சூட்டிங்குக்கே 100வது நாள்.? ‘பீஸ்ட்’ படத்தில் ‘டாக்டர்’ பட வெற்றியின் காரணகர்த்தாக்கள்

சூட்டிங்குக்கே 100வது நாள்.? ‘பீஸ்ட்’ படத்தில் ‘டாக்டர்’ பட வெற்றியின் காரணகர்த்தாக்கள்

‘கோலமாவு கோகிலா மற்றும் டாக்டர்’ என இரு தரமான வெற்றிப் பங்களைத் தொடர்ந்து நெல்சன் 3வதாக இயக்கி வரும் படம் ‘பீஸ்ட்’.

(டாக்டர் ரிலீசுக்கு முன்பே விஜய் படத்தை இயக்கும் வாய்ப்பை பெற்றார் நெல்சன்)

சன் பிக்சர்ஸ் தயாரித்து வரும் இந்த படத்தில் விஜய் நடிக்க அனிருத் இசையமைத்து வருகிறார்.

இதில் நாயகியாக பூஜா ஹெக்டே நடிக்க வில்லனாக செல்வராகவன் நடித்து வருகிறார்.

இந்த நிலையில் இப்பட சூட்டிங் 100வது நாளாக நடைபெற்று வருவதை முன்னிட்டு படக்குழுவினர் புகைப்படம் ஒன்றை வெளியிட்டுள்ளனர்.

இதில் விஜய் படு ஸ்மார்ட்டாக இருக்கிறார். இந்த புகைப்படத்தில் டாக்டர் பட வெற்றிக்கு காரணமான ரெடின் கிங்ஸ்லீ, வைபவ் அண்ணன் சுனில்ரெட்டி, பிஜான் சுரோராவ் உள்ளிட்ட சில கலைஞர்கள் இடம் பெற்றுள்ளனர்.

இப்பட நாயகி “கடைசி கட்ட நடிப்புக்காக எங்கள் இசைக்குழு மீண்டும் ஒன்று சேர்ந்துள்ளது. இது பொழுதுபோக்கான ஒன்றாக இருக்கும்” என இதுகுறித்து தெரிவித்துள்ளார் பூஜா ஹெக்டே.

அடுத்தாண்டு 2022 கோடை விடுமுறை பீஸ்ட் ரிலீசாகும் என தெரிகிறது.

Pooja Hegde shares a fun working still with Thalapathy Vijay from the sets of #Beast

BREAKING நடிகரும் நடன இயக்குனருமான சிவசங்கர் மாஸ்டர் காலமானார்

BREAKING நடிகரும் நடன இயக்குனருமான சிவசங்கர் மாஸ்டர் காலமானார்

தமிழ், ஹிந்தி மற்றும் தெலுங்கு ஆகிய மொழிகளில் 800க்கும் மேற்பட்ட படங்களில் பணிபுரிந்துள்ளார் திரைப்பட நடன இயக்குனர் சிவசங்கர் மாஸ்டர்.

இந்த நிலையில் சிவசங்கர் மற்றும் அவரது மனைவி மூத்த மகன் ஆகியோர் கொரோனா சிகிச்சைக்காக ஹைதராபாத்தில் AlG மருத்துவமனையில் அட்மிட் ஆகி இருந்தனர்.

இதில் சிவசங்கர் மாஸ்டர் தீவிர சிகிச்சை பிரிவில் இருக்கிறார்.

அவரது இளைய மகன் அஜய்கிருஷ்னா உடனிருந்து மூவரையும் கவனித்து வருகிறார்.

சிவசங்கர் மாஸ்டர் நுரையீரலில் 75% வைரஸ் தொற்று இருப்பதாக கண்டறியப்பட்டுள்ளது.

சிவசங்கரின் மருத்துவ சிகிச்சைக்கு அவரது இளைய மகன் அஜய் உதவி கேட்டு இருந்தார் என்ற செய்திளை நம் தளத்தில் பார்த்தோம்.

இதனையடுத்து தனுஷ், பாலிவுட் நடிகர் சோனு சூட், நடிகர் சிரஞ்சீவி ஆகியோர் பண உதவி & உடனடியாக மருத்துவ உதவி அளித்தனர்.

இந்நிலையில் சிகிச்சை பலனின்றி சற்றுமுன் சிவசங்கர் மாஸ்டர் காலமானார்.

சிவசங்கர் பல படங்களில் நடித்தும் உள்ளார்.

இவர் நடித்த படங்கள் இவை..:
சர்க்கார், தானா சேர்ந்த கூட்டம், இன்று நேற்று நாளை, கண்ணா லட்டு தின்ன ஆசையா, அலை, பாப்கார்ன், ஒன்பது ரூபாய் நோட்டு, பரதேசி, தில்லுமுல்லு, என்ன சத்தம் இந்த நேரம், அரண்மனை, அதிபர், எங்கிட்ட மோதாதே, கஜினிகாந்த், நாடோடி கனவு மற்றும் பல..

Noted Choreographer Actor Shiva Shankar Master is passed away due to Covid 19

‘மாநாடு’ மாஸ் ஹிட்; ரெண்டே நாளில் 14 கோடி வசூல்; கலெக்சன் குறைய இதான் காரணம்.!

‘மாநாடு’ மாஸ் ஹிட்; ரெண்டே நாளில் 14 கோடி வசூல்; கலெக்சன் குறைய இதான் காரணம்.!

சுரேஷ் காமாட்சி தயாரிப்பில் வெங்கட்பிரபு இயக்கத்தில் சிலம்பரசன் நடித்துள்ள மாநாடு படம் நேற்றுமுன் தினம் நவம்பர் 25ல் தியேட்டர்களில் ரிலீசானது.

யுவன் இசையமைப்பில் உருவான இந்த படத்தில் சிம்பு உடன் எஸ்ஜே சூர்யா, கல்யாணி பிரியதர்ஷன், பிரேம்ஜி, எஸ்ஏசந்திரசேகர், ஒய்ஜி மகேந்திரன், மகத், கருணாகரன், வாகை சந்திரசேகர் உள்ளிட்ட பலர் நடித்திருந்தனர்.

‘டைம் லூப்’ கதையை ரசிகர்கள் ரசிக்கும் வகையில் மிக விறுவிறுப்பாக படமாக்கி இருந்தார் வெங்கட்பிரபு.

இதுவரை படத்திற்கு பாசிட்டிவ் விமர்சனங்களே கிடைத்துள்ளது இது சிம்பு ரசிகர்களுக்கு உற்சாகத்தை அளித்துள்ளது.

முதல் நாளிலேயே ‘மாநாடு’ படம் தமிழகம் முமுக்க ரூ.8 கோடி ரூபாய் வசூல் செய்துள்ளதாக தகவல் வெளியானது.

இந்த நிலையில் மாநாடு படத்தின் இரண்டு நாள் வசூல் 14 கோடி ரூபாய் என படத்தின் தயாரிப்பாளர் சுரேஷ் காமாட்சி தன் ட்விட்டரில் தெரிவித்துள்ளார்.

நவம்பர் 25 அன்று அதிகாலை காட்சிகள் ரத்தானது. மேலும் தமிழகம் முழுவதும் கன மழை பெய்து வருகிறது.

இவை இரண்டு இல்லையென்றால் இன்னும் அதிக வசூலை மாநாடு படம் கொடுத்திருக்கும் என்பதே நிதர்சனமான உண்மை.

இப்படத்தின் வெற்றியை சுரேஷ் காமாட்சி தன் பட நாயகன் சிம்பு உடன் கேக் வெட்டி கொண்டாடினார்.

தற்போது இப்பட தெலுங்கு, ஹிந்தி ரீமேக் உரிமைகளை வாங்க பலர் போட்டிபோட தொடங்கியுள்ளனர் என்பது கூடுதல் தகவல்.

Simbus Maanaadu movie collects Rs 14c in 2 days

யோகி பாபுவின் ‘பன்னிகுட்டி’-யை வாங்கினார் பிரபல தயாரிப்பாளர்

யோகி பாபுவின் ‘பன்னிகுட்டி’-யை வாங்கினார் பிரபல தயாரிப்பாளர்

லைகா ப்ரொடக்‌ஷன்ஸ் சார்பில் யோகிபாபு நடிப்பில் உருவான படம் “பன்னிகுட்டி”.

இந்நிலையில், ‘பன்னிகுட்டி’ படத்தின் தமிழ்நாடு, கேரளா, மற்றும் கர்நாடகா மாநிலங்களின் வெளியீட்டு உரிமையை 11:11 புரொடக்சன் நிறுவனம் கைப்பற்றியுள்ளது. இது தொடர்பான அதிகாரபூர்வ அறிவிப்பைப் படக்குழு வெளியிட்டுள்ளது.

11:11 Productions நிறுவன இயக்குநர் மற்றும் இணை தயாரிப்பாளர் ஷ்ருதி திலக் இது குறித்து கூறியதாவது…

எங்கள் தயாரிப்பு நிறுவனம் 11:11 Productions “பன்னிக்குட்டி” படத்தின் தமிழகம் கேரளா மற்றும் கர்நாடகா வெளியீட்டிற்கு, Lyca Productions உடன் இணைவதில் மிகுந்த பெருமை கொள்கிறோம்.

ஒரு நிறுவனமாக ரசிகர்களின் ஏக்கங்களை நிறைவு செய்யும் தரமான பொழுது போக்கு படைப்புகளை அளிக்கும் நோக்கில் முழுக்க முழுக்க காமெடி சரவெடியாக பன்னி குட்டி திரைப்படத்தை திரைப்பட ரசிகர்களுக்கு அளிப்பது மகிழ்ச்சி. குடும்ப பொழுது போக்கு திரைப்படமாக திரையரங்கு சிரிப்பு மழையில் நனையும் என்பதை உறுதியாக நம்புகிறோம்.” என்றார்.

“பன்னிக்குட்டி” திரைப்படத்தை அனுசரண் இயக்கியுள்ளார். யோகி பாபுவைத் தவிர்த்து, கருணாகரன், திண்டுக்கல் லியோனி, சிங்கம் புலி, விஜய் டிவி புகழ் ராமர், தங்க துரை போன்ற முன்னணி நகைச்சுவை நடிகர்கள் மற்றும் இன்னும் பல முன்னணி பிரபலங்கள் இணைந்து நடித்துள்ளனர்.

இப்படத்திற்கு K இசையமைத்துள்ளார் மற்றும் சதீஷ் முருகன் ஒளிப்பதிவு செய்துள்ளார். ரவி முருகையா கதை எழுதியுள்ளார். மேலும் இயக்குனர் அனுசரனுடன் இணைந்து திரைக்கதையும் எழுதியுள்ளார்.

சண்டைப்பயிற்சி இயக்கத்தை ஃபயர் கார்த்திக் செய்ய, M.R.ராஜகிருஷ்ணன் (ஆடியோகிராஃபி), முருகன் (ஸ்டில்ஸ்), எம்.சிவகுமார் (தயாரிப்பு மேலாளர்), சமீர் பரத் ராம் (நிர்வாகத் தயாரிப்பாளர்) ஆகியோர் தொழில்நுட்ப குழுவில் பணியாற்றியுள்ளனர்.

Theatrical rights of Panni Kutty in TN Karnataka Kerala bagged by 11:11 Productions

டான்ஸ் மாஸ்டர் சிவசங்கரின் சிகிச்சைக்கு தனுஷ் சோனுசூட் சிரஞ்சீவி உதவி

டான்ஸ் மாஸ்டர் சிவசங்கரின் சிகிச்சைக்கு தனுஷ் சோனுசூட் சிரஞ்சீவி உதவி

800 திரைப்படங்களில் பணியாற்றிய பிரபல டான்ஸ் மாஸ்டர் சிவசங்கர் கொரோனா தொற்றினால் பாதிக்கப்பட்டு ஐதராபாத் மருத்துவமனை ஒன்றில் அனுமதிக்கப்பட்டுள்ளார்.

அவரது நுரையீரலில் 75% வைரஸ் தொற்று இருப்பதாக கண்டறியப்பட்டுள்ளது.

இவரும் இவரது மனைவி மகன் ஆகியோரும் கொரோனா தொற்றால் பாதிக்கப்பட்டுள்ளனர்.

இந்த நிலையில் சிவசங்கரின் மருத்துவ சிகிச்சைக்கு அவரது இளைய மகன் அஜய் உதவி கேட்டு இருந்தார் என்ற செய்திளை நம் தளத்தில் பார்த்தோம்.

இதனையடுத்து தனுஷ், பாலிவுட் நடிகர் சோனு சூட் உள்ளிட்டவர்கள் உடனடியாக மருத்துவ உதவி அளித்தனர்.

இந்நிலையில் நடிகர் சிரஞ்சீவி ரூ. 3 லட்சத்திற்கான காசோலையை வழங்கி உதவியுள்ளார்.

Sonu Sood Dhanush Chiranjeevi help To Choreographer Sivasankar Who is affected due To COVID

பலம் பெற்றோம்.. நடிப்புக்கு விருது கிடைச்சுட்டு.; ரஜினிக்கு ‘மாநாடு’ படக்குழு நன்றி

பலம் பெற்றோம்.. நடிப்புக்கு விருது கிடைச்சுட்டு.; ரஜினிக்கு ‘மாநாடு’ படக்குழு நன்றி

சுரேஷ் காமாட்சி தயாரிப்பில் வெங்கட்பிரபு இயக்கத்தில் சிலம்பரசன் நடித்துள்ள மாநாடு படம் நேற்றுமுன் தினம் நவம்பர் 25ல் தியேட்டர்களில் ரிலீசானது.

யுவன் இசையமைப்பில் உருவான இந்த படத்தில் சிம்பு உடன் எஸ்ஜே சூர்யா, கல்யாணி பிரியதர்ஷன், பிரேம்ஜி, எஸ்ஏசந்திரசேகர், ஒய்ஜி மகேந்திரன், மகத், கருணாகரன், வாகை சந்திரசேகர் உள்ளிட்ட பலர் நடித்திருந்தனர்.

திரும்ப திரும்ப ரீபீட் செய்தாலும் ‘டைம் லூப்’ கதையை மிக விறுவிறுப்பாக படமாக்கி இருந்தார் வெங்கட்பிரபு.

இதுவரை அனைத்து தரப்பிலும் படத்திற்கு பாசிட்டிவ் விமர்சனங்களே கிடைத்துள்ளதால் படக்குழு உற்சாகத்தில் உள்ளது.

இவர்களின் மகிழ்ச்சியை இரட்டிப்பாக்கும் வகையில் சூப்பர் ஸ்டார் ரஜினிகாந்த் மாநாடு படத்தை பாராட்டியுள்ளார்.

நடிகர்கள் சிம்பு, எஸ்.ஜே சூர்யா, தயாரிப்பாளர் சுரேஷ் காமாட்சி, வெங்கட் பிரபு உள்ளிட்டோரை போனில் அழைத்து ஒவ்வொருவரையும் பாராட்டிள்ளார்.

இந்த தகவலை தயாரிப்பாளர் சுரேஷ் காமாட்சி மற்றும் இயக்குநர் வெங்கட்பிரபு, எஸ்ஜேசூர்யா ஆகியோர் தங்களது சமூக வலைதள பக்கங்களில் மகிழ்ச்சி பொங்க தெரிவித்து வருகின்றனர்.

சிம்பு தரப்பில் இருந்து எந்த செய்தியும் இதுவரை வெளியாகவில்லை.

இதுகுறித்து சுரேஷ் காமாட்சி தன் ட்விட்டரில்…

இனிய நாளாக அமைந்துவிட்டது இந்நாள்.

சூப்பர் ஸ்டாரின் அழைப்பும் பாராட்டும் இப்படத்தின் வெற்றியை உறுதிசெய்திருக்கிறது…

நல்லதைத் தேடிப் பாராட்டும் இம்மனசே இன்னும் உங்களை உச்ச சிம்மாசனத்தில் உயர்த்தி வைத்திருக்கிறது.

மிகுந்த பலம் பெற்றோம். ஒட்டுமொத்த படக்குழு சார்பாக நன்றியைத் தெரிவித்துக் கொள்கிறேன்…
மிக்க நன்றி சார்..

எஸ்ஜேசூர்யா தன் ட்விட்டர் பக்கத்தில்…

“இன்று எனது நடிப்புத் திறமைக்காக எனக்கு மிகப்பெரிய விருது கிடைத்ததாக உணர்கிறேன். சூப்பர் ஸ்டார் ரஜினிகாந்த் சார் எனக்கு போன் செய்து வாழ்த்தினார். உங்கள் அன்பான பாராட்டு எனக்கு எனது சினிமா பயணத்தை மேலும் பலமாக்கியுள்ளது.

ரஜினியை தொடர்ந்து நடிகர் சிவகார்த்திகேயன், இசையமைப்பாளர் அனிருத் ஆகியோரும் படத்தை பார்த்து விட்டு வெகுவாக பாராட்டியுள்ளனர் என்பது குறிப்பிடத்தக்கது. (இவர்களின் பாராட்டு இன்று மாலை வந்தது. அதனை அப்டேட் செய்துள்ளோம்.)

Simbus Maanaadu team on cloud nine by Rajinis Wishes

More Articles
Follows