தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
ஒன்லைன்…
கல்வியின் அவசியத்தையும் அரசு மற்றும் தனியார் பள்ளிகளின் அரசியலையும் தோலுரிக்கும் ‘வாத்தி’.. 1990 களில் தனியார் பள்ளிகள் அதிகளவில் தொடங்கப்பட்டபோது நடந்த உண்மைச் சம்பவத்தை சொல்ல வந்திருக்கிறார் ‘வாத்தி’.
கதைக்களம்…
மிகப்பெரிய தனியார் பள்ளிகளின் உரிமையாளர் சமுத்திரக்கனி. இவர் தன்னிடம் வேலை பார்க்கும் 50க்கும் மேற்பட்ட ஆசிரியர்களை அரசுப் பள்ளிக்கு ( அரசுடன் ஏற்பட்ட புரிந்துணர்வு ஒப்பந்த அடிப்படையில்) அனுப்பி வைக்கிறார்.
சாதாரண ஆசிரியர்களால் பாடம் நடத்தப்படும் போது.. மாணவர்கள் மதிப்பெண் குறையும்.. எனவே அரசு பள்ளிகளின் தரம் குறையும்.. மாணவர்கள் சேர்க்கை குறையும்.. இதனால் தன் பள்ளிக்கு மாணவர்கள் வருவார்கள்.. பெருமை கிடைக்கும்.. அதிக கட்டணம் வசூலாகும் என பல திட்டங்களை போட்டு அரசியல் நடத்துகிறார் சமுத்திரக்கனி.
ஆனால் ஆசிரியர் பணியை மகத்தானதாக நினைக்கும் தனுஷ் அனைத்து மாணவர்களையும் தேர்ச்சி பெற வைக்கிறார். மேலும் அரசு பணிக்கும் தேர்வு எழுத வைக்கிறார்.
இதன் பிறகு என்ன ஆனது.? தனுஷை என்ன செய்தார் சமுத்திரக்கனி? அவரின் திட்டம் என்ன ஆச்சு? என்பதே படத்தின் கதை.
கேரக்டர்கள்….
இதுவரை ஏற்காத ஆசிரியர் கேரக்டரில் தனுஷ் நடித்துள்ளார்.. ஆனால் பார்ப்பதற்கு மாணவன் போலவே உள்ளார்.
ஓர் ஆசிரியருக்கே உரித்தான நிதானம் கலந்த பேச்சில் நம்மை ரசிக்க வைக்கிறார் தனுஷ். அப்துல் கலாமை குறிப்பிட்டு கல்வி அவசியத்தை சொல்லும் காட்சி கைத்தட்டல் பெறுகிறது.
சாந்தமாக வந்து சபாஷ் பெறுகிறார் சம்யுக்தா.. அழகான ஆசிரியையாக வந்து நம்மை கவர்ந்து விடுகிறார்.
சாய்குமார், தணிகெள பரணி, சமுத்திரக்கனி, தோட்டப்பள்ளி மது, நர்ரா ஸ்ரீனிவாஸ், பாரதிராஜா, ஹைப்பர் ஆதி, ஷாரா, ஆடுகளம் நரேன், பட்ட ராஜேந்திரன், ஹரீஷ் பெர்ரடி, ஆகியோர் நடித்துள்ளனர்.
ஆனால் இவர்களுக்கான கேரக்டரில் முக்கியத்துவம் இல்லை.. அனைத்து கேரக்டர்களும் வீணடிக்கப்பட்டுள்ளது.
டெக்னீஷியன்கள்…
பணத்தைவிட படிப்புக்கு கிடைக்கும் கௌரவம் மரியாதை வேற லெவல் என்பதை உணர்த்தி இருக்கிறார் இயக்குனர் வெங்கி.
ஜிவி பிரகாஷம் இசையில் பின்னணி இசை கதையுடன் பயணிப்பது ரசிக்க வைக்கிறது.. ஆனால் பாடல்கள் பெரிதாக கவரவில்லை..
முக்கியமாக காதலிக்க கைடு தேவையில்லை சொல்லித்தர வா வாத்தி என்ற பாடல் ரசிக்க வைக்கிறது.
கல்வியின் அவசியத்தையும் அரசு மற்றும் தனியார் பள்ளிகளின் மோதலையும் அப்பட்டமாக எடுத்துச் சொல்லி இருக்கிறார் இயக்குனர்..
1998 இல் நடக்கும் கதை.. ஆனால் ஒரு காட்சியில் ஒரு வாகனத்தின் நம்பர் பிளேட் தற்போதையதாக உள்ளது அதை இயக்குனர் கவனித்திருக்கலாம்.
அதே சமயத்தில் கமர்சியலுக்காக சேர்க்கப்பட்ட விஷயங்கள் நாடகத் தன்மை கலந்து உள்ளதால் நம்மால் கதையுடன் ஒன்ற முடியவில்லை.. மகாகவி பாரதியாராக தனுஷ் வரும் காட்சிகள் கவனத்தை ஈர்க்கவில்லை.
மேலும் இளமையான தனுஷ் ஒரு காட்சியில் நரைத்த தாடியுடன் வருவதை யாருமே கவனிக்கவில்லையா.? 1990களில் நீளமாக முடி வளர்ப்பது அப்போதைய ட்ரெண்டாக இருந்தாலும் ஒரு ஆசிரியர் இவ்வளவு முடி வளர்ப்பது சரியா.?
தனியார் பள்ளிகள் எப்படி எல்லாம் அரசியல் செய்து அரசு பள்ளிகளின் தரத்தை குறைக்கின்றன.. மேலும் அரசு பள்ளிகளின் ஆசிரியர்கள் அலட்சியத்தால் மாணவர்கள் எதிர்காலம் எப்படி எல்லாம் பாதிக்கப்படுகிறது என்பதையும் சொல்லி பாடம் நடத்தி இருக்கிறார் ‘வாத்தி..
ஆக வாத்தி.. பவர்ஃபுல் பாடம்..
Vaathi movie review and rating in tamil