உத்தமராஜா… உத்தரவு மகாராஜா விமர்சனம்

உத்தமராஜா… உத்தரவு மகாராஜா விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நடிகர்கள்: உதயா, பிரபு, ஸ்ரீமன், கோவை சரளா, குட்டி பத்மினி, எம்எஸ். பாஸ்கர், ஆடம்ஸ் மற்றும் பலர்.
இயக்கம் – ஆஷிப் குரேஷி
இசை – நரேன் பாலகுமார்
ஒளிப்பதிவு – பாலாஜி ரங்கா
தயாரிப்பு – உதயா
பிஆர்ஓ. – நிகில் முருகன்

கதைக்களம்…

சிறுவயது முதலே கோட் சூட் போட்டுக் கொண்டே இருக்க வேண்டும் என நினைப்பவர் உதயா. ஆனால் இவருடைய ஏழ்மையால் அது கிடைக்காமல் போகிறது.

எனவே நிறைய சம்பாதித்து கோடிக்கணக்கான சொத்துக்களை சேர்த்து மிகப்பெரிய கோடீஸ்வரனாக ஆக வேண்டும் என்பதை லட்சியமாக வைத்துக் கொண்டே வளர்கிறார்.

இவர் அடிக்கடி இவரை பற்றி பில்டப் கொடுப்பதால் இவரை நண்பர்கள் கூட நம்புவது கிடையாது. ஆனால் இவரை ஒரு நாயகி சின்சியராக காதலிக்கிறார்.

ஒரு நாள் இவர் ஓவர் மப்பில் எங்கோ சென்று படுத்து உறங்கி விடுகிறார். இவர் ஒரு நாள் மட்டும் எங்கோ சென்றதாக நினைக்கிறார். ஆனால் இவரின் நண்பர்கள் 30 நாட்கள் இவரை காணாமல் தேடுகின்றனர்.

அப்படியிருந்தால் தான் 30 நாட்கள் வரை எங்கிருந்தேன்.? தன் வாழ்க்கையில் என்ன நடந்தது என்பது புரியாமல் குழம்பி போகிறார்.

இவரை அறியாமல் இவருக்குள் ஒரு ஓசை கேட்டுக் கொண்டே இருக்கிறது. அந்த கட்டளைகளை இவர் செய்யவிட்டால் இவரை டார்ச்சர் செய்கிறது.

அதன்படி இவர் உத்தரவு மகாராஜா… உத்தரவு மகாராஜா என செய்துக் கொண்டே இருக்கிறார்.

அப்படியென்றால் தன் மூளைக்குள் என்ன நடக்கிறது? என்ன ஆனது? என்பதை புரியாமல் தவிக்கிறார்.

ஒரு மருத்துவ பரிசோதனையில் அதில் ஒரு மைக்ரோ சிப் இருப்பது தெரிய வருகிறது, அப்படி என்றால் இவரை இயக்குவது யார்? அவரின் நோக்கம் என்ன? இதனால் அவர் அடையும் லாபம் என்ன? என்பதே படத்தின் மீதிக்கதை.

கேரக்டர்கள்…

படத்தில் முதல் பாதிவரை நமக்கே பைத்தியம் பிடித்துவிடும் என்கிற அளவுக்கு ஒரு குழப்பக்காரனாய் உதயா அசத்தியுள்ளார்.

சில காட்சிகள் அது ஓவராய் தெரிந்தாலும் அந்த கேரக்டருக்கு அப்படியான ஒரு நடிப்பு தேவை என்பதை 2ஆம் பாதியில் உணர்த்தியுள்ளார் டைரக்டர்.

இப்படத்தை உதயாவே தயாரித்து நடித்துள்ளார். இதுநாள் வரை வெறுமனே வந்து செல்லும் கேரக்டர்களில் வந்திருந்தாலும் அதை எல்லாம் சேர்த்து வைத்து இதில் அருமையான நடிப்பை வழங்கியிருக்கிறார்.

உதயாவுக்கு ஒரு கேரக்டர்தான் என்றாலும் 3 கட்டங்களில் வருவதால் 3 நாயகிகள் உள்ளனர். ஒரு நாயகியின் கேரக்டர் இவருக்கு தொடர்பு இல்லாமல் பிரபு உடன் பயணிக்கிறது.

விண்வெளிக்கு செல்ல ஆசைப்படும் அந்த ப்ரெண்ட் கேரக்டர் நாயகி நல்ல நடிப்பை வழங்கியுள்ளார். டிரைவர் ப்ளாக்பேக்கில் வரும் ஹீரோயினும் நல்ல தேர்வு.

இதில் 2வது ஹீரோ ரேஞ்சுக்கு நடித்திருக்கிறார் பிரபு. டாக்டராகவும் போட்டோகிராபராகவும் என கச்சிதம்.

ஆனால் அந்த இளம் பெண் உடன் நட்பில் அழுத்தம் இல்லாத காரணத்தால் ப்ளாஷ்பேக் காட்சிகள் சுவாரஸ்யம் இல்லை.

நடிகர் சங்கத்தில் தனக்கு நன்கு பரிட்சயமான நடிகர்களை இதில் அதிகளவில் நடிக்க வைத்துள்ளார் உதயா.
காவல்துறை அதிகாரிகளாக கோவை சரளா, ஸ்ரீமன் நடித்துள்ளனர். காமெடிதான் எடுபடவில்லை.

எம்.எஸ்.பாஸ்கர், குட்டி பத்மினி நல்ல தேர்வு. குட்டி பத்மினிக்கு அந்த லோக்கல் குரல் கொடுத்தவர் யாரோ? இவருக்கு பொருத்தமாக இல்லை.

நரேன் பாலகுமாரின் இசையில் பாடல்களை விட பின்னணி இசை மிரட்டல்.

பிரபு பாடும் அந்த பாடல் நன்றாக இருந்தாலும் அந்த நாயகி மீது பிரபு கொண்ட நட்பு நம்பும் படியாக இல்லை. குறுகிய காலத்தில் அப்படியொரு நட்பில் அழுத்தம் இல்லை. பாலாஜி ரங்காவின் ஒளிப்பதிவு படத்திற்கு பலம் சேர்த்துள்ளது.

உதயா பைத்தியம் பிடித்து ஓடும் காட்சிகளில் பின்னால் வரும் குதிரைகள் கிராபிக்ஸ் ரசிக்கும்படி உள்ளது.

முதல் பாதியில் கதை கடுப்பாக ஆனாலும் 2ஆம் பாதியில் அதை சரி செய்து நமக்கு புரிய வைத்துள்ளார் டைரக்டர் ஆஷிப் குரேஷி.

தாம் பணத்துக்கு ஆசைப்பட்டு ஏதாவது ஒரு தவறு செய்தால், அதன் விளைவு நம்மை என்றாவது ஒருநாள், ஏதாவது ஒரு வழியில்பாதிக்கும் என ஆணித்தரமாக சொன்ன குரேஷிக்கு ஒரு பொக்கே கொடுக்கலாம்.

வித்தியாசமான கதைக்களம் இருந்தும் ஒரு வலுவில்லாத நட்புக்காக இந்த பழிவாங்கல் இந்த கதை பயணிப்பதுதான் நம்பும் படியாக இல்லை.

கோடீஸ்வரான இருக்கும் உதயா உடையில் கூட கஞ்சத்தனம் செய்வது ஏன்? கோடீஸ்வரனாக அவரை காட்டியிருக்கலாமே. அவ்வளவு பணத்தை வைத்துக் கொண்டு அவர் என்ஜாய் கூட செய்யவில்லையே.

உத்தமராஜா… உத்தரவு மகாராஜா

Utharavu Maharaja review

சமூக காவலன்… திமிரு புடிச்சவன் விமர்சனம்

சமூக காவலன்… திமிரு புடிச்சவன் விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நடிகர்கள்: விஜய் ஆண்டனி, நிவேதா பெத்துராஜ், சாய் தீனா, சம்பத்ராம், லட்சுமி ராமகிருஷ்ணன், முத்துராமன் மற்றும் பலர்.
இயக்கம் – கணேசா
இசை – விஜய் ஆண்டனி
ஒளிப்பதிவு – ரிச்சர்ட் எம் நாதன்
தயாரிப்பு – பாத்திமா விஜய் ஆண்டனி
பிஆர்ஓ – சுரேஷ் சந்திரா

கதைக்களம்…

போலீஸ் விஜய் ஆண்டனிக்கு ஒரு தம்பி இருக்கிறார். தன் தம்பி மீது அதிகம் பாசம் வைத்திருக்கிறார்.

ஒரு கட்டத்தில் ஓடி போகும் தம்பி. இளைஞராகி பிரபல ரவுடி மீசை பத்மா உதவியால் நிறைய தவறுகளை செய்கிறார்.

இதனால் வேறு வழியின்றி தன் தம்பியை என்கௌண்டர் செய்து விடுகிறார் விஜய் ஆண்டனி.

நீ என்னை அழித்துவிடலாம். ஆனால் என்னைப் போன்ற நிறைய ரவுடிகளை மீசை பத்மா உருவாக்கி வைத்திருக்கிறார். அவர்களை உன்னால் ஒன்றும் செய்ய முடியாது. முடிந்தால் ஒரு ரவுடியை நீ திருத்திவிடு என்று சவால்விடுகிறார்.

தன் தம்பி ஆத்மா இதை அடிக்கடி சொல்லிக் கொண்டே இருப்பதல் உறக்கம் இழந்து தவிக்கிறார் விஜய் ஆண்டனி.

18க்கு வயதுக்குட்பட்ட சிறுவர்களை கூறிவைத்தே மீசை பத்மா தன் காரியங்களை செய்து வருவதால், அவர்களை அழிக்கவும் முடியாமல் திருத்தவும் முடியாமல் குழம்பி வருகிறார் விஜய் ஆண்டனி.

இதனால் மீசை பத்மாவுக்கும் விஜய் ஆண்டனிக்கும் மோதல் முற்றுகிறது.

இளைஞர்களின் மத்தியில் மீசை பத்மாவிற்கு இருக்கும் ஹீரோ இமேஜ்ஜை கொஞ்ச கொஞ்சமாக காலி செய்ய திட்டமிடுகிறார்.

இதனிடையில் ஊழல் மற்றும் லஞ்சத்தால் வளர்ந்துள்ள தன் காவல் துறையே தன் நேர்மைக்கு எதிராக செயல்படுவதால் அதையும் எதிர்கொள்கிறார்.

காவல் துறை அதிகாரிகளை எப்படி திருத்தினார்? சிறார் குற்றவாளிகளை எப்படி நல்வழிக்கு கொண்டு வந்தார்? மீசை பத்மாவை எப்படி காலி செய்கிறார் இந்த திமிரு புடிச்சவன் என்பதே படத்தின் மீதிக்கதை.

கேரக்டர்கள்…

போலீஸ் ஸ்டோரியில் புதிய கதைக்களத்தை தேர்ந்தெடுத்துள்ள கணேசாவை முதலில் பாராட்ட வேண்டும். அதுபோல் முதன்முறையாக மிடுக்கான அதே சமயம் அமைதியான போலீஸ் அதிகாரி நடித்துள்ள விஜய் ஆண்டனியை பாராட்டலாம்.

தம்பி மீது பாசம், சமூகம் மீது நேசம், ரவுடி மீது ரோசம் என மாறுபட்ட நடிப்பை தந்துள்ளார் விஜய் ஆண்டனி.

ஆனால் ரொமான்ஸ்தான் இவருக்கு சுட்ட போட்டாலும் வருவதில்லை. நிவேதா போல ஒரு பிகர் இருந்தும் விஜய் ஆண்டனி முறுக்கிக் கொண்டே இருப்பது நெருடலை தருகிறது.

மருத்துவ முத்தம் காட்சி இருந்தும் டூயட் இல்லாமல் இருப்பது காதலர்களுளுக்கு சோதனை.

பெரும்பாலும் ஹீரோயின்களுக்கு படம் முழுக்க வரும் காட்சிகள் இருக்காது. ஆனால் இதில் நிவேதா பெத்துராஜீக்கு அப்படியொரு வாய்ப்பு கிடைத்துள்ளது.

நிவேதாவும் கிடைத்த கேப்பில் எல்லாம் தன் கவர்ச்சியாலும் காமெடியாலும் ரசிக்க வைத்து விடுகிறார். நன்றாக முயற்சித்தால் காமெடியிலும் கலக்க வாய்ப்புள்ளது.

மீசை பத்மா கேரக்டரில் சாய் தீனா. சிறார்களை வைத்து குற்றம் செய்வதற்கு இவர் சொல்லும் காரணங்கள் மிரள வைக்கிறது. நடிப்பிலும் மிரட்டியிருக்கிறார்

போலீஸ் ஏட்டாக சம்பத்ராம். நடிப்பில் நம் கவனம் ஈர்க்கிறார். ஏட்டு என்றாலே ஏளனமாக பார்ப்பவர்களை இன்ஸ்பெக்டர் விஜய் ஆண்டனி கௌரவப்படுத்தும் சீன் செம.

லட்சுமி ராமகிருஷ்ணன் மற்றும் முத்துராமன் இருவரும் சில காட்சிகளில் வந்தாலும் நிறைவான நடிப்பை தந்துள்ளனர்.

தொழில்நுட்ப கலைஞர்கள்…

ரிச்சர்ட்எம் நாதன் ஒளிப்பதிவில் காட்சிகள் அருமை. பகல் இரவு என லைட்டிங்கிலும் கவனம் ஈர்த்துள்ளார். எடிட்டர் தான் நம்மை பொறுமையை சோதித்து விட்டார். கோழிச்சண்டை போன்ற காட்சிளை நீக்கியிருக்கலாம்.

அந்த காட்சியை வைத்து மீசை மாதவனை கைது செய்தாலும் அதற்கு கோழி திருட்டு காரணம் மட்டுமே போதுமே.

நாயகன் விஜய் ஆண்டனியே இசையமைத்துள்ளார். பாடல்களும் பின்னணி இசையும் படத்திற்கு பலம் சேர்த்துள்ளன.

அருண் பாரதி வரிகளில் பாடல் வரிகள் அனைத்தும் அருமை. நக…நக… பாடல்.. திமிருக்கே புடிச்சவன் பாடல்கள் தாளம் போட்டு ரசிக்க வைக்கிறது. நீ உன்னை மாற்றிக் கொண்டால் பாடல் நிச்சயம் வரவேற்பை பெறும்.

கம்பீரமான போலீஸ் அதிகாரி சில நேரங்களில் அட்வைஸ் செய்துக் கொண்டே இருப்பது போரடிக்கிறது.

படத்தின் நீளமும் திரைக்கதை அமைப்பும் பலவீனமாக உள்ளது.

விஜய் ஆண்டனிக்கு உறக்கமின்மை மற்றும் பிளட் பிரசர் உள்ளிட்ட நோயை கொடுத்து அதை சொன்ன விதத்தில் கொஞ்சம் தடுமாறியிருக்கிறார் டைரக்டர் கணேசா.

படத்தில் தெலுங்கு சாயல் அதிகமாகவே உள்ளது. தமிழ் மக்களை விட ஆந்திரா ரசிகர்களை நிச்சயம் அதிர வைப்பான் இந்த திமிரு புடிச்சவன்.

ரவுடி மற்றும் திருடன் திருந்தினால் மட்டுமே குற்றத்தை முழுமையாக ஒழிக்க முடியும் என்பதையும் அதை போலீஸே செய்ய துணிவதையும் ஆணித்தரமாக சொன்ன கணேசாவை கட்டி அணைத்து பாராட்டலாம்.

சமூக காவலன்… திமிரு புடிச்சவன்

Thimiru Pudichavan review rating

இல்லத்தரசிகளின் இனிய மொழி… காற்றின் மொழி விமர்சனம்

இல்லத்தரசிகளின் இனிய மொழி… காற்றின் மொழி விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நடிகர்கள்: ஜோதிகா, விதார்த், லட்சுமி மஞ்சு, எம்எஸ் பாஸ்கர், மனோபாலா, குமரவேல், யோகிபாபு, சிம்பு, மதுமிதா மற்றும் பலர்.
இயக்கம் – ராதாமோகன்

இசை – காசிப்
ஒளிப்பதிவு – முத்துசாமி
தயாரிப்பு – தனஞ்செயன்

பிஆர்ஓ – ஜான்சன்

கதைக்களம்

கணவன் மற்றும் ஒரு பையன் என்ற சின்ன வளையத்திற்குள் குடும்பத்தலைவியாக விஜயலட்சுமி (ஜோதிகா).

இவருக்கும் நவீன பெண்களை போல் வேலைக்கு செல்ல வேண்டும் என்ற ஆசை உள்ளது. ஆனால் +2 பெயில் என்பதால் தயக்கத்துடன் வாழ்கிறார்.

அப்பாவின் மட்டந்தட்டம், இரட்டை சகோதரிகளின் கிண்டலுக்கு பயந்து அந்த ஆசையை மனதிற்குள் அடக்கி வைத்து இருக்கிறார்.

இந்நிலையில் ஒரு ரேடியோ பரிசுப் போட்டியில் வென்று ஹலோ எப்.எம் வானொலியில் ஆர்ஜே வேலை கிடைக்கிறது.

மனதுக்கு பிடித்த வேலையை சந்தோஷமாக செய்கிறார். ஆனால் அது இரவு வேலை என்பதால் குடும்பத்தில் பல சிக்கல்களை சந்திக்க, வேலையை விடும் சூழ்நிலை ஏற்படுகிறது.

அதை எப்படி சமாளித்தார்? இந்த விஜயலட்சுமி என்பதுதான் மீதிக்கதை

கேரக்டர்கள்

இல்லத்து அரசி அப்பாவி விஜயலட்சுமி, ரேடியோ ஜாக்கி அசத்தல் மது என இரண்டிலும் கலக்கியிருக்கிறார் ஜோதிகா.

தனக்கே உரித்தான துறுதுறுப்பு, காமெடி, செண்டிமெண்ட் கலந்து விஜயலட்சுமி கேரக்டரை அருமையாக செய்துள்ளார்.

உங்கள மாதிரி பெண்கள்தான் எங்களுக்கு இன்ஸ்பிரேசன் என லட்சுமி மஞ்சுவிடம் ஜோதிகா சொல்லும் ஒரு வார்த்தையிலேயே மாடர்ன் கேர்ள்ஸ் மீது இல்லத்தரசிகளுக்கு உள்ள கிரேஸ் தெரிகிறது.

ஜோதிகாவின் பாஸ் ஆக நடித்துள்ள லட்சுமி மஞ்சு பாஸ் மார்க் வாங்கிவிடுகிறார்.

ஆபிஸ் டென்சன் கணவராக விதார்த். ஒரு கட்டத்தில் நிம்மதியை இழந்து நிற்கும் காட்சியில் கணவன்மார்களையும் கண் கலங்க வைத்து விடுகிறார்.

என்னதான் ஒரு கணவர் சமையலறைக்கே செல்லாமல் இருந்தாலும், கடுகு மற்றும் டீத்துள்க்கு கூடவா வித்தியாசமல் தெரியாமல் இருப்பார்.?? இது எல்லாம் ரொம்ப ஓவரூ…

ராதாமோகன் படங்களில் மட்டும் குமரவேலுக்கு எப்படி தான் இந்த நடிப்பு வருகிறதோ? எந்த கேரக்டர் என்றாலும் கைத்தட்டல்களை வாங்கிவிடுகிறார்.

சில காட்சிகளில் வந்தாலும் மயில்சாமி. சூப்பர் சிரிப்பு சாமி.

இவர்களுடன் சிறப்பான நடிப்பில் எம்எஸ். பாஸ்கர் மற்றும் மனோபாலா.

கெஸ்ட் ரோலில் யோகிபாபு. அவர் காட்சிகளில் தியேட்டர்களில் சிரிப்பலை தான். படம் முழுவதும் வரும் அப்பார்ட்மெண்ட் வாசி கேரக்டக்ராக அவருக்கு கொடுத்திருக்கலாம்.

சிம்பு ஒரே ஒரு காட்சியில் வந்தாலும் சிறப்பு. ‘லேட்டா வந்ததுக்காக எங்கிட்ட ஸாரி கேட்ட ஒரே ஆள் நீங்கதான்’ என்று ஜோதிகாவிடம் சிம்பு கேட்பது செம. புரிந்தவர்கள் நிச்சயம் கை தட்டி ரசிப்பார்கள்.

தொழில்நுட்ப கலைஞர்கள்…

இசையமைப்பாளர் காசிப் இசையில்… கிளம்பிட்டாளே விஜயலட்சுமி, போ உறவே, டரட்டி பொண்டாட்டி பாடல்கள் மன நிறைவைத் தருக்கின்றன. ஜிமிக்கி கம்மல் பாடல் ஏற்கெனவே ஹிட்டான பாடல். அதை சரியான இடத்தில் பயன்படுத்தியுள்ளனர்.

முத்துசாமி ஒளிப்பதிவு கண்களுக்கு விருந்து. படத்தை ரசிக்க அவை கை கொடுக்கிறது.

முதல் பாதியில் கொஞ்சம் எடிட்டிங் செய்திருக்கலாம்.

என்ஜின் டிரைவருக்கு ஜோதிகா சொல்லும் ஆலோசனை… அட அட சூப்பர்யா… என்ற அசை போட வைக்கிறது. வசனங்கள் நச். ரகம்.

நதியெங்கே போகிறது… கடலைத் தேடி… என்ற பாடல் சேர்க்கப்பட்ட இடம் அருமை. ஆர்.ஜே. கேரக்டருக்கு மது ஒரு கிக் ஏற்றியுள்ளார்.

ராதாமோகன் படங்கள் என்றாலே குடும்பத்துடன் ரசிக்கலாம். அதை மீண்டும் ஜோதிகாவுடன் இணைந்து கொடுத்திருப்பது மிகச்சிறப்பு.

வேலைக்கு போகும் பெண்கள் எல்லாருக்கும் பல பிரச்சினைகள் இருக்கும். அதை மற்றவர்கள் எப்படி பார்க்கிறார்கள்? என்பதை விட தன் கணவன் மற்றும் வீட்டார்கள் எப்படி பார்க்க வேண்டும் என்பதை சொன்ன ராதாமோகனுக்கு ராஜமரியாதை கொடுக்கலாம்.

ஒரு தாய் எந்த சூழ்நிலையிலும் தன் பிள்ளைகளை விட்டுக் கொடுக்க மாட்டாள் என்பதையும் அழகாக சொல்லியிருக்கிறார். அதை புருசன் புரிந்துக் கொண்டு க்ளைமாக்ஸில் கொடுக்கும் வேலைக்கான அனுமதி ரசிக்க வைக்கிறது.

காற்றின் மொழி… இல்லத்தரசிகளின் இனிய மொழி

தளபதி ராஜ்ஜியம்…; சர்கார் திரை விமர்சனம்

தளபதி ராஜ்ஜியம்…; சர்கார் திரை விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நடிகர்கள்: விஜய், கீர்த்தி சுரேஷ், வரலட்சுமி, ராதாரவி, பழ கருப்பையா, யோகிபாபு மற்றும் பலர்.
இயக்கம் – ஏஆர். முருகதாஸ்
இசை – ஏஆர். ரஹ்மான்
ஒளிப்பதிவு – கிரிஷ் கங்காதரன்
எடிட்டர் – ஸ்ரீகர் பிரசாத்
தயாரிப்பு – சன் பிக்சர்ஸ்
பிஆர்ஓ – ரியாஸ் கே அஹ்மது

கதைக்களம்…

வெளிநாட்டில் ஒரு மிகப்பெரிய கம்பெனியில் CEOவாக இருக்கிறார் சுந்தர் ராமசாமி (விஜய்). இவர் ஒரு கார்ப்பரேட் கிரிமினல். இவர் நினைத்தால் தனக்கு எதிரியான அனைத்து கம்பெனிகளையும் காலி செய்துவிடுவார்.

இவர் இந்தியா வருவதால் இந்தியாவில் உள்ள கம்பெனிகளே பயந்து நடுங்குகின்றன.

பின்னர்தான் தமிழகத்தில் நடைபெறும் சட்டமன்றத் தேர்தலுக்காக மட்டுமே இவர் வந்துள்ளார் எனத் தெரிகிறது.

ஆனால் விஜய்யின் ஓட்டை யாரோ கள்ள ஓட்டு போட்டுவிட்டார்கள். இவர் உலகளவில் பிரபலமான நபர் என்பதால் இது ஒட்டு மொத்த தமிழகத்திற்கே தெரிந்து விடுகிறது.

என் ஓட்டை பதிவு செய்ய நான் 3500 கிலோ மீட்டர் கடந்து வந்துள்ளேன்

என் ஒரு ஓட்டை பதிவு செய்யாமல் நான் வெளிநாடு செல்ல மாட்டேன் என கோர்ட்டுக்கு செல்கிறார்.

கோர்ட் உத்தரவுப்படி அவருக்காக ஒரு ஓட்டு போடும் தேர்தல் நடைபெறவுள்ளது.

49P என்ற சட்ட பிரிவின் படி நம் ஓட்டை வேறு யாராவது பதிவு செய்திருந்தால் நாமே பதிவு செய்ய உரிமை உள்ளது. எனவே விஜய் அந்த சட்டம் வழியாக செல்ல, நாட்டு மக்களிடையே விழிப்புணர்வு வருகிறது.

இதனால் பலரும் கோர்ட் வரை செல்ல, ஆட்சி அமைப்பதில் பிரச்சினை நீடிக்கிறது. இதனால் மறு தேர்தல் வேண்டும் என விஜய்யைப் போல பலரும் கேட்கின்றனர்.

இதனால் விஜய்க்கும் 2 முறை முதல்வராக இருந்த பழ கருப்பையாவிற்கும் பிரச்சினை எழுகிறது.

அதன்பின்னர் இருவரும் சவால் விட சர்கார் என்ன ஆனது? என்பதுதான் மீதிக்கதை.

கேரக்டர்கள்…

சர்கார் முழுவதும் விஜய்யின் ராஜ்ஜியம்தான். வெறுமனே மாஸ் மட்டும் காட்டாமல் க்ளாஸ் ஆகவும் நடித்திருக்கிறார்.

சமூகத்தில் வெற்றிப் பெற்ற ஒருவன் தன் ஒவ்வொரு முடிவையும் நிதானமாகத்தான் எடுப்பார். அதை சரியாக செய்திருக்கிறார் விஜய். ஆக்சன் காட்சிகளில் சரவெடியாய் வெடித்திருக்கிறார்.

பாடல்களுக்கு மட்டுமே வந்து செல்லும் நாயகி போல கீர்த்தி சுரேஷ். இவரது கேரக்டரில் வலுவில்லை. லிவிஸ்டனின் மகளாக வந்து செல்கிறார்.

இரண்டு அரசியல்வாதிகளாக ராதாரவி மற்றும் பழ கருப்பையா. இருவரும் நல்ல அனுபவ நடிப்பை கொடுத்துள்ளனர். ஆன்னால் அரசியல்வாதி எவ்வளவு மோசமானவர் என்பதை இன்னும் ஆணித்தரமாக காட்டி ஹீரோவுக்கு மாஸ் சேர்த்திருக்கலாம்.

சில காட்சிகளிலேயே வந்தாலும் யோகி பாபு அசத்துகிறார். இவரைப் பார்த்தாலே தியேட்டரில் சிரிப்பலை சத்தம் அடங்க வெகு நேரமாகிறது.

வரலட்சுமி தீபாவளி லட்சுமி வெடியாய் பட்டைய கிளப்பியிருக்கிறார். ஆனால் இவரது கேரக்டரை இன்னும் பலப்படுத்தியிருந்தால் படம் மரண மாஸாக இருந்திருக்கும்.

ஏஆர். ரஹ்மானின் இசையில் பாடல்கள் ஓகே ரகம். ஆனால் பெரிதான தாக்கத்தை ஏற்படுத்தவில்லை. பின்னணி இசையில் கை கொடுத்துள்ளார்.

கவனிக்க வைத்த வசனங்கள்…

கொசு கடிச்சு 87 பேர் டெங்குல சாகுற கொடுமை வேறு எங்காவது நடக்குமா?
“எதிர்க்க ஆளே இல்லன்னு நினைக்கிறது தான் ஜனநாயகத்தோட பெரிய எதிரி”
கக்கனையும், காமராஜரையும் நாமதான் கண்டுபிடிக்கனும்… உள்ளிட்ட பல வசனங்கள் செம.

ப்ளஸ்…

நிதானமான நடிப்பில் நின்று அடித்திருக்கிறார் விஜய்
49 ஓ நோட்டா மாதிரி, தேர்தலில் 49 பி என்ற சட்டம்
வசனங்கள் மற்றும் பர்ஸ்ட் ஆஃப் மாஸ் காட்சிகள்

மைனஸ்….

கதை திருட்டு பிரச்சினையால் டைட்டில் கார்டு முருகதாஸின் பெரிய விளக்கக் கடிதம்.
சிம்டாங்காரன் மற்றும் OMG பொண்ணு தேவையில்லாத பாடல்கள்.
பாடல்களுக்காகவே கீர்த்தியை நாயகியாக வைத்திருக்கிறார்கள்
அட்வைஸ்கள் நிறைந்த செகன்ட் ஆஃப் ஸ்லோ

இயக்கம் பற்றிய அலசல்…

விஜய் என்றாலே மாஸ் காட்டிவிட்டு நாலு பைட், நாலு டான்ஸ் வைத்திருக்கலாம். அவை இல்லாமல் அவரை போன்ற ஒரு ஸ்டாரை நன்றாக நடிக்க வைத்து ஒரு சூப்பர் மெசேஜ் கொடுத்துள்ள முருகதாஸை நிச்சயம் பாராட்டியே ஆக வேண்டும்.

கார்ப்பரேட் முதல் பாலிடிக்ஸ் வரை விஜய்யை வைத்து செம ட்ரீட் கொடுத்துள்ளார். இடையில் மீனவர் வாழ்க்கை மற்றும் டயலாக்குகளை வேண்டுமென்ற திணித்தது போல உள்ளது.

ஆனால் முதல் பாதியில் இருந்த விறுவிறுப்பை 2ஆம் பாதியில் மெய்ண்ட் செய்யாமல் கோட்டை விட்டுவிட்டார்.

லாஜிக் பார்க்காமல் சில கமர்சியல் ஐட்டங்களை சேர்த்துவிட்டதால் இரண்டாம் பாதியில் சில விஷயங்கள் நம்பும்படியாக இல்லை.

சர்கார்.. தளபதி ராஜ்ஜியம்

Vijay Sarkar review rating

விறுவிறுப்பில்லாத ஜகா வண்டி; ஜருகண்டி விமர்சனம்

விறுவிறுப்பில்லாத ஜகா வண்டி; ஜருகண்டி விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நடிகர்கள்: ஜெய், டேனியல், ரெபா மோனிகா, நிதின் சத்யா, ரோபோ சங்கர், அமித் குமார் திவாரி, இளவரசு, போஸ் வெங்கட், ஜி.எம்.குமார், ஜெயக்குமார் மற்றும் பலர்.
இயக்கம் – பிச்சுமணி
இசை – போபோ ஷஷி
ஒளிப்பதிவு – ஆர்டி ராஜசேகர்
எடிட்டர் – பிரவீன் கே.எல்.
தயாரிப்பு – நிதின் சத்யா
பிஆர்ஓ – சுரேஷ் சந்திரா

கதைக்களம்…

லோன் வாங்கிவிட்டு கட்டாமல் இருந்தால் அந்த கார்களை சீஸ் செய்யும் வேலை செய்பவர் ஜெய்.

இவருக்கு ஒரு டிராவல்ஸ் வைக்க வேண்டும் என்பதுதான் லட்சியம். எனவே இவரது நண்பன் டேனியல் உதவியுடன் இளவரசுவை சென்று பார்க்கிறார்.

அவர் ஒரு வில்லங்கமான விஷயத்தை சொல்லி இப்படி செய்தால் உடனே லோன் வாங்கி விடலாம் என்கிறார்.

எனவே அதற்கு ஆசைப்பட்டு பொய்யான வீட்டு டாக்குமெண்ட்ரிகளை கொடுத்து லோன் வாங்கிவிடுகிறார்.

இது போலீஸ் போஸ் வெங்கட்க்கு தெரிய வர, இவர்களை மிரட்டி பணம் சம்பாதிக்க நினைக்கிறார்.

அதன்படி 2 நாட்களில் 10 லட்சம் கேட்கிறார். எனவே பணத் தேவைக்காக நாயகி ரெபா மோகினாவை கடத்துகின்றனர்.

ஆனால் அதுவே அவர்களுக்கு பெரும் சிக்கலாக மாறுகிறது. அதன் பின்னர் என்ன நடந்தது? என்பதே படத்தின் மீதிக்கதை.

கேரக்டர்கள்…

ஸ்மார்ட்டான நாயகனாக ஜெய். அதில் ஒன்றும் குறையில்லை. ஆனால் ஒரே முக பாவனை.

படம் முழுவதும் இவருக்கு பல பிரச்சினைகள் இருந்தாலும் எந்த வித முகபாவனை மாற்றமும் ஜெய்யிடம் இல்லை. நாம்தான் அடுத்து என்னாகுமோ? அப்படின்னு யோசிக்க வேண்டியதா இருக்கு.

நாயகி ரெபோ மோகினி கொஞ்சம் அழகாக இருக்கிறார். நடிக்கவும் செய்திருக்கிறார். ஆனால் யாரும் இவரிடம் கதை கேட்காமல் இவரே தன் ப்ளாஷ்பேக் காட்சிகளை ஏன் சொல்கிறார்?, பின்னர் அதே காட்சிகள் இன்னொரு முறை வருவது போரடிக்க வைக்கிறது.

ஜெய்யின் நண்பராக டேனியல். காமெடி செய்ய முயற்சித்துள்ளார்.

ரோபோ சங்கர் இருந்தும் காமெடி இல்லை. ஒரு வரியில் சொன்னால் சிரிப்பை கொடுக்காத ரோபோ மட்டும் உள்ளது. சங்கர் இல்லை.

மிரட்டும் வில்லனாக அமித் குமார் திவாரி. கொடுத்த காட்சிகளில் குறை வைக்காமல் ஹீரோவிடம் அடி வாங்குகிறார்.

இளவரசு, போஸ் வெங்கட், ஜி.எம்.குமார், ஜெயக்குமார் ஆகியோர் உண்டு. ஆனால் இவரது கேரக்டரில்களில் வலுவில்லை.

நிதின் சத்யா படத்தில் 2 காட்சிகளில் வருகிறார். ஆனால் எதற்கு என்றே தெரியவில்லை. யாருக்காச்சும் தெரியுமா..?

தொழில்நுட்ப கலைஞர்கள்…

போபோ ஷஷியின் பாடல்கள் பெரிதாக கை கொடுக்கவில்லை. ஜெய்யை வேற ஒரு பாடலுக்கு பாட வைத்து நம் பொறுமையை சோதிக்கிறார். ஜெய் பேசினால் எப்படி இருக்கும்? என்பது நமக்கு தெரிந்த ஒன்றுதானே. இதில் அவர் சொந்த குரலில் பாடினால்..?

பின்னணி இசை சில இடங்களில் கை கொடுத்துள்ளது. ஆனால் பல இடங்களில் தேவையை மீறி இரைச்சலை கொடுத்துள்ளது.

மேகராமேன் ஆர்.டி.ராஜசேகர் தன் பணியை சிறப்பாக செய்துள்ளார்.

எடிட்டர் பிரவீன் கே.எல். இன்னும் கொஞ்சம் வேகத்தை கூட்ட முயற்சித்திருக்கலாம்.

படத்தில் நிறைய ட்விட்ஸ்டுக்களை கொடுத்துள்ளார் டைரக்டர். ஆனால் விறுவிறுப்பான திரைக்கதையை ஆமை வேகத்தில் ஓட்டி நம்மை கடுப்பேற்றி விடுகிறார்.

இவரது குரு நாதர் வெங்கட் பிரபு பாணியில் ஒரு கருவை வைத்து அதை வேகமாக கொடுக்க நினைத்து தோற்றுவிட்டார்.

ஜருகண்டி… விறுவிறுப்பில்லாத ஜகா வண்டி

Jarugandi Movie review rating

விளையாட்டுத்தனம்; ஜீனியஸ் திரை விமர்சனம்

விளையாட்டுத்தனம்; ஜீனியஸ் திரை விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நடிகர்கள்: ரோஷன், பிரியா லால், ஆடுகளம் நரேன், மீரா கிருஷ்ணன், சிங்கம் புலி, ஈரோடு மகேஷ், தாடி பாலாஜி, சிங்கமுத்து மற்றும் பலர்.
இயக்கம் – சுசீந்திரன்
இசை – யுவன் சங்கர் ராஜா
ஒளிப்பதிவு – குருதேவ்
எடிட்டர் – தியாகு
தயாரிப்பு – ரோஷன்
பிஆர்ஓ – ஜான்சன்

கதை

படிப்பு படிப்பு படிப்பு… இப்படி எந்நேரமும் மாணவர்களுக்கு / குழந்தைகளுக்கு படிப்பை மட்டுமே திணித்தால் அவர்களின் மனநிலை என்னாகும்..? அதனால் ஏற்படும் பாதிப்புகள் என்ன..? என்பதே இந்த ஜீனியஸின் மையக்கரு.

சாதாரணமாகவே பர்ஸ்ட் ரேங்க் எடுக்கும் மாணவன் பட நாயகன் ரோஷன் (படத்தில் தினேஷ்). தன் மகன் படிப்பில் அக்கறை எடுக்காமல் இருக்கிறார் ஆடுகளம் நரேன்.

பள்ளி ஆண்டு விழாவில் தன் மகனுக்கே அனைத்து முதல் பரிசுகளும் கிடைக்கிறது. இதனால் ஆனந்தமடையும் அப்பா, இன்னும் தீவிரம் காட்டி பர்ஸ்ட் ரேங்கை தவிர எதுவும் எடுக்கக்கூடாது என அனைத்து பொழுது போக்குகளையும் கட் செய்து விடுகிறார்.

கிராமத்தில் இருக்கும் தாத்தா வீட்டுக்கு கூட போகாமல் செய்துவிடுகிறார்.

படிப்பு படிப்பு என எந்நேரமும் இருக்கும் ரோஷன் மாநிலத்தில் முதல் மதிப்பெண் எடுக்கிறார்.

அதனையடுத்து நன்றாக படித்து ஐடி கம்பெனியில் சேர்கிறார். அங்கும் இவரின் புத்திசாலித்தனத்தால் எல்லாம் வேலைகளையும் இவரிடமே கொடுக்கிறார் ஓனர்.

ஒரு மாதத்தில் முடிக்க வேண்டிய வேலையை கூட ஒரே வாரத்தில் முடிக்க சொல்லி நிர்பந்திக்கிறார். இதனால் இரவு பகல் பாராமல் தொடர்ந்து வேலை செய்கிறார் நாயகன்.

இதனால் மைண்ட் ப்ளாக் ஏற்படுகிறது. ஆஸ்பத்திரியில் அனுமதிக்கிறார்கள். டாக்டர் ரெஸ்ட் எடுக்க சொல்கிறார். இதனால் வேலையும் பறி போகிறது.

திருமணம் செய்து வைக்கலாம் என்று பார்த்தால் ரோசனின் லூசு தனத்தால் அதுவும் பாதிக்கப்படுகிறது.

இதனை பார்க்கும் ஆடுகளம் நரேனின் நண்பர் சிங்கம் புலி அவர்கள் ரோசன் குணமடைய புதிய யுக்தியை கையாள்கிறார். என்ன செய்தார் மாமா? ரோசன் முற்றிலும் நலமடைந்தாரா? என்பதே மீதிக்கதை.

genius still 1


கேரக்டர்கள்…

நாயகன் ரோஷன் மற்றும் நாயகி பிரியா லால் இருவரும் இந்த படத்தின் மூலம் அறிமுகமாகிறார்கள். (பிரியா மலையாளத்தில் 5 படங்களில் நடித்திருக்கிறார்).

படத்தின் ஆரம்ப காட்சிகளில் ரோஷன் செய்யும் கிறுக்குத்தனத்தை பார்த்தால் நமக்கே எரிச்சலாகும். என்னடா? இவர் ஜீனியஸ்? தானா என்பதில் சந்தேகம் எழும். அதனைத் தொடர்ந்து வரும் காட்சிகளில் சுவாரஸ்யம் கொடுத்துள்ளார் சுசீந்திரன்.

படிப்பு மட்டுமே கவனத்தில் கொண்டதால் உடற்பயிற்சி இருக்காது. உடல் அமைப்பு நிச்சயம் பிட்டாக இருக்காது. அதற்கு ஏற்ப ஹீரோ ரோஷன் இருக்கிறார். கிறுக்குத்தனத்தில் கில்லியாக இருக்கிறார் ரோஷன். ஆனால் மற்ற காட்சிகளில் இன்னும் நிறைய பயிற்சி தேவை. மற்றபடி முதல் படம் என்பதால் அட்ஜஸ்ட் செய்துக் கொள்ளலாம்.

முதல் படத்தில் எவரும் ஏற்க மறுக்கும் கேரக்டரில் பிரியா லால். இடைவேளைக்கு பின்னர் தான் வருகிறார். நடிப்பில் பாஸ் மார்க் பெறுகிறார்.

ஆனால் நாயகிகளுக்கு சுசீந்திரன் முக்கியத்துவம் கொடுப்பதில்லை என்ற குற்றச்சாட்டு அண்மைக் காலமாக எழுந்துள்ளது. அதை இதிலும் நிரூபித்துள்ளார்.

கண்டிப்பான அப்பாவாக ஆடுகளம் நரேன். நடிப்பிலும் செம ஸ்ட்ரிக்ட். அம்மாவாக மீரா கிருஷ்ணன்.

படிப்பை மட்டுமே கொடுத்து மகனின் வாழ்க்கை இப்படி நாசமாக்கி விட்டாரே என்று கேள்வி கேட்கும் காட்சிகளில் பாசக்கார அம்மாவாக ஜெயித்து விடுகிறார்.

சிங்கம் புலி சில காட்சிகளில் வந்து சிரிப்பு மூட்டுகிறார். ஈரோடு மகேஷ், தாடி பாலாஜி, சிங்கமுத்து ஆகியோர் படத்தில் இருக்கிறார்கள். அவ்வளவுதான்.

genius still 2

தொழில்நுட்ப கலைஞர்கள்…

யுவன் ஷங்கர் ராஜா இசையில் பாடல்கள் ஜஸ்ட் ஓகே ரகம் தான். ‘நீங்களும் ஊரும்’, ‘சிலு சிலு’ஆகிய பாடல்களை ரசிக்கலாம்.

விளையாடு மகனே விளையாடு பாட்டு. இன்றைய பெற்றோர்கள் கவனிக்க வேண்டும் கேட்டு.

படத்தொகுப்பில் குறைவில்லை. 2 மணி நேரம் கூட படமில்லை என்பது பெரும் ஆறுதல்.

ஆர். பி. குருதேவ் ஒளிப்பதிவில் கிராமத்து காட்சிகள் ரசிக்க வைக்கின்றன. சிட்டி காட்சிகளில் ஏதோ ஒரு டல் பீலிங் வருகிறது.

genius still

இயக்கம் பற்றிய அலசல்….

முதல் பாதியில் வரும் காட்சிகள் அனைத்தும் ரசிக்கும் வகையில் உள்ளது. பிள்ளைகள் விளையாடும் வயதில் அவர்களை விளையாட விட வேண்டும் என்பதை சொன்ன சுசீந்திரனுக்கு ஒரு சபாஷ்.

படிப்பு மட்டுமே வாழ்க்கை இல்லை. மாலை வேளையில் குழந்தைகள் நன்றாக விளையாடினால் தான் அவர்களுக்கு அசதி வரும். அப்போதுதான் இரவில் நன்றாக உறங்கி காலையில் படிப்பார்கள் என்று ஆணித்தரமாக சொல்லியுள்ள சுசீந்திரனை பாராட்டலாம்.

சமூகத்தில் தன் அந்தஸ்தை உயர்த்தி கொள்ள பிள்ளைகளின் படிப்பை ஓர் ஆயுதமாக பயன்படுத்தி கொள்கிறார்கள் சில பெற்றோர்கள். அவர்களுக்கு இந்த ஜீனியஸ் ஒரு படிப்பினையை கொடுப்பார்.

விபச்சார விடுதிக்கு சென்ற பின் ஹீரோ மனநிலை மாறுவது எல்லாம் ரொம்ப ஓவர். எல்லாம் ஜீனியஸ் இப்படி செய்துவிட்டால் என்னாவது..?

முதல் பாதியை பிள்ளைகளுடன் பெற்றோர்கள் பார்க்கலாம். ஆனால் 2ஆம் பாதியை மாணவர்களை வைத்து பார்க்க முடியுமா..?

சொல்ல வந்த விஷயத்தை கமர்ஷியல் கலந்து வேறு ரூட்டில் சொல்ல பயணித்துவிட்டதால் ஜீனியஸ் சற்று தடுமாறி விட்டார்.

ஜீனியஸ்… விளையாட்டுத்தனம்

More Articles
Follows