கபாலி விமர்சனம்

கபாலி விமர்சனம்

நடிகர்கள் : ரஜினிகாந்த், ராதிகா ஆப்தே, நாசர், தன்ஷிகா, தினேஷ், கலையரசன், ஜான் விஜய், வின்ஸ்டன் சவோ, கிஷோர் மற்றும் பலர்.
இசை : சந்தோஷ் நாராயணன்
ஒளிப்பதிவு : முரளி
படத்தொகுப்பு : பிரவீண் கே.எல்.
இயக்கம் : பா. ரஞ்சித்
பிஆர்ஓ : ரியாஸ் கே அகமது மற்றும் டைமண்ட் பாபு
தயாரிப்பாளர் : கலைப்புலி எஸ் தாணு

kabali rajini face broke

ரஜினிகாந்த் நடிப்பில் உருவாகும் ஒவ்வொரு படங்களுக்கும் பலத்த எதிர்பார்ப்பு இருக்கும்.

கபாலியில் அந்த எதிர்பார்ப்பு பல மடங்கு உயர்ந்து விண்ணைத் தொட்டு விட்டதாக உலகம் முழுவதும் செய்திகள் வெளியாகியுள்ளன.

லிங்கா படத்திற்கு பிறகு கிட்டதட்ட 18 மாதம் கழித்து, ரஜினியை காண ரசிகர்கள் தவம் கிடந்துள்ளனர்.

அவர்களின் ஒட்டு மொத்த எதிர்பார்ப்பையும் இப்படம் பூர்த்தி செய்துவிட்டதா என்பதை  பார்ப்போம்…

Kabali Rajini New Photos

கதைக்களம்…

மலேசியாவில் வசிக்கும் தமிழ் நேசன்  (நாசர்) ஒரு நல்ல தலைமுறையை உருவாக்க நினைக்கிறார். இதனை எதிர்க்கும் சிலர் நாசரை கொல்ல, கபாலி (ரஜினி) உருவெடுக்கிறார்.

ஒரு கட்டத்தில் எதிரிகளை இவர் வெட்டி கொல்ல ஜெயிலுக்கு செல்கிறார்.  எனவே, எதிர்ப்பு இல்லாத 43 என்ற கேங்ஸ்டர் கூட்டம் பெரியளவில் வளர்கிறது.

25 வருடங்களுக்கு பிறகு விடுதலையாகும் கபாலி தன் மக்களுக்கு என்ன செய்கிறார்?  என்பதே இப்படத்தின் கதை.

கதாபாத்திரங்கள்…

ரஜினிக்கே உரித்தான மாஸ் தோற்றம். வயதானாலும் அவரது ஸ்டைலில் குறைவில்லை. கண்ணாடி அணிந்திருந்தாலும் அதை மீறியும் அவரது பார்வையில் ஒரு பவர் இருக்கத்தான் செய்கிறது.

ஜெயிலில் இருந்து விடுதலையானதும் நேராக வில்லனின் அடியாளை சந்திக்கும் காட்சிகள் மாஸ். அடி தூள் கிளப்பியிருக்கிறார்.  பின்னர் மகளுக்காக ஏங்குவதும் மனைவியை தேடி அலைவதும் ரஜினி கண் கலங்க வைக்கிறார்.

ரஜினியின் கருணை இல்ல காட்சிகள் இன்றைய நவீன சமுதாயத்திற்கு தேவை.

ப்ளாஷ்பேக் காட்சியில் நாம் பார்த்து ரசித்த 1980களின் கால ரஜினியை நினைவூட்டுகிறார்.

ரஜினியின் மகளாக தன்ஷிகா பளிச்சிடுகிறார். தந்தையை காப்பாற்ற நினைப்பது முதல் ஒரு ஆண் பிள்ளையாக மாறியிருக்கிறார். ஆக்ஷன் காட்சிகளில் சாவடி அடித்து அப்ளாஸ் அள்ளுகிறார்.

rajini old look in kabali

ரித்விகா கொஞ்சம் நேரம் வருகிறார். அதில் தன் முத்திரை பதிக்க முயற்சித்திருக்கிறார்.

கலையரசன், ஜான் விஜய் ஆகியோர் பொருத்தமான  தேர்வு. இதுவரை இவர்களை இப்படி பார்த்து இல்லை. ஆனால் ஜான் விஜய்யின் வழக்கமான காமெடி இதில் மிஸ்ஸிங்.

அட்டக்கத்தி தினேஷின் அதிவேக சுறுசுறுப்பு சில சமயம் சிரிப்பை வர வைக்கிறது.

மைம் கோபி, விஜே லிங்கேஷ் ஆகியோர் உருவம் தெரியாத அளவிற்கு மாறி மிரட்டியிருக்கிறார்கள்.

கிஷோர் தன் பாத்திரம் அறிந்து அடக்கி வாசித்திருக்கிறார். ஆனால் டீசரில் பார்த்த அந்த வசனம்.. யாருடா? அந்த கபாலி. வரச்சொல்லுடா என்ற டயலாக் படத்திற்கு வேலையில்லை.  கபாலியை நன்றாக தெரிந்தவர் எப்படி அவ்வாறு சொல்ல முடியும். (படத்தில் இது இல்லை என்பதால் ஓகே)

வில்லன் வின்ஸ்டன் சவோ… பேசவே இல்லை. அப்படியே பேசினாலும் தமிழக ஜனங்களுக்கு புரிய போவதில்லை.

நாசருக்கு பெரிதாக வேலையில்லை.  ரஜினி படத்தில் நிறைய நட்சத்திரங்கள் இருந்தால் யாருக்கு பெரிதாக வேலை இருக்காது. இதிலும் அதேதான்.

kabali vaanam parthen video song

தொழில்நுட்ப கலைஞர்கள்…

ஜி. முரளியின் ஒளிப்பதிவில் மலேசியா காட்சிகளும் பிரம்மாண்டங்களும் ஓகே. ஆனால் எடிட்டர் பிரவீண் முதல் பாதியை நிறையவே வெட்டியிருக்கலாம்.

சந்தோஷ் நாராயணன் இசையில் பின்னணி இசை ஓகே. ஆனால் பாடல்கள் நிச்சயமாக வெகுநாட்களுக்கு மனதில் நிற்காது.

ரஜினியின் இன்ட்ரோ பாடல் போல வரும்… ‘உலகம் ஒருவனுக்கா” தோன்றினாலும் எந்தவிதமான ஆட்டத்தையும் ரசிகர்களிடம் காண முடியவில்லை.

நெருப்புடா பாடல் இடையே இடையே வருவதால் அதையும் முழுமையாக ரசிக்க முடியவில்லை.

kabali veera song stills

படத்தின் ப்ளஸ்…

  • ரஜினி ரஜினி ரஜினி – 3 விதமான ரஜினியின் தரிசனம்
  • தன்ஷிகா மற்றும் ராதிகா ஆப்தேவின் நடிப்பு
  • காந்தி சட்டை போடாததற்கும் அம்பேத்கர் கோட் போட்டதற்கும் அரசியல் இருக்கு.. இதுபோன்ற சில  வசனங்கள்
  • அடிமைப்படுத்தப்பட்ட தமிழர்களுக்காக ரஜினி பேசும் வசன காட்சிகள் நச்.
  • பறவையோட தன்மை பறப்பதுதான்.. பறக்க விடு.. வாழ்வோ? சாவோ? அதை அந்த பறவை தீர்மானிக்கட்டும்’ . (வசனம்)

படத்தின் மைனஸ்…

  • இது ரஜினியின் மாஸ் ஆக்ஷன் படமில்லை. அட ரஜினியின் காமெடி கூட இல்லையே.
  • மகிழ்ச்சி இருக்கட்டும். அதற்காக வில்லன் கோபமாக பேசினாலும் மகிழ்ச்சியா?
  • டான் கதையில் இவ்வளவு சென்டிமெண்ட்ஸ் தேவையா?
  • பாடல்கள் வருவதும் போவதும் தெரியவில்லை.

rajini and ranjith

க்ளைமாக்ஸ் யாரும் எதிர்பாராதது. ஆனால் ரஞ்சித் அதை முடித்துள்ள விதம் புத்திசாலித்தனம். அதுபோல் இடைவேளை ட்விஸ்ட் ஓகே என்றாலும் அதை யூகிக்க முடிகிறது.

எதற்காக இவ்வளவு பெரிய நட்சத்திர கூட்டத்தை கூட்டியிருக்கிறார் ரஞ்சித் என தெரியவில்லை.  ராம்திலக் எதற்காக வருகிறார்? இவரை போலவே நிறைய மலேசிய முகங்கள் வருகிறார்கள்.

ரஜினிக்கென்று எப்பவும் கிராமத்து ரசிகர்கள் இருக்கிறார்கள். ஆனால் இப்படம் முழுக்க மலேசியா, கிளப், தாய்லாந்து பார்ட்டி என் இருப்பதால் நிச்சயம் அவர்களை கவராது.

மேலும் வில்லன்கள் மலாய் மொழி பேசிக்கொண்டிருக்கும்போது தமிழில் சப் டைட்டில் போடுவது ஓகேதான். ஆனால் படிக்காதவர்களின் நிலைமை? இது இயக்குனருக்கு தெரியாதா?

பாட்ஷா மாதிரியான ஒரு மாஸ் ஆக்ஷன் இனி வருமா? என தெரியவில்லை.

ஆனால் ஒன்று மட்டும் உண்மை. இது வழக்கமான ரஜினி படம் இல்லை. ரஜினியை வேறு கோணத்தில் பார்க்க நினைப்பவர்களுக்கு இது நிச்சயம் பிடிக்கும்.

கபாலி… மகிழ்ச்சி 60%

தில்லுக்கு துட்டு விமர்சனம்

தில்லுக்கு துட்டு விமர்சனம்

‘லொள்ளு சபா’ ராம்பாலாவுடன் கைகோர்த்திருக்கிறார் சந்தானம். இவர்களின் ‘தில்லுக்கு துட்டு’ எப்படி..?

நடிகர்கள் : சந்தானம், ஷனன்யா, ஆனந்த்ராஜ், கருணாஸ், சௌரப் சுக்லா, நான் கடவுள் ராஜேந்திரன், டி.எம். கார்த்திக், சிங்கமுத்து மற்றும் பலர்.
இசை : எஸ்.தமன்
ஒளிப்பதிவு : தீபக்குமார்
படத்தொகுப்பு : கோபி கிருஷ்ணா
இயக்கம் : ராம்பாலா
பிஆர்ஓ : விஜயமுரளி
தயாரிப்பாளர் : ஸ்ரீ தேனாண்டாள் பிலிம்ஸ்

 

கதைக்களம்

சந்தானம், ஷனாயா காதலை எதிர்க்கிறார் ஷனாயாவின் அப்பா சௌரப் சுக்லா.

இவர்களை காதலை பிரிக்க ராஜேந்திரனை அணுகி, ஐடியா கேட்கிறார் சௌரப்.

அவரின் ஆலோசனைப்படி சந்தானத்தின் குடும்பத்தை ஒரு பங்களாவுக்கு வரவழைத்து பேய் வேஷம் போட்டு கொல்ல திட்டமிடுகிறார்.

அங்கே ஏற்கெனவே பேய்கள் நடமாடும் நிலையில், இந்த செட்டப் பேய்க்கும் நிஜ பேய்களுக்கும் நடக்கும் காமெடி யுத்தமே தில்லுக்கு துட்டு

கதாபாத்திரங்கள்…

வெறும் காமெடி நடிகர் என்ற நிலையில் இருந்த சந்தானம் இன்று ஹீரோவுக்கான அனைத்தையும் கற்று அசத்தியிருக்கிறார்.

இதில் தாடியுடன் நடித்து, கொஞ்சம் வித்தியாசமும் காட்டியிருக்கிறார்.

பேயை கிண்டல் செய்து பேசும் வசனங்கள் தியேட்டரில் அப்ளாஸை அள்ளுகிறது. சிலவை கேட்ட வசனங்களாக இருப்பது சலிப்பை தட்டுகிறது.

அறிமுக நாயகி ஷனாயா ரொமான்ஸ் காட்சிகள் மற்றும் பாடல்களுக்கு  வந்து போகிறார்.

காமெடி படமா ராஜேந்திரனை கால்ஷீட்டை புக் பன்னுங்க என்றும் சொல்லுமளவுக்கு ராஜேந்திரன் இதிலும் ஸ்கோர் செய்துள்ளார்.

இவர்களுடன் கருணாஸ் மற்றும் ஆனந்தராஜ் ஆகியோரின் பங்களிப்பு அருமை.

அதிலும் காமெடி பண்ணரேன்னு நான் பழைய வில்லன்றத மறந்துடாத என ஆனந்த்ராஜ் சொல்லும் இடம் சிரிப்பு மழை.

மாமனார் மருமகனாக வரும் சௌரப் சுக்லா, T M கார்த்திக்கின்  ஆகியோர் அருமையான தேர்வு. ஒரிஜினல் ‘சேட்டு’ போல சௌரப் சுக்லா… சபாஷ் சுக்லா.

தொழில்நுட்ப கலைஞர்கள்…

கார்த்திக் ராஜா பின்னணி இசையில் பலம் சேர்கிறார். பாடல்களை கேட்கலாம்.

தீபக் குமார் பாடியின் ஒளிப்பதிவு டெரர் காட்டுகிறது.

கலை இயக்குனர் ஏ.ஆர்.மோகனின் பேய் எஃபெக்ட்டை படத்தை தாங்கி நிற்கிறது.  ஆக்ஷனில் ஹரி தினேஷிம் குறை வைக்கவில்லை.

படத்தின் ப்ளஸ்

  • சந்தானம், ராஜேந்திரன், ஆனந்த்ராஜ் ஆகியோரின் பங்களிப்பு
  • இடைவேளைக்கு பிறகு வரும் அரைமணி நேர காமெடி சீன்ஸ்

படத்தின் மைனஸ்…

  • முதல்பாதியை கொஞ்சம் இயக்குனர் கவனிருத்திருக்கலாம்.
  • பின்னணி இசையளவு பாடல்கள் இல்லை.

கீரை சாதம் சாப்பிட்டுட்டு வாய் கொப்பளிக்கலையா. பல்லு கறை கறையா இருக்கு.” , ”12 மணிக்கு பேய் வரும்னா, அதை சொல்ல 11.45க்கு நீ வருவியா.” போன்ற வசனங்களுக்கு நிறைய யோசித்திருப்பார்கள் போல. அது ஓகேதான்.

ஆனால் ”முட்டை தேடி வந்த டைனோசர் மாதிரி… முட்டை போண்டாவுக்கு டை கட்டின மாதிரி, ஆதாம் ஏவாலுக்கு பொறந்த மூத்த மகன் மாதிரி…” என்ற இந்த மாதிரி மாதிரி டயலாக்குகளை சந்தானம் எப்போது மாற்ற போகிறார்.? அடிக்கடி கேட்கவே ஒரு மாதிரியாக இருக்கிறது.

பேய் படம்ன்னா லாஜிக் இருக்கக்கூடாதா? என்ன? மீறல்களிலும் சில க்ளீஷேக்களையும் அதிக கவனம் செலுத்தி இருக்கலாம்.

மொத்தத்தில் தில்லுக்கு துட்டு…. கொடுத்த துட்டுக்கு ரசிக்கலாம்.

அட்ரா மச்சான் விசிலு விமர்சனம்

அட்ரா மச்சான் விசிலு விமர்சனம்

நடிகர்கள் : மிர்ச்சி சிவா, சீனிவாசன், நைனா சர்வார், சென்ட்ராயன், ராஜ்கபூர், சிங்கமுத்து, மன்சூர் அலிகான், மதுமிதா மற்றும் பலர்.
இசை : ரகுநந்தன்
ஒளிப்பதிவு : காசி விஷ்வா
படத்தொகுப்பு : சுஜீத்
இயக்கம் : திரைவண்ணன்
பிஆர்ஓ : கேஎஸ்கே செல்வா
தயாரிப்பாளர் : என். திருநாவுக்கரசு

 

ad 4

கதைக்களம்…

சினிமாவில் பெரிய நடிகராக இருக்கிறார் பவர் ஸ்டார் சீனிவாசன். இவரின் உதவியாளர் சிங்கமுத்து. அவரின் தீவிர ரசிகர்களான சிவா, சென்ட்ராயன்.

பவர்ஸ்டாரின் படங்கள் வரும்போது அமர்க்களப்படுத்தும் இவர்கள் ஒருமுறை அவரின் படத்தை வாங்கி விநியோகம் செய்கின்றனர்.

படம் பெரும் தோல்வியை சந்திக்க, நஷ்டஈடு கேட்கின்றனர். ஹீரோ மறுக்க அதன்பின்னர் ரசிகர்கள் எடுக்கும் முடிவே மீதிக்கதை.

கதாபாத்திரங்கள்…

மிர்ச்சி சிவா ரசிகராக நடித்துள்ளார். தன் தலைவனுக்காக எதையும் செய்யும் கேரக்டரில் சில ரசிகர்களை நினைவுபடுத்துகிறார்.

இதில் கொஞ்சம் டான்சும் ஆடி இருக்கிறார். ஆனால் சென்டிமென்ட் மற்றும் ஜாலியான காட்சிகளில் ஒரே மாதிரியான ரியாக்ஷன்தான். கொஞ்சம் மாற்றினால் நல்லது.

நாயகி நைனா சர்வார். அழகு பதுமையாக வந்து செல்கிறார். கலங்கும் காட்சிகளில் கூட ஓவர் மேக்கப் போட்டு பளிச்சின்னு இருக்கிறார்.

பப்ளியாக இருந்தும் இவரை ஹீரோ அவ்வளவாக கண்டுக் கொள்ளாமல் இருப்பது ஏனோ?

ad 1

பவர்ஸ்டார் சீனிவாசன் உயர்ந்த நடிகர்களுக்கே உரிய பந்தாவாக வருகிறார். பெரும்பாலும் கூலிங் கிளாஸ் அணிந்திருப்பதால், முக பாவனைகள் தெரியவில்லை.

க்ளைமாக்ஸ் காட்சியில் ரசிகர்களுக்கு புத்திமதி சொல்லி இருக்கிறார். மற்றபடி ஒன்றுமில்லை.

சென்ட்ராயன் இதில் கொஞ்சம் வித்தியாசம் காட்ட முயற்சித்திருக்கிறார்.

ராஜ்கபூர் மற்றும் டிபி கஜேந்திரன் சிலகாட்சிகளில் வருகின்றனர்.

இவர்களுடன் மன்சூர் அலிகான், சிங்கமுத்து, மதுமிதா ஆகியோர் தங்கள் பணியை கொஞ்சம் ஓவராகவே செய்துள்ளனர்.

ad 3

தொழில்நுட்ப கலைஞர்கள்…

படத்திற்கு பக்கபலமாய் அமைந்திருக்கிறது ரகுநந்தனின் இசை. பாடல்கள் அனைத்தும் தாளம் போட வைக்கிறது.

காசி விஸ்வாவின் ஒளிப்பதிவு கச்சிதம்.

படத்தின் ப்ளஸ்…

  • இடைவேளை ட்விஸ்ட்
  • ரசிகர்களுக்கு பாடம் சொன்னது

படத்தின் மைனஸ்…

  • ஹீரோ + ரசிகர்கள் மோதல் என்ற எதிர்பாராத இடைவேளையை கொடுத்துவிட்டு, அதன் பின்னர் சுவாரஸ்யமில்லாமல் கதையை கொண்டு சென்றது.
  • மன்சூர் அலிகான், சிங்கமுத்து மற்றும் மதுமிதாவின் ஓவர் ஆக்ட்டிங்
  • காட்சிகளில் உள்ள நாடகத்தன்மை.

ad 2

நடிகர்களும் மனிதர்கள்தான். படம் என்பது பொழுதுபோக்கு சாதனமே. அதுவே ரசிகனின் வாழ்க்கையல்ல என்பதை சொன்ன திரைவண்ணனை பாராட்டலாம்.

இயக்குனர் முதல்பாதியில் கொடுத்த விறுவிறுப்பை இரண்டாம் பாதியில் கொடுத்திருந்தால் இன்னும் இன்னும் அட்ரா மச்சான் விசிலு என சொல்லியிருக்கலாம்.

மொத்தத்தில் அட்ரா மச்சான் விசிலு.. ரசிகனுக்கு நடிகன் சொல்லும் பாடம்.

பைசா திரை விமர்சனம்

பைசா திரை விமர்சனம்

நடிகர்கள் : ஸ்ரீராம், ஆரா, தீபிகா, நாசர், மயில்சாமி, ராஜசிம்மன், சென்ட்ராயன், மதுசூதன் ராவ், ராம்ராஜ் மற்றும் பலர்.
இசை : ஜே.பி.
ஒளிப்பதிவு : கே.பி. வேல்முருகன்
படத்தொகுப்பு : எஸ்.பி. அஹ்மது
இயக்கம் : அப்துல் மஜீது
பிஆர்ஓ : சுரேஷ் சந்திரா
தயாரிப்பாளர் : மஜீத், ரங்கநாதன் ராஜீ, கராத்தே கே. ஆனந்தன்

கதைக்களம்…

குப்பை பொறுக்கும் ஸ்ரீராம் ஒருமுறை ஆரா தவறவிட்ட பணத்தை அவரிடம் கொடுக்கிறார். அதுமுதல் அவர்களுக்குள் காதல் வளர்கிறது.

இதனிடையில் கூவம் நதியில் மறைத்து வைக்கப்பட்ட கோடிக்கணக்கான பண மூட்டை ஸ்ரீராமிடம் சிக்குகிறது.

இதனை வைத்து செட்டிலாக திட்டமிடுகிறார் அவர். ஆனால் அதனால் அவருக்கு பிரச்சினை மேல் பிரச்சினை வர இறுதியாக என்ன செய்கிறார்? என்பதே படத்தின் கதை.

????????????????????????????????????????

கதாபாத்திரங்கள்…

குப்பை பொறுக்கும் பையனாக ஸ்ரீராம். சில இடங்களில் நடிக்கவும் செய்திருக்கிறார். நன்றாக அழுகிறார்.

ஆனால் இவரை பார்த்தால் அழுக்கு பையனாகவே தோன்றவில்லை. எப்பொழுதும் க்ளீனாக வருகிறார். இவர் மட்டுமல்ல இவரது கூட்டாளிகளும் ப்ரெஷ்ஷாகவே வருகிறார்கள்.

ஆரா… அமர்களப்படுத்தியிருக்கிறார். கண்களால் காதல் மொழி பேசி ரசிக்க வைக்கிறார். ஆனால் காதல் சந்தியாவின் தங்கை போலவே இருக்கிறார்.

நாசர் சில காட்சிகளில் படத்தின் கருத்தை வலியுறுத்தி செல்கிறார். குப்பை போடுற நம்மள விட குப்பையை பொறுக்கி சுத்தம் செய்கிற அவர்கள் தான் நாட்டிற்குதான் தேவை என்பதை நன்றாகவே உணர்த்தியிருக்கிறார்.

சென்ட்ராயனுக்கு காட்சிகள் குறைவு என்றாலும் அவர் பேசும் வசனங்கள் ரசிக்க வைக்கிறது.

ஏழை பத்து ரூபாய்க்கு ரீசார்ஜ் செய்தால் 3 ரூபாய் பிடிக்கிறாங்க. பணக்காரன் 500 ரூபாய்க்கு ரீசார்ஜ் செய்தால் எக்ஸ்ட்ரா டாக் டைம். இதாண்டா உலகம்.

மதுசூதன் ராவ் மற்றும் ராஜசிம்மன் இருவரும் தங்கள் பார்வையாலே வில்லத்தனம் செய்கின்றனர். நல்ல தேர்வு.

தீபிகா வில்லனை கிக் ஏற்ற அடிக்கடி வருகிறார். மயில்சாமி காட்சிகளில் காமெடியே இல்லையே ஏன்..?

Paisa-Tamil-movie-poster-6

தொழில்நுட்ப கலைஞர்கள்…

  • ஜே.வி.யின் இசையில் ஓரிரு பாடல்கள் ஓகே.
  • வேல்முருகன் ஒளிப்பதிவில் எல்லாரும் பளிச்சென இருக்கிறார்கள். அழுக்கு குப்பை என்றாலும் பெரிதாக அசிங்கமே தெரியவில்லை. அதனால் யதார்த்தம் குறைகிறது.

படத்தின் ப்ளஸ்….

  • தூய்மை இந்தியா திட்டத்திற்கு முன்மாதிரி
  • ஆராவின் அழகான நடிப்பு
  • க்ளைமாக்ஸ் மற்றும் ஆக்ஷன் பைட்

படத்தின் மைனஸ்…

  • குப்பை பொறுக்குபவர்களின் போல் அல்லாத பேச்சு மற்றும் கேரக்டர்கள்.
  • பணம் வீட்டில் இருக்கும்போது வீட்டை டைட்டாக பூட்டி செல்லும் ஸ்ரீராம் வீட்டுக்குள் சென்றால் உள்ளே பூட்ட மாட்டாரா?
  • பணமூட்டை அடிக்கடி திறந்து பார்ப்பது ஏன்..?

paisa

இயக்குனர் அப்துல் மஜீத் ஒரு நல்லெண்ண அடிப்படையில் எடுத்து நல்ல கருத்துக்களையும் கூறியிருக்கிறார்.

க்ளைமாக்ஸ் பைட்டில் இருக்கும் விறுவிறுப்பு படம் முழுவதும் இருந்தால் இன்னும் ரசிக்க வைத்திருக்கும்.

மொத்தத்தில் பைசா…. கொஞ்சம் வரவு..!

ஒரு மெல்லிய கோடு விமர்சனம்

ஒரு மெல்லிய கோடு விமர்சனம்

நடிகர்கள் : அர்ஜீன், ஷாம், மனீஷா கொய்ராலா, அக்ஷா பட் மற்றும் பலர்.
இசை : இளையராஜா
ஒளிப்பதிவு : கிருஷ்ணஸ்ரீராம்
படத்தொகுப்பு : கிருஷ்ண ரெட்டி
இயக்கம் : ஏஎம்ஆர். ரமேஷ்.
பிஆர்ஓ: மௌனம் ரவி
தயாரிப்பாளர் : ரூபாதேஷ் ராஜ்ராய்

கதைக்களம்…

ஒரே இரவில் நடக்கும் கதைதான் இப்படம்.

மல்ட்டி மில்லியனர் மனீஷா கொய்ராலா கொலை செய்யப்படுகிறார். அவருடைய உடல் ‘போஸ்ட் மார்ட்டம்’ செய்ய வைக்கப்பட்டுள்ளது.

பலத்த போலீஸ் பாதுகாப்பு இருந்தும், உடல் காணாமல் போய்விடுகிறது. எனவே போலீஸின் சந்தேக பார்வை மனீஷாவின் கணவர் ஷாம் மீது விழுகிறது.

மிடுக்கான போலீஸ் அதிகாரி அர்ஜுன் அவரை தன் கட்டுப்பாட்டிற்குள் கொண்டு வந்து ஒன்றன் பின் ஒன்றாக உண்மைகளை வெளிச்சத்து கொண்டு வருகிறார்.

ஆனால் க்ளைமாக்ஸ் யாரும் எதிர்பாராத ஒன்று.

omk 2

கதாபாத்திரங்கள்…

எத்தனை நடிகர்கள் போலீஸ் வேடத்தில் நடித்தாலும் அர்ஜுனுக்கு இந்த கேரக்டர் ஒரு வரப்பிரசாதம்தான்.
கிரிமினலை விட இவர் ஒவ்வொன்றாக திட்டம் தீட்டுவது ரசிக்க வைக்கிறது.

ஆனால் பைட் எதுவும் இல்லாமல் அமைதியாக வந்து அசத்தியிருக்கிறார்.

எந்த நடிகரும் ஏற்காத வேடத்தை ஷாம் செய்துள்ளார். சாக்லெட் பாயாக வந்த இவர் சமீபகாலமாக சவாலான பாத்திரங்களை தேர்ந்தெடுத்து வருகிறார்.

டாய்லெட்டில் பேப்பரை போட்டுவிட அது உள்ளே செல்லாமல் இருக்கையில் அதை தின்பது என கேரக்டராக மாறியிருக்கிறார் ஷாம். பார்க்கும் நமக்கே உவ்வே… என தோன்றும்.

omk 3

தன்னை விட மூத்த மனிஷா கொய்ராலாவை ஷாம் ஏன் திருமணம் செய்தார்? என்பதே இப்படத்தை பார்க்க வைக்கும்.

நீண்ட நாட்களுக்கு பிறகு மனீஷா கொய்ராலா. வயதான கேரக்டர் என்பதால் ஓகே. ஆனால் அதிலும் தன் கணவருக்கு தன் மீது காதல் இல்லையோ? என ஏங்குவது ரசிக்க வைக்கிறது.

ஷாமின் காதலியாக அக்ஷா பட் கொஞ்சம் நடிக்கவும் செய்திருக்கிறார்.

படத்தின் இயக்குனர் A.M.R.ரமேஷும் அர்ஜீனுடன் விசாரணை அதிகாரியாக நடித்துள்ளார். இனி அவருக்கு நடிப்புக்கான வாய்ப்புகள் வரும்.

தொழில்நுட்ப கலைஞர்கள்…

இளையராஜாவின் இசையில் பின்னணி மிரட்டல். படத்திற்கு பலம்.
ஒளிப்பதிவாளர் கிருஷ்ணஸ்ரீராம் மற்றும் எடிட்டர் கிருஷ்ண ரெட்டியும் தங்கள் பணியை சிறப்பாக செய்துள்ளனர்.

???????????????????????????????????????????????????????

படத்தின் ப்ளஸ்…

  • ஆரம்பம் மற்றும் க்ளைமாக்ஸ் ட்விஸ்ட்
  • ஷாமின் மாறுபட்ட நடிப்பு

படத்தின் மைனஸ்…

  • அருமையாக திட்டம் போட்டு மனைவியை கொலை செய்யும் ஷாம், போலீஸ் விசாரணையில் அலட்சியமாக இருப்பது ஏன்..? துளிகூட முகத்தில் சோகம் இல்லையே?

?????????????????????????????????????????????????????

மனைவி இறந்த துக்கமே இல்லாமல் இருந்தால் போலீஸ்க்கு சந்தேகம் வரும் என இவருக்கு தெரியாதா? இயக்குனர் கவனிக்கவில்லையா?

மொத்தத்தில் ‘ஒரு மெல்லிய கோடு’ – நிச்சயம் பார்க்கலாம்.

ஜாக்சன் துரை விமர்சனம்

ஜாக்சன் துரை விமர்சனம்

நடிகர்கள் : சத்யராஜ், சிபிராஜ், பிந்து மாதவி, கருணாகரன், மொட்டை ராஜேந்திரன், யோகிபாபு, சண்முக சுந்தரம் மற்றும் பலர்.
இசை : சித்தார்த் விபின்
ஒளிப்பதிவு : யுவா
இயக்கம் : தரணிதரன்
பிஆர்ஓ : நிகில் முருகன்
தயாரிப்பாளர் : எம்.எஸ். சரவணன்

கதைக்களம்…

பிந்துமாதவியை மணக்க சிபிராஜ் மற்றும் கருணாகரன் போட்டி போடுகின்றனர். எனவே பிந்துவின் தந்தை சண்முக சுந்தரம் பேய் பங்களாவில் ஒரு வாரம் தங்க உத்தரவு இடுகிறார்.

அப்போதுதான் அங்குள்ள ஜாக்சன் என்ற பேய்க்கும் துரை என்ற பேய்க்கும் நடக்கும் பனிப்போர் இவர்களுக்கு தெரிய வருகிறது.

அந்த போராட்டம் இந்தியாவின் சுதந்திர காலப் போராட்டம் என்பதால் பேய்களுடன் இணைந்து இவர்கள் இருவரும் போராட இறுதியில் என்ன ஆனது என்பதே இப்படத்தின் மீதிக்கதை.

Jackson-Durai-movie-poster

கதாபாத்திரங்கள்…

பின்னணி இசையோடு சத்யராஜின் அறிமுக காட்சி செம. தன் மகள் தன் நாட்டுக்காக உயிரை விடுவதும், அதன்பின் தானும் உயிரை விடுவதும் ஓகே. இரண்டு தோற்றத்திலும் மிகப் பொருத்தமாக இருக்கிறார்.

ஆனால் அதன்பின் வரும் காட்சிகள் எல்லாம் என்ன சொல்வதன்றே தெரியவில்லை. பேயாக வந்து சாவதும் பின் பேயாக வருவதும் மீண்டும் பேயாக… படிக்கிற உங்களுக்கு கடுப்பா இருக்கா? எங்களுக்கும்தான்.

இவருடன் ஜாக்சன் பேய், மனைவி பேய், குழந்தை பேய் மற்றும் மொட்டை ராஜேந்திரன் பேய் என பேய் பேய்யாக வரிசை கட்டி நிற்கும்போது சிரிக்கவும் முடியவில்லை. பயமும் வரவில்லை.

சிபிராஜின் இன்ட்ரோ ஸ்மோக் ஸ்பெக்ட் எல்லாம் ஓகேதான். ஆனால் காட்சிகளில்தான் வலுவில்லை. கூளிங் கிளாஸ் குணாவை கூட இதில் காணல. ட்ரை பன்னுங்க ப்ரோ.

கருணாகரன் சில நேரம் காமெடி செய்து மற்ற நேரங்களில் அவரே டயர்ட் ஆகிவிடுகிறார்.

பிந்து மாதவிக்கு ஏன் இந்த நிலைமை? படத்தில் சில காட்சிகளில் அவரை பார்த்த ஞாபகம் மட்டும் இருக்கிறது. மகாநதி சங்கரும் இருக்கிறார்.

யோகிபாபுக்கு நல்ல கை தட்டல் இருக்கிறது. ஆனால் அவர் வரும் காட்சிகள்தான் குறைவு.

jackson-durai-movie-trailer

தொழில்நுட்ப கலைஞர்கள்….

பாடல்கள் கைகொடுக்கவில்லை. ஆனால் படத்தை பின்னணி இசை மட்டும் தாங்கி நிற்கிறது. ஆனால் பேய் பயம் நமக்கு வரவில்லை என்பதால் அதுவும் சப்பென்று ஆகிவிடுகிறது.

மற்றவர்களை விட ஒளிப்பதிவாளர் யுவாவிற்கும் ஆர்ட் டைரக்டர் டி.என். கபிலனுக்கும் நிறைய வேலை இருந்துள்ளது.

பேய் படம் என்பதால் முழுக்க இருட்டிலேயே எடுத்துள்ளனர். ஒளிப்பதிவாளருக்கு வேலை இருந்த அளவுக்கு ஒளிக்கு வேலையில்லை.

படத்தின் ப்ளஸ்…

  • மோட்டார் பைக் பாடல் கொஞ்சம் ரசிக்க வைக்கிறது.
  • கலை கபிலனும் ஒளிப்பதிவாளர் யுவாவும் படத்தை தாங்கி நிறுத்துகின்றனர்.
  • சுதந்திர போராட்டக் காலத்தில் உயிர் இழந்தவர்கள் தங்கள் சுதந்திர நாட்டை காண வேண்டும் என்பதற்காக பேய்யாக பங்களாவில் வாழ்வது.
  • Jackson-Durai-Tamil-Movie-Satyaraj-Stills-1

படத்தின் மைனஸ்…

  • ப்ளாஷ்பேக்கில் சத்யராஜ் மற்றும் அவரது மகள் இலக்கிய தமிழில் பேசுகின்றனர். பின்னர் நவீன தமிழ் மீண்டும் அடுத்த நொடியே இலக்கிய தமிழ் பேசுகின்றனர்.
  • பின்னர் நவீன காலத்தில் சிபிராஜ் பேசும்போது கொச்சை தமிழ் என்பது என்ன நியாயமோ..?
  • பேய்யுடன் மனிதன் போராடும் படங்களை பார்த்திருப்போம். ஆனால் இதில் ஒரு மனிதன் மற்றும் பேய்கள் சேர்ந்து வெள்ளைக்கார பேயுடன் போராடுவது எல்லாம் ரொம்பவே டூ மச்.
  • உடம்பு மற்றும் முகம் முழுவதும் வெள்ளை சாயம் பூசி கண்களில் மட்டும் கறுப்பு மை பூசி பயமுறுத்துவது எல்லாம் ஓவர் பழசு.

சத்யராஜ் போன்ற அனுபவமிக்க கலைஞர்களை கொண்டு இன்னும் நன்றாக கொடுக்க முயற்சித்திருக்கலாம் இயக்குனர் தரணிதரன்.

பர்மா படத்தில் பட்டைய கிளப்பியவர். இதில் சறுக்கியிருக்கிறார்.

மொத்தத்தில் ஜாக்சன் துரை… பயமில்லாத ஜவ்வு துரை

More Articles
Follows