நான் ஒரு இரவு மனிதன்.; என்னை மாற்றியவர் அவர்தான்.; PS2 விழாவில் சிம்பு பேச்சு

நான் ஒரு இரவு மனிதன்.; என்னை மாற்றியவர் அவர்தான்.; PS2 விழாவில் சிம்பு பேச்சு

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

மணிரத்னம் இயக்கத்தில் உருவாகியுள்ள ‘பொன்னியின் செல்வன் 2’ படத்தின் இசை மற்றும் ட்ரெய்லர் வெளியீட்டு விழா நேற்று சென்னையில் நடைபெற்றது.

இந்த விழாவில் கலந்துக் கொள்வதற்காக ஐஸ்வர்யாராய், த்ரிஷா, விக்ரம், கார்த்தி, ஜெயம் ரவி உள்ளிட்ட படக்குழுவினர் வந்திருந்தனர்.

சிறப்பு விருந்தினர்களாக கமல் மற்றும் சிம்பு கலந்து கொண்டனர்.

நடிகர் சிம்பு மேடையில் பேசும்போது..

“நான் ஒரு இரவு மனிதன். பெரும்பாலான என் பணிகளை இரவில் தான் கண் விழித்து செய்வேன்.

அப்படி இருந்த என்னை மாற்றியவர் மணிரத்னம். இப்பொழுது பகல் நேர முக்கியத்துவத்தை உணர்ந்திருக்கிறேன். தற்போது அதிகாலையில் ஷூட்டிங் சென்று வருகிறேன்.

பொன்னியின் செல்வன் படத்திற்காக ஏ ஆர் ரகுமான் சிறந்த ஒரு இசையை கொடுத்துள்ளார். இந்தப் படத்தில் நடித்துள்ள அனைவரும் சிறந்த பங்களிப்பை கொடுத்துள்ளனர்.

மேலும்.. ‘பொன்னியின் செல்வன்’ படத்தில் உங்களை நடிக்க அழைத்திருந்தால் எந்த கேரக்டரை தேர்ந்தெடுத்து இருப்பீர்கள் என கேட்டனர்?

அதற்கு மணிரத்னம் எந்த கேரக்டர் கொடுத்தாலும் நான் செய்திருப்பேன்” என்று பேசினார் சிம்பு.

மணிரத்னம் இயக்கிய ‘செக்கச் சிவந்த வானம்’ என்ற படத்தில் அரவிந்தசாமி அருண் விஜய் விஜய் சேதுபதி ஆகியோருடன் நடித்திருந்தார் சிலம்பரசன் என்பது குறிப்பிடத்தக்கது.

simbu speech at Ponniyin Selvan 2 audio launch

திருக்கடையூரில் 64 கலச புனித நீர்.; நடிகர் செந்தில் குடும்பத்துடன் செய்த பூஜை

திருக்கடையூரில் 64 கலச புனித நீர்.; நடிகர் செந்தில் குடும்பத்துடன் செய்த பூஜை

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

1980-90 களில் தமிழ் சினிமாவின் நகைச்சுவை நடிகர்களில் ஒருவர் செந்தில்.

சிவாஜி கணேசன், ரஜினிகாந்த், கமல்ஹாசன், விஜயகாந்த், கார்த்திக், பிரபு, சத்யராஜ், விஜய், அஜித், விக்ரம், சூர்யா உள்ளிட்ட பல முன்னணி நடிகர்களுடன் ஏராளமான படங்களில் நடித்துள்ளார்.

அதேபோல் இவரும் நடிகர் கவுண்டமணியும் இணைந்து நடித்த காட்சிகள் ஆண்டுகள் கடந்தாலும் இன்றைய தலைமுறை ரசிகர்களும் ரசித்து பார்க்கும் வகையில் உள்ளது.

கவுண்டமணி – செந்தில் காமெடிக்கு தனி ரசிகர்கள் பட்டாளம் உள்ளது.

இந்நிலையில், நடிகர் செந்தில் தனது 72-ஆவது பிறந்தநாளை முன்னிட்டு திருக்கடையூர் ஸ்ரீ அமிர்தகடேஸ்வரர் கோயிலில் பீமரத சாந்தி பூஜை நேற்று நடைபெற்றது.

இதில் செந்தில் மற்றும் அவரது மனைவி இருவரும் மாலை மற்றும் மோதிரம் மாற்றிக் கொண்டனர்.

இருவர் மீதும், 64 கலசங்களில் இருந்து புனித நீர் ஊற்றப்பட்டது.

நடிகர் செந்தில் அவரது மனைவி கலைச்செல்வி, மகன்கள் மணிகண்ட பிரபு, மிரிதிபிரபு மற்றும் குடும்பத்தினர் இந்த பூஜையில் பங்கேற்றனர்.

செந்தில்

Comedy actor Senthil visited the Thirukkadaiyur Abhirami temple

எலும்பு துண்டுக்கு குரைத்த ஜேம்ஸ் வசந்தன்.. ரஜினி கமல் கண்டிக்கனும்.; இளையராஜாவுக்கு ஆதரவாக ஆதிராஜன்

எலும்பு துண்டுக்கு குரைத்த ஜேம்ஸ் வசந்தன்.. ரஜினி கமல் கண்டிக்கனும்.; இளையராஜாவுக்கு ஆதரவாக ஆதிராஜன்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

இசைஞானி இளையராஜா இசையமைக்கும் 1417வது படமான “நினைவெல்லாம் நீயடா” படத்தை எழுதி இயக்கி வரும் ஆதிராஜன் இன்று வெளியிட்டுள்ள அறிக்கை வருமாறு:

தன்னை இசையமைப்பாளர் மற்றும் சமூக ஆர்வலர் என்று சொல்லிக் கொள்ளும் ஜேம்ஸ் வசந்தன் என்பவர் ஒரு இணையதளத்திற்கு அளித்த பேட்டியில், இசைஞானி இளையராஜாவை பற்றி மிகவும் மட்டமான வார்த்தைகளால் விமர்சித்திருக்கிறார். இசைஞானி இந்தியாவின் அடையாளம்.

சிறந்த ஆன்மிகவாதி. உலகின் மிகச்சிறந்த 25 இசையமைப்பாளர்களில் 9 வது இடம் பிடித்து நம் நாட்டிற்கு பெருமை சேர்த்தவர். இளையராஜாவுக்கு நிகராக இன்னொருவர் பிறக்கவும் முடியாது.. இசையில் சிறக்கவும் முடியாது.

உலகமே கொண்டாடும் ஒரு இசைஞானியை ஒரு மிகச் சாதாரணமான… மறைமுகமாக ஊழியம் பார்த்து வயிறு வளர்த்து கொண்டிருக்கும் நாகரீகமற்ற ஜேம்ஸ் வசந்தன், மட்டமான வார்த்தைகளை பயன்படுத்தி மத அரசியல் செய்யும் நோக்கத்துடன் விமர்ச்சித்திருப்பது அதிர்ச்சியையும் வேதனையையும் ஏற்படுத்துகிறது.

சென்னையைத் தாண்டினால் யார் என்றே தெரியாத இவர் பேசிய வார்த்தைகள் ஒவ்வொன்றும் வாய்க்கொழுப்பின் வெளிப்பாடு. அவர் பயன்படுத்திய வார்த்தைகளை கவனித்து பார்த்தால் அவர் நோக்கம் தெளிவாகத் தெரிகிறது. பேட்டி எடுப்பவர்” நீங்கள் என்ன பேசுகிறீர்கள் என்று தெரிந்து தான் பேசுகிறீர்களா?” என்று கேட்கும் போது கூட திமிர்த்தனமாக பதில் அளித்து இருக்கிறார்.

இதிலிருந்தே தெரிகிறது…. இவர் யாரோ வீசிய எலும்பு துண்டுக்குத் தான் குரைத்திருக்கிறார் என்பது. இளையராஜா ஜாதி மதங்களுக்கு அப்பாற்பட்டு அனைவராலும் கொண்டாடப்படுபவர் என்பது உலகறிந்த விஷயம்.

திறமையின் உச்சத்தில் இருப்பவர்களுக்கும் புகழின் உச்சத்தில் இருப்பவர்களுக்கும் வித்யா கர்வம் இருக்கத்தான் செய்யும். உனக்கு ஏன் எரிகிறது?. குறைகுடங்கள் எல்லாம் கூத்தாடித் திரியும் போது நிறைகுடம் ததும்பினால்தான் என்ன?

உண்மையிலேயே ஒருவரை விமர்சிக்க விரும்பினால் அடிப்படை நாகரீகம் தெரிந்திருக்க வேண்டும். எவ்வளவு பெரிய சாதனையாளரை, ஒரு பாராளுமன்ற உறுப்பினரை இவ்வளவு மட்டமான வார்த்தைகளால் விமர்சிக்கும் உனக்கெல்லாம் பண்பாடு பற்றியும் பக்குவம் பற்றியும் பேசுவதற்கு என்ன அருகதை இருக்கிறது?

கோடான கோடி ரசிகர்களின் இதயங்களில் சிம்மாசனம் போட்டு அமர்ந்திருக்கும் இசைஞானியை இது போன்ற சில்லரைக
ள் சீண்டி பார்ப்பதை அனுமதிக்க முடியாது. இந்தியாவின் ஆகப்பெறும் அடையாளத்தை, விருதுகளுக்கெல்லாம் பெருமை சேர்த்த ஒரு மாமனிதரை… அவர் வாழும் காலத்திலேயே அசிங்கப்படுத்த நினைப்பவர்களை, என்னைப் போன்ற அவருடைய உண்மையான ரசிகர்கள் வேடிக்கை பார்த்துக் கொண்டிருக்க மாட்டார்கள்.

ஜேம்ஸ் வசந்தன் உடனடியாக பகிரங்கமாக மன்னிப்பு கேட்க வேண்டும். அவதூறு பரப்பும் வீடியோவை நீக்க வேண்டும். இல்லாவிட்டால் இளையராஜா ரசிகர்கள், ஜேம்ஸ் வசந்தன் செல்லும் இடமெல்லாம் கூடிநின்று வசைமாரி பொழியும் சூழ்நிலை உருவாகும்.

தமிழ் திரையுலகில் உள்ள அத்தனை சங்கங்களும் இதனை வன்மையாக கண்டிக்க வேண்டும். ரஜினிகாந்த் கமலஹாசன் விஜயகாந்த் பாரதிராஜா பாலா வெற்றிமாறன் சசிகுமார் உள்ளிட்ட அனைத்து கலைஞர்களும் வசந்தனின் வாய்க்கொழுப்பை கண்டிப்பாக கண்டிக்க வேண்டும் என்று கேட்டுக் கொள்கிறேன். நன்றி

இவ்வாறு அந்த அறிக்கையில் ஆதிராஜன் கூறியுள்ளார்.

ஆதிராஜன்

ilayaraja music composeing in ninaivellam neeyada movie

உங்க எல்லாருடைய அன்புக்கும் நன்றி.; தமிழில் பேசிய உலகழகி ஐஸ்வர்யா ராய்

உங்க எல்லாருடைய அன்புக்கும் நன்றி.; தமிழில் பேசிய உலகழகி ஐஸ்வர்யா ராய்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

மணிரத்னம் இயக்கியுள்ள ‘பொன்னியின் செல்வன் 2’ படத்தின் டிரைலர் மற்றும் இசை வெளியீட்டு விழா தற்போது சென்னையில் நடைபெற்றுக் கொண்டிருக்கிறது.

இந்த விழாவில் ஐஸ்வர்யா ராய், த்ரிஷா, விக்ரம், கார்த்தி, ஜெயம் ரவி, சரத்குமார், பார்த்திபன், மணிரத்னம், சுஹாசினி, குஷ்பூ, ரேவதி, ஏஆர்.ரஹ்மான் உள்ளிட்ட படக்குழுவினர் கலந்து கொண்டனர்.

இந்த விழாவில் பங்கேற்பதற்காக இன்று சென்னை வந்திருந்தார் முன்னாள் உலக அழகி ஐஸ்வர்யா ராய்.

அரங்கத்திற்குள் நுழைவதற்கு முன்பு அங்கு அமைக்கப்பட்டிருந்த ஒரு பகுதியில் ஐஸ்வர்யா ராய் பேசினார்.

அவர் பேசும்போது.. “பொன்னியின் செல்வன் படத்திற்கு நீங்கள் அனைவரும் தந்த அன்பு மிகப்பெரியது.

உலகம் முழுவதும் இந்த படத்திற்கு பெரும் ஆதரவு கிடைத்துள்ளது. இந்தியாவிலும் தமிழ்நாட்டிலும் சென்னையிலும் என ஒவ்வொரு வீட்டிலும் இந்த படத்தை பார்த்து ரசித்துள்ளனர்.

உங்களின் அன்பினால் எங்களுடைய ஒட்டுமொத்த பொன்னியின் செல்வன் படக்குழுவும் மகிழ்ச்சியில் உள்ளது” என ஆங்கிலத்தில் பேசினார்.

அதன் பின்னர்…. “உங்க எல்லாருடைய அன்புக்கும் நன்றி” என தமிழில் பேசினார் ஐஸ்வர்யா ராய்.

Aishwarya Rai speech at Ponniyin Selvan 2 audio launch

JUST IN எம்ஜிஆர் தயாரிப்பில் ‘பொன்னியின் செல்வன்’ படத்தில் கமல்.; ரகசியம் உடைத்த பாரதிராஜா

JUST IN எம்ஜிஆர் தயாரிப்பில் ‘பொன்னியின் செல்வன்’ படத்தில் கமல்.; ரகசியம் உடைத்த பாரதிராஜா

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

மணிரத்னம் இயக்கியுள்ள ‘பொன்னியின் செல்வன் 2’ படத்தின் டிரைலர் மற்றும் இசை வெளியீட்டு விழா தற்போது சென்னையில் நடைபெற்றுக் கொண்டிருக்கிறது.

இந்த விழாவில் ஐஸ்வர்யா ராய், த்ரிஷா, விக்ரம், கார்த்தி, ஜெயம் ரவி, சரத்குமார், பார்த்திபன், மணிரத்னம், சுஹாசினி, குஷ்பூ, ரேவதி, ஏஆர்.ரஹ்மான் உள்ளிட்ட படக்குழுவினர் கலந்து கொண்டனர்.

இந்த விழாவில் சிறப்பு விருந்தினராக பங்கேற்ற பாரதிராஜா பேசும் போது..

“ஒரு காலகட்டத்தில் கல்கி எழுதிய ‘பொன்னியின் செல்வன்’ படத்தை நான் டைரக்ட் செய்ய இருந்தேன். அந்தப் படத்தை புரட்சித்தலைவர் எம்ஜிஆர் தயாரிக்க தயாராக இருந்தார். அப்போது வந்தியத் தேவன் கேரக்டரில் கமல்ஹாசனை நடிக்க வைக்க முடிவு செய்திருந்தோம்.

தற்போது மணிரத்னம் அந்த படத்தை இயக்கியுள்ளார். அவர் சிறந்த இயக்குனர் என பாரதிராஜா பாராட்டி பேசினார்.

வந்தியத்தேவன் கேரக்டரில் தற்போது கார்த்தி நடித்துள்ளார் என்பது குறிப்பிடத்தக்கது.

வந்திய தேவன் கேரக்டரில் ரஜினிகாந்த் நடித்தால் சிறப்பாக இருக்கும் என மறைந்த முதல்வர் ஜெயலலிதா கூறியிருந்தார் என்பதை பொன்னியின் செல்வன் முதல் பாக இசை வெளியீட்டு விழாவில் ரஜினி பேசியிருந்தார் என்பது தங்களுக்கு நினைவிருக்கலாம்.

Bharathiraja speech at Ponniyin Selvan 2 audio launch

JUST IN – ‘PS 2’ இசை வெளியீட்டு விழாவில் கெத்து காட்டிய கமல் – சிம்பு – துருவ் விக்ரம்

JUST IN – ‘PS 2’ இசை வெளியீட்டு விழாவில் கெத்து காட்டிய கமல் – சிம்பு – துருவ் விக்ரம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

மணிரத்னம் இயக்கியுள்ள ‘பொன்னியின் செல்வன் 2’ படத்தின் டிரைலர் மற்றும் இசை வெளியீட்டு விழா தற்போது சென்னையில் நடைபெற்றுக் கொண்டிருக்கிறது.

இந்த விழாவில் ஐஸ்வர்யா ராய், த்ரிஷா, விக்ரம், கார்த்தி, ஜெயம் ரவி, சரத்குமார், பார்த்திபன், மணிரத்னம், சுஹாசினி, குஷ்பூ, ரேவதி, ஏஆர்.ரஹ்மான் உள்ளிட்ட படக்குழுவினர் கலந்து கொண்டனர்.

இதில் சிறப்பு விருந்தினர்களாக கமல்ஹாசன் கலந்துக் கொண்டார்.

சிலம்பரசன்

கமல் வருகையின் போது அரங்கமே அதிர்ந்தது. அதுபோல நடிகர் விக்ரமின் மகன் துருவ் வந்த போதும் ரசிகர்கள் உற்சாகம் அடைந்தனர்.

நடிகர் சிலம்பரசன் அரங்கத்திற்கு நுழைந்தபோது அரங்கத்தில் எழுந்த கூச்சல்கள் அடங்க வெகு நேரமானது.

மிக மாஸாக கெத்தாக வந்து இறங்கினார் சிலம்பரசன். கார்த்தி விக்ரம் ஆகிய இருவருக்கும் நடுவில் அமர்ந்திருந்தார் சிலம்பரசன் ய.

நடிகர் விக்ரம் தலை அலங்காரமும் சிலம்பரத்தின் தலை அலங்காரமும் ஒன்றாக இருந்ததாக ரசிகர்கள் குறிப்பிட்டு படங்களை பகிர்ந்து வருகின்றனர்.

தற்போது அவர்களின் புகைப்படங்கள் இணையத்தில் வைரல் ஆகி வருகிறது.

சிலம்பரசன்

Dhruv Vikram talks about kamal and Simbu at the PS2 audio launch

More Articles
Follows