தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
1980களில் ரஜினி கமலுக்கு நிகரான ஹீரோவாக பேசப்பட்டவர் நடிகர் மோகன்.
‘பயணங்கள் முடிவதில்லை’, ‘கோபுரங்கள் சாய்வதில்லை’, ‘விதி’, ‘மௌனராகம்’, ‘மெல்லத் திறந்தது கதவு’ என பல படங்கள் இவரது பெயரை இன்றவும் சொல்லிக் கொண்டே இருக்கும். இவரது பட பாடல்களும் பிரபலம்.
இவரது பல படங்கள் 175 நாட்கள் தியேட்டர்களில் ஓடி வெள்ளி விழா கண்டது. இதனாலேயே இவரை வெள்ளி விழா நாயகன் என ரசிகர்கள் அழைப்பதுண்டு.
இறுதியாக தமிழில் 2008ஆம் ஆண்டு வெளியான ‘சுட்ட பழம்’ படத்தில் நாயகனாக நடித்திருந்தார். இந்த படம் தோல்வியை தழுவியதால் பின்னர் நடிக்கவில்லை. ஆனாலும் ஹீரோ வாய்ப்புக்காக மட்டுமே காத்திருந்தார்.
கிட்டத்தட்ட 14 வருடங்களுக்கு பிறகு மீண்டும் நாயகனாக ‘தாதா 87’ பட இயக்குனர் விஜய் ஸ்ரீ மூலம் ரிஎன்ட்ரி கொடுக்கிறார் மோகன்.
‘ஹரா’ என்று தலைப்பிடப்பட்டுள்ள இப்படத்தின் பர்ஸ்ட் லுக் புத்தாண்டில் வெளியானது. இந்த படத்தை கோவை எஸ்.பி.மோகன் ராஜ் மற்றும் ஜி மீடியா ஜெயஸ்ரீ விஜய் இணைந்து தயாரிக்கின்றனர்.
இந்த நிலையில் தற்போது இந்த படத்தில் மோகனுக்கு ஜோடியாக நடிகை குஷ்பூ இணைந்திருக்கிறாராம். 1980-90களில் மோகன் மற்றும் குஷ்பூ முன்னணி நட்சத்திரங்களாக இருந்த போதும் இவர்கள் இணைந்து நடிக்கவில்லை என்பது குறிப்பிடத்தக்கது.
‘ஹரா’ படத்தில் முக்கிய வேடத்தில் யோகிபாபு நடிக்கவுள்ளதாக தகவல்கள் வந்துள்ளன.
மேலும் இந்த படத்தின் கதைக்களம் ரஜினி அஜித் போன்ற டாப் ஹீரோக்கள் நடிக்கவேண்டிய மாஸான கதை எனவும் தகவல்கள் கிடைத்துள்ளன.
ரசிகர்களுக்கும் அதானே வேண்டும் விஜய்ஸ்ரீ ப்ரோ.. கலக்குங்க.
Actress Khushboo joins actor Mohan’s new film titled Haraa