யாக்கை விமர்சனம்

யாக்கை விமர்சனம்

நடிகர்கள் : கிருஷ்ணா, ஸ்வாதி, மெல்வின், ஹரி கிருஷ்ணா, பிரகாஷ்ராஜ், சிங்கம்புலி, குருசோமசுந்தரம், ராதாரவி, எம்எஸ் பாஸ்கர் மற்றும் பலர்.
இயக்கம் : குழந்தை வேலப்பன்
இசை : யுவன் சங்கர் ராஜா
ஒளிப்பதிவாளர் : சத்யா பொன்மார்
எடிட்டிங்: சாபு ஜோசப்
பி.ஆர்.ஓ.: சுரேஷ் சந்திரா
தயாரிப்பாளர் : ப்ரிம் பிக்சர்ஸ் முத்துக்குமரன்

கதைக்களம்…

மனித உடலின் மறுபெயர் தான் இந்த யாக்கை.

மருத்துவ துறையில் தன் வியாபாரத்திற்காக சில தனியார் மருத்துவமனைகள் மற்றும் பண முதலைகள் ஆடும் சதுரங்க வேட்டை தான் இந்த யாக்கை.

ஒரு அரிய வகை ரத்தம் உள்ளம் நாயகியை வில்லன் துரத்துகின்றனர்.

அதன் சூழ்ச்சியை பின்னர் அறிந்துக் கொள்ளும் அப்பாவி நாயகன் எடுக்கும் அவதாரமே இக்கதை.

C5j0nMwXQAApJ8G

கதாபாத்திரங்கள்…

லவ் பாயாகவும் ஆக்ஷன் ஹீரேவாகவும் வருகிறார் கிருஷ்ணா. காதலிக்காக கதறும்போது நம்மை உருக வைக்கிறார்.

ஆனால் மற்ற காட்சிகளில் ஒரு இடத்தில் நிற்காமல் துள்ளிக் கொண்டே இருக்கிறார். ஜாலியான காலேஜ் பசங்கன்னா இப்படி காட்டனுமா? என்ன?

நாயகி ஸ்வாதிக்கு நிறைவான படம். கண்களாலும் சைகையாலும் பேசும் காட்சிகளில் கவிதையாய் தெரிகிறார்.

ஜோக்கர் படத்தில் அசத்திய ஜனாதிபதி குருசோம சுந்தரம் இதில் வில்லனாக மிரட்டியிருக்கிறார்.

இவர்களுடன் பிரகாஷ்ராஜ் மற்றும் ராதாரவி சில காட்சிகள் என்றாலும் முத்திரை பதிக்கின்றனர்.

C5hk_pfWYAAgPlL

தொழில்நுட்ப கலைஞர்கள்…

சத்யா பொன்மார் ஒளிப்பதிப்பில் காலேஜ் காட்சிகளை ரசிக்கலாம்.

ஆனால் எடிட்டர் சாபு ஜோசப்தான் பொறுமையை சோதித்துவிட்டார்.

முதல் பாதியில் நிறைய காட்சிகளை வெட்டியிருக்கலாம். காதல், ஆதரவற்றோர் இல்லம் என காட்டிக் கொண்டிருந்தாலும் அதில் அழுத்தம் கொடுத்திருக்கலாம்.

யுவன் சங்கர் ராஜாவின் இசையில் உருவான பாடல்கள் பலம் சேர்க்கின்றன. “என்னுள்ளே ஏன் சலனம்…”, “நான் இந்த காற்றில்..”,” எந்தன் இறுதி மூச்சு…” உள்ளிட்ட பாடல்கள் இனிமை.

ஒரு மருந்தை சாப்பிட்டு நோய் குணமாகிவிட்டால், பின் எப்படி மருந்து வியாபாரம் ஆகும்.

அதை சாப்பிட்டுக் கொண்டே இருக்க வேண்டும் என்பதுதான் மருந்து முதலாளிகளின் வேலை என்பதை அப்பட்டமாக காட்டியிருக்கும் இயக்குனர் குழந்தை வேலப்பனுக்கு சபாஷ் போடலாம்.

கருணை உள்ளம் கொண்ட காதலி, ரத்தம் கேட்டால் கொடுத்திருப்பா.. அவளை ஏண்டா இப்படி பண்ணீட்டீங்க என்று நாயகன் கூறும்போது ரத்ததான கொடை வள்ளல்கள் கண்முன்னே நிற்கின்றனர்.

யாக்கை… ரத்ததான விழிப்புணர்வு

கனவு வாரியம் விமர்சனம்

கனவு வாரியம் விமர்சனம்

நடிகர்கள் : அருண் சிதம்பரம், ஜியா, ப்ளாக் பாண்டி, இளவரசு, யோக் ஜேப்பி, செந்தி குமாரி மற்றும் பலர்.
இயக்கம் : அருண் சிதம்பரம்
இசை : ஷியாம் பெஞ்சமின்
ஒளிப்பதிவாளர் : எஸ். செல்வகுமார்
எடிட்டிங்: காகின்
பி.ஆர்.ஓ.: ரியாஸ்
தயாரிப்பாளர் : டி.சி.கே.ஏ .பி சினிமாஸ் ஆணழகன் சிதம்பரம்

கதைக்களம்…
நாடெங்கிலும் உள்ள மின்வெட்டு பிரச்சினைக்கு தீர்வுதான் இப்படம்.

மேலும் படிப்பு என்பது வேறு. அனுபவம் என்பது வேறு. படிப்பறிவு இல்லாமலும் நம்மால் எதையும் சாதிக்கலாம் என்பதன் முயற்சியே இந்த கனவு வாரியம்.

எப்போதும் அரசாங்கத்தை மட்டுமே சார்ந்திடாமல் நம்மால் ஆன முயற்சிகளை மேற்கொண்டால் நிச்சயம் சாதிக்கலாம் என்கிறார் இயக்குனர் அருண் சிதம்பரம்.

இவரே இப்படத்திற்கு கதை, திரைக்கதை, பாடல் எழுதி இயக்கி. ஹீரோகவாகவும் நடித்திருக்கிறார்.

இவரது தந்தைதான் இப்படத்தின் தயாரிப்பாளர் என்பது குறிப்பிடத்தக்கது.

அருண் சிதம்பரம் கிராமத்து இளைஞராக வருகிறார்.

C5Z4CLVVUAA-vpr

தன்னுடைய ஆராய்சிசியை அம்மா அடிக்கடி கண்டிப்பது, திட்டுவது போன்ற காட்சிகளில் இன்றைய இளைஞர்களை பிரதிபலிக்கிறார்.

தந்தையாக இளவரசு.. சிறப்பான தேர்வு.

நண்பருக்கு உதவும் கேரக்டரில் ப்ளாக் பாண்டி. சிரிக்கவும் வைக்கிறார்.

நல்ல ஒரு ஆசிரியருக்கு ஞானசம்பந்தன் எடுத்துக்காட்டு.

அறிமுக நாயகி ஜியா பாஸ் மார்க் பெறுகிறார்.

ஐடி வேலையை விட்டுவிட்டு விவசாயம் செய்யும் யோக் ஜேப்பி மனதில் நிற்கிறார்.

இன்று விவசாயம் செய்பவனே நாளைய கோடீஸ்வரன் என்று சொல்வது சூப்பர்.

பெரிய பெரிய நிறுவனங்களை காய்கறி விற்குகுபோது நாமும் இயற்கை விவசாயம் செய்து முன்னேறலாமே என்று கூறும் காட்சிகள் கைத்தட்டல்களை அள்ளும்.

இப்படத்தில் இடம் பெற்றுள்ள ஒரு பாடலில் அறுபதுக்கும் மேற்பட்ட பாரம்பரிய தமிழ் கிராம விளையாட்டுக்களை காட்டியிருக்கிறார்கள்.

அதை அழகாக படம் பிடித்து நம்மை குழந்தை பருவத்திற்கே அழைத்து செல்கிறார் ஒளிப்பதிவாளர்.

C4cBfLMXAAAPXCq

இன்றைய குழந்தைகள் அந்த விளையாட்டுக்களை தவறவிட்டு விட்டோமே என நிச்சயம் ஏங்கலாம்.

மேலும் அந்த விளையாட்டுக்களை விளையாட கட்டணம் எதுவும் தேவையில்லை. நம்மை சுற்றியுள்ள பொருட்களே போதும் என காட்டியிருப்பது அருமை.

இப்படம் திரைக்கு வருவதற்க்கு முன்பே இரண்டு ரெமி விருதுகளை பெற்றுள்ளது. மேலும் ஏழு உலகப் பட விருதுகளையும் பதினைந்து நாடுகளின் சினிமா விழாக்களில் அங்கீகாரத்தையும் பெற்றுள்ளது என்பது குறிப்பிடத்தக்கது.

இதுவொரு கமர்ஷியல் படமல்ல. நல்ல முயற்சி.

எனவே இதுபோன்ற எண்ணங்கள் நம் மாணவர்களிடையே ஏற்படுத்தலாம்.

கனவு வாரியம்… வில்லேஜ் விஞ்ஞானி

எமன் விமர்சனம்

எமன் விமர்சனம்

நடிகர்கள் : விஜய் ஆண்டனி, மியா ஜார்ஜ், தியாகராஜன், சங்கிலி முருகன், சார்லி, சுவாமிநாதன் மாரிமுத்து மற்றும் பலர்.
இயக்கம் : ஜீவா சங்கர்
இசை : விஜய் ஆண்டனி
ஒளிப்பதிவாளர் : ஜீவா சங்கர்
எடிட்டிங் : வீர செந்தில்ராஜ்
பி.ஆர்.ஓ.: சுரேஷ் சந்திரா
தயாரிப்பாளர் : லைகா புரொடக்சன்ஸ் & விஜய்ஆண்டனி பிலிம் கார்ப்பரேசன்

yaman dance

கதைக்களம்…

தான் பிறந்த ஒரு வாரத்திலேயே பெற்றோரை இழக்கிறார் விஜய் ஆண்டனி. இதனால் இவருக்கு எமன் என்ற பட்டபெயர் வந்துவிடுகிறது.

30 வருடங்களுக்கு பின், தன்னை வளர்க்கும் தாத்தாவின் ஆப்ரேசனுக்காக பணம் தேவைப்படுகிறது.

எனவே செய்யாத ஒரு குற்றத்திற்காக (குற்றவாளிக்கு பதிலாக) ஜெயிலுக்கு போனால் பணம் கிடைக்கும் என்கிறார் சுவாமிநாதன்.

அதன்படி ஜெயிலுக்குபோக, சில அரசியல்வாதிகள் சந்திக்கிறார். அதன்படி வெளியில் வந்தபின் ஒவ்வொருவராக இவர் சந்திக்க, இவரின் வாழ்க்கையில் ஏற்படும் அதிரடி திருப்பங்களே எமன்.

yaman jodi

கதாபாத்திரங்கள்…

அப்பா மகன் என இரண்டு கேரக்டரில் விஜய் ஆண்டனி. இரண்டிலும் ரசிக்க வைக்கிறார்.

சிறந்த அரசியல்வாதி தன் ஒவ்வொரு அடியையும் எவ்வளவு நிதானமாக எடுத்து வைப்பாரோ? அப்படி அளந்து நடித்திருக்கிறார் விஜய் ஆண்டனி.

எம்மேல கை வச்ச காலி பாடலில் டான்ஸ் ஆட முயற்சிப்பது காமெடி. பாடல் ரசிக்க வைத்தாலும் மூவ்மெண்ட்ஸ் வரல.

எப்போதும் மிகையில்லாத நடிப்பை தருபவர் மியா ஜார்ஜ். இதிலும் தன் பங்கை சிறப்பாக செய்திருக்கிறார்.

டமீலோ டூமிலோ என்ற பாடல் வெஸ்டர்ன் பாணி என்றாலும் அதிலும் மேனியை முழுவதுமாக மூடி இருப்பது கொஞ்சம் ஓவர்தான். ஆனால் கிளாமரில் முதல் அடியை எடுத்து வைத்திருப்பதால் பாராட்டலாம்.

நீண்ட நாட்களுக்கு பிறகு சைலண்ட் வில்லன் ரோல். தியாகராஜன் தன் நடிப்பில் உள்ளங்களை திருடுவது நிச்சயம்.

தான் வரும் காட்சிகளில் சபாஷ் போட வைக்கிறார் சார்லி. சங்கிலிமுருகன், சுவாமிநாதன் ஆகியோர் சிறப்பான தேர்வு.

இவர்களுடன் ஏகப்பட்ட வில்லன்கள். அரசியல் களம் என்பதால் அப்படியோ? ஆனாலும் எல்லா கேரக்டர்களும் உணர்ந்து நடித்திருக்கிறார்கள்.

yaman 1

தொழில்நுட்ப கலைஞர்கள்…

டைரக்டரே ஒளிப்பதிவாளர் என்பதால் இரண்டிலும் ஜெயிக்கிறார்.

சீரியசான படத்திற்கு பாடல்கள் தேவையில்லாத பீலிங்ஸ் இருக்கு.

ஆனாலும் எம்மேல கை வச்சா, கடவுள் எனும் கவிதை ஆகிய பாடல்கள் ரசிக்க வைக்கிறது.

முக்கியமாக பின்னணி இசை பெரிதாக பேசப்படும். படத்தின் தீம் மியூசிக் தியேட்டரில் விட்டு வந்தாலும் ஒலிக்கும்.

Yaman director team

இயக்குனர் பற்றிய அலசல்…

விஜய் ஆண்டனிக்காக பின்னப்பட்ட கதையை பிட்டாக கொடுத்திருக்கிறார் ஜீவா சங்கர்.

விறுவிறுப்பான கதைக்களம், அதிரடியான வசனங்கள் என நல்ல ப்ளாட்பார்ம் இருந்தாலும் கொஞ்சம் வேகம் கூட்டியிருக்கலாம்.

அரசியல்வாதிகள் எல்லாருமே சாமானிய மனிதர்கள்தான். ஆனால் சராசரி மனிதன் திடீரென இன்றைய அரசியலில் இப்படி உருவெடுக்க முடியுமா?  என்பது டவுட்தான்.

சினிமா நடிகை, திடீரென விஜய் ஆண்டனியை நம்புவது எப்படி? என்று தெரியவில்லை.

பதவிக்காக ஒரு அரசியல்வாதி எதையும் செய்வான். அவன் மனித முகம் கொண்ட மிருகம் என்பதை அதிரடியாக சொல்லியிருக்கிறார் ஜீவாசங்கர்.

எதிரியை கூட நம்பிடலாம். எப்பவும் கூடவே விசுவாசமா இருக்கிறவன அரசியலில் நம்பமுடியாது  என்ற வசனங்கள் இன்றைய தமிழ்நாட்டு அரசியலை நிச்சயம் ஞாபகப்படுத்தும்.

எமன்… அரசியல்வாதியின் அசல் முகம்

பகடி ஆட்டம் விமர்சனம்

பகடி ஆட்டம் விமர்சனம்

நடிகர்கள் : ரகுமான், கௌரி நந்தா, அகில், நிழல்கள் ரவி, சுரேந்தர், மோனிகா, கருத்தம்மா ராஜஸ்ரீ, சுதா, கோவை செந்தில், சாட்டை ரவி, பாய்ஸ் ராஜன் மற்றும் பலர்.
இயக்கம் : ராம் கே. சந்திரன்
இசை : கார்த்திக் ராஜா
ஒளிப்பதிவாளர் : கிருஷ்ணசாமி,
எடிட்டிங் : கே. ஸ்ரீனிவாஸ்
பி.ஆர்.ஓ.: குமரேசன்
தயாரிப்பாளர் : குமார் டி.எஸ், டி. சுபாஷ் சந்திரபோஸ், குணசேகர்

கதைக்களம்…

இந்த பகடி ஆட்டத்தை இரண்டே வரிகளில் சொல்லிவிடலாம்.

1) பணக்கார பையன்கள் நிறைய பெண்களை காதலித்து அவர்களின் வாழ்க்கையில் விளையாடும் ஆட்டம்.

2) அதுபோல் பணத்திற்காக ஒருவனை காதலிப்பதும் பின்னர் வேறொரு பையனை மணப்பதும் என்று திரியும் பெண்களின் ஆட்டம்.

இந்த மையக்கருத்தை வைத்து ராம் கே. சந்திரன் சொல்லியிருக்கும் அதிரடி ஆட்டம்தான் இக்கதை.

கதாபாத்திரங்கள்…

ரகுமான், அகில், கருத்தம்மா ராஜஸ்ரீ என சிலரே நமக்கு பரிச்சயமானவர்கள். ஆனாலும் மற்ற கேரக்டர்களும் படத்தின் கேரக்டர் அறிந்து தங்கள் பணிகளை மிகச் சிறப்பாக செய்துள்ளனர்.

இடைவேளை வரை காதலர்களின் காதலையும் காமத்தையும் சொன்ன இயக்குனர் அதன்பின்னர் காவலர்களின் அதிரடியை காட்டியிருப்பது படத்தை ஜெட் வேகத்தில் கொண்டு செல்கிறது.

அதில் ரகுமான் இறங்கிய பின்னர் ஒவ்வொன்றாக கண்டுபிடிப்பது கூடுதல் சுவை.

கௌரி நந்தா மற்றும் மோனிகா படத்திற்கு அழகு சேர்கின்றனர்.

தொழில்நுட்ப கலைஞர்கள்…

கார்த்திக் ராஜா இசையில் பாடல்கள் இருந்தாலும் இரண்டு பழைய பாடல்களே படத்திற்கு பெரிய பலம்.

இளமை எனும் பூங்காற்று…. மற்றும் என்ன என்ன கனவு கண்டாயோ சாமி? என்ற இரு பாடல்களும் முழுமையாக பயன்படுத்தப்பட்டு படத்திற்கு பலம் சேர்க்கின்றன.

கிருஷ்ணசாமியின் ஒளிப்பதிவில் காட்சிகள் அருமை.

இயக்குனர் பற்றிய அலசல்…

தான் பட்ட கஷ்டங்களை தங்கள் பிள்ளைகள் படக்கூடாது என்று நினைக்கும் பெற்றோர்கள் ஓவராக செல்லம் கொடுத்து பிரைவசி என்ற பெயரில் தங்கள் பிள்ளைகளை கண்டு கொள்ளாமல் விட்டு விடுகின்றனர்.

வாட்ஸ் அப், ட்விட்டர், பேஸ்புக் என்று அவர்களும் இணையங்களில் முகம் தெரியாத நபருடன் அறிமுகமாகி திசை மாறிவிடுகின்றனர்.

இதை ஆணித்தரமாக சொல்லி அதற்கு எவரும் எதிர்பாராத ஒரு க்ளைமாக்ஸ் சொல்லி ரசிகர்களை கவர்கிறார் இயக்குனர் ராம் கே சந்திரன்.

பெற்றோரையும் தன்னை காதலிப்பரையும் ஏமாற்ற செல்போன்களில் பெயரை மாற்றி வைக்கும் காட்சிகளும் அதனால் விசாரணையில் போலீஸ் சற்று தடுமாறுவதும் ரசிக்க வைக்கிறது.

பகடி ஆட்டம்… பெற்றோரை ஏமாற்றும் காதலர்களின் ஆட்டம்

என்னோடு விளையாடு விமர்சனம்

என்னோடு விளையாடு விமர்சனம்

நடிகர்கள் : பரத், கதிர், சாந்தினி, சஞ்சிதா ஷெட்டி, ராதாரவி, யோக் ஜேபி, கமலா கணேஷ் மற்றும் பலர்.
இயக்கம் : அருண் கிருஷ்ணசாமி
இசை : மோசஸ் மற்றும் சுதர்சன் குமார்
ஒளிப்பதிவாளர் : யுவா
எடிட்டிங் : கோபி கிருஷ்ணா
பி.ஆர்.ஓ.: கோபிநாதன்
தயாரிப்பாளர் : டோரண்டோ ரீல்ஸ், ரேயான் ஸ்டூடியோஸ்

கதைக்களம்…

பரத் மற்றும் சாந்தினி ஒரு ஜோடி. இதில் பரத் குதிரை ரேஸ் பிரியர். அதில் நிறைய நஷ்டத்தை சந்திக்கும் அவர் லாபம் சம்பாதிக்க குறுக்கு வழிக்கு செல்ல நினைக்கிறார்.

கதிர் மற்றும் சஞ்சிதா மற்றொரு ஜோடி. இதில் சஞ்சிதாவுக்கு உதவ கதிர் குறுக்கு வழிக்கு செல்லும் சூழ்நிலை உருவாகிறது.

ராதாரவி, யோக் ஜேபி, கமலா கணேஷ் ஆகிய மூவரும் குதிரை ரேஸின் ஜாம்பவான்கள்.

குதிரை பந்தயமும் இவர்களுக்குள் விளையாடும் சூதாட்டமே இந்த என்னோடு விளையாடு.

கதாபாத்திரங்கள்…

முன்பை விட இதில் படு ஸ்மாட்டாக் இருக்கிறார் பரத். கூடவே பாடி பில்டப் மெயின்ட்டெயின் செய்து இளைஞர்களை கவருகிறார்.

இவருக்கும் சாந்தினிக்கும் நல்ல கெமிஸ்ட்ரி. சாந்தினி அழகான கிறிஸ்த பெண்ணாக வருகிறார்.

அப்பாவியாக இளைஞராகவும் இறுதியில் அதிடியிலும் கதிர் கலக்கல். சஞ்சிதா கிளாமராகவும் ஹோம்லியாகவும் ரசிகர்களை கவருகிறார்.

ராதாரவி மற்றும் யோக் ஜேபி இருவரும் மூளைக்காரர்கள். குதிரை ஜெயிப்பது மட்டும் வெற்றியல்ல. அதில் தங்களது கௌரவமும் அடங்கியுள்ளது என்பதற்காக ஆடும் ஆட்டம் ரசிக்கலாம்.

ஒரு சில காட்சிகளில் வந்தாலும் ஜெயச்சந்திரன் மனதில் நிற்கிறார். நிறைய காட்சிகள் கொடுத்திருக்கலாம்.

தொழில்நுட்ப கலைஞர்கள்…

இசையமைப்பாளர்கள் இரண்டு பேர் என்பதால் 5 பாடல்களை தாண்டிவிடுகிறது.

பாடல்கள் நன்றாக இருந்தாலும் அடுத்தடுத்து வருவதை தவிர்த்து இருக்கலாம்.

யுவா ஒளிப்பதிவில் குதிரை ரேஸ் காட்சிகள் அதிரடி.

இயக்குனர் பற்றிய அலசல்…

குதிரை ரேஸ் சென்னையில் தடைப்பட்டு இருப்பதால் இதில் நடைபெறும் சூதாட்டங்கள் தமிழக ரசிகர்களுக்கு புது அனுபவம்தான்.

இடைவேளை வரை என்னாகுமோ? என்று செல்லும் திரைக்கதை அதன்பின்னர் குதிரை வேகம் எடுக்கிறது.

ஆனால் சூதாட்டத்தினால் சில குடும்பங்கள் அழிந்து வருவதையும் அதனால் ஏற்படும் பிரச்சினைகளையும் அழுத்தமாக பதிவு செய்திருக்கலாம்.

என்னோடு விளையாடு… சுவையான சூதாட்டம்

காதல் கண் கட்டுதே விமர்சனம்

காதல் கண் கட்டுதே விமர்சனம்

நடிகர்கள் : கேஜி, அதுல்யா, சிவ்ராஜ், அனிருத் மற்றும் பலர்.
இயக்கம் : சிவராஜ்
இசை : பவன்
ஒளிப்பதிவாளர் : ராஜ்மோகன்
பி.ஆர்.ஓ.: கே.என். குமார்
தயாரிப்பாளர் : மாண்டேஜ் மீடியா (சிவராஜ்)

கதைக்களம்…

ஹீரோ கேஜி மற்றும் நாயகி அதுல்யா இருவரும் காலேஜ்மேட்ஸ். இருவரும் கோவையை சேர்ந்தவர்கள்.

நண்பர்களாக இருக்கும் இவர்கள் படிப்புக்கு பிறகு அடிக்கடி சந்திக்கும் சூழ்நிலை உருவாகிறது.

எனவே காதலும் உருவாகிறது. இதில் அதுல்யா ஒரு பத்திரிகையில் பணிபுரிகிறார்.

அங்குள்ள அனிருத் என்பவரிடம் (படத்தில் கார்த்திக்) இவர் பணி காரணமாக பழக, அது நாயகனுக்கு கோபத்தை உண்டாக்குகிறது.

அதனால் இவர்களின் காதல் இடையே மோதலும் உருவாகிறது. இதனையடுத்து அவர்கள் இணைந்தார்களா? காதல் என்னவானது என்பதுதான் படத்தின் கதை.

kadhal 2

கதாபாத்திரங்கள்..

நாம் மேலே கூறிய கேரக்டர்கள்தான் படத்தின் மொத்த கேரக்டர்களும் என்றே சொல்லாம்.

இடையில் நண்பர்கள் வந்து செல்கிறார்கள்.

ஒரு சராசரி கோவை பையனாக வந்து செல்கிறார் கே.ஜி. (படத்தில் சிவா) பெண்களின் மனதை புரிந்துக் கொள்ளாமல் தவிக்கும் காட்சிகளில் ரசிக்கலாம்.

அதுல்யாவுக்கு இது முதல் படம் என்றாலும் கண்களால் நிறையவே ஸ்கோர் செய்கிறார். கண்களும் அவரது புருவங்களும் நிறைய பேசுகின்றன.

ஹீரோவின் நண்பர்கள் மற்றும் ஆபிஸ் ப்ரெண்ட்ஸ் ஆகியோருக்கு இன்னும் வேலை கொடுத்திருக்கலாம்.

1S4A9266 copy

தொழில்நுட்ப கலைஞர்கள்…

படத்தின் மிகப்பெரிய பலமே பவனின் பாடல்கள் மற்றும் சிவராஜின் ஒளிப்பதிவுதான்.

காதலே உனக்கு என்ன பாவம் செய்தேனோ என்று தொடங்கி எத்தனை நாட்கள் என்ற பாடல் நிச்சயம் எத்தனை நாட்கள் ஆனாலும் மனதை விட்டு போகாது.

என்னை கொஞ்சமாய் கொன்றாயே பாடலும் ரசிக்க வைக்கிறது.

ஒளிப்பதிவாளரின் காதல் காட்சிகள் கண்களுக்கு விருந்து.

இன்றைய காதலர்களின் சின்ன சின்ன சண்டைகளை கொஞ்சம் நீளமாக சொல்லிவிட்டார்.

ஒரு குறும்படத்திற்கான கதையை நீண்ட நேரம் சொல்லியிருப்பதுதான் பலவீனம்.

படத்தில் எந்தவிதமான ட்விஸ்ட் இல்லாமல் போனது மகா வருத்தம்.

காதல் கண் கட்டுதே… காதலர்களை கவரும்

More Articles
Follows