test

test 123

Related Articles

Leave a Reply

Your email address will not be published. Required fields are marked *

Home

Videos

  • Teasers
  • Trailers
  • Videos Songs
  • Short films
  • Motion Poster
  • Sneak Peek

Pistha – Official Teaser

Presenting the official teaser of the upcoming Tamil movie Pistha written & directed by M Ramesh Bhaarathi. The Film stars Metro Shirish, Mrudula Murali, Arundhati

Karnan Official Teaser

#KarnanOfficialTeaser​ கர்ணன் | #Dhanush​ | #MariSelvaraj​ | #SanthoshNarayanan​ | #KalaipuliSThanu​ | #VCreations​ #Karnan​ Tamil Movie: Star Cast : Dhanush , Lal , Yogi Babu ,

Ashtakarma – Official Teaser (Tamil)

Ashtakarma – Official Teaser (Tamil) – C.S.Kishan, Shritha Sivadas, Nandini Rai I Vijay tamilselvan

Friendship Teaser – Tamil

Watch Friendship – New Tamil Movie Official Teaser ft. Harbhajan Singh, Arjun, Losliya Mariyanesan, Sathish. Movie: Friendship Banner: Seantoa Studios, Cinemaass Studio Producer: JPR &

Latest post

EXCLUSIVE ஐஸ்வர்யா விவாகரத்து.: தனுஷை வெறுக்கும் ரஜினி ரசிகர்கள்.; ஏன்? ஓர் அலசல்

EXCLUSIVE ஐஸ்வர்யா விவாகரத்து.: தனுஷை வெறுக்கும் ரஜினி ரசிகர்கள்.; ஏன்? ஓர் அலசல்

சூப்பர் ஸ்டார் ரஜினிகாந்த் ரசிகர்கள் எப்போதும் பாசக்காரர்கள். சினிமாவை தாண்டியும் ரஜினி மீது தீவிர பக்தி கொண்டவர்கள்.

ஒரு சிலர் ரஜினியை தெய்வமாக வழிப்பட்டனர். எனவே தான் ரஜினி படங்கள் ரிலீசின் போது பால் அபிஷேகம் செய்கின்றனர்.

ரஜினி உடல்நலம் குன்றியபோது அவருக்காக மொட்டை போட்டு மண்சோறு சாப்பிட்டவர்கள் ஏராளம்.

ரஜினி மீது எந்தவொரு பிரபலம் பாசம் வைத்திருந்தாலும் அவரை கொண்டாடுவார்கள்.

அதே சமயம் ரஜினியை ஒருவர் திட்டினால் தங்கள் எதிரிகளாகவே நினைப்பர். பாபா பட ரிலீஸ் சமயத்தில் ஒரு கட்சிக்கும் ரஜினிக்கும் மோதல் முற்றியது நிலையில் அந்த கட்சியை தங்கள் ஜென்ம விரோதியாக எண்ணியது குறிப்பிடத்தக்கது.

அதுபோல் ஒரு கட்டத்தில் ஜெயலலிதாவுக்கும் ரஜினிக்கும் மோதல் முற்றி நிலையில் ரஜினிக்கு ஆதரவாகவே சில அதிமுகவினர் நின்றனர்.

அதுபோல் ரஜினி மீது வைத்திருக்கும் அன்பை ரஜினி மனைவி லதா, மகள்கள் ஐஸ்வர்யா சௌந்தர்யா மீது வைத்திருந்தனர் ரசிகர்கள்.

மேலும் ரஜினி அண்ணன் சத்யநாராயண ராவ், ரஜினி ரசிகர் மன்ற முன்னாள் தலைவர் சத்யநாராயணா மற்றும் தற்போதைய தலைவர் சுதாகர் ஆகியோர் மீதும் அளவு கடந்த அன்பு வைத்துள்ளனர்.

மற்றொரு நடிகர் படத்தில் ரஜினி பட காட்சிகளோ ரஜினி வசனங்களோ வந்தால் அதற்காகவே படத்தை பலமுறை பார்ப்பார்கள் ரஜினி ரசிகர்கள்.

இதனாலேயே விஜய், அஜித், சிம்பு, தனுஷ், சிவகார்த்திகேயன் உள்ளிட்ட பல நடிகர்கள் தங்கள் ஆரம்ப கால படங்களில் ரஜினி சம்பந்தப்பட்ட காட்சிகளை வைத்திருப்பார்கள்.

ஒரு கட்டத்தில் ரஜினியின் மூத்த மகள் ஐஸ்வர்யாவை நடிகர் துனுஷ் திருமணம் செய்தார். 2004ல் இவர்களின் திருமணம் நடைபெற்றது.

அப்போது முதலே ஒரு சில ரஜினி ரசிகர்கள் தனுஷை தங்கள் குடும்ப உறுப்பினர் போல நினைத்தனர்.

திருமணத்திற்கு பிறகும் தனுஷ் பற்றி சில கிசுகிசுக்கள் வந்தபோது கூட தனுஷை பிடிக்காத ரஜினி ரசிகர்கள் மௌனம் காத்தனர். அப்படியொரு பாசத்தை ரஜினி குடும்பத்தினர் மீது அவர்கள் வைத்திருந்தனர்.

இந்த நிலையில் நேற்று 2022 ஜனவரி 17 இரவு 11 மணியளவில் ரஜினி மகள் ஐஸ்வர்யாவை விவாகரத்து செய்வதாக அறிவித்தார் தனுஷ்.

இவர்களுக்கு யாத்ரா லிங்கா என இரு மகன்கள் இருக்கும் நிலையில் 18 வருட திருமண வாழ்க்கைக்கு பிறகு இவர்கள் பிரிவதாக அறிவித்தனர்.

மகள்களை பெற்ற ஒரு தந்தையின் வேதனையை புரிந்துக் கொண்டு ரஜினிக்கு ஆதரவாக ஆறுதலாக தங்கள் கருத்துக்களை பகிர்ந்து வருகின்றனர்.

ரஜினியின் மருமகன் என்பதால் தனுஷை சிலர் இளைய சூப்பர் ஸ்டார் என்று அழைப்பார்கள். அப்போதே இது ரஜினி ரசிகர்களுக்கு பிடிக்காமல் இருந்தது. ஆனால் ரஜினிக்காக பொறுத்துக் கொண்டனர்.

அதுபோல் ரஜினியின் சூப்பர் ஹிட் படப் பெயர்களை தொடர்ந்து தன் படத்திற்கு பயன்படுத்தி வந்தார் தனுஷ். படிக்காதவன், பொல்லாதவன், மாப்பிள்ளை என பல படப்பெயர்களை வைத்துக் கொண்டார். இதுவும் ரஜினி ரசிகர்களுக்கு பிடிக்கவில்லை. ஆனாலும் வேறு வழியில்லாமல் சகித்துக் கொண்டனர்.

தற்போது ரஜினி மகள் ஐஸ்வர்யாவை தனுஷ் விவாகரத்து செய்வதாக அறிவித்துவிட்டதால் தனுஷை வெறுப்பதாக பதிவிட்டு வருகின்றனர் சில ரஜினி ரசிகர்கள்.

தலைவா நாங்க இருக்கோம் என ரஜினிக்கு அவரது ரசிகர்கள் ஆறுதல் சொல்லி வருகின்றனர். ட்விட்டர் உள்ளிட்ட தளங்களில் தனுஷை பாலோ செய்த ரஜினி ரசிகர்கள் அன் பாலோ UNFOLLOW செய்து வருகின்றனர்.

ஏற்கெனவே ரஜினியின் 2வது மகள் சௌந்தர்யாவும் முதல் கணவர் அஸ்வினை பிரிந்து நடிகர் விசாகன் என்பவரை 2வது திருமணம் செய்துக் கொண்டார்.

அதுவே ரஜினிக்கு பெரிய இடியாக இருந்த நிலையில் தற்போது மூத்த மகள் ஐஸவர்யாவின் திருமண வாழ்வும் இப்படியாகி விட்டதே என ரஜினிக்காக வருந்துகின்றனர் ரஜினி ரசிகர்கள் என்பதே நிதர்சனமான உண்மை.

ட்விட்டர் பேஸ்புக் வாட்ஸ்அப் உள்ளிட்ட சமூக வலைத்தளங்களில் STAY STRONG THALAIVAA… என்றென்றும் நாங்க இருப்போம் உன்னோடு தலைவா என தங்கள் கருத்துக்களை பதிவிட்டு வருகின்றனர்.

– ராஜேஷ்…

Aishwarya Dhanush Divorce Rajinikanth fans reaction

BREAKING ஐஸ்வர்யாவை விவாகரத்து செய்து தனுஷ் அறிக்கை.; ரஜினி குடும்பத்தில் அடுத்த டைவர்ஸ்

BREAKING ஐஸ்வர்யாவை விவாகரத்து செய்து தனுஷ் அறிக்கை.; ரஜினி குடும்பத்தில் அடுத்த டைவர்ஸ்

சூப்பர் ஸ்டார் ரஜினிகாந்தின் மூத்த மகள் ஐஸ்வர்யாவை பெற்றோர் சம்மதத்துடன் கடந்த 2004ல் திருமணம் செய்துக் கொண்டார் நடிகர் தனுஷ்.

17 வயதில் சினிமாவில் அறிமுகமான தனுஷ் 22 வயதில் திருமணம் செய்தார்.

அப்போது நடிகர் தனுஷின் அண்ணன் செல்வராகவனுக்கு கூட திருமணம் நடக்கவில்லை என்பதும் தனுஷை விட ஐஸ்வர்யா மூத்தவர் என்பது சலசலப்பை ஏற்படுத்தியது.

ரஜினிகாந்தின் இல்ல திருமண விழா என்பதால் அப்போது கலைஞர் கருணாநிதி, புரட்சித் தலைவி ஜெயலலிதா ஆகியோர் இந்த திருமண விழாவில் கலந்துக் கொண்டு மணமக்களை வாழ்த்தினர்.

இந்த தனுஷ் ஐஸ்வர்யா தம்பதிகளுக்கு இரண்டு ஆண் குழந்தைகள் உள்ளனர்.

இவர்களுக்கு யாத்ரா ராஜா மற்றும் லிங்கா ராஜா என பெயரிட்டனர். இவர்கள் தாத்தா ரஜினி மீது பாசமாக இருந்தனர்.

இந்த நிலையில் தற்போது 18 வருட மணவாழ்க்கைக்கு பிறகு தன் மனைவி ஐஸ்வர்யாவை விவாகரத்து செய்யவுள்ளதாக அறிவித்துள்ளார் நடிகர் தனுஷ்.

தனுஷ் அறிக்கையில்…
18 வருடங்கள் நண்பர்கள், தம்பதிகள், பெற்றோர்கள் மற்றும் நலம் விரும்புபவர்கள் என ஒருவரையொருவர் ஒன்றாக இணைத்த பயணம் வளர்ச்சி, புரிதல், அனுசரிப்பு என இருந்தது.

இன்று நாங்கள் ஒருவரை ஒருவர் பிரியும் இடத்தில் நிற்கிறோம். ஐஸ்வர்யாவும் நானும் பிரிவதாக பரஸ்பரம் முடிவு செய்துள்ளோம்.

மேலும் இருவரும் எங்களை சிறப்பாக புரிந்து கொள்ள நேரம் ஒதுக்குகிறோம். தயவு செய்து எங்கள் முடிவை மதித்து, இதை சமாளிக்க தேவையான தனி மனித சுதந்திரத்தை எங்களுக்கு வழங்கவும்.” என்று தெரிவித்துள்ளார்.

இதே குறிப்பை தனது இன்ஸ்டாகிராம் பக்கத்தில் பதிவிட்டிருக்கும் ஐஸ்வர்யா தனுஷ், “கேப்ஷன் தேவையில்லை என நினைக்கிறேன். உங்கள் அனைவரின் புரிதலும், அன்பும்தான் மிக தேவையானது” என குறிப்பிட்டுள்ளார்.

ரஜினியின் இளைய மகள் சௌந்தர்யாவும் அஸ்வின் என்ற கணவரை விவாகரத்து செய்தார். 2010ல் திருமணம் செய்து 2017ல் விவாகரத்து பெற்றனர். இவர்களுக்கு வேத் என்ற ஒரு மகன் பிறந்தான்.

2019 முதல் தற்போது 2வது கணவர் விசாகனுடன் வாழ்ந்து வருகிறார் சௌந்தர்யா என்பது குறிப்பிடத்தக்கது.

Dhanush announces separation from wife Aishwarya after 18 years

‘மாநாடு’ படத்தை அடுத்து ‘மன்மத லீலை’க்கு தாவிய வெங்கட்பிரபு

‘மாநாடு’ படத்தை அடுத்து ‘மன்மத லீலை’க்கு தாவிய வெங்கட்பிரபு

சிம்புவை வைத்து மாநாடு படம் இயக்கி மாபெரும் வெற்றியை கொடுத்தார் இயக்குனர் வெங்கட் பிரபு.

இதனையடுத்து வெங்கட் பிரபுவின் அடுத்த படம் மீது பெரும் எதிர்பார்ப்பு நிலவியது.

இவரின் அடுத்த படம் அடல்ட் காமெடி திரைப்படமாக உருவாகவுள்ளதாம்.

வெங்கட் பிரபுவின் 10 வது திரைப்படமான இந்த படத்தில் நடிகர் அசோக் செல்வன் நாயகனாக நடிக்கிறார்.

இந்த திரைப்படத்தின் கதையை இயக்குனர் வெங்கட் பிரபுவின் உதவி இயக்குனரான மணிவண்ணன் எழுதியுள்ளார்.

ஒரு இளைஞனின் வாழ்க்கையில் இரண்டு வெவ்வேறு காலகட்டங்களில் நடக்கும் இரண்டு முக்கிய சம்பவங்களை இந்த படம் பேசும் என்கின்றனர்.

பாக்யராஜின் ‘சின்ன வீடு’ திரைப்பட பாணியில் இருக்கும் எனவும் கூறப்படுகிறது.

இந்த படத்திற்கு ‘மன்மத லீலை’ என்று பெயரிட்டு பர்ஸ்ட் லுக்கை வெளியிட்டுள்ளனர்.

இந்த படத்தில் சம்யுக்தா ஹெக்டே, ஸ்மிருதி வெங்கட், ரியா சுமன் ஆகியோர் நடிக்கின்றனர். இந்த படத்திற்கு தமிழ் அழகன் ஒளிப்பதிவு செய்ய வெங்கட் ராஜன் படத்தொகுப்பு செய்ய பிரேம்ஜி அமரன் இசையமைத்துள்ளார்.

Director Venkat Prabhu’s next film is announced

பிணவறை ரகசியங்களை உடைக்க வரும் RK சுரேஷ் – ஆனந்தி ஜோடி

பிணவறை ரகசியங்களை உடைக்க வரும் RK சுரேஷ் – ஆனந்தி ஜோடி

ஆர்.கே. சுரேஷ் தயாரித்து நடித்து வரும் புதிய படம் ‘ ஒயிட் ரோஸ்’.

இப்பட டைட்டில் பொங்கல் தினத்தில் வெளியானது. மற்றொரு நாயகனாக ரூசோ நடிக்கிறார்.

இந்தப் படத்தை ஆர். கே. சுரேஷின் ஸ்டூடியோ 9 நிறுவனமும் ரூசோவின் வெற்றி அரசு நிறுவனமும் இணைந்து தயாரிக்கிறது.

இதில் நாயகியாக கயல்’ ஆனந்தி நடிக்கிறார்.

இந்தப் படத்தின் மூலம் ராஜசேகரன் இயக்குநராக அறிமுகமாகிறார். இவர் இயக்குநர் சுசிகணேசனிடம் சினிமா பயின்றவர்.

மருத்துவமனையில் உள்ள பிணவறையில் நடந்த சில உண்மை சம்பவங்களை மையமாக வைத்து இந்தப் படம் உருவாகி வருகிறதாம்.

சைக்கோ திரில்லர் படமான இதன் படப்பிடிப்பு பிப்ரவரி மாதம் துவங்க உள்ளது.

இப்பட டைட்டில் அறிவிப்பை நடிகர் எஸ்.ஜே. சூர்யா வெளியிட்டு படக்குழுவினரை வாழ்த்தியுள்ளார்.

RK Suresh and Anandhi joins for a new film

‘குக் வித் கோமாளி 3’ சீசனில் அஸ்வின் இடத்தை பிடிப்பாரா தர்ஷன்.?

‘குக் வித் கோமாளி 3’ சீசனில் அஸ்வின் இடத்தை பிடிப்பாரா தர்ஷன்.?

விஜய் டிவியில் ஒளிப்பரப்பான ‘குக் வித் கோமாளி சீசன் 2’ நிகழ்ச்சி இளைஞர்களிடையே மிக பாப்புலராக பேசப்பட்டது.

இந்த நிகழ்ச்சியில் பங்கேற்ற அஸ்வின், புகழ், சிவாங்கி, சுனிதா, பார்வதி உள்ளிட்ட பலர் பிரபலமாகினர்.

இதனையடுத்து இவர்களுக்கு சினிமாவிலும் வாய்ப்புகள் வரத்தொடங்கியது.

அஸ்வின் ஹீரோவாக நடித்த என்ன சொல்ல போகிறாய் படம் அண்மையில் வெளியாகி கலவையான விமர்சனங்களை பெற்றது.

இன்னும் சில படங்களில் அவர் ஹீரோவாக நடித்து வருகிறார்.

இந்த நிலையில் குக் வித் கோமாளி சீசன் 3 நிகழ்ச்சி விரைவில் தொடங்கவுள்ளது.

இதில் நடிகர் தர்ஷன் கலந்துகொள்ளவார் என கூறப்படுகிறது.

இவர் சிவகார்த்திகேயன் தயாரித்த ‘கனா’ படத்தில் ஐஸ்வர்யாவுக்கு ஜோடியாக நடித்தவர்.

அஸ்வின் போலவே தர்ஷனும் கோவையைச் சேர்ந்தவர் என்பது குறிப்பிடத்தக்கது.

Will Tharshan replace Ashwin place?

ராஜமௌலி அஜித் படங்களை அடுத்து சூப்பர் ஸ்டார் படமும் ஒத்தி வைப்பு

ராஜமௌலி அஜித் படங்களை அடுத்து சூப்பர் ஸ்டார் படமும் ஒத்தி வைப்பு

2022 ஜனவரி 7ல் ராஜமௌலி இயக்கிய ‘ஆர்.ஆர்.ஆர்.’ படம்… ஜனவரி 13ல் அஜித் நடித்துள்ள வலிமை படம் மற்றும் ஜனவரி 14ல் பிரபாஸ் நடித்துள்ள ராதே ஷ்யாம், ஆகிய படங்களை வெளியாகும் என முன்பே அறிவிக்கப்பட்டது.

ஆனால் கொரோனா தொற்று பரவல் பல மாநிலங்களில் ஊரடங்கு என அமலில் உள்ளதால் இந்த மேற்கண்ட படங்களின் ரிலீஸ் தள்ளிபோனது.

ஜனவரி 13ல் வலிமை படம் ரிலீசாகாமல் போனாலும் அன்றைய தினத்தில் ValimaiFDFS என அஜித் ரசிகர்கள் ட்விட்டரில் ட்ரெண்ட் செய்தனர் என்பது வேற ஒரு காமெடி.

தற்போது மற்றொரு பெரிய பட்ஜெட் படத்தின் ரிலீஸ் தேதியும் தள்ளி வைக்கப்பட்டுள்ளதாக அறிவிக்கப்பட்டுள்ளது.

தெலுங்கு சூப்பர் ஸ்டார் சிரஞ்சீவி நடிப்பில் உருவான திரைப்படம் ஆச்சார்யா.

கொரடலா சிவா இயக்கியுள்ள இந்த படம் பிப்ரவரி 4-ஆம் தேதி ரிலீஸாகும் என முன்பே அதிகாரபூர்வமாக அறிவிக்கப்பட்டு இருந்தது.

இந்த நிலையில் தற்போது இந்த பட ரிலீஸ் தேதி ஒத்தி வைக்கப்பட்டுள்ளது.

கொரோனா தொற்று குறைந்த வந்த பின்னர் புதிய ரிலீஸ் தேதி அதிகாரபூர்வமாக அறிவிக்கப்படும் என எதிர்பார்க்கலாம்.

Super star film postponed like Ajith and Rajamouli films

‘விருமன்’ படத்தையும் ஓடிடி-க்கு கொண்டு போகும் புரொடியூசர் சூர்யா..?

‘விருமன்’ படத்தையும் ஓடிடி-க்கு கொண்டு போகும் புரொடியூசர் சூர்யா..?

கார்த்தி, அதிதிஷங்கர் நடிப்பில், முத்தையா இயக்கத்தில் உருவாகி வரும் திரைப்படம் ’விருமன்’.

இவர்களுடன் ராஜ்கிரண், பிரகாஷ்ராஜ் ஆகியோர் முக்கிய வேடங்களில் நடிக்கின்றனர்.

யுவன் சங்கர் ராஜா இசையில் உருவாகி வரும் இந்த படத்தை நடிகர் சூர்யா தன் 2டி எண்டர்டெய்ன்ட் பேனரில் தயாரித்து வருகிறார்.

செல்வகுமார் ஒளிப்பதிவு செய்ய, வெங்கட்ராஜன் எடிட்டிங் செய்கிறார்.

இந்த படத்தின் படப்பிடிப்பு சமீபத்தில் முடிவடைந்த நிலையில் தற்போது டப்பிங் போஸ்ட் புரொடக்ஷன் பணிகள் நடைபெற்று வருகின்றன.

இந்த நிலையில் இப்பட டிஜிட்டல் ரிலீஸ் உரிமையை அமேசான் நிறுவனம் மிகப்பெரிய தொகைக்கு வாங்கியுள்ளதாக கூறப்படுகிறது.

இதனால் சூர்யா தயாரித்த சூரரைப் போற்று, பொன்மகள் வந்தாள், உடன்பிறப்பு, ஜெய்பீம் படங்களை போல விருமன் படமும் ஓடிடியில் நேரடியாக வெளியாகுமா? என்ற சந்தேகம் உருவானது.

இந்த படம் முதலில் திரையரங்குகளில் வெளியாகி அதன்பின்னர் ஒரு மாதத்திற்கு பிறகே அமேசான் ஓடிடியில் வெளியாகும் எனத் தெரிய வந்துள்ளது.

Karthi starrer Viruman to release in OTT?

தமிழகத்தில் பிறந்த தெலுங்கு நடிகரின் பட பர்ஸ்ட் லுக்கை வெளியிட்ட லிங்குசாமி

தமிழகத்தில் பிறந்த தெலுங்கு நடிகரின் பட பர்ஸ்ட் லுக்கை வெளியிட்ட லிங்குசாமி

‘ஆனந்தம்’, ’ரன்’ ’சண்டக்கோழி’ ’பையா’ உள்ளிட்ட வெற்றிப் படங்களை இயக்கியவர் லிங்குசாமி.

இவர் தற்போது பிரபல தெலுங்கு நடிகர் ராம் பொத்தனேனியை நாயகனாக வைத்து தமிழ் மற்றும் தெலுங்கில் ஒரு படத்தை இயக்கி வருகிறார்.

இந்தப் படத்தின் படப்பிடிப்பு … ‘RAPO-19’ என்ற டைட்டிலோடு ஹைதராபாத்தில் தொடர்ந்து படப்பிடிப்பு நடைபெற்று வருகிறது.

போலீஸ் டிபார்ட்மெண்ட் பின்னணியில் இந்த படம் உருவாகிறது.

இந்த பட டைட்டில் மற்றும் பர்ஸ்ட் லுக் போஸ்டர் சற்றுமுன் வெளியானது.

இந்த படத்திற்கு ’தி வேரியர்’ என்ற டைட்டில் வைக்கப்பட்டுள்ளது.

ராம் பொத்னேனி போலீஸ் அதிகாரியாக நடிக்கிறார். ‘மிருகம்’ ஆதி பினிஷெட்டி இதில் முரட்டுத்தனமான வில்லனாக நடிக்கிறார்.

பிரபல தெலுங்கு நடிகர் ராம் பொத்னேனி முதல் முறையாக போலீஸ் அதிகாரியாக நடிப்பதால் இப்படம் மீதான எதிர்பார்ப்பு எகிறியுள்ளதாம்.

‘ஸ்ரீனிவாசா சில்வர் ஸ்க்ரீன்’ பேனர் சார்பில் ஸ்ரீனிவாசா சித்தூரி – பவன் குமார் இருவரும் மிகப் பெரிய பட்ஜெட்டில் தயாரிக்கிறார்கள்.

‘கிருத்தி ஷெட்டி’ தான் ஹீரோயினாக நடிக்க முக்கிய கதாபாத்திரத்தில் ‘அக்ஷரா கவுடா’ நடிக்கிறார். தேவி ஸ்ரீ பிரசாத்தின் இசை படத்திற்கு பிளஸ் ஆக இருக்கும்.

இந்தாண்டு ஏப்ரல் மாதம் ‘தி வாரியர்’ படம் திரைக்கு வரும் என கூறப்படுகிறது.

சென்னையில் பிறந்து வளர்ந்தவர் ராம் பொத்தினேனி என்பது குறிப்பிடத்தக்கது.

Lingusamy released Ram Pothneni’s movie first look poster

‘பீஸ்ட்’ ரிலீஸ் தேதி இதான்ப்பா…; கன்பார்ம் செய்த காமெடியன்

‘பீஸ்ட்’ ரிலீஸ் தேதி இதான்ப்பா…; கன்பார்ம் செய்த காமெடியன்

சன் பிக்சர்ஸ் தயாரிப்பில் விஜய் நடிப்பில் நெல்சன் இயக்கத்தில் உருவாகி வரும் திரைப்படம் ’பீஸ்ட்’.

நெல்சனின் ஆஸ்தான இசையமைப்பாளர் அனிருத் இந்த படத்திற்கும் இசையமைத்து வருகிறார்.

இந்த படத்தில் விஜய்யுடன் பூஜா ஹெக்டே, செல்வராகவன், யோகிபாபு, ஷைன் டாம் சாக்கோ, ரெடின் கிங்ஸ்லி. விடிவி கணேஷ், அபர்ணா தாஸ் உள்ளிட்ட பலர் நடித்து வருகின்றனர்.

இப்பட சூட்டிங் சமீபத்தில் முடிவடைந்தது. தற்போது டப்பிங் மற்றும் போஸ்ட் புரொடக்ஷன் பணிகள் நடந்து வருகிறது.

இன்னும் ஓரிரு மாதங்களில் திரைக்கு வரும் என எதிர்பார்த்த நிலையில் இதில் நடித்துள்ள காமெடியன் ரெடின் கிங்ஸ்லி இத்ன் ரிலீஸ் தகவலை தெரிவித்துள்ளார்.

பிரபல டிவிக்கு அவர் பேட்டி அளிக்கும்போது ’’பீஸ்ட்’ ஏப்ரல் 14ம் தேதி தமிழ்ப் புத்தாண்டு தினத்தில் திரைக்கு வரும் என தெரிவித்துள்ளார்.

கேஜிஎஃப் 2 உள்ளிட்ட பெரிய பட்ஜெட் படங்களும் ஏப்ரல் 14ஆம் தேதி ரிலீஸை குறிவைத்துள்ளன என்பது குறிப்பிடத்தக்கது.

Beast actor reveals movie release date

வஉசி.. பாரதியார், வேலு நாச்சியாரை தெரியாது..; தென்னிந்தியாவில் கர்நாடகாவுக்கு மட்டுமே மத்திய அரசு அனுமதி

வஉசி.. பாரதியார், வேலு நாச்சியாரை தெரியாது..; தென்னிந்தியாவில் கர்நாடகாவுக்கு மட்டுமே மத்திய அரசு அனுமதி

ஒவ்வொரு ஆண்டும் ஜனவரி 26 ஆம் தேதி குடியரசு தின விழா இந்தியர்களால் கொண்டாடப்பட்டு வருகிறது.

டெல்லியில் நடைபெறும் விழாவில் இந்தியாவில் உள்ள ஒவ்வொரு மாநிலங்களின் சிறப்புகளை விளக்கும் வகையில் அந்தந்த மாநிலங்கள் சார்பில் அலங்கார ஊர்திகள் இடம் பெறுவது வழக்கம்.

இதில் சுதந்திர போராட்ட தியாகிகள், அவர்களின் போராட்டங்கள் குறித்த சிறப்புகளை பிரதிபலிக்கும் வகையில் அலங்கார ஊர்திகள் இடம்பெறும்.

இந்த அலங்கார ஊர்திக்காக இந்திய மாநிலங்கள் மாடல்களை அனுப்பியிருந்தன.

அதில் 12 மாநிலங்களின் மாடல்கள் மட்டுமே எடுத்துக் கொள்ளப்பட்டுள்ளது.

இந்த மாநில மாடல்களுக்கு மட்டுமே மத்திய அரசு அனுமதி அளித்துள்ளது.

தமிழக அரசு சார்பிலும் குடியரசு தினவிழாவில் இடம் பெற அலங்கார ஊர்தி மாடல்கள் அனுப்பப்பட்டுள்ளது.

4வது சுற்று வரை சென்ற நிலையில் தமிழக அரசின் அலங்கார வாகனம் நிராகரிக்கப்பட்டுள்ளது.

அதில், சுதந்திர போராட்டத் தியாகிகளான கப்பலோட்டிய தமிழர் வ.உ.சி, வீரமங்கை வேலு நாச்சியார், பாரதியார் உள்ளிட்டோரின் புகைப்படங்கள் இடம்பெற்றன.

ஆனால் இந்த தலைவர்கள் தேசிய அளவில் மிகவும் பிரபலமானவர்கள் இல்லை என கூறி மத்திய அரசு நிராகரித்துவிட்டதாம்.

தென்னிந்தியாவில் தமிழகம், கேரளா, தெலுங்கானா, ஆந்திரா உள்ளிட்ட மாநிலங்களின் அலங்கார ஊர்தி நிராகரிக்கப்பட்டுள்ளது.

ஆனால் கர்நாடகா அரசின் அலங்கார ஊர்திக்கு மட்டும் மத்திய அனுமதி அளித்துள்ளது.

மத்தியில் ஆளும் பாஜக அரசே கர்நாடகாவிலும் ஆட்சியில் உள்ளது என்பது குறிப்பிடத்தக்கது.

Rejection of Tamil Nadu Tableau Vehicle In the Republic Day Prade 2022

வின்னர் ராஜூவுக்கு கிடைத்த லட்சங்கள் எவ்ளோ.?.. 5 சீசன் போட்டியாளர்கள் பங்கேற்க இனி 24 மணி நேரமும் ‘பிக்பாஸ்’-தான்

வின்னர் ராஜூவுக்கு கிடைத்த லட்சங்கள் எவ்ளோ.?.. 5 சீசன் போட்டியாளர்கள் பங்கேற்க இனி 24 மணி நேரமும் ‘பிக்பாஸ்’-தான்

தமிழ் தொலைக்காட்சியில் பிக்பாஸ் சீசன் கடந்த 2017-ம் ஆண்டு அறிமுகமானது.

விஜய் டிவியில் ஒளிபரப்பான இந்த நிகழ்ச்சியை கமல் தொகுத்து வழங்க ஆரம்பித்தார். அவரின் பேச்சுக்காகவும் மேனரிசத்துக்காவும் பலர் இந்த நிகழ்ச்சியை பார்க்க ஆரம்பித்தனர்.

இந்த நிகழ்ச்சியின் முதல் சீசனில், ஆரவ் 2017 டைட்டில் வின்னர் ஆனார். இதே நிகழ்ச்சியில் பங்கேற்ற ஓவியா அனைத்து தரப்பு ரசிகர்களின் ஆதரவையும் பெற்றார்.

இரண்டாவது சீசனில் ரித்விகா 2018, மூன்றாவது சீசனில் முகேன் 2019, நான்காவது சீசனில் ஆரி 2020, ஐந்தாவது சீசனில் ராஜுவும் 2021 டைட்டில் வின்னர்களாக அறிவிக்கப்பட்டனர்.

நேற்று நடந்து முடிந்த பிக்பாஸ் 5 நிகழ்ச்சியில் சீரியல் நடிகர் ராஜூ பிக்பாஸ் டைட்டிலை கைப்பற்றினார். அவருக்கு பரிசாக ரூ.50லட்சம் கிடைத்துள்ளது.

மேலும் 16 வாரங்கள் பிக்பாஸ் வீட்டில் இருந்ததற்கு ஊதியமாக அவருக்கு ரூ.21 லட்சம் கிடைத்துள்ளது. ஆக மொத்தம் ரூ.71 லட்சத்துடன் பிக்பாஸ் வீட்டில் இருந்து ராஜு வெளியேறியிருக்கிறார்.

பிரியங்கா இரண்டாவதாகவும், பாவ்னி மூன்றாவதாகவும் இந்த போட்டியில் வெற்றி பெற்றனர்.

பிக்பாஸ் போட்டியாளர்கள் ஒவ்வொருவருக்கும் தன்னுடைய நினைவு பரிசை வழங்கினார் கமல்.

ராஜூவுக்கு பேனா, பிரியங்காவுக்கு மைக் ட்ராஃபி, நிரூப்க்கு தொப்பி, அமீருக்கு ஷூ, பாவ்னிக்கு கைக்கடிகாரம் ஆகியவை வழங்கப்பட்டன.

இந்த நிலையில் ஹிந்தியைப் போல தற்போது தமிழிலும் ஓடிடி-க்கென பிக்பாஸ் நிகழ்ச்சி ஒன்று நடத்தப்பட உள்ளதாக அறிவித்துள்ளனர். இது விடிய விடிய ஒளிப்பரப்பாகவுள்ளது.

இந்த நிகழ்ச்சியையும் கமல்ஹாசனே தொகுத்து வழங்க உள்ளார். கூடவே பிக்பாஸும் இணைகிறார். அவருக்குத்தான் இனி நிறைய வேலை இருக்கும் என கமல்ஹாசன் புரோமோவில் தெரிவித்துள்ளார்.

நேற்று நடைபெற்ற பிக்பாஸ் 5 நிகழ்ச்சியின் பைனலில் இதன் அறிவிப்பை அதற்கான லோகோவுடன் BIGG BOSS ULTIMATE வெளியிட்டார் நடிகர் சிவகார்த்திகேயன்.

இந்நிகழ்ச்சி 24 மணிநேரமும் ஹாட்ஸ்டார் ஓடிடி தளத்தில் நேரடியாக ஒளிபரப்பாக உள்ளது.

இதனை முன்னிட்டு இதுவரை நடந்து முடிந்த 5 சீசன்களில் மிகவும் பரபரப்பாக பேசப்பட்ட போட்டியாளர்களை களமிறக்க திட்டமிட்டுள்ளதாக கூறப்படுகிறது.

அதன்படி அனிதா சம்பத், ஜூலி, வனிதா, பாலாஜி முருகதாஸ் உள்ளிட்டோர் பங்கேற்க வாய்ப்புள்ளதாக கூறப்படுகிறது.

இதற்கான ப்ரோமோ தற்போது வெளியாகியுள்ளது.

Bigg Boss Tamil OTT to stream on Disney+ Hotstar from this date

பிக்பாஸ் சீசன் 5 ஓவர்..; மீண்டும் ஆஸ்பத்திரியில் கமல்ஹாசன் அனுமதி

பிக்பாஸ் சீசன் 5 ஓவர்..; மீண்டும் ஆஸ்பத்திரியில் கமல்ஹாசன் அனுமதி

2021 நவம்பரில் அமெரிக்கா சென்று திரும்பினார் நடிகர் கமல்ஹாசன்.

திரும்பிய நாள் அன்றே நவம்பர் 22ம் தேதியன்று கொரோனா தொற்றால் பாதிக்கப்பட்டார் கமல்.

எனவே, சென்னை போரூரில் உள்ள ராமசந்திரா மருத்துவமனையில் சிகிச்சைக்காக அனுமதிக்கப்பட்டார்.

கொரோனா நம்மை விட்டு ஓடவில்லை. இங்கே தான் இருக்கிறது. மக்கள் எச்சரிக்கையுடன் இருக்க அறிவுறுத்தினார் கமல்ஹாசன்.

இவர் ஆஸ்பத்திரியில் இருந்த காலத்தில் ‘பிக்பாஸ்’ நிகழ்ச்சியை நடிகை ரம்யா கிருஷ்ணன் தொகுத்து வழங்கினார்.

பின்னர் தீவிர சிகிச்சை பெற்று பூரண குணமடைந்து நேராக கமல் பிக்பாஸ் நிகழ்ச்சிக்கு சென்றது பெரும் சர்ச்சையை கிளப்பியது.

தமிழக சுகாதாரத்துறையும் கமலிடம் விளக்கம் கேட்டு கடிதம் அனுப்பியது.

இதன்பின்னரும் கமல்ஹாசன் ‘பிக்பாஸ்’ நிகழ்ச்சியை தொகுத்து வழங்கினார்.

105 நாட்கள் நடைபெற்ற நிலையில் நேற்று ஜனவரி 16 பிக்பாஸ் சீசன் 5 இறுதிப் போட்டி நடைபெற்றது.

இதில் ராஜூ வின்னராக அறிவிக்கப்பட்டு வெற்றிக்கோப்பையும் 50 லட்சத்திற்கான காசோலையும் அவருக்கு வழங்கப்பட்டது.

பிரியங்கா இரண்டாவதாகவும், பாவ்னி மூன்றாவதாகவும் இந்த போட்டியில் வெற்றி பெற்றனர்.

பிக்பாஸ் போட்டியாளர்கள் ஒவ்வொருவருக்கும் தன்னுடைய நினைவு பரிசை வழங்கினார் கமல். ராஜூவுக்கு பேனா, பிரியங்காவுக்கு மைக் ட்ராஃபி, நிரூப்க்கு தொப்பி, அமீருக்கு ஷூ, பாவ்னிக்கு கைக்கடிகாரம் ஆகியவை வழங்கப்பட்டன.

பிக்பாஸ் 5 சீசன் நிறைவடைந்துள்ள நிலையில், சென்னை போரூர் ராமசந்திரா மருத்துவமனையில் நடிகர் கமல்ஹாசன் இன்று அனுமதிக்கப்பட்டுள்ளார்.

இது வழக்கமான பரிசோதனை தான்.. இன்று மாலைக்குள் வீடு திரும்புவார் எனவும் தகவல்கள் வெளியாகியுள்ளது.

Kamal Hassan admitted to Ramachandra Hospital for check-up