தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
பிரேம்குமார் இயக்கத்தில் விஜய்சேதுபதி, த்ரிஷா நடித்துள்ள படம் ’96’.
ஓரிரு தினங்களுக்கு முன்பே இப்படத்தின் பத்திரிகையாளர்கள் காட்சி போடப்பட்டது. நல்ல விமர்சனங்கள் வரவே படத்தின் மீதான எதிர்பார்ப்பும் அதிகரித்தது.
எனவே இன்று வெளியாகும் இப்படத்திற்கு அதிகாலை 5 மணிக்கு சிறப்பு காட்சிகள் திட்டமிடப்பட்டு இருந்தன.
நேற்று இரவு இந்தப் படத்தின் பிரிமீயர் காட்சிகள் அமெரிக்காவில் திட்டமிடப்பட்டிருந்தன. ஆனால், கடைசி நேரத்தில் அவை ரத்து செய்யப்பட்டன.
அதுபோல சென்னை உள்ளிட்ட பல நகரங்களில் அதிகாலை சிறப்புக் காட்சிகளும் ரத்து செய்யப்பட்டன.
இப்படத்தின் பைனான்ஸ் பிரச்சினையில் ஏற்பட்ட கடைசி நேர பஞ்சாயத்துகளால் பட வெளியீடு தாமதம் ஆனது.
இதனிடையே, தனக்கு சேர வேண்டிய பாக்கித் தொகையை ’96’ படத்தின் தயாரிப்பாளர் நந்தகோபால் தர வேண்டி இருந்ததால் படத்தை விஷால் தடுத்து நிறுத்தினார் என தகவல்கள் பரவியது.
இது குறித்து தரமணி, அண்டாவ காணோம் உள்ளிட்ட பல படங்களின் தயாரிப்பாளரான ஜே. சதீஷ்குமார் அவர்கள் வாட்சப் மூலம் ஒரு தகவலைப் பரப்பினார்.
இதுகுறித்து விசாரித்த போது கிடைத்த தகவல்கள் இதுதான்…
விஷால் நடித்த ‘கத்திச்சண்டை’ படத்தைத் தயாரித்த நந்தகோபாலே தான் ’96’ படத்தை தயாரித்துள்ளா.
மேலும், விஷால் நடித்த ‘துப்பறிவாளன்’ படத்தையும் முதலில் அவர் தான் தயாரிப்பதாக இருந்ததாம்.
‘துப்பறிவாளன்’ படத்தைக் காட்டி பைனான்சியர்களிடம் நந்தகோபால் 21 கோடி ரூபாய் கடன் பெற்றாராம். அதில் 9 கோடியை மட்டும் கொடுத்து விட்டு மீதி 12 கோடி ரூபாய் பாக்கி வைத்தாராம்.
அவர் இழுத்தடிக்கவே கடைசியில் விஷாலே துப்பறிவாளன் படத் தயாரிப்பை ஏற்று படத்தைத் தயாரித்து முடித்து வெளியிட்டார். அந்த சமயத்திலேயே விஷால் மேலும் 6 கோடிகளை விட்டுக் கொடுத்தாராம்.
ஆக மீதி 6 கோடி மட்டுமே பாக்கி இருந்தது.
எனவே மீதமுள்ள பணத்தை 96 வெளியீட்டிற்கு முன்பாக தருவதாக உறுதி அளித்திருக்கிறார் நந்தகோபால். அப்போதும் அவர் தராமல் இழுத்தடித்திருக்கிறார்.
இருந்தபோதிலும் அதில் சில கோடிகளை வாங்கிக் கொண்டு படத்தை வெளியிட கடிதம் கொடுத்துள்ளார் விஷால்.
மீதமுள்ள பணத்தை வெளியீட்டுக்கு முன்பு கொடுக்காத காரணத்தால்தான் அதிகாலை காட்சிகள் ரத்து செய்யப்பட்டதாம்.
தற்போது அந்த பிரச்சினைகள் தீர்க்கப்பட்டு இப்போது காட்சிகள் திரையிடப்பட்டு வருவது குறிப்பிடத்தக்கது.
விஜய் சேதுபதி ‘96’ படத்தில் நடித்ததற்காக வாங்கிய சம்பளம் 7 கோடி. இதில் 4 கோடியை திருப்பிக் கொடுத்து பைனான்சியர் பாக்கியை கொடுக்க ஏற்பாடு செய்தார் என கூறப்படுகிறது.
இது சம்பந்தமாக விஷாலிடம் பேச தயாரிப்பாளர் தொடர்ந்து முயற்சித்தும் அவர் போனை எடுக்கவில்லை என்கின்றனர்.
நந்தகோபால் தயாரித்த கத்திச் சண்டை சம்பள பாக்கியை விஷால் விட்டுக் கொடுத்திருந்தால் தயாரிப்பாளர் பைனான்சியர் நெருக்கடிக்கு உள்ளாகியிருக்க மாட்டார் என்கின்றனர் விநியோகஸ்தர்கள்.
மேலும் கத்திச் சண்டை படம் மிகப் பெரும் நஷ்டம் எனத் தெரிந்தும் விஷால் சம்பளப் பாக்கியை விட்டுக் கொடுக்கவில்லை எனவும் ஒரு தகவல் பரவி வருகீறது.
இவை ஒருபுறம் இருக்க, நல்ல விமர்சனங்களை பெற்ற ’96’ படம் வெளியானால் மற்றொரு படத்திற்குப் பாதிப்பாக இருக்கும் எனவும் அதனால்தான் இந்த நெருக்கடியை வேறு சிலர் கொடுத்துள்ளதாக கூறப்படுகிறது.
Producer JSK speaks against Vishal regarding 96 Movie release issue