First on Net ரஜினி தர்பார்டா.. ச்சும்மா கிழி.. தர்பார் விமர்சனம் 4/5

First on Net ரஜினி தர்பார்டா.. ச்சும்மா கிழி.. தர்பார் விமர்சனம் 4/5

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நடிகர்கள்…
ரஜினிகாந்த், நயன்தாரா, நிவேதா தாமஸ், யோகிபாபு, சுனில் ஷெட்டி, ஸ்ரீமன் மற்றும் பலர்.

இசை அனிருத்

ஒளிப்பதிவு சந்தோஷ் சிவன்

எடிட்டர் ஸ்ரீகர் பிரசாத்

தயாரிப்பு லைகா

பிஆர்ஓ… ரியாஸ் அஹ்மது மற்றும் டைமண்ட் பாபு

கதைக்களம்…

மும்பையில் போலீஸ் கமிஷ்னராக பணிபுரிகிறார் ஆதித்யா அருணாச்சலம் (ரஜினி). அவருக்கு மனதளவில் சில பிரச்சினைகள் உள்ளது.

இருந்தபோதிலும் என்கௌன்டர் பெயரில் கொலைகளை நடத்துகிறார். இதனால் மனித உரிமை விசாரணையிலும் சிக்குகிறார்.

போதை கும்பல் தலைவன் மும்பை டான் சுனில் செய்யும் போதை அராஜகத்தில் இளைஞர்கள் பாதிக்கப்படுகின்றனர்.

எனவே ரஜினி தன் அதிகாரத்தை அடக்குமுறையை எந்த விதிமுறையும் இல்லாமல் பட்டைய கிளப்புகிறார்.

இதனால் இவரின் போலீஸ் துறையில் பிரச்சினை வருகிறது. அதாவது போலீசுக்கு மரண பயத்தை உண்டாக்குகிறார் வில்லன்..

இறுதியாக என்ன செய்தார்? ரஜினி என்பதே மீதிக்கதை.

கேரக்டர்கள்…

ரஜினி ரஜினி ரஜினி… வேற லெவல் யா தலைவா… ஸ்டைலிஷ் ரஜினியை மீண்டும் பார்க்கலாம்… நயன்தாராவுடன் ரொமான்ஸிலும் பின்னி எடுத்திருக்கிறார்… ஆக்சன் & காமெடியில் கிங் என மீண்டும் நிரூபித்துள்ளார்.

ரஜினி கவுண்டமணி காமெடி போல யோகிபாபு உடன் செம கெமிஸ்ட்ரி.. உன்ன வச்சிகிறேன் டைமிங் காமெடி சூப்பர்.. கோலமாவு கோகிலா காமெடியையும் கிண்டலடித்துள்ளனர்.

நிவேதா தாமஸ் அழகான மகளாக சிறப்பான நடிப்பு..

ஜன்னல் ஜாக்கெட் போட்ட நயன்தாரா கொள்ளை அழகு.. ஆனால் பெரிதாக ஸ்கோப் இல்லை.

வில்லன் சுனில் ஷெட்டி கேரக்டரை டெவலப் செய்திருக்கலாம். ஸ்ரீமன் கேரக்டர் வலுவில்லை.

தொழில்நுட்ப கலைஞர்கள்..

அனிருத் இசையில் பாடல்களும் பின்னணி இசையும் சரி.. அதிரடி. அசத்தல். ரஜினி ரசிகர்கள் செம மியூசிக்கல் ட்ரீட் கொடுத்துள்ளார். ஆனால் நிறைய தேவா மியூசிக்கை பார்க்க கேட்க முடிகிறது.

டும்..டும்.. பாட்டு குடும்பத்தினருக்கு பிடிக்கும் என்றால் கண்னுல திமிரு மற்றும் சும்மா கிழி பாடல் நம்மை எழுந்து ஆட வைக்கும். வெறித்தனம் காட்டியிருக்கிறார்.

ரஜினியின் ஸ்டைலுக்கு ஏற்ப பாடலும் சந்தோஷ் சிவனின் ஒளிப்பதிவும் வேற லெவல். படத்தை கலர்புல்லாக கொடுத்துள்ளார். இவரையும் ஒரு டயலாக்கில் கலாய்த்துள்ளார் யோகி பாபு.

திருநங்கை & டான்ஸ் பைட் மரண மாஸ்..

பைட் மாஸ்டர்கள் ராம் லட்சுமன் மற்றும் பீட்டர் ஹெயின் தெறிக்க விட்டுள்ளனர்.

நீண்ட நாட்களுக்கு பிறகு அனல் பறக்கும் சண்டையில் அதகளம் செய்துள்ளார் சூப்பர் ஸ்டார். க்ளைமாக்ஸ் பைட் ஃபயர் பத்தல..

இது ரஜினிக்கான கதையா? அல்லது கதைக்காக ரஜினியா? என தெரியாத அளவுக்கு இரண்டையும் கலந்துக் கொடுத்துள்ளார் முருகதாஸ்.

இவருக்கே உரிய பாணியில் கதை மற்றும் சமூக கருத்து ஆகியவற்றை சிறப்பாக செய்துள்ளார்.

முக்கியமாக இடைவேளை வரை ரஜினி டச்.. அதன் பின்னர் முருகதாஸ் சென்டிமெண்ட் டச்… இதுதான் படத்தின் வேகத்தை குறைக்கிறது..

இதுபோன்ற வெறித்தனமான போலீஸ் இருந்தால் நாட்டில் குற்றம் செய்யவே எவனாயிருந்தாலும் பயம் வரும்..

இடைவேளை & க்ளைமாக்ஸ் சீன்ஸ் ரஜினி டச் பத்தல..

இடைவேளை பின்னர் மகள் & பாச சென்டிமெண்ட் குடும்பங்களை கவரும்.

ஆக ரஜினி ஸ்டைலில் சொன்னால் போலீஸை ரைட்ல வச்சுக்கோ.. லெப்ட்ல வச்சுக்கோ.. ஸ்டிரைட்டா வச்சுக்காத…

ஆக மொத்தம். தர்பார்.. பொங்கல் சமயத்தில் தீபாவளி விருந்து

Rajinis Darbar review rating

கல்வியின்றி வாழ்வேது..?. பிழை விமர்சனம் 3.25/5

கல்வியின்றி வாழ்வேது..?. பிழை விமர்சனம் 3.25/5

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கதைக்களம்…

சார்லி, மைம்கோபி, மரியம் ஜார்ஜ் மூவரும் கல் உடைக்கும் தொழிலை செய்து வருகின்றனர்.

இவர்கள் தங்கள் மகன்களை நன்றாக படிக்க வைக்க கடுமையாக உழைக்கின்றனர். ஆனால் இவர்களின் பிள்ளைகளோ சுட்டித்தனம் செய்வது ஊர் மக்களிடம் பிரச்சினை என இவர்களுக்கு தொந்தரவாக உள்ளனர்.

ஒரு நாள் விளையாட்டுத்தனமாக தங்களை விட நன்றாக படிக்கும் மாணவனை பாதாள கிணற்றில் தள்ளி விடுகின்றனர்.

அவன் உயிர் பிழைத்தாலும் அந்த பகுதியில் இது பிரச்சினையாக தந்தையர்கள் மூவரும் இவர்களை அடி உதை கொடுத்து பின்னி எடுக்கின்றனர்.

எனவே வீட்டை வீட்டு சென்னைக்கு ஓடி விடுகின்றனர். அங்கு செலவுக்கு பணமில்லாமல் அலையும் போது தெரியாமல் ஒரு தாதாவிடம் சிக்கி விடுகின்றனர்.

அவன் இவர்களை குழந்தை தொழிலாளர் என்பதால் யாருக்கும் தெரியாமல் மிரட்டி வேலை வாங்குகிறார்.

அதன் பின்னர் என்ன ஆனது? அவனிடம் இருந்து எப்படி தப்பினார்கள்? குடும்பத்துடன் சேர்ந்தார்களா? என்பதே பட க்ளைமாக்ஸ்.

கேரக்டர்கள்..

காக்கா முட்டை படத்தில் பெரிய பையனாக நடித்த ரமேஷ், அப்பா படத்தில் நடித்த நஷாத் மற்றும் கோகுல் ஆகிய மூவரும் நல்ல நடிப்பை கொடுத்துள்ளனர்.

ஊர் மக்களிடம் இவர்கள் செய்யும் பிரச்சினைகளை கூட ரசிக்க வைக்கிறது. ரமேஷ், நஷாத் இருவரும் பட்டைய கிளப்பியுள்னர்.

சென்னை ஓட்டலில் இவர்கள் கஷ்டங்களை பார்த்தால் நமக்கே இவர்கள் மீது அனுதாபம் வரும்.

சார்லி, மைம்கோபி, மரியம் ஜார்ஜ் ஆகிய மூவரும் ஏழை தந்தைகளாக சிறப்பான நடிப்பை கொடுத்துள்ளனர். தங்கள் கேரக்டரில் சூப்பர்.

இவர்களுடன் தர்ஷினி, நாகவேந்திரா சிரஞ்சீவி, பிருந்தா, அரவிந்த் காந்த், வினோத், அபிராமி ஆகியோரும் அசத்தல்.

தொழில்நுட்ப கலைஞர்கள்…

ஒளிப்பதிவில் எந்த குறையும் வைக்காமல் செய்துவிட்டார் பாக்கி. இசை பணிகளை பைசல் என்பவர் செய்துள்ளார். பாராட்டுக்குரியவர் தான்.

இந்த படத்தை எழுதி இயக்கியிருப்பவர் ராஜவேல் கிருஷ்ணா. பெற்றோர் பேச்சை கேட்காத வாழ்க்கையில் உருப்படாது.

அதுபோல் கற்க வேண்டிய வயதில் கல்வியை கற்காவிட்டால் வாழ்க்கை நரமாகிவிடும் என்பதையும் ஆணித்தரமாக சொன்ன இயக்குனர் ராஜவேல் கிருஷ்ணாவை வெகுவாக பாராட்டலாம்.

படத்தில் 2 விதமான காதலர்களை காட்டியுள்ளார். கிராமத்து காதலர்கள் காட்சிகள் முழுமையாக இல்லை. அதை டைரக்டர் கவனித்திருக்கலாம்.

சென்னை சிட்டி காதலில் சாதியை சாடியிருப்பது சிறப்பு. அதுபோல் உண்மையான காதல் எதையும் பார்ப்பதில்லை என்ற கருத்து ஓகே தான். ஆனால் அந்த காதலை சொன்ன விதம் சரியாக படவில்லை. இந்த இரண்டு காதல்களையும் படத்தில் இருந்து கட் செய்திருந்தாலும் தப்பில்லை. இதனால் படத்திற்கு எந்த பலனும் இல்லை.

பெற்றோர்கள் தங்கள் பிள்ளைகளுடன் பார்க்க வேண்டிய படம் தான் இந்த பிழை.

Pizhai movie review rating

அவனே சிறப்பு போலீஸ்… அவனே ஸ்ரீமன் நாராயணா விமர்சனம் 3.5/5

அவனே சிறப்பு போலீஸ்… அவனே ஸ்ரீமன் நாராயணா விமர்சனம் 3.5/5

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கதைக்களம்…

ஆந்திரா மாநிலத்தில் உள்ள அமராவதி நகரில் படத்தின் மொத்த காட்சிகளை படமாக்கியுள்ளனர். ஆனால் 1960களில் நடக்கும் கதை என்பதால் போட்டோ ஷாப்பில் நாம் பயன்படுத்தும் செபியா டோனை படம் முழுக்க பயன்படுத்தியுள்ளார்.

அமராவதி நகரில் ஒரு நாடகம் குழு உள்ளது. அவர்களில் 6 பேர் ஒரு பெரிய புதையலை கொள்ளையடிக்கிறார்கள். இதனையறிந்த ஒரு டான் அவர்களை கொன்று விடுகிறார். ஆனால் அவருக்கு புதையல் இருக்கும் ரகசியம் தெரியவில்லை.

இவருக்கு இரு மகன்கள் உள்ளனர். ஒருவர் இவரின் மனைவிக்கு பிறந்தவர். மற்றொரு மகன் வேலைக்காரிக்கு பிறந்தவர்.

இதனால் இரு மகன்களுக்கும் ஒருவருக்கொருவர் ஆகாது.

இதனையறிந்த மதுசூதனன் ராவ் (டான்) மரணிக்கும் போது தன் சொந்த மகனிடம் எந்த காலத்திலும் இன்னொரு மகனை கொன்றுவிட கூடாது என சத்தியம் வாங்கி இறக்கிறார்.

அவரின் மரணத்திற்கு பிறகு இருவரும் அரியணை பதவியில் ஏற துடீக்கிறார்கள். அதே சமயம புதையரை தேடும் முயற்சியிலும் ஈடுபடுகின்றனர்.

இந்த நிலையில் கிட்டதட்ட 15 வருடங்களுக்கு பிறகு அமராவதி போலீஸ் ஸ்டேஷனுக்கு இன்ஸ்பெக்டராக வருகிறார் ரக்‌ஷித் ஷெட்டி பார்ப்பதற்கு கம்பீரமாக இருந்தாலும் நிறைய வெத்து காமெடி செய்கிறார்.

இவர் வந்தது முதலே புதையலை தேடுதல் வேட்டையில் இறங்குகிறார்.
புதையல் யாருக்கு கிடைத்தது? அதிர்ஷ்டசாலி யார்? ரக்‌ஷித் ஷெட்டிக்கும் புதையலுக்கு என்ன தொடர்பு? படத்தில் நாயகி இருக்கிறாரா? அவரின் வேலை என்ன என்பதே படக்கதை.

கேரக்டர்கள்…

கன்னட நடிகர் ரக்‌ஷித் ஷெட்டி படத்தின் திரைக்கதை முதல் தயாரிப்பு வரை என அனைத்திலும் கவனம் செலுத்தியுள்ளார்.

இவர் நாயகியை லட்சுமி அவர்களே லட்சுமி அவர்களே என அழைக்கும் ஸ்டைலே தனியழகு. அதாவது மரியாதையாக சொல்லி அழைக்கிறார். இனி நாமும் இதே போல் பெண்களை சொல்லி அழைத்தாலும் தவறில்லை.

காமெடி, ஆக்‌ஷன் என கலந்துக் தன் ஸ்டைலில் புகுந்து விளையாடியிருக்கிறார். சுருட்டு பிடித்துக் கொண்டும் அவன் யார் தெரியுமா? அவனே ஸ்ரீமன் நாராயணன் என கெத்து காட்டும்போது நம்மை ரசிக்க வைக்கிறார்.

படத்தில் நாயகி உட்பட எல்லாரும் 1960 உடைகளில் இருக்க இவர் மட்டும் செம ஸ்டைலாக இன்றைய ட்ரெண்ட்டுக்கு பிட் ஆக போலீஸ் உடை அணிந்திருக்கிறார். அதற்கான எந்த காரணமும் படத்தில் இல்லை என்பதுதான் வருத்தம்.

ஒரு சர்போர்ட்டிக் கேரக்டர் போல நாயகி ஷான்வி நடித்துள்ளார். அதே சமயம் அழகு அண்ட் அமைதி இவரது ப்ளஸ் பாய்ண்ட்.
மற்றொரு போலீசாக வரும் அச்யுத் குமார் (ரஜினி முருகன் படத்தில் கீர்த்தியின் அப்பா) நிறைய காட்சிகளில் நாம் சிரிக்க உதவியுள்ளார்.

இவர்களுடன் பாலாஜி மனோகர், பிரமோத் ஷெட்டி, மதுசூதன் ராவ், கோபால கிருஷ்ண தேஷ்பாண்டே ஆகியோரும் அசத்தல்.

தொழில்நுட்ப கலைஞர்கள்..

உல்லாஹ் ஹைதூரின் கலை பணிகளை பாராட்டாமல் இந்த படத்தை நாம் ரசிக்கவே முடியாது. அப்படியொரு அழகை விருந்தளித்துள்ளார்.

அதுபோல் கரம் சாவ்லாவின் ஒளிப்பதிவில் அமராவதி அருமை.

பின்னணி இசையில் அஜனீஷ் லோக்நாத், சரண்ராஜின் இருவரும் கச்சிதம். பாடல்களும் ரசிக்க வைக்கின்றன.

கன்னட படத்தை பார்த்த உணர்வு இல்லாமல் நேரடி தமிழ் பட டப்பிங் அருமை. ரக்‌ஷித் ஷெட்டியும் திரைக்கதை எழுதியிருக்கிறார்.

வசனங்களை எழுதியுள்ள விஜயகுமாருக்கும் பாராட்டுக்கள்.

ஆக மொத்தம் அவனே ஸ்ரீமன் நாராயணா… அவனே சிறப்பு போலீஸ்

Avane Srimannarayana review rating

பவர் கட் லவ்… பச்சை விளக்கு விமர்சனம் 2.25/5

பவர் கட் லவ்… பச்சை விளக்கு விமர்சனம் 2.25/5

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கதைக்களம்…

பொதுவாக போலீஸ் படம் என்றால் சிவில் அண்ட் லா போலீஸ் பற்றித்தான் படம் இருக்கும். ஆனால் இதில் போக்குவரத்து போலீசார் பற்றி பாடம் எடுத்திருக்கிறார்கள்.

முக்கியமாக அதற்கான படிப்பை தன் நிஜ வாழ்க்கையில் படித்து அதை படமாக்கி இருக்கிறார் டாக்டர் மாறன்.

போக்குவரத்து விதிகள் பட்டயப்படிப்பு படித்திருக்கும் மாறன், டிராபிக் வார்டன் இருக்கிறார். இந்த வார்த்தையே பலருக்கு புதியாகதாக இருக்கும்.

இவர் ஆசிரியராக வேலை பார்த்துக் கொண்டே போக்குவரத்து நெரிசலின் போது போலீஸ் துறைக்கு உதவுகிறார்.

அப்போது ஹெல்மேட் அணியாமல் வரும் நாயகி தீஷா கண்டிக்கிறார். எனவே மாறனை பழி வாங்க நினைக்கிறார்.

மோதலில் உருவான இவர்களின் சாலை சந்திப்பு பின்பு காதல் சந்திப்பாக மாறுகிறது.

இந்த கட்டத்தில் தன் தங்கை தாராவுக்கு ஒரு பிரச்சினை என திடீரென ஊருக்கு கிளம்புகிறார் தீஷா.

அங்கு தன் தங்கை ஆபாச படம் எடுக்கும் கும்பலிடம் சிக்கிய விவரம் இவருக்கு தெரிய வருகிறது.

தன் காதலியை தேடி வரும் மாறனுக்கு இந்த விவரம் தெரிய வருகிறது.

அதன் பின்னர் மாறன் என்ன செய்தார்? தீஷா எப்படி திருமணம் செய்தார்? தாராவை எந்த வழியில் காப்பாற்றினார்? அந்த கும்பலின் நோக்கம் என்ன? என்பதுதான் க்ளைமாக்ஸ்.

கேரக்டர்கள்..

விதி மீறிய பயணமும் விதி மீறிய காதலும் ஊர் போய் சேராது என்ற கருத்தை மையப்படுத்தி இந்த பச்சை விளக்கி இயக்கி நடித்துள்ளார் மாறன்.

போக்குவரத்து விதிகள் பற்றி ஒரு விரிவான பாடமே எடுத்துள்ளார். மேலும் ஒரு பாடலையும் அதற்கேற்ப கொடுத்துள்ளார்.

கதை, திரைக்கதை, வசனம் எழுதி இயக்கி ஹீரோவாக நடித்துள்ளார். இத்தனை செய்ய நினைத்து நடிப்பில் கோட்டை விட்டுள்ளார். கொஞ்சமாவது நடிப்பு பயிற்சி செய்திருக்கலாம்.

பாடம் எடுப்பதை போலவே நடித்துள்ளார். பேச்சிலும் சரி முகபாவனையிலும் சரி நம்மால் படத்தை ரசிக்க முடியவில்லை.

போக்குவரத்து விதிகள், டிராபிக் வார்டன் மற்றும் MSM என்ற புது விதிமுறைகளை சொன்னதற்காக மாறனை பாராட்டலாம்.

காதலியை காணவில்லை என்ற காட்சியில் இவர் அழுகிறார். ஆனால் நம்மால் சிரிப்பை அடக்க முடியாது.

முதல் பாதியில் இவரை வைத்தை கதையை நகர்த்தியுள்ளார். இரண்டாம் பாதியில் தாராவின் காதலை சொல்லி மற்றொரு ஹீரோவை நடிக்க வைத்துள்ளார்.

இளம் பெண்களை லவ் டார்கெட் செய்து பணம் பறிக்கும் கும்பலை பற்றி சொல்லியுள்ளார். அதில் போஸ்டர் நந்த குமார் அப்பாவாக நடித்துள்ளார். இதுபோன்ற கும்பலை அடையாளம் காட்டியதற்கு நன்றி.

ஆனால் ஏதோ ஒரு நாடகத்தை இயக்கியது போல படத்தை கொண்டு சென்றுள்ளார்.

டிராபிக் போலீசாக வரும் இமான் அண்ணாச்சி அறிவுரை போலீசாக மாறிவிடுகிறார். ஒரே ஆறுதல் இவர் லஞ்சம் வாங்கவில்லை. நல்ல போலீசாக நடித்துள்ளார்.

தீஷா மற்றும் தாரா 2 நாயகிகள் உள்ளனர். இருவரும் கொடுத்த வேலையை சிறப்பாக தர முயற்சித்துள்ளனர்.

இவர்களுடன் மனோபாலா, நெல்லை சிவா, நந்தகுமார், நாஞ்சில் விஜயன் ஆகியோரும் இந்த படத்தில் நடித்துள்ளனர்.

தொழில்நுட்ப கலைஞர்கள்…

வேதம் புதிது தேவேந்திரனின் இசையில் பாடல்களில் கருத்து உள்ளது. ஆனால் காட்சியும் இசையும் ரசிக்கும்படி இல்லை.

பாலாஜி ஒளிப்பதிவில் காட்சிகள் ஓகே.

இயக்குனரே ஹீரோவாக நடித்துள்ளார். எதையாவது ஒன்றை செய்திருக்கலாம். நடித்தும் இயக்கியும் நம்மை வெறுப்பேத்திவிட்டுள்ளார்.
ஆக இந்த பச்சை விளக்கு.. பவர் கட் லவ்

Pachai Vilakku Movie review rating

திசை மாறிய காதல்… தொட்டு விடும் தூரம் விமர்சனம் 3/5

திசை மாறிய காதல்… தொட்டு விடும் தூரம் விமர்சனம் 3/5

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கதைக்களம்…

அப்பா இல்லாத பையன் ஹீரோ விவேக்ராஜ். இவரின் அம்மா சீதா.

நல்ல வேலைக்கு முயற்சித்து செய்துக் கொண்டிருக்கிறார். கிடைக்கம் நேரங்களில் உடல் உறுப்பு தானம் பற்றி விழிப்புணர்வை ஏற்படுத்தி வருகிறார்.

அப்போது இவரின் ஊருக்கு ஒரு என்எஸ்எஸ் முகாம் குழு வருகிறது. லிவிஸ்டன் தலைமையில் மாணவி மோனிகாவும் வருகிறார்.

சில தினங்களில் விவேக்கும் மோனிகாவும் காதலிக்க தொடங்குகின்றனர்.

பின்னர் என்எஸ்எஸ் கேம்ப் முடிந்து சென்னை செல்லும் நாயகி சில பிரச்சினையால் தன் செல்போனை தொலைத்து விடுகிறார்.

அதுபோல் தன் நண்பன் உதவியுடன் சென்னை செல்லும் ஹீரோ தன் செல்போன் மற்றும் பேக்கை பறி கொடுக்கிறார். இதனால் நாயகியுடன் எந்த தொடர்பும் இல்லாமல் இருக்கிறார்.

நாயகி தொட்டு விடும் தூரத்தில் இருந்தும் இவர்களால் சந்திக் முடியவில்லை.

சந்திக்க வாய்ப்பும் கிடைத்தும் இவர்களின் காதலை அறிந்த ஒருவன் தடுத்து விடுகிறான். அவன் யார்? ஏன் தடுத்தார்? காதலர்கள் சேர்ந்தார்களா? என்பதுதான் க்ளைமாக்ஸ்.

கேரக்டர்கள்…

ஜஸ்ட் ஒரு கிராமத்து பையனாக வருகிறார் விவேக் ராஜ். காதல், சென்டிமெண்ட் காட்சிகளில் ஸ்கோர் செய்ய முயற்சித்துள்ளார்.

தோழர் வெங்கடேசன், ஜீவி உள்ளிட்ட படங்களில் நடித்த மோனிகா தான் இதில் நாயகி. நல்ல குடும்ப பெண்ணாக வாழ்ந்திருக்கிறார்.

ஒரு பாடல் காட்சியில் சேலையில் கவர்ச்சி காட்டி நம்மை மோசம் செய்து விட்டார் இந்த மோனிகா.

அன்பான அமைதியான அம்மாவாக சீதா நடிப்பு சிறப்பு.

மற்றபடி சிங்கம்புலி, பால சரவணன், லிவிங்ஸ்டன், கிரேன் மனோகர் படத்தில் இருந்தும் ஊறுகாய் அளவு கூட காமெடியில்லை. படத்தை ஓட்ட உதவியிருக்கிறார்கள்.

தொழில்நுட்ப கலைஞர்கள்…

நோகா பிரவீன் இமானுவேலின் பின்னணி இசை ரசிக்க வைக்கிறது.

ராம் குமாரின் ஒளிப்பதிவில் காதலர்களின் டூயட் பாடல் செம ஹாட் மச்சி. மோனிகாவின் மேனியில் தன் கேமரா கண்களை வைத்துவிட்டார் ஒளிப்பதிவாளர்.

அடடா… இவ்வளவு கிட்ட வந்த காதலர்கள் சேரமாட்டார்களா? என ரசிகனை தவிக்க விட்டுள்ளார் இயக்குனர் வி.பி.நாகேஸ்வரன்.

கிளைமாக்ஸ் முடிவு ஒரு சோகமான முடிவை கொடுத்தாலும் யாரும் எதிர்பாராத ஒன்று. அதில் சொல்லப்பட்ட கருத்தை நிச்சயம் பாராட்டலாம்.

செல்போன் பேசி கொண்டே பைக் ஓட்டினால் என்ன ஆகும்? என்பதையும் நாசூக்காக சொல்லியுள்ளார்.

அதன்பின்னர் உடல் உறுப்பு தானம் உள்ளிட்டவைகளை சொன்ன விதம் அருமை.

திசை மாறிய காதல்…. “தொட்டு விடும் தூரம்”

Thottu Vidum Thooram review rating

A1 விசாரணை… V1 Murder Case விமர்சனம் 3.75/5

A1 விசாரணை… V1 Murder Case விமர்சனம் 3.75/5

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கதைக்களம்…

’மெட்ராஸ்’, ‘வட சென்னை’, ராட்சசன் உள்ளிட்ட படங்களில் முக்கிய வேடங்களில் நடித்து நம்மை கவனிக்க வைத்தவர் பாவெல் நவகீதன். இந்த படத்தின் மூலம் இயக்குநராக அறிமுகமாகியிருக்கிறார்.

நடிகர் ராம் அருண் கேஸ்ட்ரோ ஹீரோவாக நடித்துள்ளார்.

‘V1’ என்ற ஒரு வீட்டில் லிஜேஷும், காயத்ரியும் லிவிங் டூ கெதர் முறையில் வாழ்கிறார்கள்.

இவர்களுக்குள் காலையிலேயே சில கருத்து வேறுபாடுகள் ஏற்படுகிறது. அதன்பின்னர் வேலைக்கு செல்கிறார் காயத்ரி.

இரவு காயத்ரி லேட்டாக வர மர்ம நபர் ஒருவர் இவரை கொல்கிறார். அந்த சமயத்தில் மழை பெய்வதால் குற்றவாளியின் தடயங்கள் அழிகிறது.

இதனை விசாரிக்க தடயவியல் (FORENSIC) துறை போலீஸ் அதிகாரியான ராம் அருண் கேஸ்ட்ரோ வருகிறார்.

எந்த தடயமும் கிடைக்காமல் இருக்கவே இந்த கொலையை மறைக்க முயல்கிறது போலீஸ்.

ஆனால் இவரோ எப்படியாவது கண்டு பிடித்தே தீருவேன் என தன் துறை தோழி லுனாவுடன் களத்தில் இறங்குகிறார்.

இறுதியில் கொலையாளியை எப்படி கண்டு பிடித்தார்.? கொலையாளி யார்? அவர் கொல்ல காரணம் என்ன? என்பதே படத்தின் மீதிக்கதை.

கேரக்டர்கள்…

ஒரு சஸ்பென்ஸ் த்ரில்லர் படமாக மட்டும் இல்லாமல் க்ளைமாக்ஸில் , சமூகத்திற்கு தேவையான விழிப்புணர்வு படமாக முடித்துள்ளார் இயக்குநர் பாவெல் நவகீதன். முதலில் அவரை பாராட்டிவிட்டு மற்றதை பார்ப்போம்.

இது போலீஸ் துறை என்றாலும் தடயவியல் துறை என்பதால் கலர் சட்டைகளில் வருகிறார் ஹீரோ ராம் அருண் கேஸ்ட்ரோ. அவரின் கேரக்டரை மிக அசால்லட்டாக செய்துள்ளார்.

நாயகி விஷ்னுபிரியா பிள்ளையை பாராட்டியே ஆக வேண்டும். அழகு கம்பீரம் என வெளுத்து கட்டியிருக்கிறார். இவரின் அழகான கண்களை பார்த்தால் குற்றவாளியே சரணடைந்துவிடுவார்.

காயத்ரியின் காதலனாக வரும் லிஜேஷ் சில காட்சிகள் வந்தாலும் ஸ்கோர் செய்துவிடுகிறார். சமீபத்தில் கூட குண்டு படத்தில் இவரின் போலீஸ் கேரக்டர் அருமையாக இருந்தது.

ஓரிரு காட்சியில் வந்தாலும் காயத்ரி செம. இவரை ஒரு தலையாக காதலிக்கும் லிங்கா, காயத்ரியின் பெற்றோர் என அனைவரும் நல்ல தேர்வு.

புள்ளிங்கோ ஸ்டைலில் வரும் லிங்காவின் நடிப்பு சிரிப்பை வர வைக்கிறது.

தொழில்நுட்ப கலைஞர்கள்…

ரோனி ரெபேலின் பின்னணி இசையும், கிருஷ்ணசங்கர் டி.எஸ்-ன் ஒளிப்பதிவும் கதைக்கு சரியாக பொருந்தியுள்ளது.

அதுபோல் சி.எஸ்.பிரேம்குமாரின் எடிட்டிங் பணிகள் கச்சிதம்.

படத்தின் முதல் காட்சியிலேயே கொலை… அதனை அடுத்து நிறைய திருப்பங்கள்… யார் கொலையாளி? இவரா? அவரா? என நம்மை திகைக்க வைத்துள்ளார்.

யூகிக்க முடியாத சஸ்பென்ஸ் திரைக்கதையை கொடுத்து இறுதியில் இட இவரா? என திடீர் ட்விஸ்ட் நம்மை சீட் நுனியில் உட்கார வைத்துவிட்டார்.

கொலையாளி இவர் தான் என ஒரு சின்ன க்ளு கொடுத்துள்ளார். அதை சிலர் கவனித்திருந்தால் அவர் புத்திசாலி என்று பொருள்.

சில நேரங்களில் மெதுவாக நகரும் காட்சிகள் நம்மை சோதிக்கிறது. இத்தனைக்கும் படம் நீளம் 2 மணி நேரம் கூட இல்லை என்பபது குறிப்பிடத்தக்கது.

ஆக.. இந்த வி1 படம் ஏ1 வரிசையில் சேரும்.

V1 Murder Case review rating

More Articles
Follows