கட்டப்பாவ காணோம் விமர்சனம்

மாநகரம் விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நடிகர்கள் : சுந்தீப் கிஷன், ஸ்ரீ, ரெஜினா கெசன்ட்ரா, சார்லி, ராம்தாஸ் (முனிஷ்காந்த்), மதுசூதனன் மற்றும் பலர்.
இயக்கம் : லோகேஷ் கனகராஜ்
இசை : ஜாவேத் ரியாஸ்
ஒளிப்பதிவாளர் : செல்வகுமார் எஸ்.கே.
எடிட்டர்: பிலோமின் ராஜ்
பி.ஆர்.ஓ.: ஜான்சன்
தயாரிப்பு : பொன்டேன்ஷியல் ஸ்டூடியோஸ் எஸ்.ஆர். பிரபு

கதைக்களம்…

சென்னைக்கு ஐடி கம்பெனியில் வேலை தேடி வரும் ஸ்ரீ. கார் டிரைவர் வேலைக்கு வரும் சார்லி. அதே கம்பெனியில் பணிபுரியும் ரெஜினா. மற்றும் இவரின் காதலன் சுந்தீப் இவர்கள் ஒரு பக்கம்.

மற்றொரு பக்கம் தாதா மதுசூதனன், காமெடி ரவுடி முனிஷ்காந்த், நேர்மையற்ற போலீஸ் அதிகாரி.

இதனிடையில் தாதா மதுசூதனின் சிறுவயது மகன் கடத்தப்படுகிறான்.

இவர்கள் அனைவரும் ஆளுக்கு ஒரு பிரச்சினைகளை சந்திக்க, அந்த அனைத்தும் பிரச்சினைகளையும் ஒரே முடிச்சில் கொண்டு வந்து, அதன்பின் ஒவ்வொன்றாய் இயக்குனர் தீர்வு சொல்லும் போது நம்மை படபடக்க வைக்கிறார்.

இந்த ட்விஸ்ட்கள் அனைத்தையும் நாம் எதிர்பார்க்காத வண்ணம் கொடுத்திருப்பது டைரக்டர் டச்.

கதாபாத்திரங்கள்..

ஸ்ரீ மற்றும் சுந்தீப் இருவரும் நாயகர்கள். ஸ்ரீ கிராமத்து இளைஞர். நகரத்து வாழ்க்கை நரகம் என்றாலும் வேறுவழியின்றி வசிக்கிறார். அதை தன் நடிப்பிலும் நன்றாக வெளிப்படுத்தியுள்ளார் ஸ்ரீ.

தன்னை ஏற்காக ஒரு பெண் முகத்தில் ஆசிட் ஊற்றிய ஒருவனுக்கு ஆசிட் மூலமே பழிவாங்கும் சுந்தீப் சூப்பர். எவருக்கும் பயப்படாமல் நேர்மையாக துணிந்து வாழும் இவரைப் போன்றோர் மாநகரங்களுக்கு தேவை.

இந்த சீரியஸ் சப்ஜெக்ட்டில் காமெடி சிக்ஸர் அடித்துள்ளார் ‘முண்டாசுப்பாட்டி’ ராம்தாஸ்.

க்ளைமாக்ஸில் இவர் போலீஸிடம் மாட்டிக் கொண்டு செய்யும் வார்த்தை ஜால சேட்டைகள் செம ரிலாக்ஸ்.

இறுதியாக முனிஷ்காந்த் பணத்தை விட்டு சென்று, நம் மனதில் இடம் பிடிக்கிறார்.

எமன் படத்தில் முத்திரை பதித்த சார்லி இதிலும் அதிகம் ஸ்கோர் செய்கிறார். தன் ஆஸ்துமா நோய் மகனுக்காக ஏங்குவதும், சென்னை ரூட் தெரியாமல் திண்டாடுவதும் ரசிக்க வைக்கிறது.

இவர்களுடன் ஐடி எச்ஆர். (Human Resource) ரெஜினா மற்றும் மதுசூதனன் கேரக்டர்களும் ரசிக்க வைக்கிறது.

வசீகரிக்கும் வசனங்கள்…

“இந்த சென்னை சிட்டிக்கு பொழப்பு தேடி வரவங்க இந்த ஊரை திட்டிக்கிட்டேதான் இருப்பாங்க. ஆனா ஒருத்தனும் இந்த ஊரை விட்ட போக மாட்டானுங்க”,”

நடு ரோட்டுல போட்டு ஒருத்தன அடிச்சா ஏன்னு எவனும் கேட்கிறது இல்ல. நாம சரியா கேட்கிறோமோ? ஆனா நாமளும் குறைதானே சொல்றோம்.

உள்ளிட்ட பல வசனங்கள் சென்னை வாசிகளுக்கு உறுத்தலை ஏற்படுத்தும்.

இயக்கம் பற்றிய அலசல்…

படத்தின் எந்தவொரு காட்சியையும் ரசிகர்கள் மிஸ் செய்யக்கூடாது என்று இயக்குனர் நினைத்திருப்பார் போல.

படத்தின் டைட்டில் கார்டு முதல் இறுதிவரை சீன் நுனியில் உட்கார வைத்துள்ளார்.

இதுபோன்ற டைட்டில் கார்டு டிசைன்ஸ் நம் ரசிகர்களுக்கு புதுமையான அனுபவத்தை தரும். (மிஸ் பண்ணீடாதிங்க.. பீல் பன்னுவீங்க..)

இயக்குனர் லோகேஷ் கனகராஜை சபாஷ் கனகராஜ் என்று தாராளமாக அழைக்கலாம். அவ்வளவு பொருத்தம்.

மாநகரம்… மெகா விருந்து

நிசப்தம் விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நடிகர்கள் : அஜய், அபிநயா, பேபி சாதன்யா, கிஷோர், ராமகிருஷ்ணா, ருது, ஹம்சா, பழனி மற்றும் பலர்.
இயக்கம் : மைக்கேல் அருண்
இசை : ஷான் ஜாஸீல்
ஒளிப்பதிவாளர் : எஸ்.ஜே. ஸ்டார்
பி.ஆர்.ஓ.: யுவராஜ்
தயாரிப்பாளர் : ஏஞ்சலீன் டாவின்சி

கதைக்களம்…

8 வயது சிறுமி பாலியல் பலாத்காரம்…

ஓரிரு வருடங்களுக்கு முன்பு பெங்களூரில் நடந்த ஓர் உண்மை சம்பவத்தை படமாக்க கொடுத்திருக்கிறார் டைரக்டர் மைக்கேல் அருண். அதனால் படத்தின் பேக்ட்ராப் பெங்களூர் காட்சிகள்தான்.

தற்போது தமிழ்நாட்டில் நிறையவே நடக்கிறது.

கார் சர்வீஸ் சென்டரில் மெக்கானிக்காக வேலை செய்கிறார் ஆதி (அஜய்).

இவரது காதல் மனைவி ஆதிரா (அபிநயா). இவர் வீட்டின் வாசலியே பள்ளிக் குழந்தைகளுக்கு தேவையான ஸ்டேசனரி ஷாப் வைத்திருக்கிறார்.

இவர்களின் 8 வயது மகள்தான் பூமிகா (பேபி சாதன்யா).

சிட்டி லைப்பில் காலில் சக்கரம் கட்டி பறக்கும் மெக்கானிக் பெற்றோர்களுக்கு பிள்ளை கவனிக்க நேரமில்லை.

அதுமட்டுமில்லாமல் ஆதிக்கு பொண்டாட்டி பிள்ளையை விட டிவி, கிரிக்கெட் இதற்கே நேரம் சரியாக இருக்கிறது.

ஒரு மழை நாளில் பள்ளிக்கு தனியாக நடந்து செல்லும் பூமிகா, உதவி ஒரு குடிகாரன் ஒருவனுக்கு உதவுகிறார்.

ஆனால் அந்த காமகொடூரன் இவளை சீரழிக்கிறான். அந்த சிறுமியின் சிறு குடல் பெருங்குடல் பாதிக்கப்பட்ட நிலையில் அவள் மீதமுள்ள வாழ்க்கை எப்படி கழிக்கிறாள்.

இந்த சமூகத்தையும் ஆண்களையும் அவள் எப்படி எதிர்கொள்கிறாள் என்பதே நிசப்தம்.

கதாபாத்திரங்கள்..

அஜய் அபிநயா.. சிட்டி லைப் பேரண்ட்ஸ். மகள் மீது பாசம் இருந்தாலும் பிஸி லைப்பில் அவளை கவனிக்க முடியாதவர்களாக இருக்கிறார்கள்.

அபிநயா ஒவ்வொரு ப்ரேமையும் தன் உணர்வுபூர்வமான நடிப்பால் மிளிர வைக்கிறார்.

இதுநாள் வரை சின்ன சின்ன வேடங்களில் நடித்த அபிநயா, இதில் முழு நாயகியாகி அதிர வைத்துள்ளார்.

தன் மகள் தன்னை பார்க்க மறுக்கும்போதும் கூனிக்குறி நம்மையும் அழ வைக்கிறார் அஜய்.

பேபி சாதன்யா அருமையான நடிப்பை வெளிப்படுத்தியுள்ளார். இந்த வருடத்தின் சிறந்த குழந்தை நட்சத்திர விருது கிடைக்க வாழ்த்துக்கள்.

இவருக்கு தெரபிஸ்ட் ருது ட்ரெயினிங் கொடுக்கும்போது சிறுமி கேட்கும் கேள்விகள் நம்மையும் பாதிக்கும்.

தான் பாதிக்கப்பட்ட உடன் பெற்றோருக்கு போன் செய்யாமல், போலீஸ்க்கு போன் செய்கிறார். நீங்க பிஸியாக இருப்பீங்க. அதான் போலீசுக்கு போன் செய்தேன் சொல்லும்போது… நிச்சயம் உங்கள் மனதில் வலி உண்டாகும்.

நான் ஏன் பொறந்தேன் என்று கேட்கும்போதும். அவன் கெட்டவன் என்று சொல்லும்போதும் சிலிரிக்க வைக்கிறார்.

கிஷோர், ஆதி நண்பர் பழனி, ஆதிரா தோழி ஹம்சா, தெரபிஸ்ட் ருது, பொம்மை விற்பன், பெண் போலீஸ் என அனைவரும் சிறுமிக்காக ஏங்குவது கவர வைக்கிறது.

தொழில்நுட்ப கலைஞர்கள்…

பாடல்களை விட பாடல் வரிகள் நிச்சயம் பேசப்படும். அந்த வரிகளுக்கு சொந்தக்காரர் நா. முத்துக்குமார்.

ஷான் ஜாஸீல் பின்னணி இசை பெரிய பலம். உணர்வுபூர்வமான படத்திற்கு இசையால் உயிரூட்டியிருக்கிறார்.

அனைத்து காட்சிகளையும் ரசிக்க வைக்கிறார் ஒளிப்பதிவாளர்.

இயக்குனர் பற்றிய அலசல்

மது விற்கும் அரசாங்கத்திற்கு கோர்ட் காட்சிகளில் சாட்டையடி கொடுக்கிறார் டைரக்டர்.

குடியை காரணம் காட்டி குற்றவாளி தப்பிக்க நினைப்பதும், அவனுக்கும் வாதாட வக்கீல்கள் இருப்பதும் சட்டத்தின் ஓட்டைகளை வெளிச்சம் போட்டு காட்டுகிறது.

ஓட்டை இல்லாத சட்டம் இருந்தால் நல்லது என்று நாமே நினைக்க தோன்றும்.

இதுபோன்ற செய்திகளையும் அந்த குடும்பத்தை காட்டி டிஆர்பி ரேட்டிங்கை எகிற செய்யும் மீடியாவுக்கும் கொட்டு வைக்கிறார் டைரக்டர்.

பாதிக்கப்பட்ட குடும்பத்தின் வலி தெரியுமா? என்று கேட்கும்போது பதில் இல்லை நம்மிடம்.

தன் முதல் படத்தையே ஒரு அழகான ஒரு விழிப்புணர்வு மெசேஜ் உடன் கொடுத்திருக்கிறார் டைரக்டர். ஹாட்ஸ் ஆஃப் மைக்கேல் அருண்.

பணிச்சுமை இருந்தாலும் குழந்தைகள் மீது பார்வை இருக்க வேண்டியதன் அவசியத்தை உணர்த்தியுள்ள படம்.

நிசப்தம்… பிஸியானவர்களே நீங்க நிச்சயம் பாக்கனும்

மொட்ட சிவா கெட்ட சிவா விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நடிகர்கள் : ராகவா லாரன்ஸ், நிக்கி கல்ராணி, சத்யராஜ், அசுதோஷ் ராணா, வம்சி கிருஷ்ணா, ஜெயபிரகாஷ் மற்றும் பலர்.
இயக்கம் : சாய் ரமணி
இசை : அம்ரீஷ் கணேஷ்
ஒளிப்பதிவாளர் : சர்வேஷ் முரளி
எடிட்டிங்: கே.எல். பிரவீன்
பி.ஆர்.ஓ.: மௌனம் ரவி
தயாரிப்பாளர் : சூப்பர் குட் பிலிம்ஸ்

கதைக்களம்…

போலீஸ் துறையில் மட்டும்தான் சங்கம் இல்லை. அதில் பிரிவினை வரக்கூடாது என்பதால்தான் இந்த விதிமுறை.

ஆனாலும் சில அதிகாரிகளுக்குள் இருக்கும் ஈகோ பிரச்சினையாலும் அவர்கள் ரவுடியிசத்துக்கு துணை போவதாலும் சட்டம் ஒழுங்கு பிரச்சினை ஏற்படும்.

அதுபோலதான் இங்கே நேர்மையான சத்யராஜ் மற்றும் நேர்மையற்ற லாரன்ஸ் இருவருக்கும் இடையே நடைபெறும் பனிப்போர் தான் இந்த மொட்ட சிவா கெட்ட சிவா.

கதாபாத்திரங்கள்…

டைட்டில் கார்டில் ‘மக்கள் சூப்பர் ஸ்டார்’ லாரன்ஸ் என்றுதான் அறிமுகமாகிறார். (உங்க தலைவர் ரஜினிக்கு தெரியுமா…?)

ஆனால் படத்தின் விளம்பரங்களில் இந்த வாசகம் இல்லையே சார்? என்னமோ திட்டமிருக்கு..?

தனது வழக்கமான பார்முலாவில் ரவுண்ட் கட்டி அடிக்கிறார் லாரன்ஸ்.

தெலுங்கு பட்டாஸ் படத்தின் ரீமேக் என்பதால் வில்லன் ஆட்களை அடித்து பட்டைய கிளப்புகிறார். வில்லனிடம் செய்யும் சேட்டைகளை ரசிக்கலாம்.

லாரன்சுக்கு இணையாக நிக்கி கல்ராணி ஆட்டம் போடுகிறார். ஆனால் பெரும்பாலும் பாடலுக்கு மட்டுமே வருகிறார். இவருடன் குத்து பாட்டுக்கு லட்சுமி ராயும் வந்து கிறங்கடிக்கிறார்.

சத்யராஜ் தன் வேலையை வெகு சிறப்பாக செய்துள்ளார்.

தொழில்நுட்ப கலைஞர்கள்…

அம்ரீஷ் இசையில் பாடல்கள் செம குத்து ரகம். மாஸ் மாஸ் பாடல் தாளம் போட வைக்கும்.

ஒளிப்பதிவு பயங்கர கலர்புல். தெலுங்கில் நேரடியாக ரிலீஸ் செய்துவிடலாம்.

படத்தின் ப்ளஸ் அண்ட் மைனஸ்…

பாடல்கள் அனைத்தும் தாளம் போட வைக்கிறது. ஆனால் அனைத்தும் செட் போடப்பட்டுள்ளது.  கொஞ்சம் லொக்கேஷன் சேஞ்ச் செய்திருக்கலாம். ஒரு மெலோடி கொடுத்திருக்கலாம்.

போலீஸ் ஸ்டேஷன் முன்பு அவர்களே அராஜகம் செய்கின்றனர்.  ஊருக்கே கேமரா வைக்க சொல்லும் போலீஸ் அங்கே கேமரா வைக்கவில்லையா? அதுபற்றி வில்லனுக்கு சொல்ல தெரியாதா?

சதீஷ், கோவை சரளா சாம்ஸ் இருந்தும் காமெடி சொல்லும்படியாக இல்லை என்பது வருத்தமே.

ஆக்ஷன் பிரியர்கள் மட்டும் ரசிக்கும்படி மேஜிக் செய்திருக்கிறார் டைரக்டர் சாய்ரமணி.

பன்ச் டயலாக்ஸ்களுக்கும் பறந்து பறந்து அடிக்கும் பைட்டுக்கும் பஞ்சமில்லை.

மொட்ட சிவா கெட்ட சிவா… பைட்டு பாட்டு வெய்ட்டு சிவா…

முப்பரிமாணம் விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நடிகர்கள் : சாந்தனு, ஸ்ருஷ்டி டாங்கே, ஸ்கந்தா அசோக், ரவி பிரகாஷ், தம்பி ராமையா, அப்புகுட்டி, சுவாமிநாதன், கல்யாணி, ரேகா சுரேஷ் மற்றும் பலர்.
இயக்கம் : அதிரூபன்
இசை : ஜிவி பிரகாஷ்
ஒளிப்பதிவாளர் : ராசாமதி
எடிட்டிங்: விவேக் ஹர்சன்
பி.ஆர்.ஓ.: நிகில் முருகன்
தயாரிப்பாளர் : ஸ்மலயா கிரியேசன்ஸ்

கதைக்களம்…

உண்மையான காதலாக இருந்தாலும் கல்யாணம் என்று வரும்போது வசதியான வாழ்க்கை வேண்டும் என்று நினைக்கும் ஒரு சிலரின் உணர்வு பூர்வமான பதிவு.

சிறுவயது முதலே காதலிக்கும் கதிர் மற்றும் அனு வாழ்வில் மற்றொரு நாயகன் வர, அவர்கள் மூவரும் சந்திக்கும் விளைவுகளே இந்த முப்பரிமாணம்.

கதாபாத்திரங்கள்…

சாந்தனு…. இவரை இனி சபாஷ் சாந்தனு என்றே அழைக்கலாம். உருகி உருகி காதலிப்பது ஒரு சாந்தனு என்றால், அடுத்து ஆக்ஷனில் மற்றொரு அவதாரம் எடுத்து இருக்கிறார்.

தன்னுடைய முழு உழைப்பையும் கொடுத்து நடித்திருக்கிறார். நிச்சயம் பாராட்டலாம்.

ஸ்ருஷ்டிக்கு இதில் நிறைய பாராட்டுக்களை கொடுக்கலாம். பெண்கள் திடீரென மனம் மாறுவது, காதலனிடம் பொய் சொல்லி சமாளிப்பது, வசதியான வாழ்க்கை வேண்டும் என நினைப்பது என அனைத்திலும் ஜொலிக்கிறார்.

நடிகர் சந்தோஷ் ஆக வருபவரும் நல்ல நடிப்பை கொடுத்துள்ளார்.

தம்பி ராமையாவுக்கு காட்சிகள் இல்லை. அப்புக்குட்டி நடிப்பை பாராட்டலாம்.

கல்யாணி மற்றும் ரேகா சுரேஷ் இருவரும் சினிமா அம்மாக்களாக தொடர்ந்து வர வாய்ப்புள்ளது.

தொழில்நுட்ப கலைஞர்கள்…

ராசாமதியின் ஒளிப்பதிவில் காட்சிகள் அருமை. கிராமத்து அழகையும் காதலின் அழகையும் ரசிக்க வைக்கிறார்.

படம் பேசப்படும் அளவுக்கு நிச்சயம் ஜிவி. பிரகாஷின் இசையும் பேசப்படும். க்ளைமாக்ஸில் வரும் பாட்டு நிச்சயம் இளையராஜா ரசிகர்களை கவரும்.

அதிரூபனுக்கு இதல் முதல் படம் என்றால் யாரும் நம்ப மாட்டார்கள். பாலாவின் சிஷ்யர் பட்டை தீட்டி வந்திருக்கிறார்.

காதல் என்றால் கல்யாணம் வரை இருக்கவேண்டும் என்று நினைக்கும் ஆண்களும், காதல் வேறு கல்யாணம் வேறு என நினைக்கும் பெண்களும் நிச்சயம் பார்க்க வேண்டிய படம் முப்பரிமாணம்.

க்ளைமாக்ஸ் நிச்சயம் ரசிகர்களின் கற்பனைக்கு அப்பாற்பட்டதாக இருக்கும்.

முப்பரிமாணம்… பொய்யான காதலுக்கு முற்றுப்புள்ளி

குற்றம் 23 விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நடிகர்கள் : அருண்விஜய், மகிமா நம்பியார், அபிநயா, வம்சி கிருஷ்ணா, விஜயகுமார், தம்பி ராமையா, அரவிந்த் ஆகாஷ் மற்றும் பலர்.
இயக்கம் : அறிவழகன்
இசை : விஷால் சந்திரசேகர்
ஒளிப்பதிவாளர் : பாஸ்கரன்
எடிட்டிங்: புவன் ஸ்ரீனிவாஸ்
பி.ஆர்.ஓ.: சுரேஷ் சந்திரா
தயாரிப்பாளர் : இந்தர்குமார்

கதைக்களம்…

நவீன மருத்துவ வளர்ச்சி காரணமாக செயற்கையாக கருத்தரித்தல் முறை தற்போது நடைமுறையில் உள்ளது.

கணவரின் விந்தனு இல்லாமலும் மற்றவருடன் உடலுறவு கொள்ளாமலும் (அவரின் விந்தனு) கருத்தரித்தல் முறையே இந்த செயற்கை கருத்தரித்தல்.

அதாவது ஆணின் 23 க்ரோமோசோம்கள் பெண்ணின் 23 க்ரோமோசோம்களுடன் சேர்ந்து கருத்தரித்தல்.

இதனை வைத்து ஏற்படும் மருத்துவ முறைகேடுகளும் அதை வியாபாரமாக்கும் வில்லனின் (ப்ளாக் மெயில்) முயற்சியே இந்த குற்றம் 23.

அதனை போலீஸ் வெற்றிமாறன் கேரக்டரான அருண்விஜய் எப்படி கண்டுபிடித்து வெல்கிறார் என்பதே இதன் கதை.

கதாபாத்திரங்கள்..

படம் முழுவதையும் அழகான நடிப்பால் தாங்கிநிற்கிறார் அருண்விஜய்.

போலீஸ் உடையில் கம்பீரம் என்றால் காதலை சொல்லும்போது கூட கண்ணியம்.

ஒரு யதார்த்தமான குடும்பத்தில் கேரக்டராக ஒன்றிவிட்டார் அருண்விஜய்.

குழந்தை இல்லாத அண்ணி மீது காட்டும் பாசம் ஆகட்டும், பிரச்சினையில் இருந்து நாயகியை காப்பாற்றும் காட்சிகள் ஆகட்டும் பாராட்டியே கொண்டே இருக்கலாம்.

நடனத்தில் மிரட்டும் அருண்விஜய்க்கு இப்படத்தில் ஒரு டான்ஸ் பாட்டு இல்லையே என்பதுதான் வருத்தம். மற்றபடி வெற்றிமாறன் கேரக்டருக்கு எது தேவையோ அதில் சிறிதும் குறைவைக்கவில்லை.

போல்டான கேரக்டரில் மகிமா மெகா நாயகியாக தெரிகிறார். இவருடன் அண்ணி அபிநயாவும் வெளுத்து வாங்கியிருக்கிறார்.

இருவரும் போட்டிக் போட்டு கொண்டு நடித்து, மனதில் நிற்கின்றனர்.

இவர்களுடன் டாக்டர் கல்யாணி, வில்லன்கள் அரவிந்த் ஆகாஷ், வம்சி கிருஷ்ணா, ஸ்டண்ட் சில்வா என அனைவரது பாத்திரங்களையும் நம் மனதில் பதிய வைக்கிறார் டைரக்டர்.

சீரியஸ் படத்தில் காமெடி தேவையில்லை என்றாலும் தம்பி ராமையா தன் பங்கை மிகச்சரியாக செய்திருக்கிறார். தம்பிராமையாவுக்கு தாங்க்ஸ்.

தொழில்நுட்ப கலைஞர்கள்…

படத்தின் பாடல்கள் விட பின்னணி இசையே பெரிதும் பேசப்படும். இசையமைப்பாளர் விஷால் சந்திரசேகர் ஒருபடி மேலே சென்றுள்ளார்.

கிச்சன் பைட் மற்றும் அந்த க்ளைமாக்ஸ் பைட் ஆக்ஷன் ரசிகர்கள் மட்டுமில்லை. அனைவருக்கும் பிடிக்கும்.

எடிட்டர் தன் பணியை நிறைவாக செய்துள்ளார்.

பாஸ்கரன் ஒளிப்பதிவில் படத்தின் எல்லா காட்சிகளும் அருமை. அவரின் கேரியரில் இப்படம் நிச்சயம் இடம் பிடிக்கும்.

இயக்குனர் பற்றிய அலசல்….

ஈரம் படத்தில் முத்திரை பதித்தவர் டைரக்டர் அறிவழகன். அந்த ஈரமே இன்னும் பலருக்கு காய்ந்திருக்காது.

அதற்குள் மற்றொரு மெடிக்கல் த்ரில்லரை பேமிலியுடன் பார்க்கும் வகையில் கொடுத்திருக்கிறார்.

வெறும் போலீஸ் கண்டுபிடிப்பு என்றில்லாமல் க்ளைமாக்ஸில் காண்பிக்கப்படும் அந்த தாய்மை வாசகம் நிச்சயம் நம் இதயத்தை கனமாக்கும்.

குழந்தைக்கு ஏங்கும் பெற்றோர்களை விட பெற்றோருக்கு ஏங்கும் குழந்தைகளே இங்கே அதிகம். அதையும் மனதில் பதிய வைத்து வெற்றி காண்கிறார் அறிவழகன்.

குற்றம் 23… இப்படம் பார்க்காவிட்டால் குற்றமே…