By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
ஏஜிஎஸ் நிறுவனம் தயாரிப்பில் காமெடி நடிகர் சதீஷ் கதையின் நாயகனாக நடித்துள்ள படம் ‘கான்ஜூரிங் கண்ணப்பன்’.
யுவன் சங்கர் ராஜா இசையமைக்க
அறிமுக இயக்குனர் செல்வின் ராஜ் சேவியர் இயக்கியுள்ளார்.
கதைக்களம்…
கம்ப்யூட்டரில் உருவாகும் விளையாட்டுகளை வடிவமைக்கும் (கம்ப்யூட்டர் கேம் டிசைனர்) நபர் நாயகன் சதீஷ். ஒரு கட்டத்தில் இவரது வீஎட்டு கிணற்றில் வினோதமான பொருள் ஒன்று கிடைக்கவே அது பத்திரப்படுத்தி வைக்கிறார்.
அதில் இருக்கும் இறகை இவர் பறித்த போது அடிக்கடி கனவுலகம் செல்கிறார். கனவில் இவரை பேய்கள் துரத்துகிறது.
பின்னர் நிஜ வாழ்க்கைக்கு வருகிறார். இதற்காக அவர் மருத்துவர் ரெடின் கிங்சிலியை சந்திக்கும்போது அவரும் ஒரு இறகை பறிக்க அவரும் கனவுலகுக்கு செல்கிறார். அடுத்ததாக ஆனந்தராஜ் இப்படியாக.. இவர்கள் அனைவரும் கனவுலகில் பேய்களால் துரத்தப்படுகிறார்கள்.
நிஜ வாழ்க்கைக்கும் கனவுல வாழ்க்கைக்கும் இவர்கள் சிக்கிக் கொண்டு தவிக்க எப்படி தப்பித்தார்கள் என்பதுதான் படத்தின் மீதிக்கதை.
கேரக்டர்ஸ்…
நாய் சேகர் என்ற படத்தில் கதையின் நாயகனாக நடித்திருந்தார் சதீஷ். அந்த படத்தை தயாரித்த ஏஜிஎஸ் நிறுவனமே இந்த படத்தையும் தயாரித்துள்ளது. பயம் பதட்டம் குழப்பம் என பரிதவிப்பை காட்டியிருக்கிறார் சதீஷ்.
கொஞ்ச நேரமே வந்து செல்லும் கேரக்டரில் நாயகி ரெஜினா.. இவர் பெரிய ஈர்ப்பை ஏற்படுத்தவில்லை.
தமிழ் சினிமாவுக்கு கிடைத்த நவீன அம்மா சரண்யா சில நாட்கள் லீவு விட்டு இருந்தார். இதில் மீண்டும்.. யூடியூப்பராக அலப்பறை.
இவர்களுடன் ஆனந்தராஜ், ரெடின் கிங்ஸ்லி, விடிவி கணேஷ், நமோ நாராயணா, ஆதித்யா கதிர் என ஒரு பட்டாளமே உள்ளனர்.
ஆனந்தராஜ் எப்போதுமே தன்னுடைய கேரக்டர் மூலம் ரசிகர்களை ஆனந்த படுத்துவார். இதிலும் அவர் ஸ்கோர் செய்து இருக்கிறார்.
ஏழுமலையாக பேய் ஓட்டும் நிபுணராக நாசர்.
டெக்னீசியன்ஸ்…
இசை : யுவன் சங்கர் ராஜா. பேய் படத்திற்கு ஏற்ப பேயாக உழைத்து பின்னணி இசையில் மிரட்டி இருக்கிறார்.
அதுபோல கனவுலகம் நிஜ உலகம் என இரண்டு காட்சிகளுக்கும் ஏற்ப ஒளிப்பதிவாளர் எஸ்.யுவா மற்றும் படத்தொகுப்பாளர் பிரதீப் இ.ராகவ் இருவரும் தங்கள் பணிகளில் நேர்த்தி.
கலை இயக்குனர் மோகன மகேந்திரன் தன் கைவண்ணத்தை சிறப்பாக கொடுத்திருக்கிறார். கன உலகம் & நிஜ உலகம் என வித்தியாசம் காட்டி வியப்பிக்க வைத்துள்ளார்
அறிமுக இயக்குனர் செல்வின் ராஜ் சேவியர். அறிமுகம் என்றாலும் ஒரு வித்தியாசமான ஜர்னரில் பேய்க்கதாய் கொடுக்க முயற்சித்துள்ளார். முக்கியமாக பேய்களால் உறங்க விடாமல் செய்வதும்.. உறங்கினால் கனவு வருமே.. அதிலிருந்து தப்பிப்பதும் என குழப்பமான கதையாக இருந்தாலும் அதை குழப்பமின்றி தெளிவான திரைக்கதையுடன் கொடுத்திருக்கிறார்.
Conjuring Kannappan movie review and rating in tamil
