வைரலாகும் ‘வலிமை’ ஸ்டில்ஸ்..; அஜித் படத்தை வாங்கிய ‘பிக்பாஸ்’ முகேன் படத்தயாரிப்பாளர்

ஹாலிவுட் படங்களை எவ்ளோ நாள் உதாரணம் காட்டுவது.? ஆர்ஆர்ஆர் விழாவில் அஜித் பற்றி பேசிய சிவகார்த்திகேயன்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ராஜமௌலி இயக்கத்தில் ஜூனியர் என்டிஆர், ராம் சரண், அஜய் தேவ்கன், ஆலியா பட் உள்ளிட்டோர் நடிப்பில் உருவான படம் ‛ஆர்ஆர்ஆர்’.

இப்படம் 2022 ஜனவரி 7ல் உலகம் முழுவதும் வெளியாகவுள்ள நிலையில் நேற்று படக்குழுவினர் சென்னை வந்தனர்.

இதில் சிறப்பு விருந்தினராக நடிகர் சிவகார்த்திகேயன் பங்கேற்றார்.

விழாவில் அவர் பேசியதாவது :

‛நிறைய ரத்தம் சிந்தி இந்தியாவுக்கு சுதந்திரம் வாங்கி உள்ளோம். அதை படத்திலும் கொண்டு வந்துள்ளனர்.

இந்த மொத்த படக்குழுவும் ஒட்டு மொத்த இந்தியாவாக படத்தை கொண்டு வந்துள்ளனர்.

ஆகவே வடக்கு, தெற்கு என படத்தை பிரிக்காமல் ஒட்டு மொத்த இந்திய படமாக பார்க்கணும்.

எவ்வளவு நாள் தான் ஹாலிவுட் படங்களை உதாரணம் காட்டி நாம் பேசுவது, நம்ம படத்தை பார்த்தீங்களா என நாம் கேட்க வேண்டாமா. ?

இந்த பட அறிவிப்பு வெளியானதில் இருந்து இந்திய சினிமாவின் பெருமை என்று தான் பார்க்கிறேன். நான் ஆர்ஆர்ஆர் படத்தை முதல் நாள் முதல் ஷோ பார்த்துவிடுவேன்.

ஆர்ஆர்ஆர் படம் மட்டுமின்றி அஜித்குமாரின் வலிமை படமும் வெளியாகிறது. அதனால் இந்த ஆண்டு ஒரு சிறப்பான ஆண்டாக அமையும்.” என்றார் சிவகார்த்திகேயன்.

Sivakarthikeyan talks about Ajith at RRR movie pre release event

சூர்யா-பிரியங்கா ஜோடியை பார்த்தாலே ‘உள்ளம் உருகுதய்யா…’

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

பாண்டிராஜ் இயக்கத்தில் சூர்யா, பிரியங்கா மோகன், சத்யராஜ், சூரி உள்ளிட்டோர் நடித்துள்ள படம் ‘எதற்கும் துணிந்தவன்’.

சன் பிக்சர்ஸ் தயாரித்து வரும் இந்த படத்திற்கு இமான் இசையமைத்திருக்கிறார். ரத்னவேலு ஒளிப்பதிவு செய்துள்ளார்.

2022 பிப்ரவரி 4ஆம் தேதி இப்படம் இந்திய மொழிகளில் திரைக்கு வரவுள்ளது.

தற்போது ‘எதற்கும் துணிந்தவன்’ பட இறுதிக்கட்ட பணிகள் நடைபெற்று வருகின்றன.

சில தினங்களுக்கு முன் இப்பட முதல் பாடலான ‘வாடா தம்பி…’ என்ற பாடல் வெளியாகி ரசிகர்கள் கவர்ந்தது.

இந்த நிலையில் அடுத்த பாடலான ‘உள்ளம் உருகுதே… உன்ன உன்ன உத்து பாக்கையிலே…’ நேற்று மாலை வெளியானது.

யுகபாரதி எழுதியுள்ள இந்த பாடலை பிரதீப் குமார், வந்தனா சீனிவாசன் மற்றும் பிருந்தா மாணிக்கவாசகன் ஆகியோர் பாடியுள்ளனர்.

இந்த பாடல் தொடர்பான போஸ்டர்களில் சூர்யா மற்றும் பிரியங்காவின் தோற்றங்களை பார்த்தால் நிச்சயம் நம் ‘உள்ளம் உருகுதய்யா..’ என்பார்கள்..

வரலாற்று கால உடைகள் பின்னணியில் இந்த போஸ்டர்கள் இடம்பெற்றுள்ளன.

தற்போது இந்த பாடல் இணையங்களில் வைரலாகி வருகிறது.

Suriya – Priyanka’s Ullam urugudhaiya song goes viral

GOOD BOY RAMCHARAN… BAD BOY Jr. NTR..; சென்னையில் RRR அரங்கை அதிரவைத்த தெலுங்கு ரசிகர்கள்..

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

பாகுபலி படத்திற்கு பிறகு இயக்குனர் ராஜமௌவுலி இயக்கும் படங்கள் என்றாலே இந்தியளவில் மிகப்பெரிய எதிர்பார்ப்பு எழுந்துள்ளது.

தற்போது ராஜமௌலி இயக்கத்தில் உருவாகியுள்ள ‘ஆர்ஆர்ஆர்’ படத்திற்கும் மிகப்பெரிய எதிர்ப்பார்ப்பு உருவாகியுள்ளது.

மேலும் இந்தியா முழுவதும் இந்த படக்குழுவினர் புரோமோசன் பணிகளில் ஈடுபடுவதால் இதன் எதிர்பார்ப்பு தினம் தினம் அதிகரித்து வருகிறது.

‘ஆர்ஆர்ஆர்’ படத்தில் ஜுனியர் என்டிஆர், ராம் சரண், ஆலியா பட், ஸ்ரேயா உள்ளிட்ட பலர் நடித்துள்ளனர். மரகதமணி இசையமைத்துள்ளார். மதன்கார்க்கி தமிழில் வசனங்களை எழுதியுள்ளார்.

இந்த படத்தை உலகம் முழுவதும் 2022 ஜனவரி 7ஆம் தேதி வெளியிடவுள்ளனர்.

இந்த நிலையில் ‘ஆர்ஆர்ஆர்’ பட ப்ரீ ரிலீஸ் நிகழ்ச்சி சென்னை நந்தம்பாக்கத்தில் CHENNAI TRADE CENTRE நடைபெற்றது.

விழாவில் சிறப்பு விருந்தினர்களாக சிவகார்த்திகேயன், உதயநிதி, தயாரிப்பாளர்கள் தானு, ஆர்பி சௌத்ரி உள்ளிட்டோர் கலந்துக் கொண்டனர்.

இந்த விழாவுக்கு திருப்பதி. சித்தூர், நெல்லூர் உள்ளிட்ட மாவட்டங்களில் இருந்து ஆயிரக்கணக்கான ரசிகர்கள் வந்திருந்தனர்.

அவர்கள் தங்கள் கைகளில் ஜுனியர் என்டிஆர், ராம் சரண், பேனர்களை வைத்திருந்தனர். ஜெய் என்டிஆர்.. ஜெய் ராம் சரண் என கூச்சல் போட்டப்படியே இருந்தனர்.

எனவே இந்த நிகழ்ச்சி சென்னையிலும் நடந்தாலும் ஆந்திரா தெலுங்கானாவிலும் இருக்கிறோமோ என்ற உணர்வே நமக்கு ஏற்பட்டது.

விழா மேடையில் தொகுப்பாளர்கள் மணிக்கணக்கில் பேசிக் கொண்டே இருந்தாலும் ரசிகர்களின் கூச்சல் விண்ணை முட்டியது.

ராம் சரண் மற்றும் என்டிஆர் இருவருமே தமிழ், தெலுங்கு என இரண்டு மொழிகளில் பேசி ரசிகர்களை உற்சாகப்படுத்தினர்.

இந்த நிலையில் ராஜமௌலியிடம் தொகுப்பாளர்கள் யார் நல்ல பையன்..? யார் கெட்ட பையன்? என இரண்டு ஹீரோக்கள் பற்றி கேட்டனர்.

அதற்கு ராம் சரண் நல்ல பையன்… சொல் பேச்சு கேட்பவர்.. ஜீனியர் என்டிஆர் கெட்ட பையன் கோவப்படுவார். சொல்பேச்சு கேட்கமாட்டார் என ராஜமௌலி சிரித்தப்படியே தெரிவித்தார்.

RRR movie pre release event high lights

பிற மொழியிலும் பின்னணி குரல்.; அடம் கொஞ்சம் தூக்கலாய் அஞ்சு விருதுகளை அள்ளிய ருத்ரா

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

டிசம்பர் 31ம் தேதி ரிலீஸ் ஆக இருக்கும் புதுமுகம் ருத்ரா கதையின் நாயகராக நடித்துள்ள ”சக்கரை தூக்கலாய் ஒரு புன்னகை’ படம் ரிலீஸுக்கு முன்பே, திரைப்பட விழாக்களில் கலந்து கொண்டு 10 விருதுகளை இப்படம் வெளியாவதற்கு முன்பே, அள்ளியிருக்கிறது.

அதில், ‘கோவா இன்டர்நேஷனல் பிலிம் காம்படீஷன் ‘, ‘செவன் கலர்ஸ் இன்டர்நேஷனல் ஃபிலிம் பெஸ்டிவல்’, ‘சில்வர் ஸ்கிரீன் இன்டர்நேஷனல் ஃபிலிம் பெஸ்டிவல்’, இண்டியன் மீராக்கி அவார்டு 2021, ஆர்ஐஎஃப்எஃப். .. உள்ளிட்ட 5 சிறந்த நடிகர் விருதுகள்., அறிமுக நாயகர் ருத்ராவிற்கு, கிடைத்திருக்கிறது… என்பது சிறப்பு !

தமிழ் படங்களை பார்த்து வளர்ந்த கேரளா-திருவனந்தபுரத்துக்காரர் நாயகர் ருத்ரா, என்றாலும், தமிழில் ‘நானே இப்படத்திற்கு பின்னணி குரல் கொடுப்பேன்…’ என பிடிவாதமாக இருந்ததின் விளைவே இந்த விருதுகள் !

‘தாய் மொழி அல்லாத பிற மொழியில் பின்னணி குரல் கொடுத்து அதன் மூலம் சிறந்த நடிகர் எனும் விருதுகளை வாங்குவதென்பது எவ்வளவு கடினம் !’ என்பது எல்லோருக்கும் தெரியும் தானே. ?!

‘நபீஹா மூவீஸ் புரொடக்ஷன்’ என்ற பட நிறுவனம் சார்பில் நுபாயஸ் ரகுமான் தயாரித்துள்ள இப்படத்திற்கு கவித்துவமாக ” சக்கரை தூக்கலாய் ஒரு புன்னகை ” என்று பெயர் வைத்து., கதாநாயகனாக ருத்ரா நடித்துள்ளார்.

கதாநாயகியாக சுபிக்ஷா மற்றும் சுபலக்ஷ்மி, ‘ராட்சசன்’ வினோத் சாகர், கணபதி, பீட்டர் ஹார்ட்லி, மகேஷ் பத்மநாபன், சுனந்தா ஆகியோர் நடித்துள்ளனர்.

ஒளிப்பதிவு – பிஜு விஸ்வநாத், இசை – ராஜேஷ் அப்புகுட்டன் & ருத்ரா, பாடல்கள் – ‘கட்டளை’ ஜெயா, எடிட்டிங். – சுதாகர்

கலை இயக்கம் – மகேஷ் ஸ்ரீதர், நடனம் – ராபர்ட், ரேகா, ஸ்டண்ட் – விஜய்,

வசனம் மற்றும் இணை இயக்கம் – L.கணபதி,

தயாரிப்பு – நுபாயஸ் ரகுமான் கதை, திரைக்கதை, இயக்கம் – மகேஷ் பத்மநாபன் உள்ளிட்டோரின் உழைப்பில் சிறப்பாக உருவாகியுள்ள ருத்ரா வின் ‘சக்கரை தூக்கலாய் ஒரு புன்னகை’ படத்தை THREE FACE Creations வெளியீடு செய்கிறது.

Debutant actor Rudhra bagged 5 awards at international film festival

மினி ஹிட் கொடுத்தவங்க உங்களுக்கு தெரியுறாங்க..; மிரட்டல் ஹிட் கொடுத்தவர தெரியலையா ரஜினி.?

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

சூப்பர் ஸ்டார் ரஜினி நடித்த அண்ணாத்த திரைப்படம் தீபாவளியை முன்னிட்டு கடந்த நவம்பர் மாதம் 4ஆம் தேதி ரிலீசானது.

இப்படத்தின் வெற்றியாலும் கொரோனா காலத்தில் தன்னை படப்பிடிப்பில் நன்றாக கவனித்துக் கொண்டமையாலும் இயக்குனர் சிவாவுக்கு அவரது வீட்டிற்கே சென்று தங்க செயின் கொடுத்து பாராட்டினார் ரஜினிகாந்த்.

இதனைடுத்து கடந்த டிசம்பர் 23ஆம் தேதி ‘அண்ணாத்த’ பட 50-வது நாள் வெற்றி விழாவையொட்டி அப்படத்தின் தொழில்நுட்பக் கலைஞர்களை தனக்கு சொந்தமான சென்னை ராகவேந்திரா திருமண மண்டபத்துக்கு அழைத்து பாராட்டி வாழ்த்தியிருந்தார் ரஜினி.

இயக்குநர் சிவா, இசையமைப்பாளர் இமான், ஒளிப்பதிவாளர் வெற்றி, படத்தொகுப்பாளர் ரூபன் உள்ளிட்ட 50 பேருக்கு தங்க செயின் கொடுத்து பாராட்டினாராம் ரஜினி.

அப்போது ரஜினி பேசும்போது…

‘அண்ணாத்த’ படம் ஓடிடி நெட்ஃபிளிக்ஸ்’-ல் ரிலீசான பிறகும் சில தியேட்டர்களில் 50 நாட்களாக ஓடிக் கொண்டிருக்கிறது. பல தியேட்டர் உரிமையாளர்கள் தங்களுக்கு நல்ல லாபம் கிடைத்துள்ளதாக தெரிவித்து வருகின்றனர்.

நெட்ஃபிளிக்ஸ் தளத்தில் ஹிந்தியில் மிகப் பெரிய வெற்றியை அண்ணாத்த பெற்றுள்ளது மகிழ்ச்சியாக உள்ளதாக படக்குழுவினரிடம் ரஜினி பேசினாராம்..

இந்த நிலையில் ரஜினியின் அடுத்த படத்தை இயக்கப் போவது யார்? என்ற கேள்வி கோலிவுட்டில் பரவலாக பேசப்படுகிறது.

தமிழில் ஹிட் படங்களை கொடுத்த பல இயக்குனர்களிடம் கதை கேட்டு இருக்கிறாராம் ரஜினி.

தற்போது இயக்குனர்கள் வரிசையில்.. தேசிங்கு பெரியசாமி, பாண்டிராஜ், வெங்கட் பிரபு, கேஎஸ் ரவிக்குமார் உள்ளிட்டவர்கள் உள்ளனர்.

இவர்களுடன் பிரபல ஹிந்தி இயக்குனர் (தமிழரான) பால்கியும் இணைந்திருக்கிறார். இந்த படத்திற்கு இளையராஜா இசையமைக்கவுள்ளதாகவும் கூறப்படுகிறது.

இந்த இயக்குனர்களை அழைத்து ரஜினியே கதை கேட்டு வருகிறார். இவர்கள் எல்லாம் சின்ன ஹிட் படங்களை கொடுத்தவர்கள்.

ஆனால் இந்திய சினிமாவையே தன் சூப்பர் ஹிட் படங்களால் மிரள வைத்தவர் இயக்குனர் ராஜமௌலி. அவர் கொடுக்காத ஹிட் படங்களே இல்லை எனலாம்.

அவரும் ரஜினியை இயக்க காத்திருப்பதாக பல பேட்டிகளில் சொல்லியிருக்கிறார்.

சமீபத்தில் வடஇந்தியாவில் நடைபெற்ற ஆர்ஆர்ஆர் பட புரோமோசன் நிகழ்ச்சியில் கூட ரஜினியின் சிகரெட் ஸ்டைல் பற்றி சல்மான்கானிடம் பேசினார் ராஜமௌலி. அந்த வீடியோவும் இணையங்களில் வைரலாகி வருகிறது.

இப்படியாக தொடர்ந்து ரஜினி பற்றி பேசிக் கொண்டு இருக்கும் ஒரு பிரம்மாண்ட இயக்குனரிடம் ரஜினி கதை கேட்கலாமே…

ஆர்ஆர்ஆர் படத்திற்கு பிறகு மகேஷ் பாபுவை இயக்கவுள்ளார் ராஜமௌலி. ஒருவேளை ரஜினி கால்ஷீட் கிடைத்தால் ரஜினிக்காக வரமாட்டாரா ராஜமௌலி..? அல்லது மகேஷ்பாபு தான் ரஜினி படத்தை இயக்கிவிட்டு வாருங்கள் என சொல்லமாட்டாரா..?

ரஜினிகாந்த் – ராஜமௌலி இணைந்தால் அந்த படத்தின் மேக்கிங் எப்படி இருக்கும்..? வியாபாரம் எப்படி இருக்கும்? என யோசித்து பாருங்கள்..

உலக சினிமா ரசிகர்களிடையே ரஜினிக்கும் ராஜமௌலிக்கு மாஸ் மார்கெட் இருக்கும்போது இருவரும் இணையலாமே என்பதுதான் ரஜினி ரசிகர்களின் நீண்ட நாள் ஆசையாக உள்ளது என்றால் அது மிகையல்ல..

ரஜினியின் சமீபத்திய படங்கள் அண்ணாத்த, தர்பார்… காலா.. உள்ளிட்ட படங்கள் கலவையான விமர்சனங்களையே பெற்றது என்பது குறிப்பிடத்தக்கது.

அப்படியிருக்கையில் ரஜினி-ராஜமௌலி இணைந்தால் அது ரஜினியின் சினிமா இமேஜை இன்னும் உயர்த்தும் என்பதில் சந்தேகமில்லை எனலாம்.

Fans wants Rajinikanth and Rajamouli combo in onscreen