தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
தென்னிந்தியாவில் தமிழ் சினிமாவுக்கு நிகராக தெலுங்கு சினிமாவும் ரசிகர்களால் போற்றப்பட்டு வருகிறது.
தெலுங்கில் தமிழ் சினிமா ஹீரோக்களுக்கு நல்ல மார்க்கெட் உள்ளது. அதுபோல தமிழ் சினிமாவில் ஓரிரு தெலுங்கு நடிகர்களுக்கும் மார்க்கெட் உள்ளது.
எனவே ஒரு மொழியில் தயாராகும் படத்தை மற்ற மொழியில் டப்பிங் செய்து வெளியிட தயாரிப்பாளர்களும் இயக்குனர்களும் நடிகர்களும் ஆர்வம் காட்டி வருகின்றனர்.
ஏற்கனவே ரஜினி, கமல், சூர்யா,விஷால், கார்த்தி உள்ளிட்டோருக்கு தெலுங்கிலும் நல்ல வரவேற்பு உள்ளது.
இந்த நிலையில் தான் நடிகர்கள் விஜய், தனுஷ், சிவகார்த்திகேயன் உள்ளிட்டோருக்கு தெலுங்கு சினிமாவில் இருந்து அழைப்பு வந்தது.
இதனையடுத்து இவர்கள் மூவரும் தெலுங்கு இயக்குனரின் படங்களில் நடித்து வருகின்றனர்.
அனுதீப் இயக்கிய சிவகார்த்திகேயன் ‘பிரின்ஸ்’ என்ற படத்தில் நடித்திருந்தார். இந்த படம் தீபாவளிக்கு ருலீசாகிவிட்டது.
வம்சி இயக்கத்தில் ‘வாரிசு’ படத்தில் நடித்து வருகிறார் விஜய். வெங்கி அல்லூரி இயக்கத்தில் ‘வாத்தி’ என்ற படத்தில் நடித்து வருகிறார் தனுஷ்.
இந்த மூன்று படங்களும் ஒரே நேரத்தில் தமிழ் மற்றும் தெலுங்கு படங்களாக உருவாகி வருகிறது.
தீபாவளிக்கு வெளியான ‘பிரின்ஸ்’ படம் நெகட்டிவ் விமர்சனங்களை சந்தித்ததால் தோல்வியை தழுவியுள்ளது.
ஓரிரு தினங்களுக்கு முன் விஜய்யின் வாரிசு படத்தில் இடம்பெற்ற ரஞ்சிதமே என்ற பாடல் வெளியானது.
இந்த பாடலும் போதிய வரவேற்பை பெறவில்லை. இதில் விஜய் பயன்படுத்திய நடன அசைவுகள் ஏற்கனவே சிவகார்த்திகேயன் டாக்டர் படத்தில் பயன்படுத்தியது.
மேலும் இந்த பாடலும் பழைய பாடலின் மெட்டு போல உள்ளது என ரசிகர்கள் கருத்து தெரிவித்து வருகின்றனர். தமன் இசையும் போதுமான வரவேற்பை பெறவில்லை.
இதனால் விஜய் ரசிகர்களும் உற்சாகம் இழந்து காணப்படுகின்றனர்.
தெலுங்கு இயக்குனரின் படங்கள் தமிழ் நடிகர்களுக்கு ஒத்து வரவில்லையோ என்ற எண்ணமே மேலோங்கி உள்ளது.
இது தனுஷ் ரசிகர்களிடையே ஒரு கலக்கத்தை ஏற்படுத்தியுள்ளது எனலாம்.
கூடுதல் தகவல்…
தெலுங்கு நடிகர்களை வைத்து தெலுங்கு இயக்குனர்கள் இயக்கிய பாகுபலி, ஆர் ஆர் ஆர், புஷ்பா உள்ளிட்ட படங்கள் தமிழ் ரசிகர்கள் மத்தியில் பெரும் வரவேற்பை பெற்றது இங்கு கவனிக்கத்தக்கது.
Telugu director’s films are not suitable for Tamil actors.