By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
இயக்குநர் லெனின் பாரதி இயக்கத்தில் உருவான படம் ’மேற்கு தொடர்ச்சி மலை’.
கடந்த 2018 ஆம் ஆண்டு ஆகஸ்ட் மாதம் இந்த படம் வெளியாகி ரசிகர்களிடையே மிகப்பெரிய தாக்கத்தை ஏற்படுத்தியது.
மலைவாழ் மக்களின் வாழ்வியலையும் சுமைதூக்கும் தொழிலாளர்களின் சிரமங்களையும் சினிமாத்தனம் இல்லாமல் இயக்குநர் படைத்திருந்தார்.
இளையராஜாவின் இசையும் தேனி ஈஸ்வரின் ஒளிப்பதிவும் படத்திற்கு கூடுதல் பலத்தை கொடுத்தது.
இதில் நாயகனாக ஆண்டனி, அவரின் மனைவியாக காயத்ரி, கம்யூனிஸ்ட் சகாவாக அபு வலையங்குலம் உள்ளிட்டோர் நடித்திருந்தனர்.
இந்தப் படத்தின் வசனங்கள் இதன் வெற்றிக்கு பெரும் பங்களிப்பை கொடுத்தது. இந்த வசனங்களை எழுதியவர் ராசி தங்கதுரை @ தாமஸ்.
மேலும் பெரும் வரவேற்பை பெற்ற ‘தேன்’ படத்திலும் வசனம் எழுதி மருத்துவர் கேரக்டரில் நடித்திருந்தார் ராசி தங்கதுரை. இவருக்கு தற்போது 53 வயதாகிறது.
இந்த நிலையில் உடல்நல குறைவால் அவதிப்பட்டு வந்த இவர் நவம்பர் 13ஆம் தேதி இன்று ஆண்டிப்பட்டியில் காலமானார்.
இது திரையுலகினர் மத்தியில் பெரும் அதிர்ச்சியை ஏற்படுத்தியுள்ளது.
Dialogue writer Rasi Thangadurai passes away
