தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
ஒன்லைன்…
தான் ஒரு அதிர்ஷ்டம் இல்லாதவன் என நினைக்கும் ஒருவனுக்கு திடீரென அதிர்ஷ்டம் அடிக்க தொடங்கினால்..
கதைக்களம்…
ஒரு ரியல் எஸ்டேட் நிறுவனத்தில் வேலை பார்க்கிறார் யோகி பாபு. இவரது மனைவி ரேச்சல். இவர்களுக்கு ஒரு மகன்.
உழைத்து சம்பாதித்த பணம் போதவில்லை.. தனக்கு அதிர்ஷ்டம் என்பதே இல்லை என நினைத்துக் கொண்டிருக்கும் யோகிபாபுவுக்கு ஒரு நாள் திடீரென ஒரு பரிசுத் திட்டத்தில் கார் ஒன்று பரிசாக கிடைக்கிறது.
ஆனால் காரை நிறுத்த கூட தன் வீட்டில் வசதி இல்லாத நிலையில் பல தெரு ஓரங்களில் இரவு நேரங்களில் நிறுத்தி வருகிறார் யோகி பாபு.
ஒரு கட்டத்தில் அவருக்கு கார் வந்த பின்பு தான் மெல்ல மெல்ல அதிர்ஷ்டம் அடிக்க தொடங்குகிறது. எனவே அந்த ராசியான காரை பத்திரமாக பாதுகாத்து வருகிறார்.
திடீரென ஒரு நாள் அந்த காரை திருடர்கள் திருடி செல்கின்றனர். அதன்பின்னர் யோகி பாபுவின் வாழ்க்கை என்ன ஆனது? கார் கிடைத்ததா? அதிர்ஷ்டத்தை இழந்தாரா? யோகி பாபு என்பதுதான் மீதிக்கதை.
கேரக்டர்கள்…
மண்டேலா படத்திற்குப் பிறகு கதையின் நாயகனாக வலம் வருகிறார் யோகி பாபு. தனது ஒன்லைன் கவுண்டர் காமெடிகளால் சிரிக்க வைக்கிறார். தன் யதார்த்த நடிப்பால் நம்மை கலங்கவும் வைக்கிறார் யோகி பாபு.
இவரது மனைவியாக ரேச்சல். சமீபத்தில் தேசிய விருது பெற்ற கடைசி விவசாயி படத்தில் நீதிபதியாக நடித்திருந்தார் ரேச்சல். கணவனை திட்டி அதேசமயம் பாசம் காட்டும் மனைவியாக வாழ்ந்திருக்கிறார் ரேச்சல்.
இவர்களின் குழந்தையாக சாத்விக். நிஜ வாழ்க்கையில் யோகி பாபுவுக்கு ஒரு குழந்தை இருந்தால் இவனை போல தான் தோற்றமளிப்பார் என்பது போல ஜெராக்ஸ் காப்பி எடுத்து இருக்கிறார் இயக்குனர்.
இவர்களுடன் வில்லனாக வீரா.. ஆனால் இந்த வில்லன் நேர்மையான ஒரு போலீஸ் அதிகாரி. தன்னுடைய வழக்கமான காமெடியால் திட்டும் யோகி பாபு ஒரு போலீஸ் அதிகாரியை திட்டுவதை ஏற்றுக்கொள்ள முடியவில்லை.
கொஞ்ச நேரமே வந்தாலும் நடிகர் சிவாஜி ரசிக்க வைக்கிறார். கோலமாவு கோகிலா படத்தில் போதை விற்ற குடும்பம் தானே என யோகி பாபு கிண்டல் செய்வது ரசிக்க வைக்கிறது.
யோகி பாபுவின் நண்பராக வரும் அப்துல் யதார்த்த நண்பனாக தோள் கொடுத்து உதவியிருக்கிறார்.
டெக்னீசியன்கள்…
சந்தீப் கே.விஜயின் ஒளிப்பதிவும், ஷான் ரோல்டனின் இசையும் கதையின் ஓட்த்திற்கு ஏற்ப பயணிப்பது சிறப்பு. மதனின் படத்தொகுப்பும் நேர்த்தி.
பாணி பூரி என்ற வெப்சிரீசை இயக்கிய பாலாஜி வேணுகோபால் இந்த படத்தை இயக்கியிருக்கிறார். அவரும் ஒரு சின்ன ரோலில் நடித்திருக்கிறார்.
சாமானியனுடன் கனெக்ட் ஆகும் கதையை வடிவமைத்து அதில் நாயகனை பொறுத்தி இருக்கிறார்.
அதிர்ஷ்டம் இல்லாத ஒரு மனிதனுக்கு அதிர்ஷ்டம் அடித்தால் அவனது வாழ்க்கை எப்படி மாறும்? என்பதையும் திடீரென அந்த அதிர்ஷ்டம் காணாமல் போனால் என்னவாகும்? என்பதையும் அழகாக எடுத்து சொல்லி இருக்கிறார் இயக்குனர் பாலாஜி வேணுகோபால்.
ஆக லக்கி மேன்.. லாபம் மேன் ரசிகர்களுக்கும் தயாரிப்பாளருக்கும்.!
lucky man movie review and rating in tamil