ஜோதி எப்போதும் என் இதயத்திற்கு நெருக்கமானவள்.. – ரவீனா ரவி

கொல்கத்தா திரைப்பட விழாவில் ‘கள்வா’வுக்கு விருது பெற்ற ஜியா

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

இந்திய சினிமாவின் மாபெரும் இயக்குனர்கள் சத்யஜித் ரே, ரித்விக் காட்டக், மிருணாள் சென். இந்த மூன்று பெங்காலி இயக்குனர்களின் பெயரில் ஆண்டு தோறும் சத்யஜித் ரித்விக் மிருணாள் சர்வதேச திரைப்பட விழா கொல்கத்தாவில் நடைபெறுகிறது.

இந்த ஆண்டுக்கான விழா நிறைவு நிகழ்ச்சியில் திரைப்படங்கள் மற்றும் குறும்படங்களுக்கு விருதுகள் வழங்கப்பட்டன.

இதில் ஜியா எழுதி, இயக்கியுள்ள கள்வா குறும்படத்துக்கு சிறந்த ரொமான்டிக் திரில்லர் படத்துக்கான விருது வழங்கப்பட்டது.

இதை ஜியா பெற்றுக் கொண்டு பேசும்போது…

“எல்லாம் வல்ல இறைவனுக்கு நன்றி, எனது குடும்பத்தாருக்கும், கள்வா படக்குழுவினருக்கும் சத்யஜித் ரித்விக் மிருணாள் திரைப்பட விழா குழுவினருக்கும் நன்றிகள்’ என்றார்.

தனது பேச்சை முடிக்கும்போது, ‘எல்லா புகழக்கும் இறைவனுக்கே’ என தமிழில் ஜியா கூறும்போது, கரவொலியால் அரங்கம் அதிர்ந்தது.

ஆயிரத்துக்கும் மேற்பட்டோர் பங்கேற்ற இந்த நிகழ்ச்சியில் பல்வேறு கலை நிகழ்ச்சிகளும் நடைபெற்றது. இந்த திரைப்பட விழாவில் போட்டி பிரிவில் 643 படங்கள் போட்டியிட்டன.

இதில் விருதுக்காக 85 படங்கள் தேர்வு செய்யப்பட்டன. அதில் இந்தி, பெங்காலி, ஆங்கிலம், ஒரியா, போஜ்புரி, மராத்தி, உருது, தமிழ், தெலுங்கு, மலையாளம், கன்னடம் உள்ளிட்ட மொழி படங்கள் அடங்கும்.

இதில் ஒரு படமாக ‘கள்வா’ தேர்வானது குறிப்பிடத்தக்கது.

கிங் பிக்சர்ஸ் யூடியூப் சேனலில் வெளியாகியுள்ள ‘கள்வா’ படம், இதுவரை 35 ஆயிரம் பார்வையாளர்களை பெற்று வெற்றி நடைபோட்டு வருகிறது. திரையுலகை சேர்ந்த பலர், இந்த குறும்படத்தை பார்த்து பாராட்டுகளை தெரிவித்துள்ளனர்.

Kalwa won award at Kolkatta film festival

தமன் இசையில் அர்ஜுன்தாஸ் – தன்யா இணையும் படம்.; இயக்குநர் இவரா.?

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

‘மெளனகுரு’, ‘மகாமுனி’ படங்களை இயக்கி தமிழ் திரையுலகில் கவனம் பெற்றவர் இயக்குனர் சாந்தகுமார்.

இவர் இயக்கவுள்ள மூன்றாவது படத்தில் அர்ஜுன் தாஸ் கதாநாயகனாக நடிக்கிறார்.

இப்படத்தில் தான்யா ரவிச்சந்திரன் கதாநாயகியாக நடிக்க, ரேஷ்மா வெங்கடேஷ், சுஜித் ஷங்கர், ஜிஎம் சுந்தர், எஸ்.ரம்யா உள்ளிட்ட பலர் நடிக்கின்றனர்.

இப்படத்தை ‘டிஎன்ஏ மெக்கானிக் கம்பெனி’ தயாரிக்கிறது.

தமன் இசையமைக்கும் இப்படத்திற்கு சிவா ஒளிப்பதிவு செய்கிறார்.

இப்படத்தின் படப்பிடிப்பு கடந்த ஆண்டு தொடங்கி விறுவிறுப்பாக நடைபெற்று வருகிறது.

இந்நிலையில், இப்படத்தின் ஃபர்ஸ்ட் லுக் போஸ்டர் நாளை காலை 10 மணிக்கு வெளியாகும் என்று படக்குழு போஸ்டர் வெளியிட்டு தெரிவித்துள்ளது.

arjun das’s new movie first look poster release in tomorrow

விஜய் – ரஜினிக்குப் பிறகு பிரபல நடிகரை இயக்கும் நெல்சன்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

2018-ஆம் ஆண்டு நயன்தாரா நடிப்பில் வெளியான படம் ‘கோலமாவு கோகிலா’.

இப்படத்தின் மூலம் தமிழ் திரையுலகிற்கு இயக்குனராக அறிமுகமானவர் நெல்சன் திலிப்குமார்.

இயக்குனர் நெல்சன் திலிப்குமார் முதன் முதலில் சிம்புவை வைத்து ‘வேட்டை மன்னன்’ என்ற படத்தை இயக்கினார்.

சில மாதங்கள் படப்பிடிப்பு நடைப்பெற்ற நிலையில் தவிர்க்க முடியாத காரணங்களால் தடைப்பட்டு வெளியாகாமல் போனது.

அன்றைய பொழுது அப்படத்தில் இடம்பெற்ற சிம்புவின் போஸ்டர்கள் வெளியாகி அனைவரையும் கவர்ந்தது. இன்றளவும் சிம்பு ரசிகர்களால் பெரிதும் எதிர்பார்க்கும் படங்களில் வேட்டை மன்னனும் ஒன்று.

அதன்பின் சிவகார்த்திகேயனை வைத்து ‘டாக்டர்’ படத்தை இயக்கினார். இதன்மூலம் அனைவரின் கவனத்தையும் ஈர்த்து, விஜய்யை வைத்து ‘பீஸ்ட்’ படத்தை இயக்கினார்.

தற்போது ரஜினியின் ‘ஜெயிலர்’ படத்தை நெல்சன் இயக்கியுள்ளார்.

இப்படத்தின் ஷோ கேஸ் வீடியோ நேற்று வெளியாகி நல்ல வரவேற்பை பெற்று வருகிறது.

இந்நிலையில், சிம்புவின் ‘வேட்டை மன்னன்’ படத்தை மீண்டும் கையில் எடுக்க நெல்சன் முடிவு செய்துள்ளதாக கூறப்படுகிறது.

ரஜினியின் ‘ஜெயிலர்’ படத்தின் வெளியீட்டிற்கு பிறகு சிம்புவின் ‘வேட்டை மன்னன்’ படத்தின் பணிகளில் நெல்சன் இறங்கவுள்ளதாகவும் இது தொடர்பான அறிவிப்புகள் வெளியாகும் என்றும் தகவல் வெளியாகியுள்ளது.

Director Nelson’s next after ‘Jailer’

சத்யராஜ் & சிபி இணையும் ‘ஜாக்சன் துரை 2’ பட போஸ்டர் ரிலீஸ்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கடந்த 2016-ஆம் ஆண்டு இயக்குனர் பி.வி.தரணி இயக்கத்தில் சத்யராஜ் மற்றும் சிபிராஜ் இணைந்து நடித்து வெளியான திரைப்படம் ‘ஜாக்சன் துரை’.

இப்படத்தில் பிந்து மாதவி, கருணாகரன், மொட்டை ராஜேந்திரன் உள்பட பலர் முக்கிய கதாபாத்திரத்தில் நடித்திருந்தனர்.

காமெடி பேய் படமாக உருவான இப்படம் ரசிகர்கள் மத்தியில் நல்ல வரவேற்பை பெற்றது.

இதைத்தொடர்ந்து ‘ஜாக்சன் துரை’ படத்தின் இரண்டாம் பாகம் உருவாகி வருகிறது.

இதிலும் சத்யராஜ், சிபிராஜ் இணைந்து நடிக்கிறார்கள்.

கதாநாயகியாக சம்யுக்தா விஸ்வநாதன் நடிக்க, சரத் ரவி, மணிஷா ஐயர், பாலாஜி, ரசிகா, யுவராஜ் கணேசன் உள்பட பலர் முக்கிய கதாபாத்திரத்தில் நடிக்கின்றனர்.

இப்படத்திற்கு சித்தார்த் விபின் இசையமைக்கிறார்.

இந்நிலையில், ‘ஜாக்சன் துரை 2’ படத்தின் ஃபர்ஸ்ட் லுக் போஸ்டரை படக்குழு வெளியிட்டுள்ளது.

சத்யராஜ் மாஸாக கண்ணாடி அணிந்திருக்கும் இந்த ஃபர்ஸ்ட் லுக் போஸ்டர் தற்போது இணையத்தில் வைரலாகி வருகிறது.

Sathyaraj and Sibiraj’s jackson durai 2 movie first look poster released

பாஜக கட்சியில் இணைந்தார் விஜய்யின் ‘வாரிசு’ பட நடிகை

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

இந்த ஆண்டு ஜனவரி 11-ம் தேதி விஜய் நடிப்பில் வெளியான ‘வாரிசு’ திரைப்படத்தில் விஜய்க்கு அம்மாவாக நடித்த நடிகை ஜெயசுதா.

இவர் கமல், ரஜினி உட்பட பல பிரபலங்களின் படங்களில் நடித்தவர் நடிகை ஜெயசுதா.

குறிப்பாக இயக்குனர் கே பாலச்சந்தர் இயக்கத்தில் உருவான ’அரங்கேற்றம்’, ’சொல்லத்தான் நினைக்கின்றேன்’, ’அபூர்வ ராகங்கள்’ உள்பட பல படங்களில் நடித்துள்ளார்.

தமிழ், தெலுங்கு உட்பட தென்னிந்திய மொழி படங்களில் நடித்துள்ளார்.

நடிகை ஜெயசுதா கடந்த 2009 ஆம் ஆண்டு காங்கிரஸ் கட்சியில் இணைத்து செகந்திராபாத் தொகுதியில் போட்டியிட்டு வெற்றி பெற்றார்.

இதனை அடுத்து அவர் 2016 ஆம் ஆண்டு தெலுங்கு தேசம் கட்சியில் சேர்ந்தார்.

பிறகு, 2019 ஆம் ஆண்டு ஒய்.எஸ்.ஆர் காங்கிரஸ் கட்சியில் சேர்ந்தார்.

இந்த நிலையில், நடிகை ஜெயசுதா தற்போது நான்காவது கட்சியாக பாஜகவில் இணைந்து உள்ளார்.

நேற்று தெலுங்கானா மாநில பாஜக பொறுப்பாளர் தருண் சுக் முன்னிலையில் அவர் தன்னை பாஜகவில் இணைத்து கொண்டார்.

மேலும், தெலுங்கானாவில் இந்த ஆண்டு இறுதியில் சட்டமன்ற தேர்தல் நடைபெற இருக்கும் நிலையில் நடிகை ஜெயசுதா மீண்டும் செகந்திராபாத் தொகுதியில் போட்டியிடுவார் என்று கூறப்படுகிறது.

Vijay’s ‘Varisu’ actress jayasudha joins BJP party