ரஜினியின் 2.0 படத்தில் மீண்டும் ரூ. 100 கோடியை ஏற்றிய ஷங்கர்

எஸ்வி சேகரை அரெஸ்ட் செய்யாத அரசு மன்சூர் அலிகானை அரெஸ்ட் செய்தது ஏன்? – பாரதிராஜா

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

தமிழர் கலை இலக்கிய பண்பாட்டுப் பேரவை சார்பில் இயக்குனர் பாரதிராஜா வெளியிட்டுள்ள அறிக்கையில் கூறி இருப்பதாவது:-

ஜனநாயக ஆட்சியில் உயர்ந்தவர், தாழ்ந்தவர் என்ற பாகுபாடு கிடையாது எல்லோரும் ‘இந்நாட்டு மன்னர்கள்’ என்று சொன்னார்கள்.
வெளிநாட்டில் பேச்சு சுதந்திரத்திற்கோ, கருத்துச் சுதந்திரத்திற்கோ ஆளும் அரசுகளோ, மற்ற யாருமோ தடைபோடுவதில்லை. ஒன்றின் மீது நம்முடைய நம்பிக்கை இழக்கும் போது தான் விமர்சனம் அங்கே எழுகிறது.

தற்போது தமிழகத்தில் தினமும் பிரச்சனைகள், போராட்டங்கள் என்று ஒரு போர்க்களமாகவே மாறியிருக்கிறது.
நம் தமிழக மக்களை பாதிக்கும் திட்டங்களை அரசு செயல்படுத்த முயல்வதால் தான் இந்த விளைவுகள் ஏற்படுகின்றன.

சேலம் பசுமை வழிச்சாலை பற்றி மன்சூர் அலிகான் உணர்ச்சி வசப்பட்டுப் பேசிய பேச்சு தவறு தான்.

உணர்ச்சி மேலிடம் போது கோபம் வெளிப்படுவது இயல்பு. சட்டம் ஒழுங்கு பிரச்சனை ஏற்படும் என்று அவசர அவசரமாக, அவரை வீட்டிலேயே கைது செய்ய முனைந்த காவல் துறை, பெண்களைத் தரக்குறைவாகப் பேசி, இழிவுப்படுத்தி தமிழகத்தில் குழப்பத்தையும், பிரச்சனையையும் ஏற்படுத்திய எஸ்.வி. சேகர் மீது நடவடிக்கை எடுக்காதது ஏன்?

உடனடியாக கைது செய்ய வேண்டிய அவரை விட்டுவிட்டு மாறாக சிவப்புக் கம்பள வரவேற்பு கொடுத்து பாதுகாக்கிறீர்கள்.

ஒரு கண்ணில் வெண்ணெயும், இன்னொரு கண்ணில் சுண்ணாம்பையும் வைக்கும் உங்கள் ஜனநாயகம் கேலிக்கூத்தாக இருக்கிறது.

மன்சூர் அலிகான் கைது செய்வதில் காட்டிய அக்கறையை, தமிழக மக்களுக்கு துரோகம் இழைக்கும் எஸ்.வி.சேகர் போன்ற நபர்களை கைது செய்தால் உண்மையான ஜனநாயக நாடாக இருக்கும். இல்லையென்றால் இவர்களால் சட்டம் ஒழுங்கு சீர்குலைக்கப்படும் என்பதை கோடிட்டு காட்ட விரும்புகிறேன்.

தன் வீட்டிற்கோ, தன் சொந்தத்திற்கோ மன்சூர் அலிகான் குரல் கொடுக்கவில்லை, மக்களின் நலனிற்காகவே பேசினார்.

ஆகையால் அவரை உடனடியாக விடுதலை செய்யுங்கள் இல்லையென்றால் எஸ்.வி. சேகரை கைது செய்து, ஜனநாயகத்தை காப்பாற்றுங்கள்.

இவ்வாறு அந்த அறிக்கையில் பாரதிராஜா கூறியுள்ளார்.

 பின் குறிப்பு:  ஜூலை 12-ந்தேதி எஸ்.வி.சேகர் நெல்லை கோர்ட்டில் ஆஜராக வேண்டும் என்றும் ஆஜராகாவிட்டால் பிடிவாரண்டு பிறப்பிக்கப்படும் என்று கோர்ட் எச்சரிக்கை விடுத்துள்ளது இங்கே கவனிக்கத்தக்கது.

Director Bharathiraja condemned Actor Mansoor Alikhan arrest

சுதந்திர தின ஸ்பெஷலாக வரும் அரசியல் படம் •அண்ணனுக்கு ஜே•

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

இயக்குனர் மற்றும் தயாரிப்பாளர் வெற்றி மாறனின் Grass Root Film Company-ம், 20th Century Fox நிறுவனமும் இணைந்து தயாரிக்கும் படம் அண்ணனுக்கு ஜே.

தற்கால அரசியலை நையாண்டி (political satire) செய்யும் இந்த திரைப்படத்தில், அட்டக்கத்தி தினேஷ் நாயகானாக நடித்துள்ளார்.

மஹிமா நம்பியார் கதா நாயகியாக நடிக்கிறார். மேலும், ராதா ரவி, மயில்சாமி, வையாபுரி போன்றோர் முக்கிய கதாப்பாத்திரங்களில் நடித்துள்ளனர்.

இசை – அரோல் கொரேலி, ஒளிப்பதிவு – விஷ்ணு ரங்கசாமி, படத்தொகுப்பு – G.B.வெங்கடேஷ்.

இந்த படத்திற்கு கதை, திரைக்கதை, வசனம், எழுதி இயக்கி இருப்பவர் ராஜ்குமார்.

இவர் வெற்றி மாறனிடம் உதவி இயக்குனராக பணி புரிந்தவர். இத்திரைப்படம் ஆகஸ்டு 17 வெளியிடப்படும் என்று தயாரிப்பு நிறுவனம் அறிவித்துள்ளது.

Vetrimaaran Dinesh combo movie Annanukku Jai releasing on 17th August

டிராஃபிக் ராமசாமி பட இயக்குனரின் உழைப்பால் மனம் மாறிய எஸ்ஏசி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

சமூக ஆர்வலர் டிராஃபிக் ராமசாமியின் வாழக்கை வரலாறை மையமாக வைத்து டிராஃபிக் ராமசாமி என்ற பெயரில் படம் எடுக்கப்பட்டுள்ளது.

எஸ்ஏ. சந்திரசேகர் நாயகனாக இப்படத்தில் நடித்துள்ளார்.

இவரிடம் ஐந்து வருடங்களுக்கு மேலாக உதவியாளராக பணிபுரிந்த விக்கி என்ற இளைஞர் இப்படத்தை இயக்கியுள்ளார்.

டிராஃபிக் ராமசாமி மனைவியாக ரோகினி நடித்துள்ளார்.

இவர்களுடன் முக்கிய வேடங்களில் குஷ்பூ, சீமான், பிரகாஷ்ராஜ், ஆர்கே சுரேஷ், விஜய் ஆண்டனி, விஜய்சேதுபதி உள்ளிட்டோர் நடித்துள்ளனர்

இந்த படத்திற்கு, ‘ஹர ஹர மாகாதேவகி’, ‘இருட்டு அறையில் முரட்டு குத்து’ ஆகிய படங்களுக்கு இசை அமைத்த பாலமுரளி பாலு இசையமைத்துள்ளார்.

‘கிரீன் சிக்னல்’ என்ற படநிறுவனம் தயாரித்துள்ள இப்படம் வருகிற ஜீன் 22ஆம் தேதி விஜய்யின் பிறந்தநாள் அன்று திரைக்கு வருகிறது.

இப்படத்தின் டைட்டிலில் டைரக்ஷன் மேற்பார்வை என தன்னுடைய பெயரை போட்டுக்கொள்ள முதலில் நினைத்தாராம் எஸ்.ஏ.சி.

ஆனால் இயக்குனர் விக்கியின் அசராத உழைப்பைப் பார்த்த பிறகு அவர் அந்த எண்ணத்தை மாற்றிக் கொண்டதாக கூறப்படுகிறது.

Traffic Ramaswamy movie release and SAC reaction toward director Vicky

சிவாஜி-முத்துராமன் பேரன் வரிசையில் நாகேஷ் பேரன் நடிக்கும் படம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

சிவாஜி கணேசனை தொடர்ந்து அவரது மகன் பிரபுவும், இவரை தொடர்ந்து இவரது மகன் விக்ரம் பிரபுவும் சினிமாவுக்கு வந்துவிட்டார்.

இவர்களைப் போல் முத்துராமன் மகன் கார்த்திக்கும், அவரது மகன் கௌதம் கார்த்திக்கும் சினிமாவுக்கு வந்துவிட்டார்.

தற்போது 3வது தலைமுறை வாரிசுகள் சினிமாவில் கோலோச்சி வருகின்றனர்.

இந்த வரிசையில் நாகேஷ் பேரனும் சினிமாவுக்கு வந்துள்ளார். அது பற்றிய விவரம் வருமாறு..

எம்என் குளோபல் குரூப் குழுவானது, ஏஎம்என் பைன் ஆர்ட்ஸ் என்ற தயாரிப்பு நிறுவனம் ஒன்றை உருவாக்கி “ஸ்கூல் கேம்பஸ்” என்ற திரைப்படத்தினை தயாரித்து வருகிறது.

ஏ.எம்.என் குளோபல் குரூப் மேனேஜிங் டைரக்டர் டாக்டர்.ஆர்.ஜே.ராம நாராயணா இந்த படத்தினை இயக்கி, தயாரிப்பது மட்டுமில்லாமல் முக்கிய கதாபாத்திரத்தில் நடித்தும் வருகிறார்.

இந்த படத்தின் முதல் நாள் படப்பிடிப்பு ஸ்ரீ சந்தோஷ் குமார் மால் IAS (மாவட்ட ஆட்சியர்) அவர்களால் டெல்லி கேந்திரிய வித்யாலயா வளாகத்தில் தொடங்கி வைக்கப்பட்டது.

இந்தியக் கல்வியின் எதிர்காலத்தில் நடக்கும் ஒரு மிகப்பெரிய மாற்றத்தைச் சொல்லும் கதையாக இப்படம் அமைந்துள்ளது.

பழம்பெரும் நடிகர் நாகேஷ் அவர்களின் பேரனும், சிறந்த நடிகர் மற்றும் நடன கலைஞரான ஆனந்த் பாபுவின் மகனான கஜேஷ் நாகேஷ் ஹீரோவாக நடிக்கிறார்.

இப்படத்திற்கு ஒளிப்பதிவாளராக அருள் வின்சென்ட் மற்றும் படத்தொகுப்பாளராக ராஜேஷ் குமார் ஆகியோர் பணியாற்றி வருகின்றனர்.

தேவா இந்த படத்திற்கு இசை அமைக்கிறார். மேலும் பிரபல பாடகர்கலான ஆஷா போஷ்லே, பி.சுசிலா மற்றும் எஸ்.பி.பாலசுப்ரமணியம் ஆகியோர் இந்த படத்தில் பாடியுள்ளனர்.

படத்தின் நாயகர்களாக நடித்துள்ள ராஜ்கமல், கஜேஷ் நாகேஷ் ஆகியோர்களுக்கு ஜோடியாக கீர்த்தி மற்றும் காயத்ரி கதாநாயகிகளாக நடிக்கிறார்கள்.

மேலும் இந்த திரைப்படத்தில் டெல்லி கணேஷ், மதன் பாப், ரிந்து ரவி மற்றும் ராதிகா மாஸ்டர் ஆகியோர் முக்கிய கதாபாத்திரங்களில் நடித்து வருகின்றனர்.

இந்த படத்தின் படப்பிடிப்பு ஜூன் மாதத்திற்குள் முடித்துவிட்டு ஆகஸ்ட் மாதத்தில் படத்தை வெளியிட திட்டமிட்டு உள்ளனர்.

Nagesh grandson and Aanandbabu son Ghajesh Nagesh starring School Campus

ஜாக்கிசான்-ரஜினி ஸ்டைலில் குழந்தைகளை கவர அஜித் திட்டம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஜாக்கிசான் மற்றும் ரஜினி ஆகிய இருவருக்கும் உலகளவில் ரசிகர்கள் உள்ளனர்.

இதற்கு முக்கிய காரணம் இவர்களின் பைட் காட்சிகளில் காமெடி கலந்திருக்கும்.

இதனால் இவர்களுக்கு சின்ன சின்ன குழந்தைகளும் ரசிகர்களாக உள்ளனர்.

தற்போது அதுபோல ஒரு பைட் சீன் அஜித் நடித்து வரும் விஸ்வாசம் படத்தில் உள்ளதாம்.

திலீப் சுப்பராயன் இந்த சண்டையை வடிவமைத்துள்ளார். அண்மையில் இந்த காட்சியை படமாக்கியுள்ளனர்.

இத்துடன் மேலும் 4 அதிரடி சண்டைக் காட்சிகள் உள்ளதாகவும் அவை அனல் பறக்கும் அதிரடி ஆக்சனாக இருக்கும் எனவும் தெரிய வந்துள்ளது.

இப்படத்தில் அஜித்துடன் நயன்தாரா, யோகிபாபு, தம்பி ராமையா, ரோபோ சங்கர், ரமேஷ் திலக் உள்ளிட்டோர் நடிக்க, டி.இமான் இசையமைக்கிறார்.

இரண்டு பாடல்கள் ஏற்கெனவே படமாக்கப்பட்டுவிட்டன. வெற்றி ஒளிப்பதிவு செய்ய, ரூபன் எடிட் செய்கிறார்.

‘விவேகம்’ படத்தைத் தயாரித்த சத்யஜோதி ஃபிலிம்ஸ் நிறுவனமே இந்தப் படத்தையும் தயாரித்து வருவது குறிப்பிடத்தக்கது.

Thala Ajith fight scenes in Viswasam movie