தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
திரைப்பட இசையமைப்பாளர்களான, தோட்டகுரு சோமராஜு மற்றும் சலூரி கோட்டேஷ்வர் ராவ் ஆகியோர் ‘ராஜ்-கோடி’ என்ற பெயரில் இசை ஆர்வலர்களுக்கு அறிமுகமானவர்கள்.
90 காலக்கட்டத்தில் தென்னிந்திய இசையமைப்பாளர்களில் பிரபலமான ஒருவராக திகழ்ந்த இரட்டை இசையமைப்பாளர்கள் ‘ராஜ்-கோடி’.
இருவரும் சுமார் 180 மேற்பட்ட படங்களுக்கு இசையமைத்துள்ளனர்.
ராஜ் – கோடி இசையில் வெளியான 3000 பாடல்களில், சுமார் 2,500 பாடல்களை பாடகர்கள் எஸ்.பி.பாலசுப்ரமணியம் மற்றும் கே.எஸ்.சித்ரா ஆகியோர் பாடியுள்ளனர்.
இசைப்புயல் ஏஆர் ரஹ்மான் ஆரம்ப காலத்தில் இசையமைப்பாளர்கள் ராஜ்-கோட்டி இசைக் குழுவில் 8 ஆண்டுகள் கீ-போர்டு பிளேயராக வேலை பார்த்து வந்த ரஹ்மானை கை தூக்கிவிட்டவர் இசையமைப்பாளர் ராஜ் என்பது குறிப்பிடத்தக்கது.
இசையமைப்பாளர் ராஜ் ஹைதராபாத் குகட் பாலியில் உள்ள ஃபோரம் மால் அருகே வசித்து வருகிறார்.
கடந்த சில தினங்களாக உடல்நிலை சரியில்லாமல் இருந்த ராஜ்.
இந்நிலையில், வீட்டில் இருந்த ராஜ் நேற்று குளியலறையில் தவறி விழுந்ததாக கூறப்படுகிறது. இதில் மயக்கமான அவரை மீட்டு குடும்பத்தினர் மருத்துவமனைக்கு கொண்டு சென்றனர்.
இசையமைப்பாளர் ராஜை பரிசோதித்த மருத்துவர்கள், விழுந்த அதிர்ச்சியில் மாரடைப்பு ஏற்பட்டு அவர் உயிரிழந்து விட்டதாக தெரிவித்தனர்.
இசையமைப்பாளர் ராஜ் மறைவுச் செய்திக் கேட்டு திரையுலக பிரபலங்கள் தங்களது இரங்கலை தெரிவித்து வருகின்றனர்.
மேலும், ராஜின் இறுதி சடங்குகள் ஹைதராபாத்தில் உள்ள மகாபிரஸ்தானத்தில் இன்று நடைபெறுகிறது.
telugu music director raj passes away