தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
பொதுவாகவே ரஜினிகாந்த் படங்களுக்கு எல்லா தரப்பு ரசிகர்களிடையே எதிர்பார்ப்பு அதிகளவில் இருக்கும்.
அதுவும் ரஜினிகாந்த் தன்னுடைய அரசியல் பிரவேசத்தை அறிவித்த பின்னர் காலா திரைப்படம் வருவதால் இதன் மீதான எதிர்பார்ப்பு இன்னும் அதிகரித்துள்ளது.
அண்மையில் காலா டீசர் வெளியாகி தமிழகத்தை பெரும் தாக்கத்தை ஏற்படுத்தியது எனலாம்.
இந்நிலையில் காலா படத்தில் நாயகியர்களில் ஒருவராக நடித்துள்ள அஞ்சலி பாட்டீல் தன் கேரக்டர் குறித்து கூறியுள்ளார்.
இவர் தாராவி பகுதியில் வாழும் தமிழ் பேசத் தெரிந்த மராத்திப் பெண்ணாக நடித்திருக்கிறாராம்.
அவர் கூறியதாவது…
ரஜினி சார் ரொம்ப எளிமையான மனிதர். அவரிடம் இருந்து மனிதத் தன்மையை நாம் கற்றுக் கொள்ள வேண்டும்.
காலாவில் என் கேரக்டர் பெயர் ‘புயல் சாருமதி கெய்க்வாட்’.
இந்த படத்தில் ரஜினி சாரின் காதலியாக ஹுமா குரேஷி நடித்துள்ளார்.
எனக்கும் ஒரு முக்கியமான கேரக்டர் உள்ளது. கதையை நகர்த்திச் செல்லும். சிறப்பான பல காட்சிகளில் நான் இருப்பேன்.
காலா ஒரு அரசியல் படம்தான். அழுத்தமான அரசியல் கருத்துக்கள் படத்தில் இருக்கிறது.
படத்தின் பாதியை மகாராஷ்டிராவிலும், பாதியை தமிழ்நாட்டிலும் எடுத்திருக்கிறோம்.
படத்திலும் மராட்டியம் சம்பந்தமான பல விஷயங்கள் உண்டு. இந்த படத்தில் நான் நடிக்க அதுவும் ஒரு காரணம்.” என கூறினார் அஞ்சலி பாட்டீல்.
Kaala will be Action based political story says Anjali Patil