தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
சந்தோஷ் பி ஜெயகுமார் இயக்கத்தில் கௌதம் கார்த்திக், நிக்கி கல்ராணி நடித்த ஹரஹர மஹாதேவகி படம் அண்மையில் வெளியானது.
அடல்ட் காமெடி படமாக உருவான இந்த பஜனை படம் இளைஞர்களை கவர்ந்தது.
இப்படம் வெளியாகும் முன்னரே தங்களின் அடுத்த படமான இருட்டு அறையில் முரட்டு குத்து பற்றிய அறிவிப்பை வெளியிட்டனர்.
அதன்படி அக்டோபர் 7ஆம் தேதி இதன் பூஜை போடப்பட்டது.
அதன் விவரம் வருமாறு….
ப்ளு கோஸ்ட் பிக்சர்ஸ் சார்பில் K E ஞானவேல்ராஜா தயாரித்து வழங்கும் புதிய படம் ‘இருட்டு அறையில் முரட்டு குத்து’.
இதில் கௌதம் கார்த்திக், ரவி மரியா, மொட்டை ராஜேந்திரன், கருணாகரன் மற்றும் பலர் நடிக்கிறார்கள்.
இதற்கு கதை, திரைக்கதை, வசனம் எழுதி இயக்குகிறார் சந்தோஷ் பி ஜெயகுமார். இப்படத்திற்கு தருண் பாலாஜி ஒளிப்பதிவை மேற்கொள்ள, இசையமைப்பாளர் பாலமுரளி பாலா இசையமைக்கிறார்.
பிரசன்னா G K படத் தொகுப்பை கவனிக்க, சுப்ரமணிய சுரேஷ் கலை இயக்கத்திற்கு பொறுப்பேற்றிருக்கிறார்.
இப்படத்தைப் பற்றி இயக்குநர் சன்தோஷ் பி ஜெயக்குமார் பேசும் போது,‘ இது ஒரு அடல்ட் ஹாரர் காமெடி ஜேனரில் உருவாகும் படம்.
இப்படத்தின் படப்பிடிப்பு முழுவதும் வெளிநாடுகளில் நடைபெறுகிறது. நாயகியாக நடிப்பதற்கு முன்னணி நடிகைகளிடம் பேச்சு வார்த்தை நடைபெற்று வருகிறது.
இறுதியானவுடன் விரைவில் அறிவிப்போம். படத்தின் சிங்கிள் ட்ராக் விரைவில் வெளியாகும்.’ என்றார்.
இதன் டைட்டில் லுக் இணையத்தில் வெளியாகியுள்ளது. அதில் காண்டம் மற்றும் பிரா உள்ளிட்டவைகளும் இடம் பெற்றுள்ளது என்பது குறிப்பிடத்தக்கது.
Iruttu Araiyil Murattu Kuthu movie Pooja and First look updates