தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
தமிழ் சினிமாவில் படைப்பாளிகளுக்கு சுதந்திரம் இல்லை என பல ஆண்டுகாலமாகவே இயக்குனர்கள் சொல்லி வருகின்றனர்.
ஆனால் இதற்கு தீர்வு அளிக்கும் விதமாக சமீப காலமாக வெப் சீரிஸ் மூலமாக ஓடிடி தளங்கள் இவர்களுக்கு உதவியாக உள்ளன.
இந்த தளங்களில் தான் சொல்ல வரும் கருத்தை மிகவும் விளக்கமாகவும் தெளிவாகவும் சென்சார் போன்ற எந்த கட்-களும் இல்லாமல் எந்த காட்சிகளையும் நீக்காமல் இவர்களால் சொல்ல முடிகிறது.
இந்த நிலையில் மாரி செல்வராஜ் தற்போது புதிதாக வெப்சீரிஸ் ஒன்றை இயக்க உள்ளதாக தகவல்கள் வந்துள்ளன. அதை டிஸ்னி ப்ளஸ் ஹாட்ஸ்டார் தயாரிக்கவிருப்பதாகவும் தகவல் வெளியாகியுள்ளது.
தன் கருத்தை முழுமையாக இந்த தளத்தில் சொல்ல முடியும் என நம்புகிறாராம் இயக்குனர்.
மாரி செல்வராஜ் இயக்கத்தில் உருவாகி வரும் ‘மாமன்னன்’ இன்னும் வெளியாகவில்லை. இந்த படத்தில் உதயநிதி, பகத்பாசில், கீர்த்தி சுரேஷ், வடிவேலு உள்ளிட்டோர் நடிக்க ஏ ஆர் ரகுமான் இசையமைத்து வருகிறார்.
உதயநிதி தன் சொந்த பேனரில் இந்த படத்தை தயாரித்து வருகிறார் என்பது குறிப்பிடத்தக்கது.
Mari Selvaraj will direct Web series for OTT