தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
நடிகர் கூல் சுரேஷ்.. இவரைப் பற்றி அறிமுகம் பெரிதாக தேவையில்லை.. காரணம் யூட்யூப் உள்ளிட்ட சமூக வலைத்தளங்களில் இவர் தான் எப்போதும் ட்ரெண்டிங் நாயகனாக உள்ளார்.
தமிழ் சினிமாவில் நிறைய படங்களில் சின்ன சின்ன வேடங்களில் நடித்து வந்தார்.
ஒரு புதிய படம் வெளியாகும் போது இவரது விமர்சனத்தை கேட்கவே மீடியாக்களும் ரசிகர்களும் காத்துக் கிடக்கின்றனர்.
வெந்து தணிந்தது காடு.. சிம்புவுக்கு வணக்கத்தை போடு.. என ட்ரெண்டிங் ஆன இவர் தற்போது எஸ் டி ஆரின் பத்து தல.. நாம தான் கெத்து தல..” என ட்ரெண்டிங் செய்து வருகிறார்.
இவர் தற்போது நூறாவது படத்தை நெருங்கி விட்டார்.
மோகன் ஜீ இயக்கத்தில் செல்வராகவன், நட்டி நடித்துள்ள ‘பகாசூரன்’ என்ற படம் கூல் சுரேஷ் நடிப்பில் 100வது படமாக வளர்ந்துள்ளது.
இந்தப் படம் இன்று பிப்ரவரி 17ஆம் தேதி தியேட்டர்களில் வெளியாகி உள்ளது. படத்திற்கு கலவையான விமர்சனங்கள் வந்துள்ள நிலையில் வழக்கம் போல இன்று படத்தை பார்க்க சென்றுள்ளார்.
அவருடன் பட இயக்குனர் மோகனும் வந்திருந்தார்.
அப்போது கூல் சுரேஷ் பேசும்போது…
“நான் இதுவரை பல படங்களை பார்த்து விமர்சனம் செய்துள்ளேன். இந்த படத்தில் நான் நடித்துள்ளதால் கொஞ்சம் உணர்ச்சி வசப்பட்டு உள்ளேன் என உருக்கமாக பேசினார்.
இது என்னுடைய 100வது படம்.. எனக்கு இந்த படத்தில் வாய்ப்பு அளித்த மோகனுக்கு நன்றி.. அவர் என்னை விட வயது குறைவாக இருந்தாலும் அவரது காலில் விழுகிறேன் என விழுந்தார் சுரேஷ்.
முன்னதாக ‘பகாசூரன்’ படப்பெட்டியை கையில் ஏந்தியபடி சென்னை ரோகினி தியேட்டரில் ரசிகர்களை உற்சாகப்படுத்தி முதல் நாள் முதல் காட்சி பார்த்து ரசித்தார் கூல் சுரேஷ்.
Cool Suresh Emotion at Bakasuran FDFS