தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
மாதவன், நயன்தாரா, சித்தார்த் மற்றும் ராஷி கண்ணா ஆகியோர் சேர்ந்து ‘தி டெஸ்ட்’ படத்தில் நடித்து வருகிறார்கள்.
இந்த படத்தின் மூலம் தயாரிப்பாளர் எஸ்.சஷிகாந்த் இயக்குனராக அறிமுகமாகிறார்.
இப்படம் டெஸ்ட் கிரிக்கெட்டை மையமாக வைத்து உருவாக்கப்பட்டு வருகிறது.
தமிழில் ‘கடல்’, ‘மரியான்’, ‘ராஜா ராணி’, ‘இரண்டாம் உலகம்’, ‘மெட்ராஸ்’, ‘காக்கி சட்டை’, ‘ஓ மணப்பெண்ணே’ போன்ற பல படங்களில் பாடி தனது வசீகரமான குரலால் அனைவரையும் கவர்ந்து இருக்கிறார் பிரபல பின்னணி பாடகி சக்திஸ்ரீ கோபாலன்.
இந்த நிலையில், ‘தி டெஸ்ட்’ படத்தில் பிரபல பின்னணி பாடகி சக்திஸ்ரீ கோபாலனை இசையமைப்பாளராக, இசைப்புயல் ஏ.ஆர்.ரஹ்மான் அறிமுகப்படுத்தி இருக்கிறார்.
தமிழ் திரையுலகில் குறைந்த அளவிலேயே பெண் இசையமைப்பாளர்கள் இருந்து வருகின்ற நிலையில் அந்த லிஸ்டில் பாடகி சக்திஸ்ரீ கோபாலன் சேர்ந்துள்ளார்.
மேலும், சக்திஸ்ரீ கோபாலன் சமீபத்தில் மணிரத்தினம் இயக்கத்தில் வெளியான ‘பொன்னியின் செல்வன் 2’ படத்தில் த்ரிஷா மற்றும் கார்த்தி இடம்பெறும் “அக நக அக நக முக நகையே” பாடலை பாடி பலரின் நெஞ்சங்களையும் கொள்ளை கொண்டிருக்கிறார் என்பது குறிப்பிடத்தக்கது.
ar rahman introduced shakthisree gopalan as music director in the test movie