தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
சூர்யா, மாதவன், சித்தார்த் ஆகியோர் நடிப்பில் மணிரத்னம் இயக்கிய ‘ஆயுத எழுத்து’ என்ற படத்தில் துணை இயக்குனராக பணியாற்றியவர் கார்த்தி.
அதன் பின்னர் அமீர் இயக்கிய ‘பருத்திவீரன்’ என்ற படத்தில் நாயகனாக நடித்து சினிமாவில் அறிமுகமானார்.
யுவன் சங்கர் ராஜா இசையமைத்திருந்த இந்த படத்தை ஸ்டூடியோ கிரீன் நிறுவனம் சார்பாக ஞானவேல் ராஜா தயாரித்திருந்தார்.
தன் முதல் படத்திலேயே நடிப்பு முத்திரையை பதித்தவர் கார்த்தி என்று சொன்னால் அது மிகையல்ல.
பெரும்பாலான முன்னணி நட்சத்திரங்கள் தங்கள் முதல் படத்தில் நடிப்பு முத்திரையை பதிப்பதில்லை. ஆனால் சிவாஜி கணேசன் ‘பராசக்தி’ படத்தில் தன் நடிப்பால் அசத்தியிருந்தார்.
அந்த வரிசையில் கார்த்தியும் இடம் பிடித்துள்ளார் என்பது குறிப்பிடத்தக்கது.
இந்த நிலையில் இந்த படம் திரைக்கு வந்து 16 ஆண்டுகள் ஆகியுள்ள நிலையில் நாளை ஞாயிற்றுக்கிழமை பிப்ரவரி 19ஆம் தேதி சென்னை – பாடியில் உள்ள கிரீன் சினிமாஸ் என்ற திரையரங்கில் சிறப்பு காட்சிக்கு ஏற்பாடு செய்யப்பட்டுள்ளது.
நாளை காலை 8 மணிக்கு சிறப்பு காட்சியை கோலாகலமாக கொண்டாட தயாராகி வருகின்றனர் கார்த்தி ரசிகர்கள்.
Karthi fans Celebrates Paruthi Veeran 16 Years