தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
சூப்பர் ஸ்டார் ரஜினி படம் என்றாலே அதற்கு ஒரு பார்முலா இருக்கும். அவருக்கான ஸ்டைல், ஆக்சன், பாடல், சென்டிமெண்ட் என அனைத்தும் கலந்து மாஸாக இருக்கும்.
படிக்காதவன், மாப்பிள்ளை, அண்ணாமலை, பாட்ஷா முதல் படையப்பா வரை அப்படியே இருந்தன.
ஆனால் அண்மை காலமாக ரஜினி படங்கள் அப்படியில்லை.
எந்திரன், லிங்கா மற்றும் கபாலி ஆகிய படங்களில் ரஜினியை வேறு கோணத்தில் காண்பித்தனர்.
இந்நிலையில் ரஜினி அடுத்து கார்த்திக் சுப்பராஜ் இயக்கத்தில் நடிக்கவுள்ளார்.
இப்படத்திற்காக ரஜினிகாந்த் 45 நாட்கள் கால்ஷீட் கொடுத்திருக்கிறார்.
இதுகுறித்து டைரக்டர் கூறுகையில்…
ரஜினியை மனதில் வைத்து தான் ஜிகர்தண்டா படத்தில் பாபிசிம்ஹாவின் கேரக்டரை உருவாக்கியிருந்தேன். அது அவருக்கான வேடம் தான்.
அதனால்தான் அந்த கேரக்டரில் ரஜினி தாக்கம் அதிகமிருந்தது.
ரஜினி சாரும் அந்த படத்தைப் பார்த்து விட்டு, என்னை பார்த்த மாதிரியே இருந்தது என்றார்.
அந்த அசால்ட் சேது கேரக்டர்தான் எனக்கு இந்த வாய்ப்பை பெற்று தந்துள்ளது.
ரஜினிக்கான இந்த ஸ்கிரிப்ட்டை நான் ரொம்பவே நேசிக்கிறேன்.
அவரை மனதில் வைத்துக் கொண்டே ஒவ்வொரு காட்சியையும் வைத்துள்ளேன்.
இது முழுக்க முழுக்க ரஜினி ஸ்டைல் படமாக இருக்கும்.
ரஜினியை வைத்து படம் இயக்க வேண்டும் என்ற என் கனவு விரைவில் நனவாகப்போகிறது.” எனக் கூறினார்.
அப்படியென்றால் மீண்டும் ரஜினியின் ஸ்டைல் பார்முலாவில் ஒரு படம் உருவாகிறதோ..?
Karthik subbaraj going to give Rajini formula movie again