பாட்னர் விமர்சனம் 1.5/5.. பாவம்ய்யா விட்டுங்க

அடியே விமர்சனம் 3.25/5 .; Scientific Love

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஒன்லைன்…

டைம் ட்ராவல் டைம் லுப் உள்ளிட்ட பல படங்களின் கலவைதான் இந்த ‘அடியே’

டைம் ட்ராவல் கதைகளில் கடந்த காலத்திற்கும் எதிர்காலத்திற்கும் செல்ல முடியும். ஆனால் இதில் ALTERNATE REALITY & UNIVERSAL PARALLEL என்பதையும் கலந்து கொடுத்திருக்கிறார் இயக்குனர் விக்னேஷ் கார்த்திக்.

அதாவது அந்நியன் படத்தில்.. “அம்பியாக இருக்கும் விக்ரம் திடீரென ரெமோவாக மாறி இருப்பார். ஆனால் மற்றவர்கள் அப்படியே தான் இருப்பார்கள். ஆனால் இந்த கதையை பொருத்தவரை ட்டைம் டிராவல் போல கடந்த காலத்திற்கு செல்லும் நாயகன் மட்டுமல்லாமல் அவர் சம்பந்தப்பட்ட சில நபர்களும் செல்கின்றனர்.

மேலும் 12B படத்தில் வருவது போல பஸ்ஸை பிடித்து ஏறி இருந்தால் ஒரு கதை. பஸ்ஸை தவறவிட்டால் மற்றொரு கதை. ரியாலிட்டியை மீறிய மற்றொரு ரியாலிட்டி தான் ஆல்டர்னேட் ரியாலிட்டி.

கதைக்களம்…

பள்ளி பருவத்திலேயே தன்னுடைய பெற்றோர்களை ஒரு விபத்தில் இழந்தவர் ஜிவி பிரகாஷ். அதன் பின்னர் நண்பர்கள் உதவியால் படித்தாலும் வாழ்க்கையின் விரக்தித்தின் காரணமாக தற்கொலை செய்ய முயற்சிக்கிறார்.

அப்போது தனக்கு பிடித்தமான பெண் பாடகி கௌரி டிவியில் ஒரு பேட்டி அளிக்கிறார். அதில் எனக்கு ஒரு முதல் ரசிகன் இருக்கிறார் அவரை நான் காதலிக்கிறேன் அவரை இதுவரை பார்த்ததில்லை என்கிறார்.

இதனை கேட்ட ஜிவி பிரகாஷ் கௌரியை சந்திக்க நினைக்கிறார்.. “நான் தான் உங்களது முதல் ரசிகன்” என சொல்ல முயற்சித்து செல்கிறார். அப்போது எதிர்பாராத விதமாக ஒரு விபத்தில் சிக்கிக் கொள்கிறார். காலை எழுந்ததும் வேறு உலகத்தில் இருக்கிறார்.

அதில் மனைவியாக கௌரி வருகிறார். இந்த மாற்றம் எப்படி நிகழ்ந்தது என புரியாமல் தவிக்கிறார் ஜிவி பிரகாஷ். ஆனால் சில நாட்களிலேயே மீண்டும் தன்னுடைய பழைய உலகத்திற்கே வந்து விடுகிறார். இதன் பின்னணி என்ன என்பதுதான் படத்தின் மீதி கதை.?

கேரக்டர்கள்…

தாடி வைத்த கல்லூரி இளைஞனாக ஜிவி பிரகாஷ். அதே சமயம் தாடி மீசை இல்லாத பள்ளி மாணவன்.. என இரண்டு இரண்டு தோற்றங்களிலும் முதிர்ச்சியான நடிப்பை கொடுத்துள்ளார்.

வேறு உலகத்திற்கு சென்றவுடன் இவர் செய்யும் சேட்டைகள் ரசிக்க வைக்கிறது. ஆனால் இவரது முகத்தை அடிக்கடி க்ளோசப் சாட்டில் காட்டிக் கொண்டிருப்பது போர்.

பள்ளி மாணவி – பாடகி – மனைவி என ஒவ்வொரு தோற்றத்திற்கும் ஏற்ப அழகும் குறும்புத்தனமும் கலந்து கொடுத்திருக்கிறார் நாயகி கௌரி.

நாயகன் ஜிவி பிரகாஷிடம் இவர் என்னை பிடிக்கவில்லையா? என்று கேட்கும் அழும் காட்சிகளில் கண் கலங்க வைத்து அருமையான நடிப்பை கொடுத்துள்ளார் செந்தாழினியான கௌரி.

ஆர் ஜே விஜய் வழக்கம் போல சீரியஸான படங்களுக்கு கலகலப்பு ஊட்டி செல்கிறார். இவரது கேரக்டர் பெயரே ரசிக்க வைக்கிறது அதை வைத்தும் காமெடி செய்து இருக்கிறார்.

மற்றொரு உலகத்தில் கெளதம் மேனனாக வெங்கட் பிரபு, தன்னை தானே நக்கல் அடித்துக் கொண்டு நம்மை சிரிக்க வைக்கிறார்.

டெக்னீசியன்கள்…

இயக்குநர் மணிரத்னம் கிரிக்கெட் கோச்.. பயில்வான் ரங்கநாதன் இசையமைப்பாளராக.. கூல் சுரேஷ் ஊமையாக அதுவும் தனுஷ் ரசிகராக.., ஹுண்டாய் நிறுவனம் பேஸ்ட், பிரதமராக விஜயகாந்த் என ALTERNATIVE REALITY கொடுத்திருக்கிறார் இயக்குனர் விக்னேஷ் கார்த்திக்.

ஒரு சிலருக்கு கேரக்டர்கள் பெயரை மாற்றிய இயக்குனர் செந்தாழினி என்ற கேரக்டர் பெயரை மட்டும் எல்லா உலகத்திற்கு ஒரே மாதிரி காட்டி இருப்பது ஏன்? அது போல அவரது செல்போன் நம்பரும் மாறாமல் இருப்பதன் அவசியம் என்ன.?

கோகுல் பினோய் ஒளிப்பதிவு படத்தை பிரமாண்டமாக காட்டியிருக்கிறது. ஜஸ்டின் பிரபாகரனின் இசையில் பாடல்களும் சரி, பின்னணி இசையும் படத்திற்கு பலம் சேர்த்திருக்கிறது. கவிதையாகவே பாடலை கொடுத்து ரசிக்க வைத்திருக்கிறார்.

அறிவியல் காதல் இரண்டையும் கலந்து வித்தியாசமான கோணத்தில் கதை சொல்ல முயற்சித்துள்ளார் இயக்குனர் விக்னேஷ் கார்த்திக். இடைவேளை வரை விறுவிறுப்பாக செல்லும் திரைக்கதை இடைவேளைக்குப் பிறகு 30 நிமிடங்கள் குழப்பமான திரைக்கதையை கொடுத்துள்ளது.

அதை எல்லாம் கிளைமாக்ஸ் காட்சிகளில் விளக்கம் கொடுத்து நிவர்த்தி செய்து இருக்கிறார் இயக்குனர் விக்னேஷ் கார்த்திக்.

ஆக இந்த அடியே… அறிவியல் காதல்

Adiyae movie review and rating in tamil

வான் மூன்று விமர்சனம்.; முதல் காதல் முதல் முதிர்ந்த காதல் வரை

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

அறிமுக இயக்குநர் ஏ.எம்.ஆர்.முருகேஷ் இயக்கத்தில், ஆதித்யா பாஸ்கர், வினோத் கிஷன், அம்மு அபிராமி, அபிராமி வெங்கடாச்சலம், டில்லி கணேஷ், லீலா சாம்சன் ஆகியோர் நடித்துள்ளனர்.

வினோத் குமார் சென்னியப்பன் தயாரிக்க ‘வான் மூன்று’ படம் ஆகஸ்ட் 11 ஆம் தேதி ஆஹா தமிழ் ஓடிடி தளத்தில் நேரடியாக ரிலீசாகிறது.

ஒன்லைன்…

வான் என்றால் பயணம் என்றொரு பொருள் உண்டு.. அதன்படி மூவரின் வாழ்க்கை பயணம் தான் இந்த வான் மூன்று.

கதைக்களம்…

காதல் தோல்வியால் விஷம் அருந்தி சிகிச்சைக்காக மருத்துவமனையில் அனுமதிக்கப்படுகிறார் நாயகன் ஆதித்யா பாஸ்கர். இவரை போலவே அதே வார்டில் வேறொரு காதல் தோல்வியால் விஷம் அருந்தி சிகிச்சைக்கு அனுமதிப்படுகிறார் நாயகி அம்மு அபிராமி.

இவர்கள் சிகிச்சைக்காக பத்து நாட்கள் மருத்துவமனையில் தங்க நேரிடுகிறது. அப்போது அம்மு மீது ஆதித்யாவுக்கு காதல் வருகிறது. இது ஒரு கதை.

இரண்டாவதாக வினோத் மற்றும் அபிராமி. – அபிராமியின் அப்பா எதிர்ப்பை மீறி அவரை திருமணம் செய்கிறார் வினோத். திருமணமான ஒரு வருடத்திற்குள் தன் மனைவிக்கு பிரைன் டியூமர் என்ற வியாதி இருப்பதை அறிகிறார்.

தன் காதலியை காக்க போராடும் காதலனின் கதை தான் இது.

மூன்றாவது காதல் டெல்லி கணேஷ் லீலா.. – வயது முதிர்ந்த இந்த காதல் தம்பதியர் தங்கள் பிள்ளைகளின் ஆதரவு இல்லாமல் வாழ்கின்றனர்.

தன் மனைவிக்கு தீவிரமான வியாதி இருப்பதை அறிந்த டெல்லி கணேஷ் அவரை காப்பாற்ற போராடுகிறார். பணமில்லாமல் தவிக்கிறார். இந்த 3 காதல் ஜோடியின் பயணம் தான் இது.

இறுதியில் என்ன ஆனது என்பதுதான் படத்தின் மீதிக்கதை.

கேரக்டர்கள்…

ஆதித்யா பாஸ்கர் – அம்மு அபிராமி

வினோத் கிஷன் – அபிராமி வெங்கடாச்சலம்

டெல்லி கணேஷ் – லீலா சாம்சன் ஆகியோர் தங்களது கேரக்டரை உணர்ந்து அதற்கு உயிரூட்டி உள்ளனர்.

ஆதித்யாவின் அம்மாவாக வருபவர் ஒரு கிராமத்து பெண்மணியின் யதார்த்த உணர்வை சிறப்பாக செய்துள்ளார்.

வினோத் மற்றும் அபிராமியின் காதல் நம்மை கண்கலங்க வைக்கிறது.

தான் நேசித்த மனைவியின் சிகிச்சைக்கு பணம் இல்லையே என டெல்லி கணேஷ் போராடும் தவிப்பு ஒரு முதிர்ந்த காதலின் முதிர்ச்சியை வெளிப்படுத்துகிறது. அதுபோல லீலாவின் நடிப்பு.. விட்டுக் கொடுத்து வாழ்வதே வாழ்க்கை என்பதை உணர செய்திருக்கிறது.

டெக்னீஷியன்கள்…

நாம் அளவுக்கு அதிகமாக நேசித்த ஒருவரை பிரிய நேரிடும் போது காதல் வலியை உணர்வோம். அந்த வலியை மிக அழகாக சொல்லி இருக்கிறார் இயக்குனர்.

கிட்டத்தட்ட இந்த படம் முழுவதுமே ஒரே மருத்துவமனையில் நகரும் காட்சிகளாகவே அமைக்கப்பட்டுள்ளது. ஆனாலும் ஒளிப்பதிவாளர் சார்லஸ் தாமஸ் அதனை போர் அடிக்காமல் நேர்த்தியாக படம் பிடித்து கொடுத்திருப்பது சிறப்பு.

ஆர் 2 பிரதர்ஸின் இசையில் பாடல்கள் ரசிக்கும்படி உள்ளது. அது படமாக்கப்பட்ட விதமும் கண்களுக்கு இதமளிக்கிறது.

படத்தொகுப்பாளர் அஜய் மனோஜ் கொஞ்சம் காட்சிகளை கத்திரி போட்டிருந்தால் விறுவிறுப்பு கூடியிருக்கும்.

இந்தப் படத்தை தியேட்டரில் வெளியிடாமல் நேரடியாக ஓடிடி தளத்தில் வெளியிட வேண்டும் என நினைத்து இந்த படத்தை இயக்கியதாக இயக்குனர் முருகேஷ் தெரிவித்திருந்தார். எனவே அதன் படி டிவி சீரியல் போல மெதுவாக நகரும் கதையை அமைத்திருக்கிறார்.

ஆனால் காதலில் தோல்வியடைந்த ஆதித்யா விஷம் குடித்து தற்கொலைக்கு முயற்சித்து ஆஸ்பத்திரியில் அனுமதிக்கப்படுகிறார். ஒரு வார கட்டத்தில் அம்மு மீது ஆதித்யாவுக்கு காதல் வருகிறது. சின்சியராக காதலித்த ஒருவன் மீண்டும் அடுத்த காதலில் ஒரே வாரத்தில் விழுவது எப்படி என்றே தெரியவில்லை? அது இயக்குனருக்கே வெளிச்சம்.

காதலுக்கு வயது தடையில்லை என்பதை ஆழமாக சொல்லி இருக்கிறார்.. அதுபோல எத்தனை காதல் வந்தாலும் காதல் காதல்தான். அதே சமயம் 65 வயதில் நாம் ஓய்வாக அமர்ந்திருக்கும் போது எந்த காதல் நம் மனதில் வருகிறதோ அது மட்டுமே உண்மையான காதல் என விளக்கம் கொடுத்திருக்கிறார் இயக்குநர் ஏ.எம்.ஆர்.முருகேஷ்.

ஆக வான் மூன்று… முதல் காதல் முதல் முதிர்ந்த காதல் வரை

Vaan Moondru review and rating in tamil

ஜெயிலர் விமர்சனம் 4/5.; ஜெயிச்சிட்டாரு

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

சிலை கடத்தல் கும்பலால் கடத்தப்பட்ட தன் மகனை மீட்க போராடும் ஒரு தகப்பனின் கதை இந்த ஜெயிலர்..

கதைக்களம் :

முத்துவேல் பாண்டியன் (ரஜினிகாந்த்) தன் மனைவி ரம்யா கிருஷ்ணன் தன்னுடைய மகன் வசந்த ரவி மருமகள் பேரன் என ஒரு நடுத்தரமான வாழ்க்கையை வாழ்ந்து வருகிறார்.

நேர்மையான போலீஸ் அதிகாரியான வசந்த் ரவி ஒரு சிலை கடத்தல் கும்பலை கண்டுபிடிக்கிறார். இதனால் அந்த கும்பலுக்கும் வசந்த ரவிக்கும் மோதல் உருவாக வசந்த ரவியை கடத்தி விடுகிறது.

அந்த கும்பலிடம் இருந்து தன் மகனை மீட்க அவதாரம் எடுக்கிறார் முன்னாள் போலீஸ் அதிகாரியான முத்துவேல் பாண்டியன் என்ற ஜெயிலர்.

அதன் பிறகு என்ன நடந்தது.? என்பதுதான் படத்தின் மீதிக்கதை.

கேரக்டர்கள்…

எந்த ஒரு ஆர்ப்பாட்டமும் இல்லாமல் யதார்த்தமான சீனியர் சிட்டிசனாக அறிமுகமாகிறார் ரஜினி.

பேரனுடன் விளையாடுவது.. மனைவியுடன் செல்லமாக கோபிப்பது.. மகன் மீது பாசத்துடன் கை கோர்ப்பது என சிம்பிளாக வந்து செல்கிறார் சூப்பர் ஸ்டார்.

ஒரு கட்டத்தில் தன் மகனை மீட்க இவர் எடுக்கும் அசுரவேகம் அதகளம் செய்கிறது.

தலைவர் அலப்பறை தலைவர் நிரந்தரம் என்ற பாடல் வரிகளுக்கு ஏற்ப இடைவேளைக்குப் பிறகு மாஸ் காட்டி இருக்கிறார் ரஜினி.

மகனாக வசந்த்ரவி. இவரது கேரக்டரில் இயக்குனர் வைத்த திருப்புமுனை எதிர்பாராத ஒன்று.

அழகான மனைவி அன்பான துணைவி என்பது போல விஜயா கேரக்டருக்கு பெருமை சேர்த்திருக்கிறார் ரம்யா கிருஷ்ணன்.

நடிகை காம்னா கேரக்டரில் தமன்னா.. காவலா பாட்டுக்கு நம்மையும் ஆட வைக்கிறார்.

கால் டாக்சி டிரைவராக யோகிபாபு வருகிறார். இவரும் ரஜினியும் சேர்ந்து செய்யும் டார்க் காமெடி களை கட்டியுள்ளது எனலாம்.

ரஜினிக்கு நிகரான மிரட்டல் வில்லனாக விநாயகன் நடித்திருக்கிறார். இவரது காட்சிகள் படத்திற்கு பெரும் பலம். முக்கியமாக இவர் எதிரிகளை கொல்லும் காட்சிகள் வித்தியாசமான கற்பனை.

மோகன்லால் – சிவராஜ்குமார் – ஜாக்கி ஷரப் ஆகியோரது கேரக்டர்கள் படத்திற்கு பிளஸ். ஆனால் அவர்களுக்கான கொடுக்கப்பட்ட காட்சிகள் மிகவும் குறைவு.

பெரிய சூப்பர் ஸ்டாரை பயன்படுத்தும் போது அதில் இன்னும் கொஞ்சம் வெயிட் ஏத்தி இருக்கலாம்.

பருத்தி வீரன் சரவணன் கொஞ்ச நேரம் வந்தாலும் சரவெடி. சுனில் காமெடி ஆங்காங்கே சிரிப்பை வர வைக்கிறது. இவரது கெட் அப் கூட சிரிக்க வைக்கும்.

டெக்னீஷியன்கள்…

தன் குடும்பத்தை காக்க ஒரு குடும்பத் தலைவன் எதை வேண்டுமானாலும் செய்வான் என்பதை அதிரடி ஆக்ஷன் உடன் கலந்து கொடுத்து இருக்கிறார் இயக்குனர் நெல்சன்.

அனிருத் இசையில் உருவான காவலா என்ற பாடல் ஆட்டம் போட வைக்கிறது.. தலைவர் அலப்பறை என்ற பாடல் ரஜினி ரசிகர்களை முறுக்கேற்றுகிறது. மற்ற பாடல் பெரிதாக கவனம் பெறவில்லை.

படத்தின் ஒளிப்பதிவு எடிட்டிங் நேர்த்தியாக உள்ளது.

ஆனால் படத்தின் கருவாக கருதப்படும் ஜெயிலர் பிளாஷ்பேக் காட்சிகள் ரசிக்கும் படியாக இல்லை. முக்கியமாக ரஜினியின் போலீஸ் கெட்டப் கவனம் பெறவில்லை.

இடைவேளைக்கு முன்பு வரை இருந்த விறுவிறுப்பு இரண்டாம் பாதியில் கொஞ்சம் குறைவு தான். ஆனால் அதை எல்லாம்
கிளைமாக்‌ஸில் வைத்து மிரட்டி இருக்கிறார் இயக்குனர் நெல்சன்.

நெல்சன் இதற்கு முன்பு இயக்கிய கோலமாவு கோகிலா, டாக்டர் படங்களில் ஹைலைட்டாக கருதப்பட்ட டார்க் காமெயை இந்த படத்திலும் இடைவேளை வரை கொடுத்து படத்தை படத்திற்கு சுவாரஸ்யம் கூட்டி இருக்கிறார். முதல் பாதி காமெடி இரண்டாம் பாதி ஆக்சன் என இரண்டையும் கலந்து ரசிகர்களுக்கு மக்களுக்கும் ட்ரீட் கொடுத்துள்ளார் நெல்சன்.

ரஜினி சிகரெட் பிடிக்கும் காட்சிகள் ரசிகர்களுக்கு எப்போதுமே ஸ்டைலான மாஸ்தான்..

அதை ஒரு காட்சியில் வைத்து ரஜினி மோகன்லால் சிவராஜ்குமார் ஆகிய மூவருக்கும் சேர்த்து சூப்பர் ஸ்டார் பாடலை ஒலிக்க விட்டது கூடுதல் சிறப்பு.

ஆக ‘ஜெய்லர்’.. ஜெயிச்சுட்டாரு..

rajinikanth’s Jailer review and rating in tamil

சான்றிதழ் விமர்சனம்.; வித்தியாசமான வில்லேஜ்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

Casting : Harikumar, Roshan Bhashir, Ratha ravi, Abu Khan, Ravimariya, Manobala, Aruldass, Kowsalya, Ashika Ashokan, Tanisha Kuppanda, Adithya Kathir, Kajal Pasupathi, Uma Shree

Directed By : Jayachandran

Music By : Baiju jacob

Produced By : Vettrivel Cinemas – SJS. Sundharam & JVR

தறுதலையாக இருக்கும் ஒரு கிராமத்தினர் கருவறையில் இருக்கும் புனிதர்களாக மாறும் கதை தான் இந்த சான்றிதழ்

கதைக்களம்…

கருவறை என்ற ஒரு கிராமம். இந்த கிராமத்திற்கு மத்திய அரசு நற்சான்றிதழ் கொடுக்க நினைக்கிறது. அந்த கிராமத்தினரோ சான்றிதழ் கொடுக்க வேண்டுமென்றால் எங்கள் கிராமத்திற்கு கவர்னர் வரவேண்டும் என்கின்றனர்.

அப்படி என்ன சாதித்தது அந்த கிராமம்? அந்த கிராமத்தில் நடக்கும் நடவடிக்கைகள் என்ன? என்பதுதான் அனைவரின் ஆச்சரிய கேள்விகளாகும்.

எனவே அந்த கிராமத்தில் என்ன நடக்கிறது என்பது அறிய மீடியாக்களும் சில மர்மநபர்களும் உள்ளே நுழைகின்றனர்.

அத்துமீறி அவர்கள் நுழைந்து விட்டதால் அவர்களை ஒரு தனி அறையில் அடைத்து வைக்கின்றனர் கிராமத்தினர். கிராமம் முழுவதும் சிசிடிவி கேமராக்கள் அனைவரையும் கண்காணிக்கிறது.

இரவு 8 மணிக்கு மேல் யாரும் மொபைல் போன் பயன்படுத்தக்கூடாது.. எவர் குடிக்க விரும்பினாலும் குவாட்டர் அளவு தான் குடிக்க வேண்டும் என்கின்றனர்.

இப்படியாக கட்டுப்பாட்டுக்குள் அந்த கிராமத்தை வைத்திருக்க என்ன காரணம்.? இதற்கு முன் என்ன நடந்தது என்பதுதான் படத்தின் மீதிக்கதை.

கேரக்டர்கள்…

இதுவரை ஏற்காத வெள்ளந்தி கேரக்டரில் வெள்ளை சாமியாக வாழ்ந்திருக்கிறார் ஹரிக்குமார். ஆனால் இவரது ஆலோசனைகளும் நடவடிக்கைகளும் செயற்கை தனமாக உள்ளது.

ஆனால் இவரை போல் ஊருக்கு ஒருவர் இருந்தால் நிச்சயம் இந்த நாடு விரைவில் வல்லரசாகும்.

கருவறை கிராமத்து இளைஞராக ரோஷன் பஷீர் – நிருபராக வரும் ஆஷிகா அசோகன். இருவரும் காதலர்களாக வந்து கதைக்கு குளிர்ச்சி ஊட்டி செல்கின்றனர்.

குடிகாரன் மற்றும் நல்லவன் என மாறுபட்ட பாத்திரங்களை செய்து இருக்கிறார் ரவி மரியா. ஆதித்யா கதிர் வரும் காட்சிகள் கலகலப்பு. ஒன் லைன் டைமிங் காமெடியில் சிரிக்க வைக்கிறார்.

ராதாரவி கௌசல்யா அருள்தாஸ் மனோபாலா ஆகியோருக்கு பெரிதாக காட்சிகள் இல்லை என்றாலும் நடிப்பில் குறைவில்லை.

ஹரிகுமாரின் மனைவி அழகாக வந்து இளைஞர்களை சூடேற்றுகிறார். காஜல் பசுபதி, உமா ஸ்ரீ ஆகியோரும் இதில் அடக்கம்.

டெக்னீஷியன்கள்…

இசையமைப்பாளர் பிஜு ஜேக்கப்பின் இசையில் பாடல்கள் ஓகே. பின்னணி இசையில் இன்னும் மெனக்கெட்டு இருக்கலாம்.

படத்தொகுப்பாளர் ஜெ.எப்.காஸ்ட்ரோ தன் பணியை கவனமாக செய்து இருக்கலாம். இடைவேளையில் வரும் காட்சியும் கிளைமாக்ஸ் வரும் காட்சியும் தொடர்புடையதாகவே இல்லை. தறுதலை கிராமம் கருவறையாக மாறுவதை கதைக்கு ஏற்ப எடிட்டிங் செய்திருக்கலாம்.

கலை இயக்குநர் நாஞ்சில் பி.எஸ்.ராபர்ட் தன் பணியில் நேர்த்தி.

இடைவேளைக்கு முன்பு ஒரு கதையாகவும் இடைவேளைக்குப் பின்பு வேறு கதையாகவும் சித்தரிக்கப்பட்டுள்ளது. எனவே இந்த இரண்டும் துண்டு படங்கள் போலவே பார்வையில் தோன்றுகிறது. அதற்கு முக்கிய காரணம் இடைவேளையில் வைத்த காட்சிகளை கிளைமாக்ஸில் வைத்து இருக்கலாம்.

கருவறை போல ஒரு கிராமம் இருந்தால் எவ்வளவு சிறப்பாக இருக்கும் என எண்ண வைக்கிறது காட்சி அமைப்புகள். நடக்கிறதோ? இல்லையோ? ஆனால் அப்படி ஒரு ஊர் கட்டுப்பாடு இருந்தால் இந்தியா ஓர் உயர்ந்த இடத்தை அடையும் என எதிர்பார்க்கலாம்.

ஒரு புதிய கோணத்தில் ஓர் அழகிய கிராமத்தை கண் முன் நிறுத்தி இருக்கிறார் இயக்குனர் ஜெயச்சந்திரன் அரபு நாடுகளில் விதிக்கப்படும் கடுமையான சட்டங்களைப் போல இந்த கிராமத்திலும் சில விதிமுறைகளை வகுத்திருக்கிறார்.

இப்படியாக மக்கள் வாழ்ந்தால் நிச்சயம் நற்-சான்றிதழ் நமக்கெல்லாம் கிடைக்கும் என நம்பலாம்..

Harikumar starrer Saandrithazh movie review

வெப் விமர்சனம்.; சோசியல் டிரிங்க் அலர்ட்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

போதை வலையில் சிக்கிய இளம் பெண்கள்..

கதைக்களம்…

ஷில்பா மஞ்சுநாத் – சுபபிரியா மலர் – சாஸ்வி பாலா உள்ளிட்டவர்கள் ஐ.டி-யில் பணிபுரியும் பெண்கள். வார விடுமுறை என்றாலே இவர்கள் கிளப்புக்கு சென்று போதையில் மிதக்கும் தோழிகள்.

இவர்களை பெற்றோர்கள் எவ்வளவோ கண்டித்தும் அதை பொருட்படுத்தாமல் மை லைஃப் மை ரூல்ஸ் என வாழ்கின்றனர்.

ஒருநாள் இரவு தோழிகள் அதிக போதையில் கார் ஓட்டிக்கொண்டு செல்லும்போது திடீரென நட்டி @ நடராஜால் கடத்தப்படுகின்றனர்.

இவர்களை கடத்தி ஒரு அறையில் அடைத்து வைக்கும் நடராஜ் இவர்களுக்கு உணவு & ஊசி என அனைத்தையும் கொடுக்கின்றார்.

இந்த பெண்களை நடராஜ் கடத்த காரணம் என்ன.? அவர்களுக்கும் நடராஜுக்கும் என்ன சம்பந்தம்? இந்த பெண்கள் தப்பிக்க என்ன செய்தார்கள்.? என்பதுதான் படத்தின் மீதிக்கதை.

கேரக்டர்கள்…

இடைவேளைக்கு முன்பு ஒரு கேரக்டர் இடைவேளைக்குப் பின்பு மாறுபட்ட கேரக்டர் என இரண்டையும் கச்சிதமாக செய்து இருக்கிறார் நட்டி. இவரின் நோக்கம் என்ன ஏன் கடத்தினார்? என்பது புரியாமலே இடைவேளை வரை வந்து விடுகிறது.

அதில் ஏதேனும் திருப்பங்கள் வைத்து கொஞ்சம் சுவாரஸ்யம் கூட்டி இருக்கலாம். படத்தின் கிளைமாக்ஸ் காட்சியில்தான் எல்லா காரணமும் தெரியவருகிறது. அதுவும் சற்று நேரத்தில் முடிந்து விடுவதால் கதையின் மீதான சுவாரஸ்யம் குறைவு தான்.

போதையில் திளைக்கும் பெண்களுக்கு பாடம் நடத்தி இருக்கிறார் இயக்குனர் ஹாருன். ஐடி பெண்களுக்கே உரித்தான ஷ்டைலிஸ் லுக்கில் வருகிறார் ஷில்பா மஞ்சுநாத்.

வீட்டுக்கு அடங்காத ‘மை லைஃப் மை ரூல்ஸ்’ என்ற தத்துவத்தில் வாழும் டீன் ஏஜ் பெண்களை கண்முன் நிறுத்தி இருக்கிறார்.

பெண்கள் கடத்தப்பட்ட பிறகு அவர்கள் குடும்பத்தாரின் நிலை என்ன? அவர்களின் பரிதவிப்பு என்ன என்பதை ஒரு காட்சியில் கூட இயக்குனர் காட்டவில்லை என்பதாலேயே நமக்கு சந்தேகம் வருகிறது.

ஐடி தோழிகளாக வரும் அனன்யா மணி, சாஷ்வி பாலா, முரளி, சுபபிரியா மலர் உள்பட அனைவரும் சிறப்பாக செய்திருக்கிறார்கள்.

மொட்ட ராஜேந்திரன் காட்சிகள் தேவையே இல்லை. படத்திறன் கலகலப்புக்கு உதவ உள்ளே நுழைந்து இருக்கிறார். ஆனால் காமெடி கொஞ்சம் கூட இல்லை.

டெக்னீஷியன்கள்…

இசையமைப்பாளர் கார்த்திக் ராஜா.

பாடலாசிரியர் ஜெகன் கவிராஜ் எழுதிய பாடலும் கார்த்திக் ராஜா இசையும் படத்தின் கதை ஓட்டத்திற்கு கை கொடுத்துள்ளது.

ஒளிப்பதிவாளர் கிறிஸ்டோபர் ஜோசப்.

ஐடி நிறுவனம்… நைட் பார்ட்டி உள்ளிட்ட காட்சிகள் அழகு.. அதுபோல பாழடைந்த பங்களா ஆர்ட் செட் அனைத்தும் ரசிக்கும் வகையில் உள்ளது சிறப்பு.

போதைப் பழக்கத்திற்கு விழிப்புணர்வு ஏற்படுத்தும் வகையில் திரைக்கதையை அமைத்து எதிர்பாராத கிளைமாக்ஸ் கொடுத்திருக்கிறார் இயக்குனர் ஹாரூன்.

இந்தக் கடத்தல் காட்சியில் குடும்பத்தினரின் பரிதவிப்பு இல்லை.. போலீஸ் இல்லை.. ஆகியவை நமக்கு சந்தேகத்தை வரவிருக்கிறது.

எனவே காட்சிகளை எளிதாக யூகிக்க முடிகிறது.

ஆக சோசியல் டிரிங்க் என்ற கலாச்சாரம் ஆபத்தானது என சொல்லி இருக்கிறார் இயக்குனர்.

அதேசமயம் மது குடிப்பது குற்றம் என்றால் மது விற்பதும் குற்றம் தானே.. எனவே அரசாங்கத்திற்கு எதிராகவும் தன்னுடைய கோரிக்கையை வைத்திருக்கலாம்.

Natty and Shilpa starrer WEB movie review