தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
விஷ்ணு விஷால், ஐஸ்வர்ய லெட்சுமி, கருணாஸ், ரெடின் கிங்ஸ்லி உள்ளிட்டோர் நடித்துள்ள ‘கட்டா குஸ்தி’.
ஜஸ்டின் பிரபாகரன் இசையமைக்க செல்ல அய்யாவு இயக்கியுள்ளார். இந்த படத்தை பிரபல தெலுங்கு நடிகர் ரவிதேஜாவின் ஆர்.டி. டீம் ஒர்க்ஸ் நிறுவனமும், விஷ்ணு விஷால் ஸ்டூடியோஸும் இணைந்து தயாரித்துள்ளன.
இந்த படத்தின் ட்ரெய்லர் இன்று சற்றுமுன் வெளியாகியுள்ளது.
இதற்கான நிகழ்வு தற்போது சென்னை லீலா பேலஸ் ஹோட்டலில் நடைபெற்று வருகிறது.
இந்த நிகழ்ச்சியினை பிரபல நடிகை அர்ச்சனா மற்றும் விஜய் டிவி பாலா ஆகியோர் தொகுத்து வழங்கி வருகின்றனர்.
படத்தின் தயாரிப்பாளர் ரவி தேஜாவும் இந்த விழாவில் கலந்து கொண்டார். சிறப்பு விருந்தினராக ஐஸ்வர்யா ரஜினிகாந்த் கலந்து கொண்டார்.
ரஜினி & விஷ்ணு விஷால் இணைந்து நடிக்கும் ‘லால் சலாம்’ படத்தை ஐஸ்வர்யா ரஜினி இயக்குகிறார் என்பது இங்கே கவனிக்கத்தக்கது.
இந்த விழாவில் விஷ்ணு விஷால் பேசும்போது…
நான் ஒரு கட்டத்தில் வாழ்க்கையில் கஷ்டங்களை சந்தித்தேன். அப்போது எனக்கு கிரிக்கெட்டும் ஒத்து வரவில்லை.
சினிமாவும் ஒத்து வரவில்லை. இதை விட்டு விலகலாமா என்று நினைத்தேன். அப்போது ஒருமுறை ரஜினியை சந்தித்தேன்.
இன்று ரஜினிகாந்துடன் நடிக்கிறேன் என்பதை நினைக்கும் போது சந்தோஷமாக இருக்கிறது.
இதைவிட எனக்கு வேறு என்ன வேண்டும்?என்றார்.
மேலும் பேசுகையில்..
“தமிழ்நாட்டில் எனது சினிமாவில் உதயநிதி மிக உதவியாக இருக்கிறார்.
அது போல தெலுங்கில் ரவி தேஜா அண்ணன் உதவியாக இருக்கிறார். அவரை சில முறை மட்டுமே சந்தித்தேன். ஆனால் அத்தனை பாசிட்டிவாக பேசினார். அவருடன் படம் செய்வதில் எனக்கு சந்தோஷம். அவர் இந்த படத்தை தயாரிக்க உடனே ஒப்புக்கொண்டார்.”
இவ்வாறு விஷ்ணு விஷால் பேசினார்.