சந்தோஷ் நாராயணன் இசை மழையில் சென்னை.; ‘கல்கி 2898 AD’ பட தீம் மியூசிக் அரங்கேற்றம்

ஒளிமயமான எதிர்காலத்திற்கு காத்திருக்கும் ஒளிப்பதிவாளர் வினோத் காந்தி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஒரு திரைப்படம் உருவாக கலைஞர்கள் ஒவ்வொருவரும் தங்கள் பங்களிப்பை கொடுத்து வருகின்றனர். ஒரு திரைப்படத்தை ரசிகர்கள் பார்த்து ரசிக்க முக்கிய காரணமாக இருப்பவர் ஒளிப்பதிவாளர்கள் தான்.

தற்போது இந்த வரிசையில் இணைந்து பல படங்களில் ஒளிப்பதிவாளராக பணியாற்றி வருகிறார் வினோத் காந்தி.

இவரது பூர்வீகம் தஞ்சாவூர் மாவட்டம் அம்மாபேட்டை. அங்கு விவசாய குடும்ப பின்னணியில் இருந்து தற்போது திரைத்துறையில் தடம் பதித்து வருகிறார்.

இவரது தந்தை இன்றளவும் தன்னுடைய விவசாய பணியை கைவிடாமல் செய்து கொண்டிருப்பவர். சிறுவயதில் தனது தந்தையின் மூலமாக திரைப்படங்கள் பார்க்க ஆரம்பித்து திரைத் துறையில் நுழைய வேண்டும் என்ற தன் தந்தையின் கனவையும் சேர்த்து சென்னையை நோக்கி பயணம் செய்திருக்கிறார்.

இவரது ஒளிப்பதிவில் ‘விடியாத இரவு ஒன்று வேண்டும்’ மற்றும் ‘4554’ ஆகிய திரைப்படங்கள் திரைக்கு வந்துள்ளன.

மேலும் சமீபத்தில் வெளியான ‘காடப்புறா கலைக்குழு’ என்ற படத்திற்கும் ஒளிப்பதிவாளர் வினோத் காந்தி தான். இந்தப் படத்தில் முனீஸ் காந்த் மற்றும் காளி வெங்கட் முதன்மை கதாபாத்திரத்தில் நடித்திருந்தனர்.

தற்பொழுதும் சில படங்களில் ஒளிப்பதிவாளராக பணிபுரிந்து திரைத்துறையில் ஒளிமயமான எதிர்காலத்தை நோக்கி வெற்றி நடை போட்டுக் கொண்டிருக்கிறார் வினோத் காந்தி.. வாழ்த்துக்கள் ப்ரோ..

Cinematographer Vinoth Gandhi movie updates

96 Re-Release & Part 2 Update.. மீண்டும் திரையில் ராம் – ஜானுவின் காதல்.!

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

டைம்லெஸ் கிளாசிக் படங்கள் எப்போதும் திரைப்படப் பிரியர்களுக்கான உற்சாக டானிக். படம் வெளியாகி பல வருடங்கள் கடந்தாலும் இந்தப் படங்களை மீண்டும் பார்க்கும்போது அவர்களுக்கு முதல்முறை பார்க்கும் புத்துணர்ச்சி கிடைக்கும். குறிப்பாக, ‘காதல் கதைகள்’ பார்வையாளர்கள் மீது ஆழமான தாக்கத்தை ஏற்படுத்தி, அந்தக் கதைகளை மீண்டும் பார்வையாளர்களை பார்க்க வைக்கிறது.

இந்த வரிசையில் ’ரோமியோ ஜூலியட்’, ‘ரோமன் ஹாலிடே’, ‘டைட்டானிக்’, ‘திவாலே துல்ஹன் லே ஜெயங்கே’, ‘விண்ணைத்தாண்டி வருவாயா’ போன்ற பல திரைப்படங்களை உதாரணமாகச் சொல்லலாம்.

மெட்ராஸ் எண்டர்பிரைசஸ் எஸ். நந்தகோபால் தயாரிப்பில் விஜய் சேதுபதி மற்றும் த்ரிஷா நடிப்பில், சி. பிரேம் குமார் இயக்கத்தில் அனைவரின் இதயங்களிலும் என்றும் சிம்மாசனம் இட்டு அமர்ந்திருக்கும் படம்தான் ‘96’.

ராம், ஜானுவின் அன்பும் காதலும் பார்வையாளர்களின் நினைவுகளை விட்டு அகலாது.

தமிழ் சினிமாவில் ஹிட்டான பல திரைப்படங்கள் ரீ-ரிலீஸ் கலாச்சாரத்தில் நல்ல வரவேற்பைப் பெற்று வருவதால் ‘ராம்-ஜானு’வின் உலகத்தை மீண்டும் பார்ப்பதற்காக ‘96’ படம் மீண்டும் வெளியாகிறது.

ஒவ்வொரு முறையும் இந்தப் படத்தின் காட்சிகளைப் பார்க்கும்போதும், பாடல்கள் இசைக்கப்படும்போதும் ரசிகர்களுக்கு எல்லையில்லாத மகிழ்ச்சி கிடைக்கிறது. ரசிகர்களின் வேண்டுகோளுக்கேற்ப ‘96’ திரைப்படம் பிப்ரவரி 14, 2024 காதலர் தினத்தன்று மீண்டும் வெளியாக இருக்கிறது. கேஎம் சுந்தரம் பிக்சர்ஸ் இந்தப் படத்தினை தமிழ்நாடு முழுவதும் திரையரங்குகளில் அதிக திரைகளில் வெளியிடுகிறார்கள்.

மெட்ராஸ் எண்டர்பிரைசஸ் தயாரிப்பாளர் எஸ்.நந்தகோபால் கூறும்போது…

“’96’ திரைப்படம் வெறும் கிளாசிக் மட்டுமில்லை. அதற்கெல்லாம் அப்பாற்பட்ட ஒன்று. நாங்கள் இந்தப் படத்தைத் தயாரித்தபோது, பார்வையாளர்களுக்கு ஒரு கவித்துவமான காதல் கதையைக் கொடுக்க விரும்பினோம். ஆனால், அவர்கள் எதிர்பாராத அளவுக்கு அன்பை இந்தப் படத்திற்குக் கொடுத்தனர்.

படத்திற்கான புரோமோ ஒன்றில் ஒரு ரசிகர் பதிவிட்ட கமெண்ட் ஒன்றை மறக்க மாட்டோம். அதாவது, ‘’96’ படத்தில் இருந்து சில ப்ளூப்பர்களை கொடுங்கள். அப்போதுதான் ‘96’ ஒரு திரைப்படம் என்பதையே எங்களால் நம்பமுடியும்’ எனக் கூறியிருந்தார்.

ஒரு படத்தின் தயாரிப்பாளர், இயக்குநர், நடிகர் மற்றும் படக்குழுவினருக்கு இதைவிட வேறு என்ன வேண்டும்? இந்த காதலர் தினத்தில் தமிழகம் முழுவதும் ’96’ திரைப்படம் அதிக திரை எண்ணிக்கையுடன் மீண்டும் வெளியிடப்படும் என்பதை மகிழ்ச்சியுடன் தெரிவித்துக் கொள்கிறோம்.

மெட்ராஸ் எண்டர்பிரைசஸ் நிறுவனத்திற்கு மறக்க முடியாத ஒரு தலைசிறந்த படைப்பை வழங்கிய இயக்குநர் சி பிரேம் குமார், விஜய் சேதுபதி, த்ரிஷா, கோவிந்த் வசந்தா மற்றும் குழுவில் உள்ள அனைவருக்கும் நன்றியைத் தெரிவித்துக் கொள்கிறேன். படத்தை தமிழகம் முழுவதும் பிரமாண்டமாக வெளியிட முன்வந்த கே.எம்.சுந்தரம் பிக்சர்ஸ் நிறுவனத்துக்கும் எனது நன்றியைத் தெரிவித்துக் கொள்கிறேன்” என்றார்.

’96’ படத்தின் சீக்குவல் குறித்து அவர் பேசியிருப்பதாவது..

“’96’ படத்தின் சீக்குவல்காக காத்திருப்பவர்களில் நானும் ஒருவன். இதற்கு பிரேம் குமாரின் பதிலுக்காக ஆவலுடன் காத்திருக்கிறேன்” என்றார்.

96 movie Re Release and Part 2 Update.

காளிதாஸ் நடிப்பில் பீரியட் சூப்பர் நேச்சுரல் த்ரில்லர் படம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நடிகர் காளிதாஸ் ஜெயராம் தனது வசீகரம் மற்றும் நடிப்புத் திறமையால் உலகம் முழுவதும் உள்ள பார்வையாளர்களின் இதயங்களைக் கவர்ந்துள்ளார்.

நல்ல கதைகளையும் கதாபாத்திரங்களையும் தேர்ந்தெடுத்து திறமையான நடிப்பால் தன்னை நிலைநிறுத்தியுள்ளார்.

2024 ஆம் ஆண்டு புத்தாண்டு தொடங்கியவுடன் காளிதாஸ் ஜெயராம் தனது சினிமா பயணத்தைப் புதிய உயரத்திற்கு உயர்த்தும் நோக்கத்தில் இனி கதாநாயகனாக நடிக்க வேண்டும் என்ற முடிவு எடுத்துள்ளார்.

அவரது இந்த முடிவு தயாரிப்பாளர் ஸ்ருதி நல்லப்பா தலைமையிலான மதிப்புமிக்க தயாரிப்பு நிறுவனமான மிராக்கிள் மூவிஸ் மூலம் நிறைவேறியுள்ளது. இந்தப் புதிய படத்தின் படப்பிடிப்பு இன்று காலை பாலக்காட்டில் பூஜையுடன் தொடங்கியது.

’லட்சுமி’, ’மாறா’ மற்றும் ’டிரிகர்’ போன்ற நல்ல கதையம்சம் கொண்ட படங்களை தயாரித்து வழங்கிய மிராக்கிள் மூவிஸ் தயாரிப்பு நிறுவனம் தனது அடுத்த புதிய படத்தை அறிவிப்பதில் பெருமிதம் கொள்கிறது.

’நிலா வரும் வேளை’ என்று பெயரிடப்பட்டுள்ள இந்த சூப்பர் நேச்சுரல் த்ரில்லர் தமிழ் மற்றும் தெலுங்கு என ஒரே நேரத்தில் இருமொழிப் படமாக உருவாகிறது.

தமிழில் காளிதாஸ் ஜெயராம் நாயகனாகவும், தெலுங்கில் சத்யதேவ் காஞ்சரனா கதாநாயகனாகவும் நடிக்கின்றனர். தெலுங்கில் இந்தப் படத்திற்கு இன்னும் பெயரிடப்படவில்லை.

இதற்கு முன்பு ’என்ன சொல்ல போகிறாய்’ என்ற ஃபீல் குட் ரொமாண்டிக் என்டர்டெய்னர் மூலம் பார்வையாளர்களை மகிழ்வித்த ஹரி இந்தப் படத்தை இயக்குகிறார்.

தயாரிப்பாளர் ஸ்ருதி நல்லப்பா இந்தப் படம் குறித்து உற்சாகமாகப் பகிர்ந்து கொண்டதாவது…

“மிராக்கிள் மூவிஸ் எப்போதும் அழுத்தமான கதைகளை தேர்ந்தெடுத்து அவற்றிற்கு பிரம்மாண்டமாக உயிர் கொடுத்துத் திரையில் கொண்டு வரவேண்டும் என அர்ப்பணிப்புடன் செயல்படுகிறோம்.

அதற்கு எங்களின் முந்தையப் படங்களே சான்று. இப்போது உருவாகி வரும் ‘நிலா வரும் வேளை’ திரைப்படம் நிச்சயம் பார்வையாளர்களுக்கு புதிய அனுபவத்தை வழங்கும். படத்திற்கான லொகேஷன், செட் வேலைகள், பிரமிக்க வைக்கும் ஆக்‌ஷன் காட்சிகள் போன்றவை சூப்பர்நேச்சுரல் த்ரில்லர் திரைப்பட ஆர்வலர்களை வசீகரிக்கும்” என்றார்.

மேலும் அவர் கூறுகையில்…

“திரையில் வரும் நேரத்தைப் பொருட்படுத்தாமல் கதாபாத்திரத் தன்மை அறிந்து நடிகர் காளிதாஸ் ஜெயராம் தரும் அர்ப்பணிப்பும் திறமையும் ஒவ்வொரு படத்திலும் தெளிவாகத் தெரிகிறது. மிராக்கிள் மூவிஸ் தயாரிக்கும் இந்த படம் மூலம் அவருடன் இணைவதில் நாங்கள் பெருமிதம் கொள்கிறோம்.

இந்தப் படம் சந்தேகத்திற்கு இடமின்றி சினிமாவில் அவருக்கு இன்னும் பெரிய உயரத்தைக் கொடுக்கும். இயக்குநர் ஹரியின் தொலைநோக்கு பார்வையும் நிபுணத்துவமும் படத்தின் தரத்தை மேலும் உயர்த்தும். ‘நிலா வரும் வேளை’ படம் தமிழ் மற்றும் தெலுங்கு பார்வையாளர்களின் எதிர்பார்ப்பைப் பூர்த்தி செய்யும்” என்கிறார் ஸ்ருதி நல்லப்பா. படத்தில் நடிக்கும் மற்ற நடிகர்கள் மற்றும் படக்குழுவினர் குறித்த அதிகாரப்பூர்வ அறிவிப்பு விரைவில் வெளியாகும்.

Kalidas Jayaram starrer Nila Varum Velai

கூல்சுரேஷுக்கு ரவிமரியா அட்வைஸ்..: ரஜினியிடம் கே பாலச்சந்தர் கண்டு பிடித்தார்.. என்னிடம் கார்த்திக் யோகி கண்டுபிடித்தார்.. – நிழல்கள் ரவி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கார்த்தி யோகி இயக்கத்தில் சந்தானம், மேகா ஆகாஷ், கூல் சுரேஷ், ரவி மரியா, சேசு, எம்எஸ் பாஸ்கர் உள்ளிட்ட பலர் நடித்த படம் ‘வடக்குப்பட்டி ராமசாமி’.

இந்த படம் சமீபத்தில் வெளியாகி வெற்றிகரமாக ஓடிக்கொண்டிருக்கிறது.

இந்த நிலையில் இந்த படத்தின் வெற்றி விழாவில் பங்கேற்ற..

நடிகர் ரவி மரியா பேசும் போது…

நிழல்கள் படத்தின் மூலம் ரவியாக மாறினார்.. என்னையும் அது போல வெயில் படத்தில் நடித்த போது வெயில் ரவி என மாற்றிக்கொள்ள சொன்னார். ஆனால் என் பெயருடன் என்னுடைய மனைவி பெயரும் இணைத்து இருப்பதால் நான் மாற்ற முடியாது என சொல்லிவிட்டேன்.

என் பெயரை மாற்றி இருந்தால் எனக்கு மனைவிக்கும் பிரச்சினை ஏற்பட்டிருக்கும். ஆனால் இப்போது நிழல்கள் ரவி போல நானும் வெயில் ரவி என மாற்றி இருக்கலாமா? நினைக்கத் தோன்றுகிறது.

பல படங்களுக்கு பிரமோஷன் செய்திருக்கிறார் கூல் சுரேஷ்.. தற்போது பிக் பாஸ் நிகழ்ச்சிக்கும் சென்று விட்டு வந்துள்ளார். இதன் மூலமும் அவருக்கு மேலும் புகழ்கி கிடைத்துள்ளது.

எனவே அவர் மற்ற படங்களுக்கு பிரமோஷன் செய்வதை விட்டுவிட்டு தன்னுடைய படங்களுக்கு கவனம் செலுத்த வேண்டும். அப்பொழுதுதான் அவருக்கான வாய்ப்புகள் நிறைய வரும். அதை விடுத்து மற்ற படங்களுக்கு பேசிக் கொண்டிருந்தால் அவரது கவனம் திசை திருப்பி விடும்.” என்றார்.

நடிகர் நிழல்கள் ரவி பேசும் போது…

இந்த சினிமா துறையில் 40 வருடங்களாக பயணித்து வருகிறேன்.. ஆதரவளித்து வரும் அனைவருக்கும் நன்றிகள்..

நிழல்கள் படத்தில் தொடங்கி பல படங்களை நடித்திருக்கிறேன். உன் கண்ணில் ஒரு ஈர்ப்பு இருக்கிறது என்று ரஜினியை பார்த்து கே. பாலச்சந்தர் ஒருமுறை சொல்லி இருந்தார்.

அது போல் எனக்குள் இருந்த காமெடியை தற்போது கார்த்தி யோகி கண்டுபிடித்து என்னை இந்த ‘வடக்குப்பட்டி ராமசாமி’ படத்தின் மூலம் நகைச்சுவை நடிகராகவும் மாற்றி இருக்கிறார் அவருக்கும் நன்றிகள்..” என்றார்.

Ravimariya and Ravi speech at Vadakupatti Ramasamy success meet

1 டிக்கெட் 4 படம்.. புதிய அறிவிப்பை வெளியிட்ட டிஸ்னி+ ஹாட்ஸ்டார்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

இந்தியாவின் முன்னணி ஸ்ட்ரீமிங் தளமான டிஸ்னி+ ஹாட்ஸ்டார், ரசிகர்களுக்காகப் பிரத்தியேகமாக 1 டிக்கெட் 4 படம் எனும், புதிய அறிவிப்பு ஒன்றை வெளியிட்டுள்ளது.

இதன் மூலம் ரசிகர்கள் தற்போது நான்கு புதிய சூப்பர்ஹிட் திரைப்படங்களை பார்த்து ரசிக்க முடியும்.

இந்த நான்கு படங்களின் தொகுப்பு, டிசம்பர் 30 அன்று பார்க்கிங் திரைப்படம் மற்றும் ஜனவரி 15 இல் ஜோ திரைப்படத்துடன் துவங்கியது.

அதைத் தொடர்ந்து ஜனவரி 27 முதல் ஃபைட் கிளப் ஸ்ட்ரீமிங் செய்யப்பட்டு வருகிறது.

இந்த புதிய திட்டத்தின் இறுதிப் படமாக – சபா நாயகன் படத்தினை பிப்ரவரி 14 அன்று ஸ்ட்ரீம் செய்யவுள்ளது.

இயக்குநர் ராம்குமார் பாலகிருஷ்ணன் இயக்கத்தில் உருவான பரபரப்பான த்ரில்லர் திரைப்படம் ‘பார்க்கிங்’, இது டிசம்பர் 30 முதல் ஸ்ட்ரீம் செய்யப்பட்டு வருகிறது, இப்படத்தில் முன்னணி நடிகர்கள் ஹரிஷ் கல்யாண், இந்துஜா மற்றும் M S பாஸ்கர் ஆகியோர் முதன்மை பாத்திரங்களில் நடித்துள்ளனர்.

இப்படம் ஈகோ அதிகமிருக்கும் இரண்டு மனிதர்களைச் சுற்றி, ஒரு கார் பார்க்கிங் இடத்திற்காக நிகழும் பிரச்சனையை யதார்த்தமான சம்பவங்களுடன் பரபரப்பாகச் சொல்கிறது.

ரியோ ராஜ், மாளவிகா மனோஜ் மற்றும் பவ்யா த்ரிகா ஆகியோர் நடிப்பில், இயக்குநர் S ஹரிஹரன் ராமின் இயக்கத்தில் காதல் பொழுதுபோக்கு திரைப்படம் ‘ஜோ’, இப்படம் ஜனவரி 15 முதல் ஸ்ட்ரீம் செய்யப்பட்டு வருகிறது.

ஜோ (ரியோ) எனும் இளைஞனின் வாழ்வும் அவனது காதலும், அவன் வாழ்வில் சந்திக்கும் பிரச்சனைகளையும் பற்றிய கதைதான் இந்தப்படம். இப்படம் ஜோவின் வாழ்வில் குறுக்கிடும் இரு பெண்கள் பற்றியது.

முதல் பாதி கல்லூரியில் காதலிக்கும் பெண்ணைப் பற்றியதாக இருந்தாலும், அடுத்த பாதி வாழ்க்கையின் பிற்பகுதியில் அவன் திருமணம் செய்து கொள்ளும் பெண்ணைப் பற்றியதாக அமைந்துள்ளது.

நடிகர்கள் விஜய் குமார் மற்றும் மோனிஷா மோகன் மேனன் நடிப்பில் இயக்குநர் அப்பாஸ் A ரஹ்மத்தின் இயக்கத்தில் உருவாகியுள்ள அதிரடி ஆக்‌ஷன் எண்டர்டெய்னர் படம் ‘ஃபைட் கிளப்’. வாழ்க்கையில் முன்னேற நினைக்கும் இளைஞர்களின் நட்பு, நம்பிக்கை, துரோகம் மற்றும் அவர்கள் நிலத்தின் பிரச்சனைகள் மீது வெளிச்சம் பாய்ச்சும் தீவிரமான கதையை இப்படம் பேசுகிறது.

அசோக் செல்வன், மேகா ஆகாஷ், கார்த்திகா முரளிதரன் மற்றும் சாந்தினி சௌத்ரி ஆகியோர் நடிப்பில், இயக்குநர் C S கார்த்திகேயன் இயக்கத்தில் உருவான லைட் ஹார்ட் ரொமாண்டிக் என்டர்டெய்னர் திரைப்படம் “சபா நாயகன்”. ரசிகர்கள் முகத்தில் புன்னகையை வரவழைக்கும் ஒரு ஃபீல் குட் ரொமான்டிக் காமெடிப்படமாக இப்படம் உருவாகியுள்ளது.

Disney plus hotstar announced 1 ticket 4 movies