தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
சாமி 2 படத்தை தொடர்ந்து விக்ரம் நடிப்பில் உருவாகியுள்ள துருவ நட்சத்திரம் படம் விரைவில் திரைக்கு வரும் என எதிர்பார்க்கப்படுகிறது.
தற்போது கமலின் உதவி இயக்குனர் ராஜேஷ் எம் செல்வா இயக்கும் புதிய படத்தில் நடித்து வருகிறார்.
இதில் முக்கிய வேடத்தில் கமலின் 2வது மகள் அக்சராஹாசன் நடிக்கிறார்.
இப்படத்தை தன் ராஜ்கமல் பிலிம்ஸ் சார்பாக கமல்ஹாசன் தயாரிக்கிறார்.
இந்நிலையில் இப்படம் பிரபல ஹாலிவுட் படமான டோன்ட் ப்ரீத் படத்தின் தமிழ் ரீமேக் என சொல்லப்படுகிறது.
பெடி அல்வரேஸ் இயக்கிய இதில் ஸ்டீபன் லாங், ஜேன் லெவி, டைலன் மின்னட் ஆகியோர் நடித்திருந்தனர்,
பார்வையற்ற ராணுவ வீரர் ஒருவர் வீட்டில் தனியாக வசிக்கிறார்.
அந்த வீட்டிற்கு கொள்ளையர்கள் வருகின்றனர். அவர்களை எதிர்கொண்டு ஒவ்வொருவராக கொலை செய்வார் ஸ்டீபன் லாங்.
அந்த கேரக்டரில்தான் விக்ரம் நடிக்கவுள்ளதாக கூறப்படுகிறது.
ஏற்கெனவே காசி படத்தில் அசல் பார்வையற்றவராக நடித்து அசத்தியவர் விக்ரம். ஒரு வேளை இந்த ஹாலிவுட் கதை உறுதியாகும் பட்சத்தில் இதிலும் அசத்துவார் விக்ரம் என நம்பலாம்.