தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
அஜித், சிவா கூட்டணியில் உருவாகியுள்ள விவேகம் படம் இன்று உலகம் முழுவதும் ரிலீஸ் ஆகிறது.
இப்படம் வளர்ந்த விதம் குறித்து இயக்குனர் சிவா கூறியதாவது…
‘வேதாளம்’ படத்திற்கு பிறகு ஒரு சர்வதேச படம் ஒன்று பண்ணலாம் என்ற யோசனையை அஜித் தான் கொடுத்தார்.
அதுபோன்ற கதையை நான்கு மாதங்களில் தயார் செய்தோம்.
இதில் ஆக்சனுடன் சேர்த்து எமோஷன்களும் உள்ளன.
அஜித் அசுர உழைப்பாளி. இப்படத்தில் மூன்று பெரிய ஆக்ஷன் காட்சிகள் உள்ளன.
இவை அனைத்தும் அஜித் ரசிகர்களுக்கு ஒரு படையலாக இருக்கும். சண்டை காட்சிகளுக்கு ‘டூப்’ வைப்பதை அஜித் சார் முற்றிலும் தவிற்பவர்.
இப்படத்தில் அஜித் செய்த ஒரு அசுர பைக் ஸ்டாண்டை பார்த்த அதனை இயக்கிய ஹாலிவுட் சண்டை இயக்குனர் காலோயன் வொடெனிசரோவ் [ Kaloyan Vodenicharov ]அசந்து போய் எழுந்து நின்று கைதட்டி பாராட்டினார்.
ஏனென்றால் அந்த ரோடு பனியிலும் மழை நீரிலும் ஊறி வழுக்களாகவும் அபாயகரமாகவும் இருந்தது.
இந்த படத்துக்காக அஜித் சார் ஜிம்மூக்கு மாதக்கணக்கில் சென்று கடும் உழைப்பு போட்டு தன் உடலை செதுக்கியுள்ளார்.
அவர் கடைபிடிக்கும் அவரது வாழ்க்கை தத்துவமான ‘Never Say Die’ வை மையமாக வைத்தே இப்படத்தில் ‘Never ever give up’ என்ற வசனத்தை எழுதினோம்.
எங்கள் முழு அணியும் இரவு பகல் பார்க்காமல் கடும் உழைப்பும் அர்ப்பணிப்பும் போடப்பட்டுள்ளது.” என்றார்.