தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
கடந்த ஜூன் மாதம் 29ஆம் தேதியில் மாரி செல்வராஜ் இயக்கத்தில் உதயநிதி தயாரித்து நடித்த ‘மாமன்னன்’ திரைப்படம் வெளியானது.
இந்த படத்தில் பட்டியல் இனத்தைச் சேர்ந்த ‘மாமன்னன்’ என்ற கேரக்டரில் வடிவேல் நடித்திருந்தார்.
இந்த படம் ரசிகர்கள் மத்தியில் வரவேற்பை பெற்று இதற்கான வெற்றிவிழாவும் கொண்டாடப்பட்டது. தற்போது ஓடிடி தளத்திலும் வெளியாகிவிட்டது.
இந்த படத்தில் அனைவராலும் பாராட்டும்படியான நடிப்பை கொடுத்திருந்தார் வில்லன் ரத்தினவேலு கேரக்டரில் நடித்த பகத்பாசில்.
ஆனால் இவர் எந்த ஜாதியை சேர்ந்த கேரக்டர் என்பதை படத்தில் இயக்குநர் மாரி செல்வராஜ் காட்டவில்லை.
ஆனால் கடந்த சில தினங்களாக ரத்தினவேலு தங்களுடைய ஜாதி என ஒவ்வொரு அமைப்பினரும் புதுப்புது வீடியோக்களை வெளியிட்டு மீம்சுகளை போட்டு இணையதளங்களில் பதிவேற்றி வருகின்றனர்.
முக்கியமாக வன்னியர், கவுண்டர், படையாட்சி, தேவர், வேளாளர் உள்ளிட்ட பல ஜாதி பிரிவினர் தங்கள் ஜாதியை சேர்ந்தவராக சித்தரித்து வீடியோக்களை வெளியிட்டுள்ளனர்.
இது தற்போது தமிழ் சினிமாவில் பரபரப்பாக பேசப்பட்டு வருகிறது.
பகத்பாசில் கேரளாவைச் சேர்ந்த ஒரு இஸ்லாமியர் ஆனாலும் அவர் தங்கள் ஜாதியை சேர்ந்தவராக சித்தரித்து போஸ்டர் ஒட்டி வருவதால் சாதி மோதல் உருவாகுமோ என்ற சந்தேகம் எழுந்துள்ளது.
‘மாமன்னன்’ என்ற படத்தை மாரி செல்வராஜ் உருவாக்கி அதில் பட்டியல் இனத்தவரின் முன்னேற்றத்தைப் பற்றி பேசினால் வில்லனாக நடித்த ஒருவர் கேரக்டரை தங்கள் சாதியினராக நெட்டிசன்கள் உருவாக்கி வருவது ‘மாமன்னன்’ படக்குழுவினருக்கு மாபெரும் தலைவலியை உருவாக்கியுள்ளது எனலாம்.
இனி மாரி செல்வராஜ், ரஞ்சித் உள்ளிட்டவர்கள் தொடர்ந்து ஜாதி படங்களை எடுத்தால் நாங்கள் இதுபோன்ற ஒரு புதிய ட்ரெண்டை உருவாக்குவோம் எனவும் மீம்ஸ் கிரியேட்டர்கள் மறைமுக எச்சரிக்கை விடுத்துள்ளனர்.
Caste clash due to Maamannan Mari Selvaraj