வெற்றிமாறனின் ‘வாடிவாசல்’ படத்திலிருந்து சூர்யா விலகல்..?.; கலைப்புலி தாணு விளக்கம்

பிக்பாஸில் வெளியேறும் நபர்.; தான் உண்டு தன் வேலை உண்டு என இருந்தாரே.. அவருக்கா இந்த நிலைமை..? அடுத்த தலைவர் யார்..?

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

பிக்பாஸ் நிகழ்ச்சி 50 நாட்களைக் கடந்து விஜய் டிவியில் ஒளிபரப்பாகி வருகிறது.

இதுவரை ரேகா, வேல்முருகன், சுரேஷ் மற்றும் சுசித்ரா ஆகிய 4 பேர் வெளியேற்றப்பட்டு உள்ளனர்.

தற்போது அர்ச்சனாவுடன் 14 போட்டியாளர்கள் மீதமிருக்கின்றனர்.

இந்த வாரம் வெளியேற்றப்படுவோர் பட்டியலில் சோம், பாலா, ஆரி, ரமேஷ், அனிதா, சனம், நிஷா ஆகிய 7 பேர் நாமினேஷனுக்கு தேர்வு செய்யப்பட்டனர்.

இவர்களில் இந்த வார இறுதியில் வெளியேற்றப்படும் நபர் யாராக இருக்கும் என்ற கேள்வி ரசிகர்களிடையே எழுந்தது.

இந்த நிலையில், நாமினேஷன் கார்டு என்ற புதிய முறையை அறிமுகம் செய்தார் பிக்பாஸ்.

நாமினேஷனில் லிஸ்டில் இருப்போரில் யார் இந்தக் கார்டைப் பெறுகிறாரோ அவர் வீட்டிலிருக்கும் ஒரு போட்டியாளரை நாமினேட் செய்யலாம் என்றும் கூறப்பட்டது.

இதனால் இந்த வாரம் சம்யுக்தா அல்லது நிஷா வெளியேற்றப்பட வாய்ப்புகள் இருப்பதாக பலர் நினைத்தனர்.

ஆனால் யாரும் எதிர்பார்க்காத ஜித்தன் ரமேஷ் இந்த வாரம் குறைவான வாக்குகளைப் பெற்று வெளியேற்றப்பட உள்ளார்.

எந்த பிரச்சினையிலும் ஈடுபடாமல் தான் உண்டு தன் வேலை உண்டு என இருந்தவர் ஜித்தன் ரமேஷ்.

இந்த வார கால் சென்டர் டாஸ்க்கில் கூட ரம்யாவின் கேள்விகளுக்கு பொறுமையாக பதிலளித்தார் ரமேஷ்.

இதனால் இந்த வாரத்தின் சிறந்த போட்டியாளராகவும் ஜித்தன் ரமேஷ் தேர்வாகியுள்ளார்.

இவருடன் பாலாஜி & ரம்யா தேர்வாகியிருந்தனர் என்பது குறிப்பிடத்தக்கது.

வரும் வாரங்களில் பாலாஜி தான் பிக்பாஸ் வீட்டின் தலைவராக அதிக வாய்ப்பு இருப்பதாக தெரிகிறது.

Jithan Ramesh evicted this week in Bigg Boss Tamil 4 ?

நிவர் புயல் நிவாரணம்..: ரூ.100 கோடி கேட்டு பிரதமருக்கு முதல்வர் கடிதம்.!

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஓரிரு தினங்களுக்கு முன் நிவர் புயல் காரைக்கால், கடலூர், புதுச்சேரி உள்ளிட்ட பகுதிகளை தாக்கியது.

இதனால் புதுச்சேரியில் ஏராளமான வீடுகள், சாலைகள் கடுமையாக பாதிக்கப்பட்டுள்ளன.

நிவர் புயல் பாதிப்புகளை ஆய்வு செய்ய மத்திய குழு திங்கள்கிழமை நவம்பர் 30ஆம் தேதி தமிழகம் மற்றும் புதுச்சேரிக்கு வர உள்ளது.

இந்த நிலையில் முதல் அமைச்சர் நாராயணசாமி ரூ.100 கோடி கேட்டு பிரதமருக்கு கடிதம் எழுதியுள்ளார்.

இந்த நிவாரணம் நிவர் புயலால் பாதிக்கப்பட்டுள்ள விவசாயிகளுக்கு வழங்க வேண்டியுள்ளது என தெரிவித்துள்ளார்.

இதனிடையில் தமிழக அரசும் நிவர் புயல் தொடர்பான அறிக்கையை அண்மையில் வெளியிட்டது.

அதன்படி, நிவர் புயல் காரணமாக தமிழகத்தில் இதுவரை 3 பேர் உயிரிழந்துள்ளனர் என்றும் 3 பேர் காயமடைந்துள்ளனர் என்றும் தெரிவிக்கப்பட்டது.

முன்னெச்சரிக்கை நடவடிக்கையாக அமைக்கப்பட்ட 3,085 முகாம்களில் 2,27,317 பேர் தங்க வைக்கப்பட்டுள்ளனர்.

மேலும் முழுமையாக கணக்கெடுக்கும் பணி தொடர்கிறது எனவும் தமிழக அரசு தெரிவித்துள்ளது.

Pondicherry CM Narayana samy writes letter to PM

‘பாவ கதைகள்’… 4 பிரபல இயக்குனர்கள் கூட்டணி..; கௌதம் மேனன் & சிம்ரன் ஜோடி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நெட்ஃபிளிக்ஸ் நிறுவனம் தனது முதல் தமிழ் ஆந்தாலஜி திரைப்படமான “பாவ கதைகள்” வெளியிட்டது.

இயக்குநர்கள் வெற்றிமாறன், சுதா கொங்கரா, கௌதம் மேனன் & விக்னேஷ் சிவன் இணைந்து இப்படத்தினை இயக்கியுள்ளனர்.

வெற்றி மாறன் எழுதி இயக்கியுள்ள படத்தில் ஹரி, பிரகாஷ் ராஜ், சாய் பல்லவி நடித்துள்ளனர்.

கௌதம் வாசுதேவ் மேனன் எழுதி இயக்கி உள்ள படத்தில் கவுதம் வாசுதேவ் மேனன் , சிம்ரன் நடித்துள்ளனர்.

ஷான் கருப்பசாமி கதை எழுத சுதா கொங்கரா இயக்கியுள்ள கதையில் பவானிஶ்ரீ, காளிதாஸ் ஜெய ராம், சாந்தனு நடித்துள்ளனர்.

விக்னேஷ் சிவன் எழுதி இயக்கியுள்ள படத்தில் அஞ்சலி, கல்கி கொச்சிலின், பதம் குமார் நடித்துள்ளனர்.

இப்படத்தினை ரோனி ஸ்க்ரூவாலாவின் ஆர் எஸ்விபி மூவிஸ் (RSVP Movies) நிறுவனம் மற்றும் ஆஷி துவா சாராவின் ஃபிளையிங் யுனிகார்ன் எண்டர்டெயின் மெண்ட் (Flying Unicorn Entertainment) நிறுவனம் இணைந்து தயாரித்துள்ளார்கள்.

இந்த ஆந்தாலஜி திரைப்படம் நெட்ஃபிளிக்ஸ் தளத்தில் 2020 டிசம்பர் 18ல் வெளியாகவுள்ளது.

Simran and Gautham Menon joins for Paava Kadhaigal

BREAKING ‘மாஸ்டர்’ ஓடிடி ரிலீஸ்..? சொன்னதை செய்தார் தளபதி..; ரசிகர்களுக்கு இன்ப அதிர்ச்சி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

லோகேஷ் கனகராஜ் இயக்கத்தில் விஜய், விஜய் சேதுபதி, மாளவிகா மோகனன் உள்ளிட்டோர் நடித்துள்ள படம் ‘மாஸ்டர்’.

அனிருத் இசையில் உருவான இப்பட பாடல்கள் அனைத்தும் சூப்பர் ஹிட்டாகியுள்ளன.

இந்த படம் வெளியீட்டுக்கு தயாரான நிலையில் கொரோனா ஊரடங்கால் திட்டமிட்டபடி வெளியாகவில்லை.

எனவே ‘மாஸ்டர்’ படம் ஓடிடி தளத்தில் வெளியாகும் என தகவல்கள் வந்த நிலையில் படக்குழு மறுத்தது.

மேலும் திரையரங்கில் மட்டுமே வெளியாகும் என்பதில் உறுதியாக இருந்தனர்.

எப்போது வெளியானாலும் மாஸ்டர் படம் கொண்டாடாப்படும் என்றார் பட இயக்குனர் லோகேஷ்.

இதனால் தியேட்டரில் தளபதி தரிசனத்திற்கு ரசிகர்கள் தயாராக இருந்தனர்.

இதனிடையில் பிரபல ஓடிடி தளமான நெட்ஃபிளிக்ஸ் விலைக்கு வாங்கியதாக தகவல்கள் பரவியது.

இதை படக்குழு மறுக்கவில்லை என்பதால் நம் தளத்தில் பதிவிட்டு இருந்தோம்.

இந்த நிலையில் மாஸ்டர் படத்தை தியேட்டர்களில் தான் வெளியிடுவோம். தியேட்டர்கள் அதிபர்கள் பொறுமையுடன் காத்திருந்து ஒத்துழைக்க வேண்டும் என படக்குழு அறிக்கை வெளியிட்டுள்ளது.

பல மாதங்கள் காத்திருந்தாலும் ரசிகர்களின் கொண்டாட்டத்திற்காக படத்தை தியேட்டரில் மட்டும் வெளியிடும் விஜய்யின் முடிவால் அவரது ரசிகர்கள் உற்சாகமாகியுள்ளனர்.

Official statement from producer on Thalapathy Vijay in Master release

விமல் வரலட்சுமி நடித்த ‘கன்னிராசி’ பட ரிலீசுக்கு இடைக்கால தடை

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

விமல், வரலட்சுமி உள்ளிட்டோர் நடிப்பில் உருவான திரைப்படம் ‘கன்னிராசி’.

கிங் மூவி மேக்கர்ஸ் தயாரித்துள்ளது.

இப்படத்தின் தமிழ்நாடு, கேரளா, கர்நாடகா மற்றும் புதுச்சேரிக்கான விநியோக உரிமை ‘மீடியா டைம்ஸ்’ நிறுவனத்திற்கு வழங்கியது.

இதற்காக படத்தயாரிப்பாளர் ஷமீன் இப்ராஹிமுக்கு 17 லட்சம் ரூபாயை மீடியா டைம்ஸ் நிறுவனர் அல்டாப் ஹமீது வழங்கியுள்ளார்.

ஆனால், ஒப்பந்தத்தின்போது உறுதி அளித்ததைப் போல 2018-ம் ஆண்டுக்குள் படத்தைத் தயாரிப்பாளர் ஷமீன் இப்ராஹிம் வெளியிடவில்லை.

இந்நிலையில், ‘கன்னிராசி’ திரைப்படம் இன்று (27/11/2020) வெளியாகும் எனத் தயாரிப்பு நிறுவனம் சமீபத்தில் விளம்பரம் வெளியிட்டது.

ஆனால், படத்தை வெளியிடும் உரிமையை மீடியா டைம்ஸுக்கு அளிக்கவில்லை. வேறு நிறுவனம் மூலமாக வெளியிடுவதாக அறிவித்தது.

இதை தொடர்ந்து, தமிழ்நாடு, கேரளா, கர்நாடகா மற்றும் புதுச்சேரிக்கான விநியோக உரிமைக்காக தன்னிடம் 17 லட்சம் ரூபாய் பெற்றுக்கொண்டு வேறு நிறுவனம் மூலமாகப் படம் வெளியிடத் தடை விதிக்க வேண்டும் எனவும், தன்னிடம் பெறப்பட்ட தொகைக்கு வட்டியுடன் சேர்த்து 21 லட்சத்து 8 ஆயிரம் ரூபாய் வழங்க வேண்டும் என்று உத்தரவிடக் கோரியும் ‘மீடியா டைம்ஸ்’ நிறுவனம் சார்பில் சென்னை சிட்டி சிவில் நீதிமன்றத்தில் வழக்குத் தொடரப்பட்டது.

இந்த வழக்கை விசாரித்த நீதிபதி ‘கன்னிராசி’ திரைப்படம் வெளியாக இடைக்காலத் தடை விதித்துள்ளார்.

மேலும், இந்த மனு தொடர்பாக டிசம்பர் 7-ம் தேதிக்குள் பதிலளிக்க கிங் மூவி மேக்கர்ஸ் தயாரிப்பாளர் ஷமீன் இப்ராஹிமுக்கு உத்தரவிட்டார் நீதிபதி.

Court orders interim ban on Vimal’s Kanni Rasi