தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
கடந்த ஆகஸ்ட் மாதம் உடல் நலக்குறைவால் ஆஸ்பத்திரியில் அனுமதிக்கப்பட்டிருந்தார் இயக்குனரும் நடிகருமான பாரதிராஜா.
சில தினங்கள் மருத்துவமனையில் தங்கி சிகிச்சை பெற்ற அவர் சில தினங்களுக்கு முன் வீடு திரும்பினார்.
அப்போது தமிழக முதல்வர் மு க ஸ்டாலின் அவரை அவரது இல்லத்தில் சந்தித்து நலம் விசாரித்தார்.
இந்நிலையில் தான் வீடு திரும்பியதை கமல்ஹாசனுக்கு போன் செய்து தெரிவித்துள்ளார் பாரதிராஜா.
இது குறித்து கமல்ஹாசன் தன் ட்விட்டர் பதிவில் பதிவிட்டுள்ளதாவது…
“நலம் பெற்று வீடு திரும்பிய திரு. பாரதிராஜா, அம்மகிழ்ச்சியான செய்தியை இன்று என்னுடன் தொலைபேசியில் பகிர்ந்து கொண்டார்.
மருத்துவமனையில் நலம் விசாரிக்கச் சென்றபோது, ஆஸ்பத்திரியில் உங்களைப் பார்க்க எனக்குப் பிடிக்கவில்லை.. சீக்கிரம் வீடு திரும்புங்கள், நான் புறப்படுகிறேன் என்று சொன்னேன்.
Ok see you later for sure, Bye என்று ஆங்கிலத்தில் சொல்லி வழியனுப்பினார். சொன்ன வாக்கைக் காப்பாற்றிய என் தேனிக்கார நண்பருக்கு இந்தப் பரமக்குடியானின் வாழ்த்துக்கள்.
இவ்வாறு தன் ட்விட்டரில் பதிவிட்டுள்ளார் கமல்ஹாசன்.
பாரதிராஜா இயக்கிய 16 வயதினிலே & சிகப்பு ரோஜாக்கள் & ஒரு கைதியின் டைரி உள்ளிட்ட படங்களில் கமலஹாசன் நடித்திருக்கிறார் என்பது குறிப்பிடத்தக்கது.
Kamalhassan tweet about Bharathiraja