வெற்றிக்கு கரம் கொடுத்த சூர்யா – த்ரிஷா – யுவனுக்கு நன்றி.. – அமீர் அறிக்கை

‘குறி வச்சா இரை விழணும்…; ‘வேட்டையன்’ ரஜினிகாந்தின் மாஸ் டயலாக் டீசர்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

இன்று டிசம்பர் 12 நடிகர் ரஜினிகாந்த் தனது பிறந்த நாளை கொண்டாடி வருகிறார்.

இதனை முன்னிட்டு அவர் நடித்து வரும் ‘தலைவர் 170’ படத்தின் டைட்டில் மற்றும் டீசர் வெளியாகி உள்ளது. இந்த படத்திற்கு ‘வேட்டையன்’ என்று தலைப்பிட்டுள்ளனர்.

ஞானவேல் இயக்கி வரும் இந்த படத்தை லைக்கா தயாரிக்க அனிருத் இசையமைத்து வருகிறார்.

இதில் ரஜினிகாந்துடன் அமிதாப்பச்சன், ராணா டகுபதி, மஞ்சு வாரியார், ரித்திகா சிங் உள்ளிட்ட பலர் நடித்து வருகின்றனர்.

இந்த டைட்டில் டீசரில்… ரஜினிகாந்த் கண்ணாடி போடும் ஸ்டைல் வித்தியாசமாக உள்ளது.. பலவிதமாக ஸ்டைல்களை கண்ணாடி அணியும் ரஜினி இதில் தனது அடுத்த அதிரடியை காட்டி இருக்கிறார் எனலாம்.

மேலும் ஆரம்பத்தில்… நேதாஜி புத்தகத்தை படித்துக் கொண்டிருக்கிறார் ரஜினி. ஜெயிலர் படத்தைப் போல இதிலும் வேட்டையன் படத்திலும் ரஜினி போலீசாக நடிப்பதாக தெரிகிறது.

அடுத்தடுத்த ஷாட்டில் லத்தியுடன் நடந்து வருகிறார். ‘குறி வச்சா இரை விழணும்’ என ரஜினி பேசும் வசனத்துடன் டீசர் முடிகிறது.

Here is the Official Tamil Title Teaser of Thalaivar 170 💥 *filmistreet* 🔥 *#Vettaiyan* 🌟😎🎉

Thalaivar 170 – Title Teaser

Rajinikanths 170 movie titled Vettaiyan

மக்களுக்கு தேவையான மின்னூட்டம் உங்களிடம்..; விரும்பும் வரை வாழ்க.; ரஜினியை வாழ்த்திய வைரமுத்து

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

இன்று டிசம்பர் 12 நடிகர் ரஜினிகாந்த் தனது பிறந்த நாளை கொண்டாடி வருகிறார். எனவே ரசிகர்களும் அரசியல் கலைஞர்களும் அவரை வாழ்த்தி வருகின்றனர்.

மேலும் இந்தியாவில் உள்ள பிரபல திரை ஆளுமைகளும் ரஜினிக்கு தங்கள் பிறந்தநாள் வாழ்த்தை தெரிவித்து வருகின்றனர்.

இந்த நிலையில் ரஜினிக்கு பல படங்களில் பாடல்கள் எழுதிய கவிஞர் வைரமுத்து தன்னுடைய எக்ஸ் தள பக்கத்தில் ரஜினியை வாழ்த்தி ஒரு கவிதை மழை பொழிந்துள்ளார்.

அந்த பதிவில்…

தங்களுக்குத் தேவையான
ஏதோ ஒரு மின்னூட்டம்
உங்களிடம் உள்ளதாக
மக்கள் நம்புகிறார்கள்

அதை
மிக்க விலைகொடுத்துத்
தக்க வைத்துக் கொண்டிருக்கிறீர்கள்

கலை என்ற பிம்பத்தைவிட
உங்கள்
நிஜவாழ்க்கையின் நேர்மைதான்
என்னை வசீகரிக்கிறது

எதையும் மறைத்ததில்லை
என்னிடம் நீங்கள்
பலம் பலவீனம்
பணம் பணவீனம் எல்லாம் சொல்லியிருக்கிறீர்கள்
அந்த நம்பிக்கையைக்
காப்பாற்றுவேன்.

உடல் மனம் வயது கருதி
நீங்கள் எடுத்த அரசியல் முடிவு
உங்கள் அமைதிக்கும் ஆரோக்கியத்துக்கும்
வாழ்க்கையெல்லாம்
வழிவகுக்கும்

வாழ்த்துகிறேன்

விரும்பும்வரை வாழ்க!

#Rajinikanth #Rajinikanthbirthday

Lyricist Vairamuthu wishes Rajini on his birthday

‘முத்து & ஆளவந்தான்’ ரீ-ரிலீஸ்.; வசூலில் முந்தியது உலக நாயகன்.? சூப்பர் ஸ்டார்.?

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

1995 ஆம் ஆண்டு வெளியான ரஜினியின் ‘முத்து’ படமும் 2001ஆம் ஆண்டு வெளியான கமல்ஹாசனின் ‘ஆளவந்தான்’ படமும் ரீ-ரிலீஸ் செய்யப்பட்டது.

கடந்த டிசம்பர் 8ம் தேதி இந்த இரண்டு படங்களும் ரீ-ரிலீஸ் செய்யப்பட்ட போது ரசிகர்கள் உற்சாகமாக வரவேற்பு அளித்து புதிய படத்தை போல கொண்டாடி வருகின்றனர்.

‘முத்து’ படம் 4k தொழில்நுட்பத்தில் வழக்கமான காட்சிகளை கொண்டே வெளியானது. ஆனால் ‘ஆளவந்தான்’ படம் 45 நிமிடங்களில் குறைக்கப்பட்டு 4k தொழில்நுட்பத்தில் 1000 திரையரங்குகளில் வெளியாகி உள்ளது.

தற்போது 3 நாட்களை கடந்துள்ள நிலையில் வசூல் விவரங்கள் தெரிய வந்துள்ளது.

இதில் ‘முத்து’ படத்தை விட ‘ஆளவந்தான்’ படம் வசூலில் முந்தி உள்ளதாக தகவல்கள் வந்துள்ளன.

‘ஆளவந்தான்’ தமிழகத்தில் ரூ.15 லட்சம் வசூலையும் ‘முத்து’ ரூ. 10 லட்சத்திற்கு குறைவான வசூலையும் பெற்றுள்ளதாக கூறப்படுகிறது.

ஆனால் இந்த படங்கள் முதல் முறையாக வெளியானபோது ‘முத்து’ படம் மாபெரும் வெற்றி பெற்றது. ‘ஆளவந்தான்’ படம் படு தோல்வியை சந்தித்தது குறிப்பிடத்தக்கது.

ஒருவேளை ரீ-ரீலீசில் ரசிகர்களின் மனநிலை மாறி உள்ளதா என்ற கேள்வியில் இங்கு எழுந்துள்ளது கவனிக்கத்தக்கது.

Muthu and Aalavandhan rerelease Box office Collection

நியாயத்திற்காக போராடும் பெண்களுக்காக டிசம்பர் 15ல் வருகிறாள் ‘கண்ணகி’

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

அறிமுக இயக்குநர் யஷ்வந்த் கிஷோர் இயக்க ஸ்கைமூன் என்டர்டெய்ன்மென்ட், இஎஸ் என்டர்டெய்ன்மென்ட் நிறுவனங்கள் தயாரித்துள்ள படம் ‘கண்ணகி’.

இதில்.. வித்யா பிரதீப், அம்மு பிராமி, கீர்த்தி பாண்டியன், ஷாலின் ஸோயா ஆகியோர் முக்கிய வேடங்களில் நடித்துள்ளனர்.

ஷான் ரஹ்மான் இசையமைக்க ராம்ஜி ஒளிப்பதிவு செய்துள்ளார்.

இந்தப் படம் டிசம்பர் 15-ம் தேதி வெளியாக இருக்கிறது.

இந்தப் படத்தின் இயக்குனர் யஸ்வந்த் கிஷோர் பிரபல இயக்குனர் மோகன் ராஜாவிடம் உதவி இயக்குனராக பணிபுரிந்தவர். நியாயத்தை கேட்கும் பெண்களைப் பற்றிய கதை இந்த படம் என்பதால் ‘கண்ணகி’ என பெயர் வைக்கப்பட்டுள்ளது.

மேலும் திருமணத்திற்கு முன்பும் திருமணத்திற்கு பின்பும் பெண்களும் மனநிலையை பேசும் ஹைபர்லிங் படமாக உருவாகியுள்ளது.

Ammu Abirami Vidhya Keerthy starring Kannagi

சினிமா தயாரிப்பு நிறுவனம் தொடங்கிய நடிகை சமந்தா

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

தென்னிந்திய சினிமாவில் முன்னணி நடிகைகளில் ஒருவர் சமந்தா.

இவர் தமிழில் விஜய், சூர்யா, விக்ரம், விஷால், தனுஷ், சிவகார்த்திகேயன் உள்ளிட்ட பல முன்னணி நட்சத்திரங்களுடன் நடித்துள்ளார்.

மேலும் தெலுங்கு சினிமாவில் நடிகை சமந்தாவுக்கு என்று மிகப்பெரிய ரசிகர் பட்டாளமும் உள்ளது.

இந்த நிலையில் ஒரு தயாரிப்பு நிறுவனத்தை தொடங்கி அதன் மூலம் திரைப்படங்களை தயாரிக்க திட்டமிட்டு இருக்கிறார் சமந்தா.

இது குறித்து அவர் வெளியிட்டுள்ள இன்ஸ்டாகிராம் பதிவில்..

“ட்ராலாலா மூவிங் பிக்சர்ஸ் (Tralala Moving Pictures) என்ற என் தயாரிப்பு நிறுவனத்தை அறிவிப்பதில் மகிழ்ச்சி. புதிய சிந்தனைகள் அடங்கிய படைப்புகளை முன்னிலைப்படுத்துவதே நோக்கம்.

வலிமையான சிக்கலான தன்மைகள் கொண்ட கதைகளை நிறுவனம் ஊக்குவிக்கும். அர்த்தமுள்ள உலகளாவிய படைப்புகளை வெளிப்படுத்தவும் உதவியாக இருக்கும்” என தெரிவித்துள்ளார் சமந்தா.

Actress Samantha started new production house