தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
ஒன்லைன்…
அறிமுகமில்லாத ஐஸ்வர்யா ராஜேஷுக்கு உதவ போய் ஒரு சிக்கலில் மாட்டிக் கொள்கிறார் ஆர் ஜே பாலாஜி. மர்மமான முறையில் பாலாஜி வீட்டில் ஐஸ்வர்யா மரணமடைகிறார். அதிலிருந்து எப்படி பாலாஜி தப்பித்தார் என்பதே கதை.
கதைக்களம்…
முன்பின் பழக்கம் இல்லாத ஐஸ்வர்யா ஒரு நாள் ஆர்.ஜே பாலாஜியிடம் உதவி கேட்கிறார். பாலாஜி வீட்டிற்குள் வந்து செல்போன் சார்ஜ் போட்டு சில மணி நேரம் தங்குகிறார்.
பாலாஜி அசதியில் உறங்கிவிட காலையில் ஐஸ்வர்யா திடீரென மர்மமான முறையில் கொல்லப்படுகிறார்.
உடனே தனது போலீஸ் நண்பர் விவேக்கிடம் ஐடியா கேட்கிறார் பாலாஜி..
பிணத்தை எங்கேயாவது வீசி விடு என்கிறார் விவேக் பிரசன்னா. எனவே பிணத்தை சூட்கேஸில் மறைத்து பயணிக்கிறார் பாலாஜி.. அதன் பின்னர் என்ன நடந்தது.? என்பதே ரன் பேபி ரன்..
கேரக்டர்கள்…
எப்போதும் கலகலப்பாக பேசிக்கொண்டே இருக்கும் ஆர் ஜே பாலாஜி இதில் திருதிருவென முழிக்கிறார். அவர் பேசாமல் தன் நடிப்பை பேச வைத்திருக்கிறார்.
ஐஸ்வர்யாவுக்கு சின்ன கேரக்டர் என்றாலும் தன் நடிப்பை வெளிப்படுத்தி இருக்கிறார்.. ஆனால் கேரக்டர் வலுவானதாக இல்லை.
நாயகனின் நண்பராக வரும் விவேக் பிரசன்னா நடிப்பு ஓகே.
ஸ்மிருதி வெங்கட், ராஜ் ஐயப்பன், பக்ஸ் , ஜோ மல்லூரி என திறமையான நடிகர்கள் இருந்தாலும் அவர்களுக்கு பெரிதாக வேலை கொடுக்கப்படவில்லை.
டெக்னீஷியன்கள்…
தயாரிப்பு – பிரின்ஸ் பிக்சர்ஸ் இயக்கம் – ஜியென் கிருஷ்ணகுமார் இசை – சாம் சிஎஸ் .
படத்தின் இடைவேளை வரை காட்சி நகர்வதே தெரியவில்லை.. அப்படி விறுவிறுப்பான திரைக்கதை அமைத்து நம் செல்போனை கையில் எடுக்காத படி சீட் நுனியில் அமர வைத்து விட்டார் இயக்குனர்.
ஆனால் இரண்டாம் பாதியில் வழக்கமான சில காட்சிகளை கத்தரி போட்டிருக்கலாம்.
ஐஸ்வர்யா ராஜேஷ் ஒரு திறமையான நடிகை. அவர் சின்ன கேரக்டருக்கு ஒப்புக் கொண்டதே பெரிய விஷயம்.. அவரை இன்னும் கூடுதலாக பயன்படுத்தி இருக்கலாம்.. அதுபோல ஸ்மிருதி வெங்கட்.. பக்ஸ் ஜோ மல்லூரி உள்ளிட்ட பலரது கேரக்டர் வீணடிக்கப்பட்டுள்ளது.
படத்தில் முக்கியமாக ஒரு பெரிய லாஜிக் ஓட்டை உள்ளது.. ஐஸ்வர்யாவின் பிணத்தை எப்படியோ எங்கோ வீச வேண்டும் என்பது தான் ஆர்.ஜே பாலாஜியின் நோக்கம்.. அந்த பிணம் வைத்த சூட்கேஸ் தவறுதலாக எங்கோ சென்று விட்டது. மீண்டும் அதன் பின்னாடி தொடர்வது ஏன்.? இதுவே பெரிய லாஜிக் ஓட்டையாக உள்ளது.
ஒரு பிரச்சனையில் சிக்கிக் கொள்கிறார் ஐஸ்வர்யா.. என்ன பிரச்சனை என்று சொல்லவே மறுக்கிறார்.. அப்படி இருக்கும் ஒரு நபருக்கு யாராவது உதவி செய்வார்களா.?
ஷாம் பின்னணி இசை அமைத்திருக்கிறார்.. ஒரு தில்லர் கதைக்கு ஏற்ப தன் இசையை பயணம் செய்ய வைத்துள்ளார்..
ஜியென் கிருஷ்ணகுமார் என்பவர் இயக்கியுள்ளார்.. படத்தின் கருவை 10 நிமிடம் மட்டுமே சொல்லி வேறு கதைகளை சொல்ல முற்பட்டு இருக்கிறார்..
கதையின் கருவை இன்னும் அழுத்தமாக பதிவு செய்திருந்தால் இந்த ரன் பேபி ரன் ரசிகர்களை கம் பேபி கம் என்று சொல்லியிருக்கும்..
Run Baby Run movie review and rating in tamil