தி, முத்துக்காளை, வெங்கல் ராவ், கிங்காங், ஜெயகுமார், கிரேன் மனோகர், நாகராஜ சோழன், சுசி, எஸ்.பாஸ்கர், என்.ஆர்.தன்பாலன் உள்ளிட்டோரும் உண்டு.. ஆங்காங்கே கொஞ்சம் சிரிக்கவும் ரசிக்கவும் வைக்கின்றனர்.

டெக்னீசியன்ஸ்…

இசை : ராஜயோகி
ஒளிப்பதிவு : வேல் முருகன்
இயக்கம் : வேல்விஸ்வா
தயாரிப்பு : எஸ்.பாஸ்கர்
இணை தயாரிப்பு : ஹேமா மூவிஸ் இண்டர்நேஷ்னல் என்.என். மணிபாலன்

ராஜயோகி இசையில் பாடல்கள் தாளம் போடவும் வைக்கின்றன.. பின்னணி இசை கதைக்கு ஏற்ப பயணித்திருக்கிறது.

வேல் முருகனின் ஒளிப்பதிவில் வறட்சி கிராமம் எதார்த்தமாக படம் பிடிக்கப்பட்டுள்ளது. பிரம்மாண்ட லொகேஷன்கள் இல்லாமல் வாழ்வியலோடு கலந்த லொக்கேஷனில் படம் பிடித்திருப்பது சிறப்பு.

என்னதான் 2024 ஆண்டுகளை நாம் எட்டி விட்டாலும் இன்னும் சில பெண்கள் அடக்குமுறைக்கு பயந்து வீட்டில் வாழ்கிறார்கள்.. பெரும்பாலும் பெண்கள் புகுந்த வீட்டில்தான் சிரமத்திற்கு ஆளாவார்கள். ஆனால் பிறந்த வீட்டிலேயே ஒரு பெண் அடிமைப்பட்டு கிடக்கிறாள் என்பதை காட்சிப்படுத்தி இருக்கிறார் இயக்குனர். அதை எல்லாம் மீறி அவளால் எப்படி சாதிக்க முடிந்தது என்பதையும் இயக்குன சொல்லி இருப்பது பல பெண்களுக்கு விழிப்புணர்வை ஏற்படுத்தும்.

திருமணத்திற்கு முன்பு தந்தைக்கும் திருமணத்திற்கு பின்பும் கணவனுக்கும் கட்டுப்பட்டு வாழும் பெண்கள் மத்தியில் தன்னை நம்பினால் மட்டுமே எதையும் சாதிக்க முடியும்.. இந்த உலகத்தில் வாழ முடியும் என சொல்லி இருக்கிறார் இயக்குனர் வேல் விஷ்வா.

எனவே இந்த ‘எட்டும் வரை எட்டு’.. எட்டு திசைக்கும் எட்டட்டும்.. வாழ்த்துக்கள்

Ettum Varai Ettu movie review and rating in tamil

BYRI பைரி விமர்சனம் 4.25/5.. FIRE FULL

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

தமிழ் சினிமாவில் இதுவரை நாம் பார்த்திராத புறா பந்தயத்தை வைத்து ஒரு. ஃபயர் புல்லான பந்தயத்தை கொடுத்திருக்கிறார் இயக்குனர் ஜான் கிளாடி.

அதேசமயம் காதல், நட்பு, அம்மா மகன் சென்டிமென்ட், தந்தை மகன் பாசம், என அனைத்தையும் கலந்து ஒரு விருந்து படைத்திருக்கிறார் இந்த புதுமுக இயக்குனர்.

ஸ்டோரி..

நாயகன் சையத் மஜித் ஒரு இன்ஜினியரிங் கல்லூரியில் படித்து வருகிறார். இதே கல்லூரியில் நாயகி மேக்னா எலனும் படித்து வருகிறார்.

நாயகி மீது நாயகனுக்கு காதல்.. ஆனால் நாயகியோ கண்டு கொள்வதில்லை. ஆனால் நாயகன் மஜீத் மீது முறைப்பெண் சித்ரா (சரண்யா ரவிச்சந்திரனுக்கு) கொள்ளை காதல்..

இந்தக் கதை ஒரு பக்கம் இருக்க மற்றொரு பக்கம்.. புறா பந்தயத்தில் கலந்து கொள்ள ஆசைப்படுகிறார் நாயகன்.. அதற்காக புறாக்களை வளர்க்க திட்டமிடுகிறார். ஆனால் படித்து நன்றாக முன்னேற வேண்டும் தாத்தா, தந்தையைப் போல நீ கெட்டுவிடக்கூடாது.. உன் வாழ்க்கை சீரழிந்து விடும் என அட்வைஸ் சரி செய்கிறார் அம்மா விஜி சேகர்.

புறா வளர்க்க விட்டால்தான் பரீட்சை எழுதுவேன் என மிரட்டுகிறார் மகன்.. புறா பந்தயத்தில் நீ கலந்து கொண்டால் வீட்டை விட்டு சென்று விடுவேன் என மிரட்டுகிறார் அம்மா.

இப்படியான சூழ்நிலையில் அடுத்தது என்ன நடந்தது? நாயகன் என்ன செய்தார்? அவர்களின் நண்பர்கள் உதவினார்களா? அம்மாவின் கண்டிப்புக்கு பயந்தாரா? நாயகனுக்கு வில்லன் யார்? என்பதுதான் படத்தின் மீதிக்கதை..

கேரக்டர்ஸ்…

Syed Majeed – rajalingam
Meghana Ellen – sharon
Viji Sekar – saraswathi (Amma)
John Glady – Amal
Saranya Ravichandran – Chithra
Ramesh Arumugam – ramesh pannaiyar
Vinu Lawrence – suyambu
Anand Kumar – Thirumal (rajalingam Appa)
Karthick Prasanna – villiyam
Francis Kiruba – ravichandran (Chithra Appa)
Rajan – Amal father

பெரும்பாலும் எல்லா படங்களிலும் நாயகனுக்கு தான் அறிமுக காட்சிகள் வேற லெவலில் இருக்கும்.. ஆனால் ஒரு சில படங்களில் வில்லென்களுக்கு முக்கியத்துவம் கொடுத்திருப்பார்கள். தனி ஒருவன் படமே அதற்கு சாட்சி.. வில்லன் அரவிந்தசாமி பிறக்கும் போதும் அவர் உருவாகும் போதும் காட்சிகள் பரபரப்பாக இருக்கும். அதுபோல இந்த படத்தில் வில்லன் கேரக்டர் நடித்த சுயம்புவுக்கு (வினு லாரன்ஸ்) பயங்கர பில்டப்.. அவரை சமாதானப்படுத்த உள்ளூர் முதல் தேசிய அளவில் பலர் வந்து முயற்சிப்பார்கள். ஆனால் வில்லன் எதற்கும் பிடி கொடுக்க மாட்டார். இவர் யார்? இவருக்கு என்ன பிரச்சனை என்பதுடன் படத்தை தொடங்கி இருக்கிறார் இயக்குனர்.

மேலும் இதில் வில்லுப்பாட்டு வைத்து கதையை நகர்த்தி இருக்கிறார்.

சையது மஜீத், ரமேஷ் ஆறுமுகம், ஜான் கிலாடி, சரண்யா ரவிச்சந்திரன், மேக்னா எலன், விஜி சேகர் என இதுவரை நாம் பார்க்காத புது முகங்கள் தான் பைரி-யின் அடையாளங்கள்..

நண்பனுக்காக எதையும் செய்யத் துணிந்த கோபக்கார இளைஞன் சையத் மஜீத். அதே சமயம் காதலிக்காக உருகுவதும் அம்மாவுக்காக பயந்து நடுங்குவதும் ஒரு கட்டத்தில் அம்மாவை எதிர்ப்பதும் என நடிப்பில் மிரட்டி இருக்கிறார் சையத் மஜித்.

தனது முதல் படத்திலேயே சில நாயகர்கள் முத்திரை பதித்திருப்பார்கள்.. பராசக்தி-யில் சிவாஜி பருத்திவீரனில் கார்த்தி அதுபோல பைரி-யில் சையது மஜீத்..

நாயகனின் தாயாக சரஸ்வதி கேரக்டரில் மிரட்டி இருக்கிறார் அம்மா விஜி சேகர். இவர் சிங்கம் 2, சண்டக்கோழி என 12+க்கும் மேற்பட்ட படங்களின் நடித்திருந்தாலும் இந்த கேரக்டர் இவரை பெரிய அளவில் கொண்டு சேர்க்கும்.

நாயகனின் முறை பெண்ணாக சித்ரா என்ற கேரக்டரில் அருமையான நடிப்பை கொடுத்திருக்கிறார் சரண்யா ரவிச்சந்திரன். மாமாவின் அன்புக்காக ஏங்கும் காட்சிகளிலும் ஒரு கட்டத்தில் மாமா மாமி இருவருக்கும் இடையில் சரண்யா சிக்கிக் கொண்டு தவிக்கும் பாச போராட்டம் ரசிக்க வைக்கிறது.

அமல் என்ற கேரக்டரில் நாயகனின் நண்பனாக மிரட்டி இருக்கிறார் இந்தப் படத்தின் இயக்குனர் ஜான் கிலாடி. நண்பனுக்காக வில்லனை எதிர்த்து அதன் பின்னர் பயந்து நடுங்கும் காட்சிகளில் சிரிப்பையும் பரிதாபத்தையும் ஒன்று சேர்க்கிறார்.. இவரின் அப்பா மாற்றுத்திறனாளியாக நம்மை கண்கலங்க வைத்து விடுகிறார்.

இவர்களுடன் மக்களே மக்களே என்று என்று அழைத்து நம் கவனம் இருக்கிறார் ரமேஷ் ஆறுமுகம்.. இளைஞர்கள் கெட்டுவிடக்கூடாது நல்வழிப்படுத்த வேண்டும் என இவர் செய்யும் ஒவ்வொரு செயலும் இதுபோல நம் ஊருக்கு ஒருவர் கிடைக்க மாட்டார்? என ஏங்க வைத்து விடுகிறார்.

சுயம்பு கேரக்டரில் வில்லனாக வினு லாரன்ஸ் நடித்திருக்கிறார். இவரது கேரக்டர் பெரிய அளவில் பேசப்படும்.. இவரது உடலும் உடல் மொழியும் நம்மை மிரட்டும்.

இவர்களுடன் சுயம்புவின் மச்சான் லிங்காவின் நண்பர்களும் என ஒவ்வொரு கேரக்டரும் நம் மனதை விட்டு நீங்காது.

டெக்னீசியன்ஸ்…

நாகர்கோவில் பகுதியைச் சேர்ந்த ஜான் கிளாடி என்பவர் இயக்கியுள்ளார்.
டி கே ப்ரொடக்ஷன்ஸ் சார்பாக வி துரைராஜ் என்பவர் தயாரித்து இருக்கிறார். இயக்குனரைப் போல இவருக்கும் இதுதான் முதல் படம்..

நாயகனின் நண்பராக ஜான் கிளாடி முக்கிய கேரக்டரில் நடித்திருக்கிறார்.. நண்பனுக்காக உசுர கொடுக்கணும் நண்பனுக்கு பிரச்சனை வந்தா உசுர எடுக்கணும் என்பதாக திரைக்கதையை அமைத்து அமல் கேரக்டருக்கு வலு சேர்த்து இருக்கிறார்.

புறா காட்சிகளில் கிட்டத்தட்ட படத்தில் 950 சிஜி ஷாட்கள் இருக்கின்றன..

இயக்குனரின் புறா பந்தய திரைக்கதைக்கு தங்கள் பங்களிப்பை அதிக அளவில் ஐவர் கொடுத்திருக்கின்றனர்.. இசை அமைப்பாளர், ஒளிப்பதிவாளர், கலை இயக்குனர், சண்டை பயிற்சியாளர் மற்றும் படத்தொகுப்பாளர்.

Producer – V.Durai Raj
Director – John Glady
DOP – A.V. Vasantha Kumar
Music director – Arun Raj
Editor – R.S.Sathish Kumar
Fight master – Vicky
Art directer – Anish

Choreography – Srikrish
SFX – Sathish
Sound design – Raja Nallaiah
Costume design – Dinesh ft
Makeup – Kumaresan
VFX – Sekar Murugan
Lyrics – Karthik Netha, Mohan Rajan, Pon manoban

வசந்தகுமாரின் ஒளிப்பதிவு நம்மை ஆச்சரியப்படுத்தும்.. முக்கியமாக இரவு நேரத்தில் புறாக்கள் வானில் பறந்து கொண்டிருக்கும்போது நாயகன் டூவீலரில் சென்று கொண்டிருப்பார். அதை இரண்டையும் அழகாக கோர்த்து நம் கண்களுக்கு விருந்து படைத்திருக்கிறார்.

இந்தப் படத்திற்காக நிறைய கிராபிக்ஸ் காட்சிகளை பயன்படுத்தி இருக்கின்றனர். புறாக்களை வேட்டையாடும் பைரி அடித்து செல்லும் காட்சிகள் சிறப்பு..

கலை இயக்குனரும் பைட் மாஸ்டரும் தங்கள் பங்களிப்பை மிகவும் நேர்த்தியாக கொடுத்திருக்கின்றனர்.. புறா வளர்க்கும் கட்டிட அமைப்பு அதற்காக அவர்கள் தேர்ந்தெடுக்க இடம் என ஒவ்வொன்றையும் அழகாக வடிவமைத்து இருக்கின்றார் கலை இயக்குனர் அனீஸ்.

ஃபைட் மாஸ்டர் விக்கியும் ஒவ்வொரு சண்டை காட்சிகளையும் அனல் தெறிக்க வீச்சாக கொடுத்திருக்கிறார்.

தடம் படத்தில் அருமையான பாடல்களை கொடுத்து அருண் ராஜா தான் இந்த படத்திற்கு இசையமைத்திருக்கிறார். பாடல்களும் பின்னணி இசையும் மிரட்டல் ரகம்… முக்கியமாக இடைவேளை மற்றும் கிளைமாக்ஸ் காட்சிகள் இவரது இசை நம்மை சீட்டு நுனியில் உட்கார வைக்கும்.

ஜல்லிக்கட்டு – சேவல் சண்டை என பல படங்களில் நாம் பார்த்திருப்போம்.. ஆனால் இதில் புறா பந்தயத்தை வைத்து ஒரு புதுமையான திரைக்கதையை அமைத்து ரசிகர்களை குஷிப்படுத்தி இருக்கிறார். இயக்குனர் ஜான் கிலாடி.. இரண்டாம் பாகத்திற்கான அவர் வைத்த ட்விஸ்ட் வேற லெவல்..

பாகுபலி கட்டப்பாவை கொன்றது ஏன்? விவாதம் வந்ததைப் போல இந்தப் படத்தில் லிங்கம் வர மாட்டார் வரவே மாட்டார் என்ற கிளைமாக்ஸ் வசனங்கள் நிச்சயம் பெரிய பரபரப்பை ஏற்படுத்தும்..

கன்னியாகுமரி மற்றும் நாகர்கோவில் பகுதிகளில் நடந்த உண்மை சம்பவங்களை தொகுத்து அங்குள்ள மனிதர்களின் நடிக்க வைத்து ஒரு யதார்த்தமான சினிமாவை கொடுத்திருக்கிறார் இயக்குனர். அதே சமயம் கேரக்டர்களில் நடித்த ஒவ்வொருவரையும் அழகாக பிரேமில் நிறுத்தி மக்கள் மனதிலும் நிற்க வைத்திருக்கிறார். படம் முடிந்து வரும்போது நிச்சயம் லிங்கா, அமல், சுயம்பு, சித்ரா, விஜி அம்மா & ரமேஷ் உள்ளிட்ட பல கேரக்டர்கள் உங்கள் மனதில் நிரந்தரமாக இடம் பிடிக்கும்.

பெரும்பாலும் படத்தின் கதையை மையப்படுத்தி தலைப்பு இருக்கும் ஆனால் இதில் புறாக்களுக்கு எதிரியான பைரி-யை தலைப்பாக்கி ஒரு வித்தியாசமான திரைக்கதை அமைத்து விட்டார் ஜான் கிளாடி.

இந்தப் படத்தைப் பார்த்து வாங்கியே தீருவேன் என அடம்பிடித்த விநியோகஸ்தர் சக்திவேலன் அவர்களை நிச்சயம் பாராட்ட வேண்டும். பத்திரிகையாளர்கள் சந்திப்பில் இவர் ஒவ்வொரு படத்திற்கும் பக்கபலமாக இருந்து சக்திவேலன் பங்கேற்று பேசும் பேச்சும் கவனிக்கத்தக்கது.

இவரது முயற்சியால் இன்று பல சின்ன படங்களுக்கு முகவரி கிடைத்தது என்று சொன்னால் அது மிகையல்ல.

எப்போது பைரி பட இரண்டாம் பாகம் வெளியாகும் என்ற எதிர்பார்ப்பை இந்த பைரி ஒன்று நிச்சயம் ஏற்படுத்தும்.. பைரி படத்தின் மூன்றாம் பாகம் வந்தாலும் ஆச்சரியப்படுவதற்கு இல்லை..

DI – Get in dream studios
Co Director – Ganga Ram,
Associate Director – S. Panneer Selvam,
First Assistants – Mahesh Casber, Jaiso’n.
Executive producer – Pon Manoban, Dinesh Kumar
stills – A.J.J jovieh
Designs – Design point
Lyric video – Fix it in post Promotion
Production Manager – S.Mariyappan
PRO – Nikil Murukan

BYRI movie review and rating in tamil