விருந்து விமர்சனம் 3.5/5.. நரபலி நரகம்

‘உழைப்பாளர் தினம்’ விமர்சனம் 3/5.. பணத்தை விட வாழ்வே முக்கியம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

‘உழைப்பாளர் தினம்’ விமர்சனம் 3/5.. பணத்தை விட வாழ்வே முக்கியம்

ஸ்டோரி…

தன் குடும்ப வறுமை சூழ்நிலை காரணமாக சிங்கப்பூர் சென்று சம்பாதிக்கிறார் சந்தோஷ நம்பிராஜன்.. இங்கு ஒரு மளிகை ஸ்டோர் வைக்க வேண்டும்.. அதற்கு ஒரு கடை கட்ட வேண்டும்.. அதற்குப் பிறகுதான் கல்யாணம் என முடிவெடுத்து சிங்கப்பூரிலேயே கடுமையாக உழைத்து வருகிறார்..

அவரின் சக நண்பர்களோ.. தலைமுடி கொட்டிக் கொண்டே இருக்கிறது.. வயது ஏறிக்கொண்டே இருக்கிறது.. உடனே திருமணம் செய்து கொள் என அட்வைஸ் செய்கின்றனர்.. ஆனாலும் கடை கட்டிய பிறகு திருமணம் என உறுதியான முடிவில் இருக்கிறார்..

இந்த சூழ்நிலையில் அவருக்கு திடீர் என திருமண ஏற்பாடுகள் நடக்கிறது.. வேறு வழி இல்லாமல் திருமணமும் செய்து கொள்கிறார்.. திருமணம் முடிந்து இரண்டு வாரங்களிலேயே மனைவியை பிரிய வேண்டிய சூழ்நிலை..

வீட்டில் குடிகார அண்ணன் வேற இருப்பதால் குடும்ப வறுமை அதிகரிக்க வேறு வழியில்லாமல் மீண்டும் சிங்கப்பூர் செல்கிறார்… நீங்கள் என் பிரசவத்திற்கு கண்டிப்பாக வரவேண்டும் என நாயகி குஷி அன்பு கட்டளையிடுகிறார்.

அதன் பிறகு என்ன நடந்தது.? அவர் நினைத்தபடி கடையை கட்டி முடித்தாரா?கடன்களை அடைத்தாரா? மனைவியின் பிரசவத்திற்கு வந்தாரா? என்பதெல்லாம் மீதிக்கதை.

கேரக்டர்ஸ்…

சந்தோஷ் நம்பிராஜன், குஷி, அன்புராணி, கார்த்திக்சிவன், சிங்கப்பூர் துரைராஜ், இயக்குனர் சம்பத்குமார் மற்றும் பலர்.

தன் மீதும் கதையின் மீது நம்பிக்கை வைத்து படத்தை தயாரித்து இயக்கி நாயகனாக நடித்திருக்கிறார் நாயகன் சந்தோஷ் நம்பிராஜன்.. எங்கும் சினிமாத்தனம் இல்லாமல் நம் வீட்டு நபராகவே தெரிகிறார் நாயகன் சந்தோஷ்.

ஒவ்வொரு முறையும் இந்தியாவில் நம் குடும்பத்துடன் வாழ வேண்டும் என திரும்பும் இந்தியர்கள் மீண்டும் கடன் தொல்லையால் வெளிநாட்டுக்கு ஓடும் காட்சிகளில் ரசிக்கவும் கலங்கவும் வைக்கிறார்.

வெளிநாட்டில் சம்பாதித்து விட்டு இந்தியாவில் நமக்கு ஒரு பிரச்சினை எனும் போது இங்கு உள்ள அரசியல்வாதிகளால் எப்படி அலைக்கழிக்கப்படுகிறார்கள் என்பதையும் காட்சிப்படுத்தி இருக்கிறார் இயக்குனர்.. அந்த இடைவெளியில் கட்சிக் கொள்கை கேட்டால் தலை சுத்திடுச்சு ஒருவர் சொல்கிறார் மற்றொருவர் கட்சிக் கொள்கை ரகசியம் என்கிறார் என ரஜினி விஜய்யை கிண்டல் அடித்திருக்கிறார் இயக்குனர்..

நாயகியாக குஷி.. பெண் பார்க்கும் காட்சியில் நாயகனை கிண்டல் அடிப்பதும் திருமணத்திற்குப் பிறகு இருவருக்குமான ரொமான்டிக் சீன்ஸ் அசத்தல்.. முக்கியமாக சினுங்கி சினுங்கி பேசும் காட்சிகள் செம.. அதுபோல விடிய விடிய பேச பிளாஸ்க் காபி எனும் ரொமான்டிக் வார்த்தை சூப்பர்..

சிங்கப்பூரில் உடன் வேலை பார்க்கும் சக ஊழியர்களின் நிலை.. அவர்களின் குடும்ப சூழ்நிலை.. வெளிநாட்டிற்கு வேலைக்கு செல்லும் பெண்களின் குடும்பம் அவர்களின் குழந்தை என அனைத்தையும் உணர்வுபூர்வமாக காட்சிப்படுத்தி இருக்கிறார் இயக்குனர்..

மேலும் நாயகனின் அம்மா அப்பா அண்ணன் அண்ணி மாமா நண்பர்கள் அனைவரும் பங்களிப்பும் படத்திற்கு பெரிதும் உதவி உள்ளது..

டெக்னீசியன்ஸ்…

இசை: மசூத் ஷம்ஷா

பாடல்கள்: சிங்கை சுந்தர், கனியன் செல்வராஜ்

ஒளிப்பதிவு: சதீஸ் துரைகண்ணு

எடிட்டிங்: கோட்டிஸ்வரன்

தயாரிப்பு: சிங்காவுட் புரொடக்‌ஷன், நம்பிராஜன் இண்டர்நேஷனல் சினிமாஸ்
ராக் எண்டர்டெயின்மெண்ட்ஸ்.

தயாரிப்பாளர்கள்: ராஜேந்திரன் கார்த்திக்சிவன், சிங்கப்பூர் துரைராஜ், பிரேம்சந்த் நம்பிராஜன், ராஜேந்திரன் நீதிபாண்டி, கஜா, சரஸ்

வெளிநாட்டில் வாழும் இந்தியர்கள் என பல படங்கள் பார்த்து இருந்தாலும் இந்த படத்தில் உணர்வுப்பூர்வமாக எதார்த்தமாக திரைக்கதை அமைத்து ஒரு படைப்பை கொடுத்திருக்கிறார் சந்தோஷ நம்பிராஜன்.

படத்தில் சில காட்சிகளில் உதட்டில் வசனங்கள் ஒட்டவில்லை.. பட்ஜெட் படம் என்றாலும் மெனக்கெட்டு இருக்கலாம்..

நிச்சயம் இந்த படத்தை பார்த்தால் வெளிநாட்டில் வாழும் இந்தியர்கள் உடனே இந்தியாவுக்கு வரவேண்டும் தன் குடும்பத்துடன் வாழ வேண்டும் என நினைப்பார்கள்.. அதுபோல தன் கணவனையோ தன் சகோதரனையோ தன் மகனையோ வெளிநாட்டிற்கு அனுப்பி வைக்கும் ஒவ்வொரு குடும்பத்தாரின் மனதிலும் பெரிய தாக்கத்தை ஏற்படுத்தும்.

பாடல்களைப் பொறுத்தவரை…

அழகான சிங்கப்பூரூ.. மனசெல்லாம் தங்கம் பாரு … பாட்டு ஓகே.. ஆனா ராகம் இடிக்கிறது.. வரிகளுக்கு மெட்டு போட்டாரா மெட்டுக்கு வரி அமைத்தாரா என்பது இசையமைப்பாளருக்கு வெளிச்சம்

வாழ்வே வாழ்வே பாட்டு.. & தீரா காதலே நீதான் என் தேடலே… ஆகிய பாடல் வரிகள் ரசிக்க வைக்கிறது.. ஆனால் அனைத்து பாடல்களுமே ஒரே மாதிரியாக இருப்பதை இயக்குனர் கவனித்தாரா??

பல இடங்களில் வசனங்கள் நம் கண்களில் கண்ணீரை வர வைக்கும்..

வெளிநாட்டிற்கு வேலை தேடி செல்வோருக்கு பணம் முக்கியம் ஆனால் அதைவிட வாழ்க்கை முக்கியம். என வெளிநாட்டிலே வாழ்ந்து வாழ்க்கையை தொலைத்த ஒரு இந்தியர் சொல்லும்போது நம் மனம் ரணமாகும்..

ஆசை ஆசையாக தங்க நகைகளை வாங்கிக் கொண்டு இந்தியாவிற்கு பரிட்டன் வரும்போது. கஸ்டம்ஸ் சேர்த்து சாம்பாதிக்க வேணும்ல என்ற வசனம் வரும்.. நம் உறவுகளிடம் தங்க நகை கேட்கும் உறவுகளுக்கு இந்த வசனம் சாட்டையடி..

ஹீரோ அண்ணன் பைட் சீன்.. எடிட்டிங் மோசம்.. அண்ணன் சண்டை போட்டுக் கொண்டிருக்கும் போது தம்பியின் வண்டி வந்துவிடும் ஆனாலும் காட்சிகள் நகர்ந்து கொண்டே இருக்கும் மீண்டும் தம்பி வருவதாக காட்சி காட்டப்படுவதை எடிட்டர் கவனிக்கவில்லையா..??

திருமணம் ஆகி 14 நாட்களில் சிங்கப்பூருக்கு செல்ல வேண்டும் என்ற நிலையில் ஒவ்வொரு நாளையும் எண்ணிக் கொண்டு கணவன் மனைவி குடும்பம் நடத்தும் அந்த ஒரு காட்சி பரிதவிப்பை உண்டாக்குகிறது..

Uzhaippalar Thinam movie review

செம்பியன் மாதேவி விமர்சனம்… சா-தீ-யிலும் சாயாத காதல்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

செம்பியன் மாதேவி விமர்சனம்… சா-தீ-யிலும் சாயாத காதல்

8 ஸ்டுடியோஸ் நிறுவனம் தயாரிப்பில், லோக பத்மநாபன் எழுதி இயக்கி இசையமைத்து நாயகனாக நடித்திருக்கும் படம் ‘செம்பியன் மாதேவி’.

ஸ்டோரி…

செம்பியன் என்ற கிராமத்தில் 2004 ஆம் ஆண்டின் கதை.. படத்தில் நாயகன் வீரா.. நாயகி மாதேவி..

மாடு முட்டி என்பவருக்கு முருகேசன் என்ற மகனும் என்ற மகளும் உள்ளனர்.. இதில் முருகேசனை சில மர்ம நபர்கள் வெட்டிக்கொள்கின்றனர்.

இதன் காரணமாக தெரியாமல் அலையும் மாடு முட்டி தன்னுடைய ஒரே மகளுக்காக வாழ்ந்து கொண்டிருக்கிறார்.

இவர் வேலை செய்யும் கோழி பண்ணை முதலாளி மகன் இவரது மகளை காதலிக்கிறார்.. இந்த விவரங்கள் எல்லாம் இவருக்கு தெரியாது.

இந்த சூழ்நிலையில் நாயகன் உயர்சாதி என்பதால் முதலில் காதலை ஏற்க மறுக்கிறார் நாயகி.. ஆனால் நாட்கள் செல்ல செல்ல மெல்ல மெல்ல இவரும் காதலிக்கிறார்.

ஒரு கட்டத்தில் நாயகனால் நாயகி கர்ப்பமாகிறார்.. எனவே தன்னை திருமணம் செய்து கொள்ளும்படி வற்புறுத்துகிறாள் நாயகி.. ஆனால் இப்போது திருமணம் வேண்டாம் என தள்ளிப் போடுகிறான் நாயகன்..

அதன் பிறகு என்ன நடந்தது.? நாயகி என்ன செய்தார்.? நாயகன் திருமணம் செய்ய மறுப்பது ஏன்.? இவர்களின் காதல் விவரம் தெரிந்த உயர் சாதி என்ன செய்தனர்? என்பது மீதிக்கதை.

கேரக்டர்ஸ்…

இந்த படத்தை தயாரித்து இசையமைத்து நாயகனாக நடித்திருக்கிறார் லோகு பத்மநாபன்.. கிராமத்து இளைஞனாக கவர்கிறார்.. கொஞ்சம் மேக்கப் போட்டு நடித்திருக்கலாம்..

நாயகி அம்சரேகா இவரது அறிமுகக் காட்சி அசத்தல்.. சில காட்சிகளில் ஒப்பனை போதவில்லை.. அண்ணனை இழந்து விட்ட தன் குடும்பத்திற்காக தன் தந்தைக்காக முதலில் காதலை ஒதுக்கும் சராசரி பெண்ணாக இவர் உயர்ந்து நிற்கிறார்.. கிளைமாக்ஸ் காட்சியில் நடக்கும் கற்பழிப்பு பலரது மனதை கலங்கடிக்கும்..

மற்றொரு நாயகி கண்ணகியாக நடித்திருக்கும் ரெஜினா.. இவரது கேரக்டர் படத்தில் ஒரு திருப்புமுனை.. விளையாட்டாக செய்த காரியம் வினையானது என்பதை இவரது கேரக்டர் பல பெண்களுக்கு உணர்த்தும்..

மணிமாறன் இந்த படத்தில் ஜாதி கட்சி தலைவராக மிரட்டலான நடிப்பை கொடுத்திருக்கிறார்…

அதுபோல முருகேசன் கேரக்டர் மற்றும் மாடு முட்டி கேரக்டர் ஆகியவை கவனம் பெறுகின்றன..

மற்றவர்கள் கிராமத்து மனிதர்களாக இயல்பான நடிப்பை கொடுத்துள்ளனர்..

ஜெய்பீம் படத்தில் நடித்து நம்மை கவர்ந்த மொசக்குட்டி இந்த படத்தின் கதை ஓட்டத்திற்கும் காமெடிக்கும் உதவியிருக்கிறார்..

தொழில்நுட்ப கலைஞர்கள்…

கே.ராஜ சேகர் ஒளிப்பதிவு செய்திருக்கும் இப்படத்திற்கு ராஜேந்திர சோழன் படத்தொகுப்பு செய்திருக்கிறார்.

வ.கருப்பண், அரவிந்த், லோக பதமநாபன் ஆகியோர் பாடல்கள் எழுதியுள்ளனர். பின்னணி இசை ஏ.டி.ராம் அமைத்திருக்கிறார்.

சக்தி மற்றும் ஸ்ரீ செல்வி நடனக் காட்சிகளை வடிவமைக்க மெட்ரோ மகேஷ் சண்டைக்காட்சிகளை வடிவமைத்திருக்கிறார்.

ஜெ.கார்த்திக் மக்கள் தொடர்பாளராக பணியாற்றுகிறார்.

சாதிய பாகுபாடு… ஆவணக் கொலை என தமிழ் சினிமாவின் வழக்கமான பார்முலாவையே இந்த இயக்குனரும் கையில் எடுத்திருக்கிறார்..

செம்பியன் என்ற கிராமத்து பகுதியும் மாதேவி என்ற நாயகி பெயரையும் வைத்து படத்தலைப்பு வைத்திருக்கிறார்.. இவரே தயாரிப்பாளர் இயக்குனர் நாயகன் என்ற போதிலும் நாயகிக்கு முக்கியத்துவம் கொடுத்து படத்தின் கிளைமாக்ஸ் காட்சியை வைத்திருப்பது இயக்குனரின் புத்திசாலித்தனத்தை காட்டுகிறது

படத்தில் ஐந்து பாடல்கள்.. வரிகளுக்கும் உணர்வுக்கும் முக்கியத்துவம் கொடுத்து பாடலை உருவாக்கி இருக்கிறார் ஆனால் வருகின்ற நான்கு பாடலும் ஒரே மாதிரி சாயலில் இருப்பது கொஞ்சம் சோர்வை தருகிறது.. ஓரிரு பாடலையாவது குரூப் டான்ஸ் ஆக கொடுத்து இருக்கலாம்..

ஒளிப்பதிவு எடிட்டிங் பின்னணி இசை படத்திற்கு பலம்…

சாதி வெறியர்களை எதிர்க்க காதல் ஒன்றே ஆயுதம்.. காதலர்கள் தங்கள் காதலின் மேல் நம்பிக்கை வைத்து போராடினால் மட்டுமே சாதியை ஒழிக்க முடியும்.. அதை மறுக்க முடியாது என்பதையும் காட்சிப்படுத்தி இருக்கிறார் இயக்குனர்.

Sembiyan Maadevi movie review

வாழை விமர்சனம் 4.25/5.. மாரியின் மாறாத மண்வாசனை

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

வாழை விமர்சனம் 4.25/5.. மாரியின் மாறாத மண்வாசனை

ஸ்டோரி…

1990-களில் நடந்த காலகட்ட கதை இது.

பொன்வேல் மற்றும் ராகுல் இருவரும் ஒரே பள்ளியில் ஒரே வகுப்பு தோழர்கள்.. இதில் பொன்வேல் ரஜினி ரசிகன். ராகுல் கமல் ரசிகன்..

இவர்களின் பள்ளி டீச்சர் பூங்கொடி நிகிலா மீது கதையின் நாயகன் பொன்வேல் இனம் புரியாத நேசம் கொள்கிறான்..

டீச்சரை எங்கு பார்த்தாலும் இவன் மனதிற்குள் சந்தோஷம் தொற்றிக் கொள்கிறது.. எனவே விடுமுறை நாட்களில் கூட பள்ளிக்கு செல்ல வேண்டும் என்ற ஆர்வம் இவனுக்குள் ஏற்படுகிறது.

இப்படியான சூழ்நிலையில் பள்ளி இல்லாத நாட்களில் வாழை தார்களை சுமக்கும் வேலைக்கு அனுப்பி வைக்கிறார் இவனது தாய்..

வாழைத் தார்களை சுமப்பது கடினமாக இருப்பதால் ஒரு நாள் காலில் முள் குத்தி விட்டதாக பொய் சொல்லிவிட்டு மாடு மேய்க்க செல்கிறான் பொன்வேல்.

பொன்வேல் மாடு மேய்த்துக் கொண்டிருக்கும்போது அந்த வழியாக செல்லும் டீச்சருடன் பைக்கில் செல்கிறான்.. மாலையில் திரும்பி பார்க்கும் போது மாடு காணாமல் போய்விடுகிறது..

அதன் பிறகு என்ன நடந்தது.? கண்டிப்பான அம்மாவிடம் என்ன சொன்னான்.? டீச்சர் மீது கொண்ட நேசம் என்னாச்சு.? வாழை தார் சுமக்கும் தொழிலாளர்களின் நிலை என்ன? என்பதுதான் மீதிக்கதை.

கேரக்டர்ஸ்…

Ponvel as Sivanaindhaan

Raghul as Sekar

Janaki as Sivanaindhaan’s Mother

Dhivya Duraisamy as Vembu

Kalaiyarasan as Kani

Nikhila Vimal as Poongodi

Padhman as Broker

J. SathishKumar as Trader

கலையரசன் நிகிலா திவ்யா என நமக்கு அறிமுகமான நடிகர்கள் இருந்தாலும் அவர்களை விட நம்மை அதிகம் கவர்ந்தவன் இந்த பொன்வேல்.

பொன்வேல் ரஜினி ரசிகனாகவும் ராகுல் கமல் ரசிகனாகவும் செய்யும் ஒவ்வொரு சேட்டைகளும் இன்றைய இளம் நடிகர் ரசிகர்களின் கவனத்தை கவரும்.

பொன்வேல் தன் டீச்சர் பூங்கொடி (நிகிலாவை) பார்த்து.. டீச்சர் நீங்க ரொம்ப அழகா இருக்கீங்க என்று சொல்லும்போது.. ஏன் நேத்து நான் அழகா இல்லையா? என்று அவர் கேட்கும் போது.. நேத்து நீங்க எங்க அம்மா மாதிரி அழகா இருந்தீங்க.. இன்னைக்கு எங்க அக்கா மாதிரி அழகா இருக்கீங்க என்று அவன் சொல்லும் அந்த காட்சி.. டீச்சரை சைட் அடித்த பல மாணவர்களுக்கு அர்ப்பணிப்பாகும்..

நண்பனாக வரும் சேகர் (ராகுல்) கமல் ரசிகனாகவும் கவருகிறான்.. நானெல்லாம் கமல் ரசிகன்.. முள்ளு குத்தாமலேயே நடிப்பேன் என்று சொல்லும்போது நீங்கள் கை தட்டாமல் இருக்க மாட்டீர்கள்.. இங்க கமல் படத்தை விட ரஜினி படம் தானே ஓடுகிறது என ராகுல் சொல்லும்போதும் தியேட்டரில் கைத்தட்டல் அள்ளுகிறது..

நிஜ வாழ்க்கையில் கமல் ரஜினியை போல இவர்களின் நட்பை மாரி செல்வராஜ் வைத்திருப்பது பாராட்டுக்குரியது..

பொன்வேலின் அம்மா ஜானகி.. வெண்ணிலா கபடி குழு’ தொடங்கி ‘ரகு தாத்தா’ வரை பல படங்களில் நடித்தவர்.. இதில் (பொன்வேல்) சிவநைந்தணின் தாயாக வருகிறார். ஒரு விபத்தில் தன் உறவுகளை இழந்த பின் இவர் அழும் காட்சி நம் மனங்களை ரணமாக்குகிறது.

பொன்வேலின் அக்காவாக வரும் திவ்யா துரைசாமி.. அழகான முகத்தை அழுக்கு படிந்த முகமாக மாற்றி.. ஆண்கள் சட்டை அணிந்து இவர் ஏற்ற வேடம் வேம்பு என்ற பெண்ணாகவே தெரிகிறார்.. அம்மாவின் அதட்டலுக்கு பயந்து தம்பியின் பாசத்திற்கு ஏங்கி கலையரசனின் கண் பார்வைக்கு தயங்கி என ஒவ்வொரு சீனிலும் அசத்தியிருக்கிறார் திவ்யா..

தொழிலாளர்களின் உரிமைக்காக போராடும் கெத்து வாலிபனாக கலையரசன்.. இவரது வீரத்தை கண்டு அக்கா நீ கனி அண்ணனை கல்யாணம் பண்ணிக்கோ என சொல்லும் போது திவ்யா காட்டும் வெட்கமும் ரசிக்க வைக்கிறது.

ஜெனிபர் டீச்சர், மலர் டீச்சர், பவி டீச்சர் வரிசையில் இனி பூங்கொடி டீச்சரும் இணைவார்.. இப்படி அழகான அன்பான டீச்சர் இருந்தால் மாணவன் ஏன் பள்ளிக்கு லீவு போட போறான்.??!! டீச்சராக இருந்தாலும் வீட்டில் டெய்லர் வேலை பார்த்து சம்பாதிப்பதும்.. பஞ்சுமிட்டாய் சேலை கட்டி பாடலுக்கு நிகிலா ஆடும் ஆட்டமும் நம்மை என்றென்றும் ரசிக்க வைக்கிறது..

புரோக்கர் பத்மன்.. வியாபாரி ஜெ சதீஷ் உள்ளிட்டோரும் தங்களது நடிப்பில் தாக்கம் கொடுத்திருக்கின்றனர்.

டெக்னீசியன்ஸ்…

Director: Mari Selvaraj

Music : Santhosh Narayanan

Lyricist: Yugabharathi, Vivek, Mari Selvaraj

Produced by Divya Mari Selvaraj, Mari Selvaraj

DOP : Theni Eswar

Art Director: Kumar Gangappan

Editor : Suriya Pradhaman

Banner : Disney+ Hotstar, Navvi Studios, Farmer’s Master Plan Production

PRO : Sathish (AIM)

Executive Producer : Venkat Arumugam

ஒரு திரைக்கதை என்பது ஒரு இயக்குனரின் வாழ்வியலோடு இணைந்திருந்தால் அந்த படம் நிச்சயம் வெற்றி பெறும்.. இப்படியாக பல படங்களை பல வெற்றிகளை நாம் பார்த்திருக்கிறோம்.

பரியேறும் பெருமாள் படத்தின் மூலம் இயக்குனராக மாறி செல்வராஜ் அறியப்பட்டாலும் அறிமுகமானாலும் அவர் முதலில் எடுக்கவிருந்த திரைப்படம் தான் இந்த வாழை.. இது தற்போது அவருக்கு 4வது திரைப்படமாக அமைந்திருந்தாலும் தனது வாழ்வியலை உணர்வுபூர்வமாக மண்வாசனை மாறாமல் அவர் சொல்லி இருப்பது பலம்.

மற்ற மரங்களை விட வாழை மரத்திற்கு அதிக முக்கியத்துவம் உண்டு.. காரணம் வாழைப்பூ வாழைத்தண்டு வாழை இலை வாழைக்காய் வாழைப்பழம் என ஒவ்வொன்றும் ஒவ்வொரு ருசி என்று சொல்லலாம்.. அது போல வாழைப் படத்தில் வைக்கப்பட்ட பள்ளி பருவ டீச்சர் மீது நேசம், கமல் – ரஜினி ரசிகர்களின் நட்பு, வாழைத்தார் தொழிலாளர்களின் வாழ்வியல், அக்கா தங்கை பாசம், கூலி உயர்வு கேட்கும் தொழிலாளி, முதலாளியின் வியாபார தந்திரம் உள்ளிட்ட அனைத்தையும் வாழை இலையில் விருந்து படைத்திருக்கிறார் மாரி செல்வராஜ்..

இந்த படத்தை மாரி இவரது மனைவி திவ்யாவுடன் இணைந்து தயாரித்திருக்கிறார்.

மாரி செல்வராஜின் மாறாத பள்ளிப் பருவ காயத்திற்கு மருத்துவர்களாக ஒளிப்பதிவாளர் தேனி ஈஸ்வர் மற்றும் இசையமைப்பாளர் சந்தோஷ் நாராயணன் உறுதுணையாக இருந்திருக்கின்றனர் என்பதை ஒவ்வொரு காட்சியும் உணர வைக்கின்றனர்..

பல தேசியத் தலைவர்கள் இருந்தாலும் எப்பொழுதும் அம்பேத்கரை மட்டுமே தன்னுடைய ஜாதித் தலைவர் போல மாரி செல்வராஜ் சித்தரிப்பது கொஞ்சம் குறைத்து கொள்ளலாம்.

1980 & 90களில் மக்களின் வாழ்வியலை இன்றைய இளம் தலைமுறைக்கு வாழையில் வைத்து காவிய விருந்து படைத்திருக்கிறார் மாரி செல்வராஜ்.

தன்னுடைய திரைக்கதைக்கு தேவையான சிறந்த நடிகர்களை தேர்ந்தெடுத்து வேலை வாங்கி எந்த சமரசமும் செய்து கொள்ளாமல் மாறி செல்வராஜ் இயக்கி இருப்பது அவர் ஒரு நிகரற்ற கலைஞன் என்பதை நிரூபித்திருக்கிறார்.

ஆக இந்த வாழை… மாரி செல்வராஜின் மாறாத மண்வாசனையை ரசிகர்களுக்கு தரும்.

Vaazhai movie review

போகுமிடம் வெகு தூரமில்லை விமர்சனம் 4/5.. கலைஞனுக்கு கலை தூரமில்லை

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

போகுமிடம் வெகு தூரமில்லை விமர்சனம் 4/5.. கலைஞனுக்கு கலை தூரமில்லை

ஸ்டோரி…

ஒரு அப்பன் இருதாரத்திற்கு பிறந்தவர்கள் ஆடுகளம் நரேன் மற்றும் பவன்.. இவர்களுக்கு பல ஆண்டுகளாக பகை நீடித்து வருகிறது.

ஊரில் மிகப்பெரியவரான இவர் ஒரு கட்டத்தில் சென்னை சென்ற போது மரணம் அடைகிறார்.. அங்கு யாரும் துணைக்கு இல்லாத நிலையில் விமல் ஓட்டும் அமரர் உறுதியில் அவரது பிணத்தை வைத்து அனுப்ப சொல்கின்றனர்.

தன்னுடைய மனைவி பிரசவத்திற்காக மருத்துவமனையில் இருக்கும் நிலையில் வேறு வழியில்லாமல் பணத்தேவைக்காக பிணத்தை அமர ஊரில் வைத்துக் கொண்டு புறப்படுகிறார் விமல்.

திருநெல்வேலியில் இரு தரப்பு குடும்பமும் பிணத்தை கைப்பற்ற துடித்துக் கொண்டிருக்கிறது.

விமல் செல்லும் வழியில் தெருக்கூத்து கலைஞர் கருணாஸ் லிப்ட் கேட்டு ஏறி கொள்ள மேலும் ஒரு காதல் ஜோடியும் இதில் தஞ்சம் அடைகிறது.. இதனால் பல பிரச்சினைகளை சந்தித்து வந்து கொண்டிருக்கிறார் விமல்.

இப்படியாக பிரச்சனைகளுடன் விமல் பயணித்துக் கொண்டிருக்க யாரோ ஒரு மர்ம கும்பல் பிணத்தை திருடி விடுகிறது.

அதன் பிறகு என்ன நடந்தது.? விமல் என்ன செய்தார்.? பிணத்திற்கு கொள்ளி வைத்தது எந்த மகன்.? மனைவியின் பிரசவம் என்ன ஆனது.? என்பதெல்லாம் மீதிக்கதை..

கேரக்டர்ஸ்…

நடிகர் விமல், கருணாஸ், நாயகி மேரி ரிக்கெட்ஸ், ஆடுகளம் நரேன், மனோஜ்குமார், பவன், அருள்தாஸ், தீபா சங்கர், சார்லஸ் வினோத், வேல ராமமூர்த்தி ஆகியோர் நடித்துள்ளனர்.

Vemal as Kumar
Karunas as Nalinamoorthy
Mery Rickets as Kalaiyazhagi
Aadukalam Naren as Sankarapandian
Deepa Shankar as Avudaiyammal
Charles Vinoth as Shanmugam
Manojkumar
Pawan
Aruldoss

விமல் இதுவரை ஏற்காத ஒரு வேடத்தை ஏற்று நடித்த நடித்திருப்பது சிறப்பு.. சீரியஸ் முகத்துடன் காணப்பட்டாலும் சில காட்சிகளில் உணர்வுபூர்வமான நடிப்பை கொடுத்திருக்கிறார்..

வடசென்னை வட்டார வழக்கு விமலுக்கு வரவில்லை என்பதால் யாரோ ஒருவர் டப்பிங் கொடுத்திருப்பார் போல… ஆனாலும் குறையில்லை

தெருக்கூத்து கலைஞனாக அசத்தியிருக்கிறார் கருணாஸ்.. அந்நியன் படத்தில் விக்ரம் 3 முகத்தை தான் காட்டிருப்பார்.. ஆனால் நான் 5 நவரசங்களை காட்டுவேன் என இவர் சொல்லும் அந்த காட்சியில் நம்மால் சிரிக்க முடியாது.. அர்ஜெண்டாக யூரின் அடிக்கணும் என்ற சொல்லிவிட்டு டாஸ்மாக்கில் அமர்ந்து இவர் செய்யும் சேட்டைகள் செம.. இப்படியாக படத்தை கலகலப்பாகிய கருணாஸ் கடைசியில் எடுக்க முடிவு நம் மனதை உருக்குகிறது..

கூத்து கலைஞராக கருணாஸ் பேசிய வசனங்களை கிளைமாக்ஸ் காட்சியில் இணைத்து பின்னணியில் கொடுத்திருப்பது டைரக்ஷன் டச்..

நாயகி மேரி ரிக்கெட்ஸ்க்கு வேலை இல்லை.. நிறைமாத கர்ப்பிணியாக கேரக்டரை நிறைவு செய்திருக்கிறார்..

ஆடுகளம் நரேன், சார்லஸ் வினோத், பவன் தீபா சங்கர், அருள்தாஸ் அனைவரும் தங்கள் கேரக்டரில் ஜொலிக்கின்றனர்.. தன் உரிமையை தன் தம்பி உரிமை விட்டுக் கொடுக்காத கேரக்டரில் தீபா சிறப்பான பங்களிப்பை கொடுத்திருக்கிறார்..

டெக்னீசியன்ஸ் …

Shark 9 pictures சார்பில் சிவா கில்லாரி தயாரிப்பில் அறிமுக இயக்குநர் மைக்கேல் K ராஜா இயக்கத்தில் உருவான படம் “போகுமிடம் வெகு தூரம் இல்லை”.

Director : Michael K Raja
Producer : Siva killari
Music director: NR.Raghunandan
cameraman : Demil Xavier Edwards
Editor : M.thiyagarajan
Stunt director : Metro Mahesh
Dance master : Richie Richardson
Art director : Surendar
Production controller : Rakesh Raghavan
Executive producer : Venki Magi
PRO – Sathish (AIM)

சமீபகாலமாக மெலோடி பாடல்கள் மூலம் கவனம் ஈர்த்த ரகுநந்தன் தான் இந்த படத்தின் இசை அமைப்பாளர்.. இசையின் இரைச்சலை குறைத்து பாடல் வரிகள் புரியும்படி இசை அமைத்திருப்பது சிறப்பு.

சென்னையில் தொடங்கி திருநெல்வேலி வரை பயணிக்கும் அமரர் ஊர்தி (வழி) வலியை அழகாகவும் நேர்த்தியாகவும் ட்ரோன் மூலமும் படம் பிடித்து நம்மையும் அந்த வழியாக பயணிக்க வைத்திருக்கிறார் ஒளிப்பதிவாளர் டெெமில் சேவியர்..

இயக்குனர் மைக்கேல் ராஜா சாலையில் செல்லும் பயணத்திற்கு போகும் இடம் வெகு தூரம் இல்லை என அழகான தலைப்பு வைத்து கதை ஓட்டத்திற்கும் ஒன்ற வைத்து சிறப்பு சேர்த்திருக்கிறார்..

வசனங்களும் ஆங்காங்கே நம்மை கவனம் ஈர்க்கின்றன.. முக்கியமாக கருணாஸ் பேசும் ஒரு வசனத்தில்.. “அம்மா இருந்தவரை திருமண ஆசை இல்லை.. அம்மா இறந்த பிறகு திருமண வயசு இல்லை என்ற சொல்லும் போது.. திருமணமாகாத இளைஞர்களின் நிலையை சொல்லும்..

ஒரு சில படங்கள் சப்தம் இல்லாமல் வந்து மக்களின் ஆதரவை பெறும்.. ரசிகர்களை கைதட்ட வைக்கும்.. சிந்திக்க வைக்கும்.. அந்த படங்களின் வரிசையில் போகுமிடம் வெகு தூரம் இல்லை படம் நிச்சயம் இணையும்..

Pogumidam vegu Thooramillai movie review

கொட்டுக்காளி விமர்சனம் 2/5.. தனக்கே சூடு வைத்த சூரி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கொட்டுக்காளி விமர்சனம் 2/5.. தனக்கே சூடு வைத்த சூரி

கொட்டுக்காளி என்றால் அழுத்தமான பிடிவாதக்காரி எனப் பொருள்…

ஸ்டோரி….

நாயகன் சூரியின் சகோதரி.. “அந்தப் பெண்ணை விட்டால் உனக்கு யாரும் கிடைக்க மாட்டார்களா? அவளை விட வேற யாரையாவது திருமணம் செய்து கொள் என சொல்கிறார்.. உடனே கோபம் கொண்டு தன் தங்கையை அடிக்கிறார் சூரி.

அதிலிருந்து கதை தொடங்குகிறது.. அதாவது திருமணம் செய்தால் அந்த பெண்ணை தான் கட்டுவேன் என பிடிவாதம் பிடிப்பதாக சூரியின் குணம் புரிகிறது..

ஆனால் நாயகி அன்னா பென்-க்கு வேறு ஒருவருடன் காதல் நெருக்கம் இருக்கிறது.

இந்த சூழ்நிலையில் உறவுக்கார பெண் நாயகி அன்னா பென் அழைத்துக் கொண்டு ஒரு ஷேர் ஆட்டோ மற்றும் இரண்டு டூவீலர்களில் சூரியின் குடும்பத்தினர்கள் ஒரு சாமியாரை காண செல்கின்றனர். அதாவது நாயகிக்கு பேய் பிடித்து விட்டதாக சூனியம் / மனோவசியம் செய்து விட்டதாகவும் அதனை சாமியாரிடம் எடுக்க செல்வதாகவும் செல்கிறார்கள்.

அந்த வழியில் நடக்கும் சம்பவங்களே இந்த படத்தின் மீதிக்கதை.. நாயகி அன்னா பென்க்கு நிஜமாகவே பேய் பிடித்ததா?அல்லது அவளின் காதலனிடம் இருந்து பிரிக்க குடும்பத்தினர் சதி திட்டம் போடுகிறார்களா? என்ன செய்தார்கள் என்பதுதான் படத்தின் மீதிக்கதை..

கேரக்டர்ஸ்…

சூரி நாயகன்.. நாயகி அன்னா பென்.. காமெடியனாக கலக்கிக் கொண்டிருந்த சூரி தற்போது கதையின் நாயகனாக விடுதலை மற்றும் கருடன் ஆகிய படங்களின் நடித்திருந்தால் இந்த இரண்டு படங்களும் சூப்பர் டூப்பர் ஹிட் ஆனது.

டாக்குமென்ட்ரி டைப்பான இந்த கொட்டுக்காளி படத்தில் சூரி நடித்ததன் மூலம் தனக்குத் தானே சூடு வைத்துக் கொண்டார் என்றே சொல்லலாம்.. கழுத்தில் சுண்ணாம்பை தடவியது முதல் கரகரத்த குரலில் லைவ் ரெக்கார்டிங் செய்து வித்தியாசமான முயற்சி என்ற பெயரில் நம்மை சோதித்து விட்டார்கள்.

நாயகி அன்னா பென்.. ஆயில் வடிந்த முகம் தலை என எதுவும் பேசாமல் ஒரே ஒரு வார்த்தை மட்டும் பேசி தன் நடிப்பில் கவர முயற்சிக்கிறார்..

சொல்லப்போனால் இவர்களை தவிர நடித்த சூரி உறவினர் பெண்கள் வயதானவர்கள் அந்த சிறுவன் என அனைவரும் ஆங்காங்கே சின்ன சின்ன வசனங்கள் மூலம் நம்மை சிரிக்க வைத்துள்ளனர்.. இடையில் காளையை விரட்டிச் செல்லும் அந்த சிறுமி கூட கலக்கி இருக்கிறார்..

டெக்னீசியன்ஸ்…

முக்கியமாக படத்தில் பின்னணி இசை ஒரு துளிகூட இல்லை.. ஆனால் அதே சமயம் சவுண்டு (இன்ஜினியரிங்) பயன்படுத்தி சில சப்தங்களை எழுப்பி இருக்கிறார்…

ஒளிப்பதிவாளர் மற்றும் எடிட்டர் இருவரும் டைரக்டர் சொல்வதை தானே கேட்க முடியும் அதற்கு ஏற்ப காட்சிகளை அமைத்து அவர்களும் நம்மை சோதித்து விட்டார்கள்..

நடிகை நயன்தாரா ரிலீஸ் செய்த கூழாங்கல் படத்தை இயக்கியவர் பி எஸ் வினோத் ராஜ்.. இவர் சர்வதேச திரைப்படம் விழாக்களை குறி வைத்து படங்களை இயக்கி வருகிறார் என்றே தோன்றுகிறது.. காரணம் முழுக்க முழுக்க ஒரு ஆவண படங்களை பார்ப்பது போன்று உணர்வையே இவர் கொடுக்கிறார்..

சொல்லப்போனால் 20 நிமிடத்தில் முடிய முடிக்க வேண்டிய ஒரு குறும்படத்தை 100 நிமிடங்களுக்கு நீட்டி ஒரு திரைப்படமாக கொடுத்திருக்கிறார்.

ஆட்டோ செல்லும் வழியில் 3 முறை நிற்கிறது.. அதனை ஸ்டார்ட் செய்யும் போது கோளாறு ஏற்படுகிறது.. அப்போது 3 முறையும் வைக்கப்பட்ட கேமரா ஆங்கிள் ஒரே ரகம் தான்.. ஆட்டோ ஸ்டார்ட் ஆகி சென்ற பின்னும் கேமரா எடுக்காமல் இருப்பது நமக்கு போர் அடிக்கிறது.

சூரி உறவினர் ஒரு நபர் சிறுநீர் கழிக்க செல்லும் போது அவர் லுங்கியை மடித்து கட்டுவதும் கையை உள்ளே விட்டு எடுத்து சிறுநீர் கழிப்பதும் இப்படியாக ஒவ்வொரு காட்சிகளையும் ஒரு நிமிடத்திற்கு நீட்டியே சொல்கிறார்.. அதிலும் யூரின் அடிக்கும்போது அது அங்குள்ள இலைகள் மீது படுவது போல காட்சிகளை கூட எடுத்திருக்கிறார்.. எதற்காக இப்படி எல்லாம் எடுத்து நம்மை சோதித்து இருக்கிறார் வினோத் ராஜ் என்பது தான் தெரியவில்லை.

மாதவிடாய் நாட்களில் பெண்கள் பயன்படுத்தும் நாப்கினை ஒரு பையில் எடுத்து வருவார்கள்.. ஆனால் திடீரென மாதவிடாய் வரும் ஒரு பெண் நாப்கினை ஜாக்கெட்டில் இருந்து எடுக்கிறார்.. இதுபோல கிராமத்து பெண்கள் செய்வார்களா?

தான் கட்டிக்க போகும் முறை பெண் வேறு ஒருவருடன் பழகும் போது ஆத்திரம் கொள்கிறார் சூரி.. சாமியாரிடம் அவருக்கு வைக்கப்பட்ட வசியத்தை எடுக்க செல்லும் போது அங்குள்ள சாமியார் வேறொரு பெண்ணின் வயிற்று மார்பகம் எல்லாம் தடவி கொடுக்கிறார்.. அதை கண்டதும் சூரிக்கு அதை செய்வதில் உடன்பாடு இல்லை எனவே திரும்பி செல்வதாக காட்சி முடிக்கப்படுகிறது.

இதிலிருந்து இயக்குனர் வினோத் என்ன சொல்ல வருகிறார்.. அந்த இடத்தில் நீங்கள் இருந்தால் என்ன செய்வீர்கள் என நம்மை கேட்க வைக்கும் காட்சி தான்.. ஆனால் அதை ரசிகர்கள் புரிந்து கொள்வார்களா.? இப்படியாக ஒவ்வொரு காட்சியும் இரண்டு, மூன்று நிமிடங்கள் நீட்டி நீட்டி நீட்டி நம்மை சோதனையின் உச்சிக்கே கொண்டு சென்று விட்டார் இந்த இயக்குனர்.

இந்தப் படத்தின் பிரமோஷனுக்காக நான் நிர்வாணமாக நிற்கக் கூட தயார் என்று மிஷ்கின் சொல்லியிருந்தார்.. அதுபோல இதுபோல சிறந்த இயக்குனர் வினோத்தை இந்த உலகிற்கு அடையாளம் காட்ட வேண்டும் என தயாரிப்பாளர் சிவகார்த்திகேயன் சொல்லியிருந்தார்.

ஒருவேளை உலக சினிமா விவரம் அறிந்தவர்கள் அவர்கள் என் நினைத்து சொன்னார்களா தெரியவில்லை.. உள்ளூர் மக்களுக்கு செல்ல வேண்டாம் என நினைத்தார்களோ என்னவோ.? அவர்களுக்கே வெளிச்சம்…!!!

Kottukaali movie review