தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
‘புலி முருகன்’ உள்ளிட்ட பல படங்கள் மலையாளத்தில் இருந்து தமிழுக்கு வர வசனங்களை எழுதியவர் ஆர் பி பாலா. தற்போது இவரே இயக்குனராக மாறி தயாரித்துள்ள படம் ‘லவ்’.
இது சில வருடங்களுக்கு முன் மலையாளத்தில் வெளியான ‘லவ்’ படத்தின் ரீமேக் என கூறப்படுகிறது.
இந்த படத்தில் பரத், வாணி போஜன், விவேக் பிரசன்னா, டேனியல், ராதாரவி உள்ளிட்ட பலர் நடித்துள்ளனர். பி ஜி முத்தையா ஒளிப்பதிவு செய்துள்ளார்.
இது பரத்தின் 50வது படம்.. விமர்சனம் இதோ
கதைக்களம்…
தன் தந்தை ராதாரவி சொன்னதன் பேரில் தான் கட்டிக்க போகும் மாப்பிள்ளை பரத்தை காண ஒரு ஹோட்டலுக்கு செல்கிறார் வாணி போஜன்.
முதல் சந்திப்பிலேயே இருவருக்கும் கருத்து மோதல் உருவாகிறது. ஆனாலும் பரத்தின் வெளிப்படையான பேச்சை கண்டு அவரை மணக்க சம்மதிக்கிறார் வாணி போஜன்.
இவர்கள் திருமணமான ஒரு வருடத்திற்குள்ளே பல பிரச்சினைகள் வெடிக்கிறது. பிசினஸ் நஷ்டத்தால் மனம் உடைந்து போகும் பரத் வீட்டிலேயே சரக்கு அடிக்கிறார். வாணி போஜன் வேலைக்கு சென்று பொறுப்புடன் இருக்கிறார்.
ஒருநாள் பிரச்சனை அதிகமாகவே இரண்டு பேரும் சண்டை போட்டுக்கொள்ள வாணியை அடித்து விடுகிறார் பரத்.
அப்போது எதிர்பாரா விதமாக வாணி போஜன் மரணம் அடைகிறார்.
அந்த சமயத்தில் சரக்கடிக்க பரத்தின் நண்பர் விவேக் பிரசன்னா வருகிறார்.
சிறிது நேரத்தில்.. திருமணமான மற்றொரு நண்பன் டேனியல் வேறொரு பெண்ணை அழைத்துக் கொண்டு வீட்டிற்கு மேட்டர் செய்ய வருகிறார்.
அதேசமயம் அவர்கள் வசிக்கும் அப்பார்ட்மெண்டுக்கு போலீஸ் ஜீப் வருகிறது.
அதன்பின்னர் என்னாச்சு.? நண்பர்களிடம் தான் செய்த கொலையை சொன்னாரா பரத்.? தப்பித்தாரா.? என்ன நடந்தது என்பது தான் மீதிக்கதை.
கேரக்டர்கள் & டெக்னீஷியன்கள்…
கதை கேட்பதற்கு சொல்வதற்கும் அழகாகவும் எளிதாகவும் இருந்தாலும் இதன் பின்னர் நடக்கும் குழப்பங்களும் தடுமாற்றமான திரைக்கதையும் ரசிகர்களை வெறுப்படையச் செய்கிறது.
பரத் வாணி போஜன் விவேக் பிரசன்னா டேனியல் ராதாரவி என கிட்டத்தட்ட 8-10 நபர்களே படத்தில் நடித்துள்ளனர்.
அவர்கள் அனைவருமே வீட்டிற்குள் நடக்கும் கதையை சுற்றி சுற்றி வருவதால் எந்தவிதமான ஓர் உணர்வும் நமக்கு ஏற்படவில்லை. அவர்களும் பெரும்பாலும் பெருமளவில் முயற்சிகளை எடுத்து நடிக்கவில்லை.
சீரியஸான முகத்துடனே பரத் காட்சியளிக்கிறார். ஒரே ஒரு பாடலில் மட்டும் பரத்தும் வாணி போஜனும் கொஞ்சம் ரொமான்ஸ் செய்கின்றனர். மற்றபடி அவர்களுக்குள் ஒரு துளி கூட காதல் இருப்பதாக காட்சிகள் இல்லை.
அப்படி இருக்கையில் ஏன் லவ் என்று டைட்டில் வைத்தார்கள் என்பதுதே கேள்வி. விவேக் பிரசன்னா அவரது மனைவியை சந்தேகப்படுவதும் டேனியல் அவரது மனைவியை சந்தேகப்படுவதும் இப்படியாகவே காட்சிகள் நகர்கின்றன.
மனைவியை கொல்லவே அனைவரும் திட்டமிடுகின்றனர். அப்படி இருக்கையில் இந்த படத்திற்கு டவுட் அல்லது டார்ச்சர் என்று பெயர் வைத்திருக்கலாம்.
இடைவேளைக்குப் பிறகு விவேக் யார்.? டேனியல் யார்? என பெரிய ட்விஸ்ட் வைத்துள்ளார்கள். ஆனால் அதில் கொஞ்சம் கூட ஈர்ப்பே இல்லை
*என் மகளை அடிக்கும் உரிமை உனக்கு இருந்தால்.. உன்னை அடிக்கும் உரிமை எனக்கு இருக்கிறது என ராதாரவி பேசும் வசனம் மருமகன்களுக்கு மாமனார் கொடுக்கும் எச்சரிக்கையாக எடுத்துக் கொள்ளலாம்*
‘லவ்’ படத்திற்கு மிகப்பெரிய ஆறுதல் படத்தின் ஒளிப்பதிவாளர் பி ஜி முத்தையா தான். கண்ணாடி ஜார் உடைவது முதல் வீட்டில் இருக்கும் அலங்கார பொருட்கள் என ஒவ்வொன்றையும் அழகாக படம் பிடித்து நம்மை ரசிக்க வைக்கிறார்.
பாடல் பின்னணி இசை கொஞ்சம் படத்திற்கு கை கொடுத்துள்ளது.
ஆர்பி பாலா இந்த படத்தை மலையாள பாணியில் இயக்கி இருக்கிறார். மற்றபடி தமிழுக்கு ஏற்றபடி சில மாற்றங்களை செய்து இருந்தால் ரசிகர்களை கவர்ந்திருக்கலாம்.
காதல் திருமணமாக இருந்தாலும் பெற்றோர் நிச்சயத்த திருமணமாக இருந்தாலும் மனதளவில் ஒற்றுமை இருந்தால் மட்டுமே தம்பதிகள் சந்தோஷமாக வாழ முடியும் என்பதை சொல்ல வந்திருக்கிறார் இயக்குனர் பாலா.
ஆனால் அதற்காக அவர் அமைத்துக் கொண்ட திரைக்கதை தான் ரசிகர்களை குழப்பம் படியாக அமைந்து விட்டது.
ஆக பரத்தின் 50 வது படம் அவருக்கு கை கொடுக்கவில்லை என்று அடித்துக் கூறலாம்..
இது லவ் இல்ல…
Love review and rating in tamil